رواية اوتار القلب الفصل الثاني والعشرون 22 بقلم ريناد أحمد
رواية اوتار القلب الفصل الثاني والعشرون 22 بقلم ريناد أحمد
رواية اوتار القلب البارت الثاني والعشرون
رواية اوتار القلب الجزء الثاني والعشرون
رواية اوتار القلب الحلقة الثانية والعشرون
فادي تذكر الورقة
اخذها مسرعا وقرأ ما بها وصُدِم
فادي : لا لا لا اكيد في حاجة غلط
– ايه التهريج ده عمري ما هنفذ اللي في الورقة ده
وخرج لوالده
فادي : بابا
حاتم : نعم
فادي : انا عايز افهم ايه اللي بيحصل ده .. اقرأ الورقة دي كده
حاتم قرأ الورقة
محتوى الورقة ” فادي وصيتي الوحيدة ليك انك ترجع لريم وتتجوزها ومتبعدش عنها تاني ابدا ارجوك نفذ الوصية دي عشان ارتاح يا حبيبي ومتزعلش من قراري ده لانه الصح وهتعرف ده بعدين ”
حاتم : لازم تنفذ يابني
فادي : لا يا بابا عمري ما هنفذ الكلام ده
حاتم : بس دي وصية رانيا الله يرحمها
فادي : ليه عَملِت كده لييييه .. هي عارفة اني مش بطيق ريم وكنت خاطبها عشان خاطرها
حاتم : ودلوقتي تخطبها تاني عشان وصيتها
فادي : يا بابا مش هينفع
حاتم : لازم
فادي : يوووه
حاتم : فكر كويس يا فادي عشان مامتك ترتاح في قبرها
فادي دخل غرفته بغضب
فادي لنفسه : ليه يا ماما عملتي كده فيا ليه بتحطيني أمام الأمر الواقع ليه بس
ونام من كثرة التفكير
____________________________
لا اله إلا الله ♥️
بعد مرور عدة أيام
حاتم : النهاردة الاربعين بتاع رانيا .. وانا سايبك كل ده تفكر .. كده هي مش مرتاحة في قبرها كل ما بنتأخر مش بترتاح اكتر حرام عليك .. اكيد هي عارفة أن اللي هي بتعمله ده صح .. ارجع لريم بقى تعبتني
فادي بحزن : يا بابا اكيد مش هروح ارجعلها وماما ميتة من 40 يوم مش منطقي خالص .. اديني وقتي
حاتم بغضب : انت تعبتني معاك يا اخي .. الله يرحمك يا رانيا
فادي نظر له بحزن : يارب
حاتم : فكر تاني يا فادي وهديك مهله لآخر الشهر ده
فادي : هفكر حاضر
حاتم : ربنا يهديك
مرت الايام وجاء اخر يوم في الشهر
حاتم : يلا يا فادي هنروح لبيت ريم انا اتفقت مع والدها
فادي : هو ايه ده
حاتم بغضب : انا اديتك مهلة لآخر الشهر ده خلاص كده كفاية مش هسمح أنك تكون السبب في أن رانيا مترتاحش في قبرها
فادي : بس ..
