Uncategorized
رواية معاً من جديد الفصل السابع عشر 17 بقلم شروق فاروق
رواية معاً من جديد الفصل السابع عشر 17 بقلم شروق فاروق
 |
| رواية معاً من جديد الفصل السابع عشر 17 بقلم شروق فاروق |
رواية معاً من جديد الفصل السابع عشر 17 بقلم شروق فاروق
عادل:خلصتي يا ميس؟
ميس ب انتباه:ايوا يا بابا خلصت
عادل :طب استنيني هحاسب وأحصلك
طلعت بره ورفعت فونها ورنت علي أمير
أما عند أمير وتالين
أمير بقلق:لو شافني مش هيخلي في وشي حتة سليمه
تالين بحزن:منه لله اللي عمل كدا..ما احنا كنا تمام والدنيا كانت ماشيه
أمير بتذكر:وينفع اللي انتي عملتيه ده؟
تالين ب استغراب:عملت ايه؟
أمير:قطعتي الأنسيال وانتي عارفه انه رابط بيني وبينك
تالين بأسف:سامحني..بس لو انت مكاني كنت هتعمل أكتر من كدا
أمير بصوت عالي:انتي غبيه!..وانا اعمل كدا ليه؟..عبيط!
تالين بوشوشه:هششششش وطي صوتك اخويا هيسمعك
فجأة فونه رن
رفعه لاقاه رقم ميس
أمير بضيق رفع ورد
أمير بهدوء:الو..اذيك ياميس
ميس بحماس:الحمد لله..انا مبسوطه اوي
أمير بتصنع:وانا مبسوط اننا هنتخطب
تالين بغيره زقته في صدره وقالت:طب احترمني حتي
ميس سمعت صوتها وقالت بخبث:دي تالين صح
أمير بلع ريقه وقال:ايوا هي
ميس بود مصطنع:سلملي عليها..صحيح ماتخليها تيجي تجهز الحاجات معايا انت عارف اني لوحدي ومليش اخوات بنات
أمير بغصه:ايه؟..مش عارف هينفع ولا لأ
ميس:طب خليها تكلمني
أمير:ميس عايزة تكلمك
تالين ب اقتضاب:نعم!
أمير كتم السماعه ب ايده وقال:بقولك مش فاكره حاجه ..دلوقتي هي تعبانه..استحمليها عشان خاطري
تالين بزفير:هات الفون
اخدته منه وقالت:ايوا يا ميس
ميس:عاوزاكي تساعديني في ترتيبات الخطوبه..وعارفه انك مش هترفضيلي طلب ..يلا سلام هستناكي بكرا في الشركه عشان نتفق..سلام
وراحت قافله الفون وابتسمت
علي الجهة التانيه
تالين ادتله الفون
أمير بضجر:أنا عارف اني عذبتك معايا كتير..بس المرادي أوعدك مش هعرضك لحاجه تزعلك تاني ..مسك ايدها بحب وقال:هتقفي جمبي؟..واثقه فيا؟
تالين بصتله وقالت:واثقه فيك
أمير بتنهيده:وأنا هفضل لحد ما أعرف مين اللي عمل كدا وساعتها حسابه هيبقي عسير معايا
علي:الله الله
أمير بخصه:يا ماماااا
تالين بضحكه:والله يا علي طلع مظلوم
علي بسخرية:ياحبة عيني..مين اللي ظلمك يابطاطا؟
أمير قام ونفض كتفه وقال:احم..انا ماعملتش حاجه وحد مدبر اللي حصل..
