Uncategorized
رواية حياتي الفصل السادس 6 بقلم توته
رواية حياتي الفصل السادس 6 بقلم توته
 |
| رواية حياتي الفصل السادس 6 بقلم توته |
رواية حياتي الفصل السادس 6 بقلم توته
ذهبت حياة وبراء خارج الشركه وفي طريقهم للخروج من الشركه قابلهم شخص نعرفه جيدا أيضا
رغدان : ايه ده .. حياة بتعملي ايه هنا
حياة : هو انت كمان مدير هنا
رغدان : لا أنا بص جاي لإيلان عشان أوصله حاجه
حياة : يعني الشركه دي بتاعت اخوك لوحده
رغدان : اه … انتي بقا بتعملي ايه هنا
حياة : بعمل بحث للكليه بتاعتي
رغدان : اه … طيب انتي راحه فين دلوقتي
حياة : هروح
رغدان : طب بصي استنيني 10 دقايق أنا كمان هروح … بس هطلع اوصل لإيلان حاجه
حياة : ماشي …. مستنياك
براء : مين ده كمان
حياة : اخوه
براء : هما كلهم رياضيين كده وعينيهم حلوه
حياة : هما كده رياضيين
براء : انتي شايفه غير كده
حياة : خلاص بقا .. مس عايزه اتكلم كتير .. غيري الموضوع
براء : لاء أنا همشي أحسن … هتلاقي اخويا مستنيني
حياة : ماشي … هكلمك بالليل
براء : ماشي .. باي
حياة : باي
انتظرت حياة رغدان حتي أتى رغدان
رغدان : أتأخرت عليكي
حياة : لاء خالص
رغدان : طب يلا !
حياة : يلا !
ركبت حياة سياره رغدان
رغدان : البحث بتاعك ده انهارده بس
حياة : لا .. كل يوم من دلوقتي … بس لحد فتره معينه
رغدان : طب كويس … هتبقي تيجي مع إيلان
حياة : لاء .. أنا اصلا بمشي مع صحبتي ف عادي
رغدان : عارف ان إيلان صعب في معاملته بس اللي مر بيه مش قليل
حياة : ليه .. هو مر بإيه
رغدان : بصي مش هقدر اقولك حاجه لان ده سر بينا احنا التلاته أنا وإيلان وأيوان بس حتى ماما وبابا ميعرفوش
حياة : اه تمام
رغدان : أنا بس كنت عايز اقولك متزعليش منه لو عمل حاجه ضايقتك بس هو مش كده خالص هو اتغير وتغير كبير كمان
حياة : لا عادي … اكيد مش هتضايق يعني
رغدان : كويس … وصلنا
نزلت حياة ورغدان من السياره ثم دخلوا إلى الفيلا وأثناء دخولهم سمعوا أصوات
ذهبت حياة ورغدان ناحية الصوت فوجدوا ليان سعيده للغايه وتحتفل مع حالها
رغدان : انتي اتجننتي ولا ايه
ليان : لاء أنا فرحانه اوي اوي اوي
رغدان : ليه ده كله
ليان : خلود
رغدان : مالها
ليان : اخيرا هتتجوز يوم الخميس
رغدان : بتهزري
ليان : والله … اخيرا وافقت على حد
ليان : تخيل … لاء وايه بقا gentle man في نفسه كده حكتلي عنه تخيل قالتلي ايه
رغدان : ايه
ليان : هيعملها الفرح في اكبر قاعه في مصر وهيجيب تامر حسني يغني في الفرح
حياة : والله
ليان : ومش بس كده
رغدان : ايه تاني
ليان : هيقضوا شهر العسل في جزر المالديف وهيعيشوا في مدينتي
رغدان : كل ده
ليان : سمي بس
رغدان : بسم الله مشاء الله
حياة : مين خلود دي
ليان : بصي يا ستي … دي اقرب انسانه ليا … بنت عمي بس بالنسبالي اختي وصديقتي وحبيبتي وكل حاجه في الدنيا
حياة : اه ال best friend يعني
ليان : اه
رغدان : وعريسها اسمه ايه بقا
ليان : تيم
رغدان : اممم …. طب اسيبك أنا بقا في هبلك ده وانصرف أنا … أما مش ناقص هبلك
ليان : ولا .. فين اخوك
رغدان : في الكليه بتاعته
ليان : وانت مروحتش ليه
رغدان : مش عايز اروح انهارده
ليان : وانا كمان مكنتش عايزه اروح ولو اني مع اخوك في نفس الكليه بس هو سبق ومسالنيش حتي هتروحي ولا لاء فكسلت
حياة : ثانيه بس … انت عرفت منين أنها بتسأل على ايوان
رغدان : ليان عمرها ما سألت غير على ايوان
حياة : اشمعنا بقا
رغدان : اهي عندك اسأليها … انا ماشي
حياة : اشمعنا ايوان
ليان : عشان هو بارد
حياة : والله
ليان : اه والله ده امه وهيا حامل فيه كانت بتتوحم على كمية تلج عشان تجيب البرود ده كله
حياة : هو عملك حاجه
ليان : حلوف ولا هنا
حياة : شكلك واقعه ولا ايه
ليان : تخيلي … ووقعت مع من لا يرحم
حياة : طب واللي يجبلك الحل
ليان : اديله عنيا
حياة : هعمل ايه بعنيكي
ليان : هديله عمري يستي
حياة : متقوليش حاجه معنويه … قولي حاجه ماديه كده
ليان : هديكي اللي عاوزاه
حياة : اتفقنا
ليان : ايه بقا
حياة : بصي يا ستي اكتر حاجه بتحرق الراجل هيا التجاهل والغيره ..