حاتم بمقاطعة : مفيش بس يلا اخلص قوم اجهز
فادي بغضب : بابا .. انا تعبت من موضوع ريم ده .. لو اتجوزتها هفضل اعذ.ب فيها لانها دمرتلي حياتي .. وهترجع لأهلها كل يوم معيطة كفاية بقى انا مش عايزهااا
حاتم ص.فع فادي بقوة
حاتم : انت ازااااي تكلمني كدهههه
فادي بصدمة : اا انا اسف
حاتم : اسف ايهههه اصرف منين اسفك دهههه .. وكمان ايه اللي انتتت بتقوله ده .. انت لو ضر.بت ريم ولا عملتلها حاجة تضايقها .. انا اللي هكون في ظهرها قبل ابوها
فادي : انا اسف زعقت بالغلط .. انا م م موافق على ريم واوعدك مش هعملها حاجة وهجهز اهو بس متزعلش مني
حاتم : روح اجهز
فادي : حاضر
حاتم : وإياك تجيب سيرة الوصية
فادي : حاضر
خرج حاتم من غرفة فادي
وجهز فادي
محمد : ريم .. قومي اجهزي جايلك عريس
ريم : ايه ده في ايه .. هو مين عشان يحدد ميعاد كده ع طول
محمد : هتعرفي بس قومي اجهزي
ريم بتعجب : حاضر
وجهزت ريم وجلست في انتظار العريس
حاتم وفادي وصلوا لبيت ريم
محمد : اتفضلوا اتفضلوا نورتوا
حاتم بابتسامة : بنورك يا نسيبي
محمد ابتسم : إن شاء الله
حاتم : انا اسف على سوء التفاهم اللي حصل ما بين فادي وريم .. هو غلط ولما عرف غلطه جينا عشان يتأسف وكمان إن شاء الله ريم ترضى أنهم يرجعوا تاني والدبل ترجع في مكانها الصحيح
محمد : فاهم طبعا وجهة نظرك بس فادي زعّل ريم جدا واتحجج بأي حجة عشان يسيبها وده كان واضح جدا
فادي : انا اسف يا عمي .. بس كنت الفترة اللي فاتت دي مخنوق اوي وعارف اني جيت عليها وانا اسف ليها ولحضرتك
نادية جاءت ومعها الشاي : نورتوا
حاتم : بنورك يا مدام
فادي : بنورك يا طنط
محمد : نادي ريم يا نادية
نادية أشارت بالايجابية وذهبت لغرفة ريم
نادية : يلا يا ريمو
ريم خرجت مع نادية
ريم بصدمة : انت !!
____________________________
لا حول ولا قوة إلا بالله العلي العظيم ♥️
نتاليا اتصلت بمراد من هاتف والدتها
مراد : السلام عليكم
نتاليا : وعليكم السلام
مراد : مين معايا
نتاليا : مش عارف صوتي
مراد صمت للحظة ثم قال : لا مش عارف ممكن تعرفيني
نتاليا : مع انك عارف بس انا نتاليا
مراد : كنت عارف بس مكنتش عايز اتأكد من ده .. بتتكلمي ليه
نتاليا : انا اسفه يا مراد سامحني
مراد : على ايه
نتاليا : على اللي عملته معاك
مراد : لا لا عادي مانتِ زي اللي قبلك
نتاليا : زي اللي قبلي !! انا مخونتكش يا مراد .. انا مكنتش جاهزة اني ارتبط بيك وانا قلبي مع شخص تاني .. هيبقى ظلم ليك
مراد : ظلم ! .. انا كنت بحاول اساعدك وانت اللي مكنتيش بتتقدمي خطوة حتى .. انت حرة بقى اعملي اللي انت عايزاه .. انت كنتي فترة وخلاص خلصت
نتاليا : يعني ايه
مراد : يعني مابقيتش احبك يا نتاليا .. خلصنا ؟
نتاليا : بتهزر صح
مراد : ههزر ليه .. مش المشاعر مش بأيدينا ؟ .. واديني خلاص كرهتك ومش عايز اشوفك ولا حتى اسمع صوتك لو سمحتي .. واكمل بسخرية : اصل مشاعري مش بايديا .. سلام
نتاليا : استنى يا مر….
لكن مراد اغلق المكالمة
اتصلت به مرة أخرى
مراد : انت مبتفهميش ؟ .. بتتصلي تاني ليه
نتاليا : انا عايزة اشوفك
مراد : وانا مش عايز اشوفك
نتاليا : تمام هنتقابل كمان ساعة في كافية ******
مراد : مش هاج….
نتاليا أغلقت المكالمة
مراد لنفسه : عمري ما هروح طبعا
____________________________
استغفر الله الذي لا اله الا هو الحي القيوم و اتوب اليه ♥️
ريم : انت !! انت ايه اللي جابك هنا تاني
محمد نظر لريم بغضب
ريم لاحظت نظرات الغضب من والدها
ريم بتوتر : مش كل حاجة بيننا انتهت ؟ في ايه بقى ؟
محمد : تعالي اقعدي يا ريم
جلست ريم بجانب والدها
محمد بهمس : اسكتي بلسانك الدبش ده
ريم : بس …
محمد بمقاطعة : كنا بنقول ايه يا حاتم
نادية : اومال فين مدام رانيا
حاتم : البقاء لله
نادية ومحمد وريم بصدمة : ايه !!!
