نوفيلا من أعادني للصغر الفصل السابع 7 والأخير بقلم هنا سلامة

بصدمه ” عرفت الحقيقه !! يقين ! يقييييين

صرخ باسمها و هو مش مصدق ، قام من على السرير و لبس بسرعه و لكن المرادي كان في هيأت مالك رأفت ، شيميز اسود سينيه و بنطلون قماش اسود و حزام سينيه برده ، حط برفان رجالي قوي و لبس سلسله فضى مكتوب عليها

” يقيني ” وعد نفسه انه مش هيلبسها غير لما يحبها فعلا ، مش مجرد جواز مصلحه .. كان شايف فيها بنت جميله مدفونه في قبو و كان لازم يطلع البنت دي ، ظبط شعره الأسود على ورا و نزل و رجع صوته لنبرته الرجوليه أخيراً و قال   ” عم محمد وديني المستشفى إلى بروحها كل يوم

= احممم .. هو لا مؤخذه في السؤال انت عندك اسهال يا ابني ؟ انت بتروح لدكتور خليل اكتر ما بتتنفس ، ما تاخد انتينال بدل المشورة دي

بعصبيه” عم محماااااااد

بخوف = يا ابني أن شاء الله يجيلك إمساك انا مال امي انا .. يلا هننطلق

في المستشفى

دخل مالك و هجم على خليل و ضربة بالبوكس و مسكه من البلطو و هو بيقول بعصبيه” انت الي قولتلها أن دي لعبه مني صح ؟؟ انطقققق انطقققق

_ يا عم حرام عليك البلطو ده مش مرحوم و لا منك و لا من مراتك ، انا امي قالتلي أن مهنة الطب المجتمع بيحترمها مكنتش اعرف اني هتهان كده و ..

قاطعه بعصبيه” هتحكيلي قصة حياتك ؟؟ قولت ايه ليقين ؟؟

بعصبيه _ انت الي غبي و كلمتني امبارح

قام من عليه و قال و هو بيضرب راسه ببطن ايده بعصبيه” يا نهار غباء يا نهار غبااااااااء ضيعتها انا ضيعتهااااااا كله بسببي

فلاش______________________________________

” الو يا خليل ، لا كله تمام هي مصدقه اني عيل

بضحك _ شوفت بقى انا اقنعتها انك هتتعالج لو هي أظهرت الجانب الطفولي الناعم منها و خليتها تجيلك بلبس المدرسه و القطتين

” انا كنت عاوز اخبيها في عيني ، مكنتش اعرف انها ست حلوه كده ، دايماً لابسه قناع البعبع

بضحك _ شوفت أفكاري حلوه ازاي ؟؟ لا و الموضوع دخل عليها بسهوله

بعصبيه” نعم يا عنيا ؟؟ ده انا الي خطت و دفعت فلوس للمستشفى عشان يردوا يدخلوني عمليات كده و كده ، و انا الي اقترحت عليك الفكرة اصلا و انت قولت انها حلوة

بثقه _ بس من غيري مكنتش هتعرف تنفذها و يقين تبقى حبيبتك ، مش قولتلك اني من يوم ما شوفتها في فراحكم حسيت انها متطربه نفسياً و وراها أسرار

بحزن ” اه يا نور عيني كان هتتعرض للاغتصاب

_ بس انت صرفت كتير اوي و دفعت للوفد الأمريكاني عشان يرفعوا عليها السلاح و مياذوهاش عشان تصدق انك مراهق فعلا مش الراجل الي هي تعرفه ، يعني لازم تحبك بقى مش معقول انا لا اطيق الانتظار

” انا هقولها الحقيقه بكره و اعترفلها بحبي كمالك رأفت العاقل الناضج

_ انا و عارف انك بتحبها من يوم الفرح لكن هي كانت محصنة بزي البعبع هي بقى ايه النظام ؟

بحيرة ” معرفش ، بس على ما اعتقد اممممم …

بص على ملامحها و هي نايمة و بتهمس في أحلامها ‘ مالك بطل تزغزغني

ضحك بخفوت و قال بحب” اعتقد بتحبني يا خليل .. 

باك _________________________________

بعصبيه مخلوطه بخوف ” اكيد سمعت حاجات معينه من المكالمه ، انا كدبت عليها كدبه كبيرة اوي يا خليل ، هي بذاكئها اداتني احساس انها نايمه عشان اكمل المكالمه اكيد اكيد 

اتنهد _ بص يا صاحبي ، انت حاولت تقربها منك من غير كدب ، لكن هي مستجبتش ف اتطريت تعمل كده يا مالك

بحزن” مش هتسامحني

_ انت متأكد انها  بتحبك !!

بخوف ” معرفش .. اقسم لك بالله انا مش عارف حاجه دلوقتي خالص ، مش عارف غير اني عاوزها تسامحني و تبقى يقيني بمزاجها مش غصب عنها ..

عند يقين في بيت متواضع ، فيه ورود جميله و زرع أخضر في جنينة صغيره جميله و مبهجه زي صاحبتها ، ده بيت الست نفيسه

_ الشاي يا ست البنات ، ممكن بقى تبطلي عياط يا بنتي ، جوزك مغلطش

بعياط ” لا غلط ، غلط لما كدب عليا ، غلط لما وداني لخليل صاحبه إلى هو دكتور نفسي اصلا بطريقه غير مباشره ، غلط انه مقربش مني بصدق !

