رواية هتلر الداخلية الفصل الثاني والعشرون 22 بقلم جنى غنيم

♧ حقيقة ! أي حقيقة تتحدث عنها ، أنتَ تحاول أقناعي الأن أن حياتي كانت أكبر كذبة ! ♧

#بقلمي 

ليان جريت عليها و حضنتها جامد سحبت چنی نفسها و قالت ببرود : أسمي چنی‌.. چنی عبد الحميد الرشيدي 

ليان بإستغراب من ردة فعلها و قالت بمرح : ماشي يا ست چنی‌ ..اخيرا يا أختي اخيرا شوفتك

چنی بسخرية : هي اختي العزيزة فاضية …الشغل المافيا برضو واخد وقتك 

ليان بحزن : أنتِ عرفتي ؟

چنی بملل : ده اللي هامك … مفيش كلام بينا ، عند اذنك عشان متأخرش على طيارتي

مسكت ليان من ايدها و قالت بعصبية و دموعها بدأت تتجمع عند عينها : چنی انا اختك عارفة يعني اختك سيبك من حياتي و حياتك و خلينا نفكر في حياتنا كأخوات و نعوض عن العمر اللي راح منا

سحبت چنی ايدها بعنف و قالت بعصبية : المشكلة انك اختي و انا اختك ، طريقي غير طريقك مينفعش نتقابل عشان النتيجة هتكون موت واحدة فينا 

مشت چنی بسرعة قبل ما دموعها تنزل 

قاسم قرب من ليان و حضنها و ليان حضنته جامد و كانت بتعيط بحرقة و قاسم بيطبطب على ضهرها و قال بحنان : اهدي يا حبيبتي..كله هيبقى تمام 

ليان بعياط : ليه بتعاملني كده ليه ليه !

الموظف بتاع الكافيه نادى عليهم : اخت حضرتك نسيت القهوة ، راح قاسم استلم قهوة و قال : خدي القهوة و الحقيها 

بصتله ليان ف قال بعصبية : أنتِ لسه هتبصيلي …يلا 

اخدت ليان القهوة و طلعت تجري و عمالة تدور عليها لغاية ما لمحت خيالها قالت بعلو صوتها : چنی !

لفت چنی و دموعها على خدها ، جريت ليان عليها و حضنتها بكل قوتها اترعشت چنی و اترددت تبادل حضنها و لكن غريزة الأخوة كانت اقوى بادلتها الحضن ، حسيت ليان بدموع چنی ف قالت چنی بألم : آه !

قاسم واقف من بعيد و بيصورهم كذكرى حلوة ليهم

في اوضة سلوى ( والدة مراد ) 

سلوى بتتكلم في التليفون : زي ما بقولك طلعت عايشة كل دي كانت إشاعات 

دخل مراد فجأة و علامات العصبية باينة عليه و قال بشك : مين دي اللي طلعت عايشة يا ماما

اتخضت سلوى و وقع التليفون و قالت بتوتر :ها لا دي بطلة المسلسل التركي يا حبيبي

مراد قفل الباب و قعد على على طرف السرير جمبها و قال بخبث : و مالك متوترة كده ليه ؟

سلوى بتتعدل في قعدتها و قالت : عادي على فكرة 

مراد بغضب مكتوم : ماما لو أنتِ فاكراني عيل بريالة انا ظابط عارفة يعني ايه ظاااابط … انا بقالي عشر سنين بتعامل مع صهاينة و قال بزعيق : مخبية عني ايه يا ماما

سلوى بدأت تدمع و قالت بتوتر : هقولك 

لف ليها و قال بجدية : اتفضلي 

سلوى مسحت دموعها و قالت : سامر و سمير و سالم دول تلاتة اخوات من عيلة الحلواني ، سامر هو البكري و عنده مجدي ولي العهد و سمير هو الأخ الوسط بس متجوزش و سالم هو الأخ الصغير و عنده بنتين توأم ريان اللي هي چنی و ليان ، دايما ابوهم بيفضل سالم عن الكل لأنه اطيب اخواته و كمان لما شرفوا ليان و ريان مش عارفة اقولك سعادة ابوهم ، سمير مكنش عنده مشكلة لأن قلبه ابيض… المشكلة الأكبر كانت في سامر و مراته الحقد كان مالي قلبهم … بعد وفاة ابوهم و في توزيعة الورث اكتشفوا الكارثة ان سالم واخد النصيب الأكبر و كمان ابوهم شرط عليه چنی بس تاخد نص الميراث لما تتم السن القانوني 

