رواية عشقي الفصل الرابع 4 بقلم شيرين زكي

-آدم:- قومى بقا كفايه كدا هو انتى ليه بتوجعى قلبى مش كفايه كدا

-مدحت مقدرتش يفضل ساكت اكتر من كدا قرب منهم واتمالك نفسه وقال:- ايه اللى بيحصل هنا؟! فيه ايه؟!مالها عشق؟!

-ادم:-!انا هاخدها واروح المستشفى

-مدحت:- مفيش داعي يا حضرت هى بتشتغل هنا واحنا المسؤلين عنها وانا طلبت الدكتور وهو على وصول

-آدم:- شغاله هنا يعنى ايه وازاى اصلا وهى تعبانه كدا تشتغل

-مدحت بضيق:- انت تقدر تبقى تسألها لما تفوق

-يارا:- وبعدهالك يا آدم مين دى وتعرفها منين

-آدم بعصبية:- ملكيش دعوه يا يارا واسكتى أو امشي 

 -يارا بزعيق:- مش هسكت مين البتاعة دى رد عليا

-آدم بصوت عالى:- دى عشقى يايارا عشقى،،،،ارتحتى ياريت تمشى بقا

-وصل الدكتور وبدا يكشف على عشق وبنرفزه قال:- البنت دى بقالها اسبوعين مش بتاخد دواها وحالتها النفسيه زى الزفت لازم تروح المستشفى،،،،وبالفعل اخدها ادم ومدحت المستشفى وهما الاتنين برا ف صمت رهيب وعيونهم بتتلاقى ف نظرات مش مفهومه وكل حد فيهم مش

 فاهم هو ليه مضايق من خوف التانى على عشق…..

-يارا مستحمتلش  لما ادم زعق فيها وقررت تروح بس كلمه أدم وهو بيقولها دى عشقى مش عايزه تروح من بالها ومش عارفه تستوعب وهتتجن

-يارا ماشيه عماله تقول لنفسها:- ليه يا آدم ليه تعمل فيا كدا مش هسيبك هنتقم منك ودخلت اوضتها وعماله تكسر ف كل حاجه ومش عارفه تتمالك نفسها………..دخلت عليها أمها ناهد اخذتها ف حضنها وقالت

-ناهد:- يارا يارا اهدى يا قلبي فيكى ايه بتعملى ليه كدا 

-يارا:- انا عارفه إنه مش بيحبنى ياماما بس لأ مش هيكون لغيرى مستحيل

-ناهد:- انتى بتقولى ايه يايارا ماله ادم وايه اللى انتى بتقوليه دا 

-يارا بحزن:- عشق ياماما عشق

-ناهد بصدمة:- مين؟!  قولتى ايه عشق دى مين؟!

-يارا:- حبيبته هو قالى دى عشقى وزعقلى عشانها وكمان اخدها وراح المستشفى

-ناهد نزل عليها الكلام كأنه نار بتحرق فيها وفضلت تتمتم عشق؟! معقول تكون هى ؟! بس ازاى هتكون عايشه؟! معقول؟! معقول الماضي هيكرر نفسه تانى؟!

-فاقت من شرودها على صوت يارا وهى بتقولها ماضى ايه ياماما مالك انتى كمان هو انتى تعرفى عشق دى

-ناهد اخدتها ف حضنها وقالتلها متخافيش يايارا متخافيش مش هسمح لحد يأذيكى ولا يحصل معاكى اللى حصل معايا ادم هيكون ليكى مش لغيرك….. بقلمي شيرين ذكى

-أدم ف المستشفى دخل عشان يشوف عشق ولقى مدحت بيتكلم مع الممرضه وبيطمن على عشق وأدم شاف ف عيونه نظرات خوف على عشق واضحه جدا عليه وبعد ما الممرضه قالتله إنها واخده منوم ومش هتقوم دلوقتي قرر يمشى….

