رواية هتلر الداخلية الفصل السابع 7 بقلم جنى غنيم

♤ لأ أحَد يستطيع أن يشعُر بما تشعُر به فلا تُتعب نفسك بكثرة التعبير ! ♤ 

طلعت چنی الشقة و أول ما شافها مراد اتفجع و قال :ايه ده ؟!! ايه اللي حصل لأيدك ؟ 

هتلر ببرود : مالها يعني ؟ و رمى الملفات على الترابيزة و لسة هيمشي يدخل اوضته 

راح مراد ناحيته و مسك ايده بكل قوة و قال : لو أنت هتلر ف أنا غول و مش معني اني ساكت على معاملتك الخرا دي … ده بمزاجي و احتراما أني في بيتك…. تعمل الشويتين دول على حد تاني مش عليا … على فكرة دي سذاجة منك ! 

هتلر سحب ايده و بدأ يضحك و يزيد في ضحكته لدرجة بقيت هيستيرية ! 

مراد استغرب اوي من ردة فعله و ربع ايده و قال :  أنت بتضحك على ايه ؟ شايفني أراجوز قدامك!!

هتلر و لسة بيضحك : أنت عارف أنك اول واحد تعمل معايا كده…. أنت غول صح ؟ 

طلع هتلر المسدس من جيبه و وجه المسدس في وش مراد ، برق و رجع خطوة لورا دون كلام ف قال هتلر بسخرية : هي القطة بلعت لسانك يا صغنن

ضرب هتلر الطلقة و جات جمب مراد و لو مراد اتحرك سانتي واحد هتيجي فيه و في الأخر استقرت الطلقة في الحيطة و قال : أنا مبتهددش تمام بدل المرة الجاية أجيبها في نفوخك بجد  ! و مشى و دخل اوضته و رزع الباب بكل قوة مرة واحدة هتلر قعد على الأرض و سند دماغه على الباب و اتنهد بحزن و بدأت الدموع تجري زي الأنهار 

مراد كل ده لسة مصدوم مش مستوعب حتى ايه اللي حصل قعد على الكنبة و حط ايده على رأسه

في اوضة چنی

تخرج چنی (هتلر) من الحمام الموجود في اوضتها و حاطة الفوطة على رأسها و طبعا لابسة بيجامة رجالي مش مبينة  تفاصيل جسمها و بتقف قدام المراية و كانت ايدها المتعورة مربوطة برباط و لسة هتسرح شعرها تليفونها رن ف ردت 

مازن بنبرة حزينة  : أزيك يا خالتو ..وحشتيني اوي 

چنی : ايه ده في ايه …مال صوتك ؟ 

مازن بصوت مخنوق : مفيش حاجة يا خالتو .. عايز اسمع صوتك 

چنی بشك : بقولك ايه هو انا مش عارفاك …ده انا اللي مربياك يالا … هو انتَ اتخانقت مع امك ؟ 

مازن بحزن : هي كلمتك ؟ 

چنی : من غير ما تكلمني …مش عشان بقالي سنين بعيدة يبقى انسى يا مازن انا اللي مربياك و عرفاك اكتر من امك … و مش هسألك سبب الخناقة عشان عارفاه بس احب اقولك في الأخر انها امك و كان سهل اوي انها تتجوز تاني بس هي فضلتك على نفسها و ضحت بشبابها و حياتها 

مازن بعصبية : ما هي السبب في اللي احنا فيه ده عسان سذاجتها و مراهقتها !

چنی : مازن ! احترم نفسك و اتكلم بأدب انا عاملة احترام لمشاعرك عشان عارفة الاحساس ده كويس 

مازن : محدش عارف حاجة ! كنت عايز منك خدمة هتقدري تساعديني ؟ 

چنی : ملكش دعوة اقدر و لا مقدرش قول و انجز ! 

مازن : عايز ادخل كلية الشرطة 

چنی : هو أنت عندك مؤهلات الكلية اصلا ! 

مازن : بقالي سنتين بستعد للموضوع … مش عايز امي تاخد خبر 

چنی : مش فاهمة ليه يعني مش عايزها تعرف ؟ 

مازن بتأفف  : عشان هي رفضة الفكرة اصلا و لو عرفت ممكن تحصل مشكلة 

چنی بحدية : طب خلاص …خلص انت ثانوية عامة و انزل مصر على طول و سيب الباقي على العبد لله … انا هقفل دلوقتي بس لينا مكالمة تانية في اقرب وقت فاهم !! و يا ريت تروح البيت خلي عند اهلك دم 

مازن بصدمة : انتِ عرفتي ازاي اني مش في البيت! 

چنى بسخرية : لسة زي ما أنت عيل …سلام !