مراد بقلق : اشمعنا چنی

سلوى بقلة حيلة : لغاية دلوقتي منعرفش …وقتها قعدوا يدوروا على اي ورق يثبت هو ليه عمل كده … بس مرات سامر العقربة قررت تعمل سحر اسود للأختين و بكده تضرب عصفورين بحجر

مراد بصدمة و برق : يا ولاد الحرام .. ليه يعملوا كده

سلوى بحزن : ناس طماعة 

مراد : السحر ده اتفك و لا لاء 

سلوى : كنا بنحسب يعني انا واحدة منهم ماتت و بالتالي مفعول السحر وقف .. سالم وقتها قرر يبعد البنتين عن شر سامر و مراته العقربة عشان كده وداهم دار الأيتام لما قولنا له ان ده قرار مش صح ، بعت ناس عشان يجيبوا البنات و لكن للأسف ليان بترجع و چنی بتختفي افتكرنا انها ممكن تكون ماتت 

قاطعها مراد : أنتم مين ؟ 

سلوي قالت : أنا و سمير

كمل مراد برعب : يعني يعني ايه يعني چنی في خطر ..انا مستحيل اخلي چنی يحصلها حاجة يا ماما 

سلوي بحزن على ابنها : بتحبها يا مراد ؟ 

مراد بعدم تركيز و دمعه نازلة على خده: انا اكتشفت دلوقتي اني عديت مرحلة الحب دي من زمان انا بعشقها .. كل ده حصل امتى و فين مش عارف ، رغم اسلوبها العنيف بس انا حبيتها كده ..انا راضي بيها كده ♡ مسح دموعه بضهر ايده و قال : كنت اسمع ان العمل ده لازم يتحط في حاجة تكون صاحبته بتحبيها 

سلوى : اه فهمت قصدك ، تقريبا العمل محطوط جوا مراية 

مراد بإستغراب : مراية اشمعنا ؟

سلوى : عشان چنی اللي هي ريان كانت بتحب المرايات اوي. دايما بتفكرها بأختها اصلهم نسخة من بعض لو وقفوا جانب بعض مش هتفرق ما بينهم 

مراد بتساؤل : عشان كده هي مش بتحب تتصور طب و أنتِ علاقتك ايه بكل الهم ده ؟ 

سلوى : انا كنت جارتهم و كمان سمير زميلي في الدراسة و صاحب ابوك الله يرحمه ده سمير هو السبب في جوازي من ابوك

مرتد بإستغراب : طب و انتم ليه مفكتوش السحر ده 

سلوي بتنهيدة : عشان في اكتر من عشر مرايات في البيت ..اصله ده بيت عيلة 

مراد بعصبية : طب ما كنتوا تكسروا كل المرايات و خلاص 

سلوى بعلو صوتها : و مرات سامر هتخلينا نعمل كده اصلا ؟ كنا هنقول لهم ايه مفيش اي حجة مقنعة 

مراد بقرف : طب و الست دي ماتت و لا لسة عشان لو لسة اروح اخد روحها

سلوى : لا غارت في ستين داهية ماتت من خمس سنين

في كافيه المطار 

چنی بتشرب القهوة و قالت : يعني انا و أنتِ اتبهدلنا جامد قوي .. قالوا للحزينة تفرح طلع ملهاش مطرح 

ليان بضحكة ألم : مكتوب علينا الشقاء يا أختي !