حاتم بحزن : الله يرحمها ادعولها
نادية : لا حول ولا قوة إلا بالله الله يرحمها
محمد : الله يرحمها
ريم بحزن : الله يرحمها
فادي وحاتم : يارب
نادية : امتى الكلام ده
حاتم : من شهرين كده
نادية : لا حول ولا قوة إلا بالله
حاتم : هي كانت زعلانة جدا أن فادي وريم سابوا بعض وكانت بتدافع عن ريم كتير وان فادي هو اللي غلط دايما ف ملقيناش انسب من ريم الصراحة وكمان فادي عرف غلطه وطلب أنه يتقدم لريم تاني
ريم نظرت لفادي
فادي : انا اسف يا ريم
ريم : ….
محمد : ها قولتي ايه
ريم أشارت بالايجابية
ولبسوا الدبل مرة أخرى
فادي وحاتم رجعوا لبيتهم مرة أخرى
فادي وقف أمام صورة والدته : نفذت كلامك اهو .. يارب تكوني مرتاحة دلوقتي لأن معنديش حاجة اهم من انك تكوني مرتاحة .. انا بحبك جدا ورجعت لريم عشان خاطرك بس انا مش بحبها يا ماما انا قلبي لسه مع اروى معرفتش اكرهها ممكن حبي ليها قَل بس مش هعرف اكرهها .. بس عملت ده كله عشانك .. الله يرحمك يا حبيبتي
حاتم دخل غرفة فادي وعانقه
فادي ببكاء : هي وحشتني اوي
حاتم بحزن : وانا كمان يابني والله
فادي : متزعلش مني
حاتم : مش زعلان .. متزعلش انت مني اني ضربتك
فادي : مهما تعمل فيا مش هعرف اكرهك
____________________________
سبحان الله وبحمده ♥️
نتاليا وصلت الكافية وجلست في انتظار مراد
وبعد نصف ساعة
مراد دخل الكافية
نتاليا أشارت له
ذهب ناحيتها وجلس أمامها
مراد : عايزة ايه
نتاليا : في واحد كده كنت بكلمه في التليفون كان بيقول مش هاجي .. ويشاء القدر أنه قاعد امامي حاليا
مراد : اخلصي مش وقت الكلام المستفز ده عايزة ايه
نتاليا : غيرت رأيك ليه
مراد : شهد قالتلي قبل كده من فترة انك عبيطة وممكن تعملي اي حاجة ف مكنتش عايز الاقيكي نطالي في البيت ولا نطالي بكرة في الشغل ولا حاجة مهي مش ناقصة .. ها عايزة ايه اخلصي
نتاليا : انا اسفه
مراد : لو جيباني عشان الكلمة دي ف انا هقوم امشي احسن
نتاليا : كفاية بقى يا مراد تجاهل
مراد : حسيتي بالقهرة اللي كنت حاسس بيها ؟
نتاليا : اه وضعفها كمان .. كفاية كده ارجوك
مراد : ….