حطت چنی ماسك على وشها و كانت لابسة نضارة نظر  عشان مكنتش حاطة مكياج التنكر و لا الشنب و خرجت من الاوضة لقت مراد نايم على الكنبة جابت كوفيرتة و غطته و بدأت تنضف الشقة و كأن محصلش حاجة و كان النهار طلع و هي لسة شغالة تنضيف و بعد كده دخلت اوضتها اخدت شاور و لبست الترينج الرياضي بناتي و لبست ماسك و نضارة شمس و كاب و تبدأ روتينها الصباحي نزلت من الباب خلفي من المطبخ

في مطار القاهرة 

واقف مجدي مستني حد لقى واحدة بتحضنه جامد من ضهره ف لف مجدي لقى شيرويت قدامه فقالت بنبرة فرح : I miss u so much honey

مجدي ببرود و يياخد منها الشنط : و انتِ كمان مش يلا بقا 

شيرويت ابتسمت و مسكت في دراعه : let’s go 

في عربية مجدي 

شيرويت بتبص من الشباك : بس مصر اتغيرت عن اخر مرة نزلت فيها

مجدي و هو مركز في السواقة : مفيش حاجة بتفضل على حالها 

شيرويت بصتله و قالت : متأكد ان مفيش حاجة بتفضل على حالها

بصلها مجدي و مردش عشان فهم قصدها

وصلوا عند شقة على النيل طلعوا على فوق و اول ما فتح مجدي جريت شيرويت على جوا بسعادة و بصت على ديكور الشقة بإهتمام و قالت بفرح : ديكورات الشقة تحفة يا مجدي 

مجدي ببرود :طيب كويس انها عجبتك دخلها الشنطة جوا في اوضتها و طلع و قال :انا نازل 

شيرويت بقلق : هتسبني و رايح فين 

مجدي ببرود و بيحط ايده في جيبه متقلقيش رايح اشتري شوية طلبات عشان مكنتش قاعد هنا 

شيرويت برجاء : هاجي معاك 

مجدي : انتِ لازم ترتاحي … انتِ لسة جاية من سفر 

شيرويت و بتمسك ايده : please 

مجدي بتنهيدة : ماشي بس يلا 

شيرويت بلمعة عين :  بس 10 minutes 

قعد مجدي على الكنبة و بيشرب سيجارة 

بعد عشر دقايق

تخرج شيرويت من الأوضة و قالت و هي بتلبس شنطتها : يلا يا حبيبي

مجدي بصلها من فوق لتحت : هتنزلي كده !

شيرويت : اه عادي يعني ما انا لبسي كده طول الوقت

مجدي : البلوزة مش جاية حتي نص بطنك …احنا هنا في مصر نش في لندن

شيرويت ببرود و بتاكل مستيكة : و ايه يعني طب ما انت راسم تاتو و مع ذلك ده ضد العادات الشرقية

مجدي : هنا مش بيبصوا للراجل ..بيبصوا للست و بس مهما انا اعمل اسمي راجل اما انتِ ست 

شيرويت : ده اسمه جهل و تخلف يعني الراجل يتح*رش و يغت*صب و يعمل كل اللي عايزه اما الست لو بس بتطالب بحقوقها تبقى فيها كل العبر و انا مش هغير اللبس يا مجدي 

مجدي بيبص جانبه ف يلاقي چاكت جلد ف بيقول : طب البسي ده عشان متبرديش الدنيا هنا ساقعة متنسيش اننا في ديسمبر ،ف بتاخده منه و تلبسه و بينزلوا 

في لندن 

ك

انت رانيا بتستعد عشان تنزل شغلها ..خبط باب البيت راحت عشان تفتح لقت مازن قدامها و جرى في حضنها و كان بيعيط قالت رانيا و هي بتعيط كمان و طبطب على رأسه : أهدي يا حبيب ماما .. وحشتني اوي ليه سبتني ليه يا مازن ؟

مازن و هو بيحضنها بقوة : اسف يا أمي اخر مرة عشان خاطري متسبنيش انا مقدرش على فراقك 

رانيا و هي بتمسك وشه بأيدها الأتنين : هو في أم تزعل من ابنها يا عبيط و حضنته تاني 

و فجأة محمود طليق رانيا و والد مازن دخل البيت عشان الباب كان مفتوح 

محمود ببرود و حاطت ايده في جيبه : شكلي جيت في وقت مش مناسب 

قام مازن وقف  قدامه و كان بيبص له بنظرة استحقار : ايه اللي جابك هنا يا جدع أنت 

محمود : مش عيب لما تكلم ابوك كده

مازن بقرف : أبويا مات من ساعة ما اتولدت 

محمود : لا بس واضح أن رانيا عرفت تربيك 

مازن بعصيبة : ربتني غصب عنك 

رانيا و تمسك دراع مازن و بتقول بخوف : مازن خلاص ادخل اوضتك و هشوف الموضوع

مازن : ليه شايفاني لسة البزازة في بوقي و مسك مازن دراع محمود و شده على برة و خرجه برة البيت و قال بنبرة عصبية : عارفة المصيبة في ايه أني للأسف اسمي ملزوق في اسمك…. مشوفش وش امك هنا تاني و إلا هبلغ البوليس ! و قفل الباب في وشه

رانيا بإنهيار : ليه يا مازن ليه ؟ تجاهلها مازن و دخل اوضته بكل غضب 

قعدت رانيا على كنبة و اتصلت على چنی 

رانيا ببكاء : ألحقيني يا چنی 

چنی بنهجان من الجري : في ايه يا رانيا ؟ 

رانيا : مازن جاه البيت اصل كنا متخانقين و اتصالحنا و فجأة محمود جاه و مازن طرده 

چنی بفخر ‌: و اللهِ جدع… تربيتي 

رانيا : يا چنی احنا في ايه و لا ايه 

چنی بجدية: أنتِ عايزة تفميني واحد سابه ابوه من ساعة ما اتولد و كان يدوبك امه عندها 16 سنة يعمل ايه ياخده بالحضن مثلا 

كانت چنی دخلت الهايبر ماركت عشان تشتري طلبات للبيت انصدمت و وقعت عل الارض لما شافت مجدي قدامها و معاه واحدة و رانيا كانت معاها على المكالمة و عمالة تنادي عليها و …….