-أدم دخل عند عشق لقاها نايمه قرب منها وقعد جنبها ومسك ايدها وحطها ع عيونه وفضل يبكى بوجع ويقولها متسبنيش ياعشقى مصدقت رجعتيلى….

#فلاااش_باااك

-أدم لما دخل أوضته بعد ما روح من المستشفى وقعد يفكر ف عشق وكسر المرايه لاحظ حاجه غريبه ف قميصه ….

وهى سلسله كانت عشق لابسها بس اما حصلت الحادثه والشباب هاجموها واغمى عليها وآدم شالها حطها ف العربيه السلسله دى شبكت ف قميصه وهو معرفش يفكها ومكنش قدامه حل غير انه يشدها فاتقطعت وفضلت ف قميصه ولسه واخد باله حالا،،،،مسكها ادم وجتله حالة من الذهول دى نفس السلسلة بتاعته ازاى كدا؟!،،،،السلسله دى اصلا من نوع خاص باللون الفضى فتحها آدم وشاف عليها صورته هو وعشق وهما صغيرين ومحفور عليها اسماءهم وكذلك اللى مع ادم زيها بالظبط ونفس الصوره كمان ووقتها افتكر ادم عشق حبيبه عمره وصديقه طفولته وبنت خالته اللى فرقتهم الايام وهما اطفال وعشق وقتها كان عمرها سبع سنين وادم حوالى اكبر منها بخمس سنين،،،،وقتها ادم كانت روحه تقريبا رجعتله لما بدا يفهم ان البنت دى هى نفسها عشق بنت خالته…..بس ازاى افترقوا؟!!

إجابه السؤال دا عند ناهد….. بقلمي شيرين ذكى

#باااااك

-أدم جنب عشق وبيبكى وبدأ يبص لعيونها ومستغرب نفسه وبيلومها ازاى معرفتكيش ياعشق ازاى عنيا جت ف عيونك ومعرفش انك حبيبتي، ازاى وانتى كنتى اخر حاجه عينى بتشوفها قبل ما انام واول حاجه بشوفها لما اصحى،،،،، وبدأ ادم يكلم عشق اللى مش معاه اصلا ونايمه بمهدئ….فضل يقولها قد ايه كان تعبان من غيرها ومن يوم ما بعدت وهو اتحول لوحش مش بيهتم لحد ولا بيخاف ع حد،وفضل ادم جنب عشق بيتكلم حوالى اربع ساعات متواصلة وبعدها قامت عشق وفتحت عيناها وهمست ادم…

-أدم:- عيونه

-عشق بدوخه:- انا فين

-أدم:-معايا ياقلب ادم متخافيش ياعشق انتى رجعتيلى تانى

-عشق بعياط انت انت…وبتنهيده قالت:- كنت فين

-أدم حس إن عشق ضايعه وخايفه من كل حاجه ومعندهاش القدره انها تتكلم،،،،اخدها ادم ف حضنه وحاول يطمنها

-عشق لأول مره تحس براحه وأمان،،،،بس فاقت بفزع وبعدت عنه وقالت:- انت مين؟!!!

-ادم بهدوء:- انا ادم ياعشق ابن خالتك انا حبيبك مش فاكرانى ياعشقى،،،،،ويكمل ادم مش فاكره لما كنا بنعلب،طيب مش فاكره لما الواد ايمن جارنا كان بيغلس عليكى ف باص المدرسه وكنت بتخانق معاه ؟…

-عشق بتبكى وتكلم نفسها:- يعنى فيه ادم فعلا  يعنى انا مش مجنونه ادم ف احلامى ورواياتى حقيقه اهو 

-ادم:- ايوا ياعشقى انا حبيبك ،،،،،،طلع ادم السلسله وفتحها وورى عشق الصوره اللى عمرها ما فكرت مره تفتح السلسله وتشوف فيها ايه

-عشق تنهيدها بيزيد وادم بيحاول يطمنها ويتكلم معاها ويعرفها إنه معاها ومش هسيبها…. بقلمي شيرين ذكى

-خالد لما لمح عشق ف الشارع فضل ينادى عليها ويحاول يوصلها بس معرفش ولما يأس رجع البيت 

-منال:- حمد الله على سلامتك يا خالد هتفضل كدا لحد امتى يبنى

-خالد:- لحد ما الاقى عشق ياماما انا شفتها ردت فيا روحى بس غابت عنى تانى

-منال:- شفتها فين ؟!