علي:طب براحه وبهدوء فهمني كدا كل حاجه
في صباح اليوم التاني
تالين ب استعجال:يلا يا علي
علي وهو بياكل:براحه يبنتي
تالين:ميس مستنياني وهتأخر
علي شرق:كح كح..مين؟
ميادة ب صدمه:مش ميس دي اللي جوزك هيخطبها؟
تالين :ميس تعبانه وبعدين أمير وعدني انه مش هيزعلني وانا واثقه فيه
ميادة هزت راسها بأسي وقالت :ماشي يابنتي ..ربنا ييسر أمورك
بعد شوية وصلوا الشركة
ميس ب ابتسامه:اصبر بقا واتفرج
نادر:طب ماتعمليش حاجه تدايقها
ميس بسخريه:انا اصلا جيباها ادايقها
فجأة تالين ندهت وهي بعيده عن الباب لأنه علطول بيبقي مفتوح
ميس:اتفضل
تالين دخلت وقلبها بيدق بسرعه وقالت:السلام عليكم
نادر ب ابتسامه واسعه:وعليكم السلام..نورتي الشركه
تالين بضيق بسيط:ميرسي
ميس بود مصطنع:اقعدي اقعدي واقفه ليه!
نادر قام وقال:أستأذن أنا عشان عندي شغل
تالين:ه هنعمل ايه دلوقتي؟
ميس بمكر:هشتري بقيت الحاجات ..وعاوزه أجيب هدية لأمير ..أكيد انتي عارفه زوقه
تالين بغصه:أكيد
ميس قامت من علي الكرسي وقعدت قدام تالين وقالت:مالك وشك مخطوف كدا!..في حد مزعلك؟
تالين:هه..لأ هزعل ليه!..انا زي الفل اهه..يلا بينا عشان هنتأخر
ميس:يلا ياروحي
أما أمير كان في مكتبه بيخلص شغل
فجاة حد خبط علي الباب
أمير:تعالي يانادر
نادر:قالولي ان حضرتك عاوزني
أمير وهو بيحرك القلم:حصل
نادر بلع ريقه بتوتر وقال:خ خير ..في حاجه غلط
أمير قام وراح عنده وخبط علي كتفه وقال:مالك عرقان كدا ليه
نادر بغصه:لا لا انا تمام
أمير بصله في عينه بتركيز وقال:اللعب ده ممكن يودك في داهيه
نادر بفقدان أعصاب:لعب..لعب ايه اللي بتتكلم عنه؟..انا مش فاهم حاجه
أمير:ازاي؟..هتفهم كل حاجه دلوقتي..اتكا ع الصبر
أما في بيت أمير
روفيدا:هخليه يجي النهارده
رزق:تمام..علي الساعه تسعه كدا هكون فاضي
روفيدا:تمام..يلا مع السلامه عشان المحاضرة
عايدة بحب:خلي بالك من نفسك
رفيدا:حاضر ياماما
عايدة:هقوم أجهز أكل عشان ضيفنا
رزق:ماشي
أما تالين وميس وصلوا محل الشنط
ميس:بصي بقا انتي اللي هتختاريلي كل حاجه..وبفكر في الفرح تجي تنقيلي كل حاجه..اصل زوقك ناعم وبيعجبني أوي
تالين ماسكه دموعها وبتقول:طبعا..من عنيا..بس هو الفرح امتا؟
ميس بمكر:خلال اسبوعين..مش هنتأخر أكتر من كدا..وبعدها ضحكت وقالت:هزن علي بابا عشان اخلص واسافر مع أمير
تالين حست بدوخه وقعدت بسرعه
ميس ب انتصار:عقبالك يا حبيبتي وهحضر فرحك انا وأمير..وبصراحه نادر كدا لايق عليكي
تالين بعصبيه:نادر ايه ده؟
ميس:بطلي بقا..كلنا عارفين انه عاوز يخطبك.وانا هتكلم مع أمير دلوقتي..ايه رأيك؟
تالين بعصبيه:أمير ايه..لو سمحتي بطلي هزار بايخ
ميس ب اصرار:مش بهزر..ورفعت فونها وكلمت أمير
أما عند أمير
أمير:يلا احكيلي بدل ما تحكي غصب عنك
نادر بخوف:مش فاهم قصدك ايه؟
أمير بزعيق:نعم ياعسل..خلصني واخلص قال اخر مقطع وهو بيخبط عي المكتب
نادر بلع ريقه وقرر يتكلم وقال:بصراحه انا و……………………