رواية عشق اللؤلؤ الفصل الخامس والعشرون 25 بقلم آلاء عوض

رواية عشق اللؤلؤ الفصل الخامس والعشرون 25 بقلم آلاء عوض

رواية عشق اللؤلؤ البارت الخامس والعشرون

رواية عشق اللؤلؤ الجزء الخامس والعشرون

رواية عشق اللؤلؤ الحلقة الخامسة والعشرون

في الشاليه
كريم/ طيب بما اننا كلنا متجمعين خلينا نروح البحر
الاء / لا يا كريم مينفعش انا اصلا جايه من ورا بابا
سكت كريم ومعرفش يتغط عليها
كريم بهدوء/ طيب خلاص يلا روحو عشان تلحقو ترجعو
الاء بزعل/ وانت مش هترجع
كريم/ هظبط كذا حاجه كده وهرجع علطول عشان ماما وملك وحشوني
الاء بخبث/ طب انا موحشتكش
سكت كريم وبص ليها نظره هي مفهمتهاش
كريم/ انت عايزه اي يا الاء
قامت وقفت الاء وعزلت هدومها
الاء/ مش عايزه حاجه يا كريم انا همشي
كريم/ خدي هنااا
اتخضت الاء من نبره صوته ولفت ليه
الاء/ والنعمه ما عملت حاجه يا باشا
قرب منها كريم بعصبيه وفجاءه حضنها بكل حنيه
الاء كانت مصدومه كانت مفكره ان كريم هيضربها ولا حاجه
كريم بحب/ مش قادر ازعل منك يا الاء مش قادر اكذب على نفسي واقول انك موحشتنيش انت وحشتيني جدا
كانت الاء مبسوطه جدا وفضلت متكلبشه في حضنه وفرحانه
الاء بسبب العند كانت هتخسر اكتر قلب حبها هو رغم أنه اتكبر على اللي اكبر منه إلا أنه فاق وندم واتغير من الاطباع الوحشه طبعااا بمساعدة الاء

 

 

 

 

 

 

 

 

والاء مشاعرها اتحركت ليه غصب عنها حبته مش عشان الانتقام لاء قربت منه وحبته عشان هي حبت كريم الطيب الحنين مش كريم الدمنهوري اللي محدش يقدر يجي عليه هو حد فاهمني 😂
عند أسر وسلمى كانو قاعدين برا الشاليه
سلمي بفرحه/ انا مبسوطه جدا انهم رجعو لبعض لأن بجد بجد مشاعرهم صادقه جدا بجد مبسوطه مالك ياعم بتبصلي كده ليه
أسر/ اصل شايف الفرحه في عينك شكلك بتحبي الاء اوي ربنا يخليكو لبعض
سلمي بتسرع / ويخليك ليا
أسر/ هااا
سلمي بتوتر / قصدي ربنا يخليك يعني انت راجل جدع وابن حلال وانت سعدتنا اننا نرجعهم لبعض وبس كده يلا انا هدخل عشان الليل جيه قامت سلمي بسرعه ودخلت جوه الشاليه
بص أسر حواليه بصدمه واستغراب
أسر بصدمه / هو اي إللي الليل جيه احنا في عز الضهر البت دي شكلها مجنونه ههه ماهي صاحبت الاء لازم تكون مجنونه دخل اسر عند العشااق
أسر / مش يلا بقا يا الاء
الاء / ماشي يلا كده كده كريم هيرجع النهارده
أسر / اخيرا يا معلم

 

 

 

 

 

كريم / يلا خودهم وخلي بالك منهم
أسر / حاضر يلا يا بت انتي
الاء بصدمه/ انت بتقولي انا بت
أسر بضحك / امال اقولك اي ياض مثلا
مسكته الاء من التيشيرت بتاعه بطريقه مضحكه
الاء / اسمي الاء اسمي البشمهندسه الأاااء هاا اسمي اي
أسر / ماشي يا علاء
الاء /بتقول اي
اسر / صفاء
الاء / ايي
أسر / هناء
الاء / ايييي
أسر / احتواء
كلهم فضلو يضحكو علي كوميديا أسر والاء
( حقيقي ده نفس معاناتي مع اسمي 😂)
كريم بضحك / طب يلا يا علاء يووووه قصدي يا الاء
الاء/ برستيجي لو سمحت
اليوم ده مخلاش من الضحك والهزار والمحن 😂
الاء وسلمى رجعو البيت وربنا ستر الحمد لله وحسام محسش بحاجه

 

 

 

 

 

عند كريم
رجع كريم القاهره ووصل عند بيته ودخل
ساميه بفرحه/ حبيبي وحشتني ليه تعمل فيا كده يا حبيبي
حضنها كريم بحب وحنيه
كريم/ انا اسف يا أمي بس كنت حابب اقعد مع نفسي شويه
ساميه بزعل/ هونت عليك يا ابن بطني تسبني كل الايام دي ومتعرفنيش مكانك
كريم/ قلبك طيب بقا يا سوسو امال فين لوكه
ساميه/ نايمه في اوضتها وكانت زعلانه منك اطلع بقا وصالحها
كريم/ حاضر يا ست الكل
طلع كريم لاوضه اخته
ساميه/ ربنا يهديك ويريح قلبك
في اوضه الاء
دخلت خديجه الاوضه وقفلت وراها
خديجه بقلق/ خير يا بنات اي إللي حصل
الاء بفرحه / حصل كل خير يا ماما
خديجه/ مش قولتلك انا كان قلبي حاسس وعارفه أن كريم ده طيب والله
الاء بابتسامه/ يلا الحمد لله
خديجه/ هطلع انا يا بنات تصبحو على خير
الاء وسلمى/ وانت من اهل الخير

 

 

 

 

 

 

 

طلعت خديجه وقامت الاء فضلت تتنطط على السرير بفرحه
سلمي بضحك/ السرير هيقع يا مجنونااا
الاء بصوت عالي/ فرحااانه مبسووووطه طاااايره من الفرحه
ولكن وقفها عن الانبساط دخول حسام عليهم وفي لمح البصر كانت الاء قاعده على السرير
حسام/ مالك يا بنتي بتنهجي كده ليه
الاء بتسرع/ اصل كنت بعمل رياضه يلا رياضه وضايت وضايت ورياضه
سلمي كانت بتكتم ضحتكها بالعافيه من منظر الاء
حسام/ ربنا يهديكي يا بنتي
الاء/ تسلم يا حج
طلع حسام وساب البنات لوحدهم
الاء/ تفتكري اكلمه الوقتي يا سلمى
سلمي/ مش عارفه انا بقول سيبيه شويه وكلميه بكره
الاء/ وانا بقول كده بردو
بعد ٣ ثواني بالظبط
الاء/ لاء خلاص انا مش هقدر لازم اكلمه الوقتي لازم
قامت الاء بسرعه جابت فونها واتصلت على كريم كل ده تحت عين سلمي المصدومه من تصرفات العاشقه المجنونه
الاء/ يارب يرد يارب يرد
( بتفكرني بنفسي اوووي 😂)
اما عند كريم
كان قاعد في اوضته وانتبه لفونه ولقا الاء بترن عليه فضل باصص الشاشه شويه كتار
ياترا كريم هيرد ولا لاء

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق اللؤلؤ)