رواية عبط ميكس الفصل الثالث 3 بقلم نرمينا راضي

رواية عبط ميكس الفصل الثالث 3 بقلم نرمينا راضي

رواية عبط ميكس البارت الثالث

رواية عبط ميكس الجزء الثالث

رواية عبط ميكس الحلقة الثالثة

— بتجري عشان تبقى صدقة جارية !
ومالو أنا استاهل.. أنا اللي جبته لنفسي
–تحب اناديلك ايه بقى.. يزن ولا زعلوك ؟
–متنادنيش خالص بصي.. أنتِ من طريق وأنا من طريق
–والحفلة التنكرية ؟
–مفيش حفلات.. أنا بسحب كلامي
–تمام.. امتى بقى ؟
–هي ايه ؟
–الحفلة.. عشان اجهز نفسي
–أنا عارف.. مش هعرف اخلص منك.. رقمك معايا بكره هبعتلك اللوكيشن اللي هنتقابل فيه.. ودلوقت انجري يلا على بيتك
— زعلوك.. استنى.. احنا نسينا أليكس
–يادي النيلة عليا وعلى اللي جابوني.. أنا اللي جبته لنفسي
___________
–حـــــــــــــا
–حا ايه بس… حرام عليكِ يا شيخة هو احنا ساحبين بـقر !!
–البقر مبيتقلوش حا.. البقرة بيتقالها تررر
— تررر !!!
–ها يا زعلوكي قولي بقى بيتك فين
–لأ لحد هنا وكفايا.. أنا هكمل لوحدي
–لا والله ما ينفع أنت عملت معايا جميل عمري مهردهولك
–يا ستي شكرًا كفايا.. نزليني هنا معلش
–أنت الخسران… هستناك تكلمني بُكره
–صحيح مقولتيش اسمك ايه ؟
–زريبه
–الحقيقي
–فشحوت الدبور
–فشحوت !! يارتني ما سألت
____________________

 

 

 

 

— زعلــــوك.. زعلولو.. زعازيــــعوا.. أنا هنا اهو
–ايه اللي أنتِ متزفته لبساه ده ؟؟
–ايه رأيك.. حلو ؟
–حلو ايه وزفت ايه.. اقولك حفلة تنكرية تقومي تلبسي الهدوم بالمتشقلب.. أنتِ متخلفة ؟؟
–منا متنكرة في واحد مستعجل
–مستعجل !!
–اه.. كان وراه مشوار فاستعجل ولبس الهدوم بالشقلوب
–أنا لو جاتلي جلطة هتبقي أنتِ السبب
–لوحدها
–هي مين ؟
–الجلطة
–مش فاهم !
–الجلطة هتجيلك لوحدها..ملهاش أهل ؟
–بت وربنا لو مقفلتي بوقك ده لاكلك كف انسيكِ اسمك
–مفيش داعي تاكلني كف عشان تنسيني اسمي.. أنا من يوم ما شفتك وأنا نسيته أصلًا
–أصلًا !
–أصلًا
–تمام.. متكلميش تاني بقى
–حاضر يا زعلوك
–بقولك ايه بلاش زعلوك دي خالص.. اسمي يزن باشا
–حلوه اوي البدلة عليك يا زعلوك باشا..
–قولنا اسمي زفت يزن
–كدبت ليه من الأول
–كدبت في ايه ؟
–اسمك
–ماله ؟

 

 

 

 

–مش قولت اسمك يزن !
–ايوه
–يطلع مين زفت ده بقى ؟
–تبقى الساعة اللي شوفتك فيها.. احنا نخلص الليلة دي و مشوفش وشك تاني
–أنت ليه متنكرتش ؟
–لا أنا متنكر.. بس مش في اللبس… اسمعي اللي هقولك عليه ده وتتفذيه بالحرف
–حاضر
–هندخـ….
–استنى
–ايه ؟
–مش المفروض ترُد تقولي حضرلك الخير يا حبيبتي
–اه واخدك بالحضن بقى
–ايوه
–جاكِ اوه.. احنا بنمثل فيلم هنا..! اعملي اللي بقولك عليه وأنتِ ساكته
–حاضر
–احنا هنتعامل في الحفلة اكننا مرتبطين
–هو احنا مش مرتبطين ؟
–شيلي اول اربع حروف بس من كلمة مرتبطين واللي هيطلعلك تبقى دي الساعة اللي شفتك فيها
–أول مرة حد يحبني للدرجادي
–اسمعي يا زفته.. صحيح أنا لحد دلوقت معرفتش اسمك الحقيقي
–نرمينا
–يعني لا حصلتِ نرمين ولا مينا
–ده تنمر علفكرة
–زريبه أحسن
–تنستر