قاسم : انا سعيد جدا ان اخيرا الاختين اتجمعوا بعد فراق 

چنی بنظرة ليها معنى : مش جايز لما نتجمع نبقى سبب لخراب بعض ..أنا كارثة لكل اللي بيحبوني 

ليان : ليه بتقولي كده 

و فجأة يدخل مجدي و محمود الكافية ليان كان ضهرها ليهم ف قالت چنی بخوف : البسي الماسك بسرعة 

قاسم قاعد جانب ليان ف لف يشوف في ايه ، ليان بتلبس الماسك و قالت : في ايه ؟

چنی بغل : مجدي و محمود نفسي اعرف جابوا صحة دي منين 

قاسم بأنبهار : بصراحة انتِ جامدة انتِ ب ميت راجل

ليان بصتله و قالت : و اللهِ *بصوت مي عز الدين *

چنی بملل : مش وقته خالص على فكرة الخناق ده… انتِ بتقولي ان مفيش حد يعرف شكلك غيري انا و قاسم 

ليان بتركيز : اه 

چنی : و محدش لازم يعرف اننا توأم او حتى اننا اتقابلنا ..مجدي و محمود مش لازم يعرفوا حتي اننا اخوات

ليان بعدم فهم : انتِ عايزة توصلي لأيه ؟ 

و لسة چنی هتتكلم سمعوا صوت المطار بيقول ان طيارتهم قربت تطلع قام قاسم بفزع و مسك ايد ليان و قال : يلا بسرعة 

مدت ليان ايدها لچنی ، بصتلها چنی ف أبتسمت ليان و سحبت ايدها و طلعوا يجروا و ليان بتضحك 

في الطيارة

ليان اكتشفت ان الكرسي بتاع قاسم جانب كرسي چنی ف بدلوا مع بعض و قاسم كان مدايق عشان عايز يقعد جانب ليان ، قعدت چنی جانب الشباك ‌و لیان جانبها اتفاجئوا مجدي و محمود قاعدين وراهم و مجدي مش واخد باله اصلا من چنی لأنها لابسة طاقية على رأسها ، بس محمود لاحظ و بصلها بغل 

ليان بتحاول تبص عليهم چنی مسكت ايدها و قالت : بس مش عايزاهم يلاحظوا حاجة 

حضرات السادة الرُكاب ، مطار القاهرة الدولي يرحب بكم ، على جميع الركاب ربط الأحزمة وغلق الهواتف النقالة ، أنتم اليوم في ضيافة كابتن طيار هشام أتمنى لكم رحلة سعيدة 

والشاشة قدامهم كتبت (الوجهة : لندن) 

ربطت چنی و ليان حزام الأمان 

محمود بغل و بيكلم مجدي بهمس : أنتَ عارف چنی الرشيدي قاعدة قدامنا 

مجدي شهق بصله محمود بغضب و قال بصوت واطي : اسكت انا معنديش استعداد اضحي بدراعي التاني 

اتنهد مجدي بيحاول يبص عليها و مش عارف 

نامت چنی على كتف ليان 

عند مراد *

مراد واقف قدام شيخة و حاطة بخور فضل مراد يكح كتير أخد نفسه و قال : حضرتك الشيخة مبروكة 

مبروكة و ماسكة سبحة في ايدها و قالت:ايوة .. اقعد يا بني 

مراد قعد و قال بحزن : حبيبتي و اختها معمول عليهم سحر بقاله اكتر من عشرين سنة معمول في مراية حياتهم عبارة عن الخراب

بصتله مبروكة بصدمة و قالت : بقاله عشرين سنة ده يبقة عمل سفلي يا بني 

مراد بألم : انا مش عارف بصراحة و عمري ما صدقت الحاجات دي

مبروكة اتعدلت و قالت : طب خليني اسألك أنا … هل الأختين عايشين مع بعض ؟

مراد : اتفرقوا عن بعض لسنين طويلة و لغاية دلوقتي

اتنهدت مبروكة و قالت : طيب هل بتشوف المراية دي في احلامها 

مراد : برضو مش عارف 

مبروكة بجدية : طب بص لو طلعت بتشوف المراية في احلامها بشرط ان اختها تبقى معاها في نفس الحلم و بيتخانقوا يبقى ده عمل سفلي عشان العمل ده يتفك لازم واحدة منهم تضحي و تموت 

بصلها مراد بصدمة لأنه مش هيقدر يشوف چنی متعرضة للأذى ف قال بصوت مهزوز : مفيش حل تاني ؟

مبروكة : طبعا فيه لازم المراية تنكسر و مش اي حد يكسرها لازم الأختين يكسروها بنفسهم و طبعا هيبقى في عواقب لأنه عمل سفلي …لو ده محصلش اتكتب الجحيم الأبدي عليهم و على كل الناس اللي بتحبهم !