_ يا بنتي انت كنت بتصديه دايما و عايشه معاه زي شيخ الغفر ، هو حب و الي بيحب ممكن يعمل اي حاجه يا يقين يا بنتي ..

بعصبيه طفيفة” ما هو عشان كده انا اتخليت عن شخصيتي و مبادئي عشان خاطره

بابتسامة _ يعني انت حبتيه ؟

سكتت لوهله و بعدين اترمت في حضنها و قالت بحزن و لهفه” اوي اوي يا نوفه ، بحبه اوي

ابتسمت _ يبقى متفرطيش فيه يا حبيبتي …

صباح تاني يوم في شركة يقين ..

دخلت يقين مكتبها و هي بهياتها الصارمه ، لابسه شيميز و بنطلون واسعين و شعرها على فوق ، دخلت المكتب و اتفاجات لما لقت مالك نايم على الكنبه و دموعه على خده

بصدمه _ مالك !!

نط مالك من على الكنبه اول ما سمع صوتها و قال بشوق ” يقيني !!! اقسم لك بالله انا لا اطيق الانتظار

مقدرتش تمسك ضحكتها و ضحكت بصوتها كله ، لكن افتكرت كدبته فقالت بعتاب _ ليك عين تيجي هنا ؟؟ بره مكتبي و بره شركتي و بره حياتي كلها

قرب منها و مسكها من دراعها و قال بعصبيه” مش هخرج يا يقين ، فوقي يا يقين بقى ، انت بس لما بتفردي شعرك ده بتسحريني !

شال التوكه المشبك من شعرها فاتفرد شعرها على ضهرها و قال بعشق” و ملامحك دي لما بترخي و متبقاش جده ، نظرات عينك إلى بتدوخني ، لمعه عيونك إلى بتخليني زي المدمن و انت الهيروين ! انا بحبك يا يقين ، بعشقك ..!

اتوترت من كلماته خلت مشاعرها متلخبطه ، بلعت ريقها و هو بيبصلها بحب و قالت بكسوف _ كمل كلام ، كلامك الحلو ده بيرضي غروري كست يا مالك ! بلاش الصمت ده

ابتسم ابتسامه خطفت قلبها و قال بحب  ” الصمت في حرم الجمال جمال يا يقيني .. ????

بعشق _ بحبك يا مالك .. بحبك يا من اعادني للصغر .. ????

بعد مرور سنه ..

بصراخ” ماااااالك خش معاااايا يا مااالك

_ انا بخاف من الدم يا حبيبتي و مش هستحمل منظر فتح بطنك ، خليل هيدخل يهديكي يا حبيبتي

صرخت ” عاااااا ده ممكن يجلطني و انا متبنجه ده يا مالك

= بقى كده يا ام خليل ؟ 

بصراخ ” خليييل مين !! مش كفاية علينا خليل واااحد !

_ في حفظ الله يا حبيبتي، متخفيش بقى

بصدمه ” في حفظ الله !! في المشاهد إلى زي دي المفروض تعيط يا مالك مش تقولي في حفظ الله

= اسفخس عليك ، طول الطريق بحفظك في كلام حبيبه و انت تقولها في حفظ الله ! عاوزها تقولك ايه ؟؟ بارك الله في ميتين امك؟؟

* لو سمحت يلا عشان مدام يقين هتتعب و حالتها هتتعرض للخطر لو اتاخرت عن كده

= خطر ؟؟ دي من اول ما عرفتنا و هي بتعض فينا و لا كأنها فامبير !

بعصبيه ” مراتي فامبير ؟؟

ببلعت ريق = اسف اسف و الله

” ايوه يا عم قول كلب بوليسي حرام نظلم الفامبيرز !

في سبوع أدهم مالك رأفت ، ابن يقين السواح و مالك رأفت ????.

_ عاوزه يشتغل ايه يا حبيبي ؟

” بصي يا حبيبتي المجتمع بينقسم ل ٤ جزئيات ، ذكور و إناث و دكاتره و مهندسين

ضحكت _ خليه مهندس يا حبيبي ، لحسن يطلع دكتور متخلف زي خليل

* ساااامعك يا يقين

بضحك _ عارفه على فكره

بحب” يقيني

_ نعم يا حبيبي ؟

” خليكي عارفه انك احلى حاجه في دنيتي و احلى حاجه شافتها عينيا ، انا بقالي سنين بشتغل في البورصة و انت السهم الوحيد الي راهنت عليه لآخر نفس عشان اكسبه 

بحب _ انا بعشقك يا مالك ، ما تقوم تلعب على البيانو شويه

بحب ” عيوني يا ام أدهم ..

قام مالك و بدأ يعزف على البيانو و هو بيبص ليقين بحب و لهفه

همست _ من اعادني للصغر ، سأظل اعشقه للكبر  ????.

#بقلمييي 

” كانت مسافه بين قلوبنا بلاد و انهار و بحور ، و لكن الان اصبحت بمسافة نفس  ! “♥️ #بقلمييي ” هنا سلامه “

” لقد رهنت على العديد ، و لكن كُنت انت اهمهم ، فعندما فوزت بك تخليت عن الباقيه”♥️ #بقلمييي “هنا سلامه”

” معذرتا لنجوم الساحة و لكن قمر السماء هو من تملك قلبي ! ” #بقلمييي” هنا سلامه “

تمت ♥️.