 

 

 

 

–شايفه الراجل اللي هناك ده ؟
–مش شايفه رجاله غيرك
–بقولك ايه مش وقت مُحن بدل ما اكلك كف بضهر ايدي
–حاضر
–ده الهدف بقى.. عاوزك تلاهي الست اللي معاه على ما اشوف شغلي
–بس كده ! سيبلي أنا الطلعة دي.. اتفرج عليا
–ربنا يستر
_____________
–حلوه مناخيرك
–ميرسي
–عارفه.. أنتِ ممكن تستغليها كويس
–تقصدي ايه ؟
–لو خدتي نفس عميق هتسحبي داعش من ليبيا
–نعم !!!
_________
–براحه.. بتشدني من دراعي كده ليه ؟
–أنتِ ايه اللي هببتيه ده.. اقولك لاهيها تقومي تتنمري عليها.. أنتِ عبيطة ؟؟
–طب اديني فرصة تانية
–أنتِ تاخدي بعضك كده وتطلعي تسنيني برا
–والله لو مدتنيش فرصة تانيه لارقع بالصوت واقول انك حرامي
–بقى كده
–هو كده
–استغفر الله العظيم يارب
–لا حرامي تقي.. اللهم قوي ايمانك
–شايفه الراجل اللي لابس زي باتمان ده ؟
–فاكر نفسه مات مان
–بات مان

 

 

 

–لأ مات مان
–مات مان ازاي ؟
–الرجل الميت
–هي مرارة واحدة.. لو انفجرت مش هسامحك.. والله مهسامحك
–خلاص بقى أنت هتعيط.. الراجل ده الهدف التاني صح.. سيبهولي
___________
–هاي
–هاي
–الرجوله نعمه من عند ربنا يعني لو ربنا ماأنعمش عليِك بيها متحاولش تخالف مشيئته
–افندم !!!!!
“في اللحظة دي يزن لو طال يرقع بالصوت ويلطم على وشه زي الولاية والله ما كان اتأخر ثانية”
–هي متقصدش حاجة يا باشا.. عيله وغلطت
______________
–أعمل فيكِ إيه؟؟.. اقنعيني مموتكيش دلوقت
–بجد إيه اللي مصبرك عليا.. ده انا مفيش حد بيعمر معايا دقيقة على بعضها
–مش عارف.. والله معارف.. بس بجد أنا بقيت على أخري
–بتعمل ايه على أخرك ؟
–ارحمينــــي
–وأنا مين يرحمني من لون عيونك.. دي لانسيز دي.. بلاستيك !
–شايفه البوفيه اللي هناك ده
–اه
–تروحي تقعدي عنده لحد ما اخلص
–حاضر
_________________

 

 

 

 

–بس.. بسبس… ياا..
–أؤمريني يا فندم
–عندكو أكل ايه حلو ؟
–في بيوكي ونوستيكا ونسيواز
— عندكو أكل ايه حلو ؟
–ما قولت لحضرتك يا فندم
–اديني واحدة نسوان
–واحدة نسوان ازاي !!
— مش أنت لسه قايل فيه بينوكيو ومش عارفه ايه كده ونسوان ؟
–نسواز يا فندم
–عندكو طعميه ؟
–مفيش أكلات شعبيه هنا يا فندم
–ليه.. طب ده أنت لو فتحت عربية فول وفلافل هنا هتلاقي الزباين عليك بالهبل.. بس انتو اللي بترفصوا النعمة
–تؤمريني بحاجة تانيه ؟
–طب فيه محشي ؟
–محشي ازاي يا فندم ؟
–أنت هتستعبط بقى.. عاملي نفسك أجنبي وأنت تلاقيك بتعلق الفاس على الشماعة
__________

 

 

 

 

–زريبه.. قصدي نرمينا يلا نمشي حالًا
–ايه ده.. خلصت سرقة بدري يعني
–وطي صوتك ياللي تنشكي
–المهمة منجحتش
–أنت مسمي السرقة من الناس وتقليبهم مهمة ؟
–أنتِ مش فاهمه حاجه.. أنا مش حرامي
–لص ؟
–أنا شغال مع الشُرطة
–اوبـا شغل الروايات هيطلع اهو
–قصدك ايه؟
–كمل كمل.. ده احنا ليلتنا فل
–……
–بتبصلي كده ليه ؟
–مش قادر افهمك رغم إني قرأت عن جميع الحيوانات
…….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عبط ميكس)