-خالد:- ف الشارع بس ملحقتهاش

-منال:- ما خلاص يا خالد انساها يبنى 

-خالد:- انسي مين قولتلك ميه مره عشق دى بتاعتى

-الباب بيخبط وتفتح منال وتتفاجئ بناهد عندها…….

-مدحت رجع المطعم

حمزة بلهفه وخوف:- فين عشق يا مدحت

-مدحت:- ف المستشفى يابابا وضعها صعب وواخده مهدئات ومنوم ومش هتفوق غير بكرا

-حمزة:- طيب انت اطمنت عليها شفتها يعنى

-مدحت:-لا مشفتهاش وبعدين خايف عليها ليه كدا مهى معاه هناك اللى يخاف متقلقش

-حمزة:- قصدك ايه يعنى

-مدحت:-معرفش بس فيه هناك واحد معاها وشكله يعرفها كويس

-حمزة:- خلاص انا هروحلها بكرا وعشان كمان ندفع مصاريف المستشفى

-مدحت:-؛اللى معاها دفع ما انا روحت لقيته دفع…..

-مدحت مكنش طايق ادم حرفيا ولا حتى فاهم نفسه بيعمل ليه كدا معقول يكون حبها،،،،،ايوه حبها حب كل حاجه فيها والمشاكسه والشغف اللى كان بينهم من اول كلمه واول نظره بس بيقول لنفسه ياترى ايه حكايتك ياعشق…..

-أدم حكى لعشق كل حاجه حصلت ف الماضى وانها اتخطفت وهى صغيره وان ابوها وامها ماتوا من وجعهم على غيابها وبدأت عشق تفهم وتستوعب كلمه ابوها او اللى كانت فاكره إنه ابوها لما كان دايما بيقول:- “كل واحد فينا عنده سر جواه ومخبيه حتى عن أقرب الناس ليه”

-بدأت عشق تنهار تانى من كلام ادم ومن اللى بيحكيه بس ادم طمنها ووعدها إنه هياخد حقها من كل حد ظلمها،،،،،،،،، وهينتقم من ناهد وبنتها على وجعه على غياب عشق السنين دى كلها…..

-اخدها ادم وطلعوا من المستشفى وحاول ادم بكل الطرق يفرحها ويرجعلها ابتسامتها واخدها كل الاماكن اللى كانوا بيحبوا يروحها وهما صغيرين وقرر ادم إنه هينفذ خطة عشان يقدر يرجع حقه وحق عشق وياخد السلاح اللى مع ناهد اللى بتضغط بيه على جده وعليه وهو….. بقلمي شيرين ذكى

-أدم اخد عشق وراحوا الفيلا ودخلوا وعشق كانت خايفه وادم ماسك ايدها وبيطمنها 

-جده:- كنت فين يا ادم ومين دى؟!!!

-ادم:- دى عشق يا جدى!!!!

-جده:-عشق هى دى عشق تعالى يانور عيونى وحشتنيى واخدها ف حضنه

-أدم:- عشق هتعيش معانا ياجدى خلاص

-جده:- طبعا يا يبنى….مكملش الكلمه وكلهم لقوا يارا نازله من على السلم وبتقول

-يارا بصوت عالى:- نعم ياخويا مين دى اللى هتعيش هنا الخدامه بتاعت المطعم ،،امشى يابت اطلعى بره ومسكت عشق من دراعها..

يتبع ……