نتاليا : بجد مابقيتش احب زين خالص وربنا يسعده هو واروى انا مليش دعوة بيهم .. اختارتك انت في الاخر .. ارجوك سامحني .. بيتردلي اللي كان بيحصل فيك ارجوك كفاية بقى
مراد : هفكر
نتاليا : خد وقتك
مراد : تشربي ايه ؟
نتاليا ابتسمت : اي حاجة على ذوقك
____________________________
سبحان الله العظيم ♥️
باليوم التالي
زين في مقر عمله
زين : هبة ، متدخليش حد تاني الحصة كده انا سيبتلهم مهلة يييجوا وهما ماجوش .. اي حد ييجي متأخر بعد كده مش هيدخل
هبة : تمام يا مستر
وبعد وقت
هبة دقت على باب غرفة الحصة
زين : نعم
هبة : في واحدة برا عايزاك وبتقول اسمها تارا
زين بصدمة : تارا !!! .. طب استني فاضل ربع ساعة وهخلص الحصة
هبة أشارت بالايجابية
هبة : ربع ساعة وهتخلص الحصة وهيطلع لحضرتك
تارا : thanks
هبة ابتسمت
وبعد ربع ساعة
خرجت المجموعة وزين خرج لتارا
زين : خلصتي شغلك يا هبة ؟
هبة : اه يا مستر
زين : طب لو عايزة تروحي دلوقتي روحي انا كده خلصت
هبة : تمام يا مستر
وذهبت
تارا : hi
زين بضيق : عايزة ايه
تارا مسكت يده : I’m sorry
اروى بصدمة : زين !!
زين بصدمة : اروى !!
اروى ركضت ببكاء وزين خلفها وركبت تاكسي وذهبت لبيت زياد ولينا
زين : اروى ، استنييي
– أما وريتك يا تارا الكلب
وصعد الدرس مرة أخرى
زين بغضب : انت ايه اللي جابك هنا .. هتدمريلي حياتي اكتر من كدههه ايههه
تارا بعدم فهم : ؟؟
زين : امشي يا تارا
تارا : زين ، …
زين : بلا زين بلا زفت اطلعي برااا
تارا ذهبت
زين : يخربيت كده .. منك لله يا تارا
اروى ببكاء : زي ما بقولكوا
زياد بغضب : انا هتصل بيه
لينا : اهدي يا حبيبتي
زياد : اهدي انا هجيبه هنا وهفهم كل حاجة منه
اروى : مش عايزة اشوف وشه
زياد : اهدي بس
اتصل زياد ب زين
زياد : عايزك .. تعالى البيت
زين : اروى عندك ؟
زياد : اه واخلص تعالى بسرعة
زين ذهب لبيت زياد
زين دق على الباب
لينا : تعالي ندخل الاوضة واهدي كده بقى وهنفهم كل حاجة
اروى ولينا ذهبوا لغرفة لينا
زياد فتح الباب
زين دخل
زياد قفل الباب بغضب
وذهب نحو زين ومسكه من ياقة قميصة
زياد : ايه اللي انت هببته ده
زين : انت بتعيد نفس الموقف تاني ؟
زياد : ؟؟
زين : انت مسكتني بالمنظر ده في الجامعة عشان تارا .. ودلوقتي ماسكني عشان تارا بردو
زياد : تارا !!!
____________________________
لا اله الا انت سبحانك اني كنت من الظالمين ♥️
على الواتساب
ريم : عايزة اتكلم معاك
فادي : نعم
ريم : عايزة نتقابل في اي مكان عشان الكلام في التليفون مش هينفع
فادي : تمام .. تعالي كافية **** كمان ساعة
ريم : تمام
وجهزت ريم ووصلت للكافية بالفعل
فادي : نعم عايزة ايه
ريم : هسألك سؤال واحد بس
فادي : اتفضلي
ريم : ليه ؟
فادي : ليه ايه
ريم : رجعت ليه
فادي : عشان حبيتك مثلا
ريم : كداب .. في حاجة اكيد ورا الرجوع ده .. انا عايزة افهم كل ده
فادي : مفيش حاجة .. انا اكتشفت في بعدك عني اني حبيتك وكنت مفتقدك اوي
ريم : ياااه الكذب بيطلع من عينك كده
فادي بغضب : كداب كداب .. هكدب عليكي ليه اصلا
ريم : معرفش .. وهعرف مش هسكت .. بس لما أتأكد من الحب ده هبقى ارجعلك
وخلعت الدبلة
ريم : اتفضل
فادي : ايه ده
ريم : مش شايف ؟
فادي : بتعملي كده ليه
ريم : بعمل ايه .. قلعت الدبلة لحد ما اعرف انت كداب ولا صادق ولو صادق هوافق ارجع
فادي : اومال لبستيها امبارح ليه طالما كده
ريم : عشان اهلي بيحبوك
فادي : والله ؟
ريم : اه .. وشاكة أن في حاجة ورا الحوار ده كله .. وهعرف كويس اوي .. بس ده الكلام اللي عندي .. مع السلامة
فادي مسك يدها : رايحة فين
ريم : ال … ايه ده اقولك ايه انت مالك اصلا
فادي : كلامك يتعدل معايا يا ريم
ريم : هتعلمني اتكلم ازاي !!!