ليان : يعني
حياة : اه … وبعدين انتي عندك فرح كمان 5 أيام اهو … يعني فرصتك وجاتلك لحد عندك
ليان : فكره والله … بس ده اتعامل معاه ازاي لما ييجي
حياة : هو انتي بتروحي معاه الكليه
ليان : دايما
حياة : خلاص .. اعتمدي على نفسك علطول … واحنا قاعدين اتكلمي على شخص واوصفيه بإعجاب اخرجي من البيت كتير وارجعي مبسوطه … اوعي توجهيله كلام تاني … حسسيه أنه مش في حياتك
ليان : اممم … خلاص هبدأ من انهارده
حياة : اشطاا … يلا نخرج دلوقتي ولما نرجع نقول الخروجه كانت ممتعه وانك قابلتي شخص وحبيتيه
ليان : يلا بينا
ذهبت ليان وحياة إلي الخارج واستمتعوا بوقت جميل لم يحدث شئ آخر طوال النهار ثم عادوا إلي البيت مجددا
حياة وليان : مساء النور
الكل : مساء النور
طنط چيلان : انتو كنتو فين
ليان : خرجنا خروجه قمر
حياة : ايوه وكان معانا واحد لطيف خالص
ليان : وجسمه زي بتاع الروايات
حياة : وعينيه لونها ازرق
ليان : وشعره طويل
حياة : و
رغدان : ايه فيه ايه .. كفايه أوصاف
ليان : اسكت يا رغدان ده حاجه قمر كده
ايوان : وانتي من امتى لما بتخرجي بتتأخري
ليان : أنا مش قادره أنساه خالص
ايوان : أنا بكلمك علفكره
ليان : اه .. مخدتش بالي … كنت بتقول حاجه
ايوان بعصبيه : كنت بقول اتأخرتي قصدي اتاخرتوا ليه
ليان : كنا مع مالك وقضينا اليوم كله مع بعض
ايوان : نعممممم … ومين مالك ده بقا انشاء الله
ليان : ده ال boy friend
ايوان : مين يختي
ليان : ال boy friend
ايوان : ومن امتى وانتي تعرفي ولاد ولا بتخرجي معاهم
طنط چيلان : في ايه يا ايوان .. مالك
ليان : مش عارفه والله يخالتوا ماله … يلا أنا هطلع أكلمه واعرفه اني وصلت
ايوان : فين تلفونك
ليان : يلا تصبحوا على خير
طنط چيلان وحياة : وانتي من أهله
ايوان : هو أنا مش بتكلم
ليان : ايه دهانت بتكلمني أنا
ايوان : لا بكلم خيالك
ليان : علفكره في أسلوب احسن من كده في الكلام
ايوان : معنديش غير الإسلوب ده … وان كان عاجبك
ليان : لاء مش عاجبني علفكره …. أنا طالعه اوضتي
حياة : أنا كمان طالعه اوضتي … عن اذنكوا
ذهبت ليان إلي غرفتها وكذلك حياة
إيلان : والله مسخره
طنط چيلان : وايه بقا المسخره دي يا أستاذ إيلان
إيلان : لما بنتين يرجعوا في الوقت ده يبقى مسخره
طنط چيلان : أنا هطلع انام احسن
رغدان : شوفت التغيير المفاجئ
إيلان : دي عيال بتحور
رغدان : وانت عرفت منين بقا
إيلان : واضح اوي
ايوان : تقصد ايه
إيلان : متحطش في دماغك
………………………
بعد مرور 4 ساعات تقريبا
كانت حياة في المطبخ تبحث عن ماء فوجدت ما تتصادم به وكان