بصلها مراد بحزن شديد و يفتكر چنی و قد ايه هي اتعذبت في حياتها ف قالت مبروكة : لما تيجي المرة جاية يا ريت هي تيجي بنفسها لازم اشوفها 

اتنهد مراد و وقف و قال بكسرة : حاضر هجيبها بس هي مسارفة حاليا اول ما ترجع هجبها على طول … هو صاحبة العمل ده ماتت 

مبروكة بحزن عليه : للأسف ملهوش علاقة ده عمل سفلي … الله يجحمها اللي كانت السبب فيه

چنی واقفة قدام المراية بتبص عليها بتباهي و رضا و ليان واقف جانبها و فجأة يشوفوا واحدة ست بتجري ناحيتهم و بتزقهم بعيد عن المراية و قالت بعصبية : المراية دي ملعونة لازم تتكسر لازم تتكسر !

چنی مش مركزة في كلام الست و بتقرب من المراية لغاية ما لمستها و فجأة چنی بتبص على نفسها لقت نفسها بتعيط دموع لونها اسود 

و روحها كأنها بتطلع من جسمها و ليان عمالة تصوت و تقول : يا چنی يا چنی‌

الست ضحكت بشر و قالت : فات الأوان يا شابة

العودة للواقع *

چنی اتفجعت و قامت و هي بتنهج ف قالت ليان : ايه يا بنتي كل ده نوم ، حمد لله على السلامة وصلنا و الركاب كلهم نزلوا 

چنی بإستغراب : بالسرعة دي !

ليان بقلق :مالك.. شوفتي كابوس 

چنی بهدوء : لا أبدا انا تمام يلا عشان انا تعبانة 

خرجوا من المطار ف قالت ليان : يا بنتي تعالي معانا و بلاش شغل العناد ده

قال چنی بملل و ماسكة شنطتها : واحد و مراته اروح معاكم بتاع ايه و بعدين انا هروح شقتي بقالي سنين معرفش عنها حاجة و كمان انا عارفة الفندق أكيد هجيلكم 

ليان بتساؤل : طب هتعملي ايه مع عبد الحميد 

چنی : لا ده هنصبر عليه شوية انا متأكده انه معاه مفاتيح الألغاز دي …امتى اخلص من الكابوس ده !!

ليان بتمسك ايدها : طب يلا عشان نوصلك 

چنی بتوتر : لا مفيش داعي ، اصل مشوار الفندق غير مشوار البيت 

ليان ملحظتش توتر چنی ف قال قاسم : تعالي بس اصل ليان عنيدة و هتتعبنا

اتنهدت چنى و ركبت معاهم 

في مبنى المخابرات 

دخل مراد مكتب عثمان من غير ما يستأذن حتي ، ف قال عثمان و بيرمي الملف من ايده : في ايه حد يفجع حد كده مسمتعش عن اختراع اسمه نخبط على الباب 

مراد متجاهل كل الكلام و قال بعصبية و بيخبط بأيده على مكتب عثمان: انا عايز اعرف ازاي اقدر اوصل لچنی ضروري

چنی نزلت من التاكسي و سلمت عليهم و طلعت على شقتها 

ليان طلبت من السواق ميطلعش على على الفندق ف قال قاسم : احنا هنروح فين ؟ 

ليان بغل : مش أنت معاك عنوان اللى أسمه عبد الحميد 

قاسم بأستغراب : ايوة 

ليان ضحكت بشر : عظيم 

عند چنی *‌

دخلت الشقة و فضلت تكح عشان الشقة بقالها زمن مقفولة فتحت الشبابيك و حاطت شنتطها على السرير و فتحتها و طلعت مسدسها اللي كانت مخبياه و غيرت هدومها لبست قميص اسود و بنطلون اسود و جزمة سودة و رجعت شعرها لورا بأيدها و عمرت سلاحها و قالت بشر : حان الأن إظهار الجانب الوحش في روايتي ضحكت و قالت : في سكوتي رعباكم ؛ و في كلامي مخوفاكم ! ????