وذهبت وتركته
ووصلت بيتها وحكت لأهلها مل حدث
محمد : انت حرة يا حبيبتي .. اعملي اللي يريحك .. واعرفي ايه اللي ورا الرجوع لو انت مش مطمنه
نادية : لو ملقيتيش حاجة هترجعي صح ؟
ريم أشارت بالايجابية
____________________________
الله اكبر ♥️
زياد : تارا !!! .. تقصد ايه
زين : تارا يابني
زياد : تارا .. تارا ؟
زين : أيوة هي
زياد : ايه اللي حصل
زين حكى له ما حدث
زياد : يا بنت ال *** .. هي جاتلي بردو وقدام مريم
زين : ايه ده امتى
زياد : من فترة كده
زين : مقولتش يعني
زياد : مكنتش حابب اجيب سيرتها امامك
زين : طب هنعمل ايه مع الهانم دي كمان
زياد : اروى ؟ .. سيبها عليا دي
زين : مش بييجي من وراك غير المصايب
زياد : سمعتي سبقاني
زين : حصل
زياد : هروح لاروى وهفهمها
زين : تمام
زياد دق على باب الغرفة
لينا : اتفضل
زياد دخل : اروى ، انت فاهمة كل حاجة غلط
اروى بغضب : هو ايهههه هو اي هبل يتقالك تصدقه فاهمة غلط قال .. انا شُفتهم بعيني
زياد : اهدي وهفهمك كل حاجة
اروى : مش عايزة افهم حاجة كفاية اللي شُفته
زياد بغضب : اسمعينييي
اروى بفزع : …
زياد : زين مظلوم
اروى : ه …
زياد وضع يده على فمها : حنفية واتفتحت مش هتسكت .. افضلي كتمالها بوقها يا لينا
لينا بضحك : حاضر
وكتمت فمها بالفعل
زياد حكى لها كل ما حدث بالتفصيل
اروى بعدت يد لينا : ابعدي يا لينا بقى نفسييي
لينا : حاضر ياختي بس اهدي
اروى : مش مصدقة يا زياد انك ممكن تصدق فيلم بالقرف ده .. ازاي صدقته .. كداب .. بعد ما حكيت كل حاجة فهو كداب بردو
زين : اسف اني دخلت من غير إذن .. بس سيبونا لوحدنا شوية
اروى مسكت يد لينا وأشارت لها بالسلبية
لينا بهمس : اسمعيه .. عشان خاطري
اروى : يوووه
زياد ولينا خرجوا من الغرفة
زين : ممكن تسمعيني ؟
اروى : مش عايزه
زين : ده غصب عنك يا حبيبتي
اروى : وانا مش عايزة اسمعك
زين : هتسمعي
اروى : قول مع أن مش هصدقك بردو بس قول
زين حكى لها
زين : من الاخر .. والله انا مظلوم وهي متعودة لما تتكلم مع حد مثلا تمسك أيده .. انت دخلتي وهي كانت لسه بتمسك ايدي .. انا كنت هصدها وهخليها تسيب ايدي اصلا بس انت مش بتديني فرصة اشرحلك
اروى : احلف كده انك مش بتكدب
زين : والله صادق في كل كلمة قُلتها
اروى : ….
زين : ها
اروى : تمام
زين : تمام ايه
اروى : يلا نرجع البيت
زين : اخيرا
اروى : يلا
زياد : اقنعتها ؟
اروى : طبعا يابني .. دانا زين سالم
زياد بضحك : ومش اي زين سالم
زين : طبعا طبعا
لينا : اهدي عليه شويه .. دانت نكدية
زين : عندك حق
اروى ضغطت على يده بغضب
زين : معندكيش حق يا لينا .. غلطانة في كل كلمة قولتيها
لينا بضحك : لا مسيطرة
زين : اه اه حبيبتي مسيطرة كده وشوية وهتمشيني مسطرة .. يلا مع السلامه
زياد ولينا بضحك : سلام
اروى ركبت السيارة
اروى : يعني انا نكدية ؟ .. تمام يا زين إما وريتك ميبقاش اسمي اروى
زين عانقها : استهدي بالله بس كده
واقترب من أذنيها : الله اكبر .. الله اكبر .. الله اكبر
اروى : لا حول ولا قوة إلا بالله .. بتعمل ايه يا حبيبي
زين : حبيبي !! .. اتبدلتي في ثواني بجد مش معقول
اروى : اتحرك يا زين اتحرك ربنا يهديك
زين : أنتِ اللي خليتيني اتجنن
اروى : مش للدرجادي بردو يا زين .. انا بنكد عليك اه بس مش لدرجة اجننك
زين : اعترفتي انك بتنكدي عليا اخيرا
اروى : ما تتحرك بقى زهقتني
زين تحرك بالسيارة ووصلوا البيت
____________________________
سبحان الله ♥️
على الهاتف
مازن : تيجي ننزل بكرة شوية بعد جامعتك
لينا : هشوف زياد واقولك
مازن : تمام
لينا ذهبت لغرفة زياد وسألته
زياد : ماشي يا حبيبتي
لينا بابتسامة : شكرا
زياد : متتأخريش هه
لينا : هو هيجيلي بكرة بعد الجامعة وهيبقى بدري ومش هتأخر حاضر
لينا : زياد وافق
مازن : تمام يا حبيبتي .. بكرة بعد الجامعة هجيلك
لينا : تمام
باليوم التالي
لينا : مازن جاي النهاردة وهنخرج بعد الجامعة
سارة : مازن .. مازن ؟
لينا : ايوة في ايه
سارة : لا فرحانة أنه غيّر من نفسه وبقى بينزل وعايز يخرجك .. ده تقدم حلو اوي
لينا : ليه هو بيتوتي ؟
سارة : لا هو كل فترة حرفيا بيدخل في حالة اكتئاب كل ما بيفتكر عائلته
لينا : الله يرحمهم
سارة : يارب ، حاولي انت كل فترة تقترحي تخرجوا بالعافية عشان طول ما هو قاعد لوحده بيفتكر عائلته وهيدخل في حالة اكتئاب
لينا : حاضر
سارة : يلا عشان المحاضرة
لينا : يلا
وبعد انتهاء المحاضرات
مازن : انا برا يا لينا
لينا : حاضر طالعة اهو
– يلا يا سارة مازن برا
سارة : ماشي اطلعي
لينا : وانت ؟
سارة : هاجي اعمل ايه انتوا هتخرجوا انا مالي
لينا : تعالي نوصلك حتى
سارة : لا لا روحي انت .. انا لسه هروح اشتري شوية حاجات
لينا : تمام يا حبيبتي باي
لينا خرجت من الجامعة
مازن : اومال فين سارة
لينا : مش راضية تيجي وبتقول أنها محتاجة تشتري شوية حاجات وبعدها هتروّح
مازن : تمام يلا بينا
وذهبوا لمطعم وبعدها ذهبوا للمول وتسوقوا وبعدها مازن اوصل لينا لبيتها
لينا : شكرا على اليوم الجميل ده
مازن : انا اللي لازم اشكرك
لينا : باي
مازن : باي
____________________________
اللهم صل وسلم وبارك على سيدنا محمد ♥️
بعد عدة أيام
في كافية
نتاليا : فكرت ؟
مراد : اه
نتاليا : وايه ردك ؟
مراد : مش هقدر اكمل مع واحدة مش بتحبني …
نتاليا بمقاطعة : بس انا بحبك
مراد : ….
يتبع ….
- لقراءة الفصل التالي : اضغط هنا
- لقراءة باقي حلقات الرواية اضغط على (رواية اوتار القلب)