رواية ليلة رأس السنة الفصل الثاني عشر 12 بقلم جنى حمادة

عند دكتور عزت…….

دكتور عزت:هاه خلاص هنسافر بكرة الصبح السواق جى عند الفيلا الساعة ٦ ياريت تبلغى علا علشان تجهز والسواق يجى يخدها

رنا:حاضر يا بابا

دكتور عزت:مش عايز تاخير انا سمحت ليكى انك تسافرى علشان ترفعى معنويات شهد لولا كده مكنتش خليتك تسافرى ابد

رنا: عارفه يا بابا وانا فخورة بيك دائماً علشان انت احن واطيب قلب في الدنيا ربنا يخليك ليا

في الصباح في فيلا دكتور عزت…….

دكتور عزت:مع السلامه يا رنا خدى بالك من نفسك

رنا: حاضر يا بابا مع السلامة مع السلامه يا ماما

مامت رنا:مع السلامه يا حبيبت ماما

وصلت العربية عند علا

علا:مع السلامه يا ماما

ام علا:مع السلامه يا علا خدى بالك من نفسك وسلميلى على شهد

علا:حاضر يلا مع السلامه

في العربية

علا:اذيك يا رنا عاملة ايه

رنا: بخير وانتى يا علا

************************

في اسيوط في قصر زين………

عند الحاجة……….

الحاجة:يلا يا ام رزج جهزى كل اللى قولتلك عليه يلا همى الناس زمانهم على وصول

ام رزج: حاضر يا حاجة

ملك: مالك يا حجة في ايه جيلنا ضيوف ولا ايه

الحاجة بدر:اه يا بنتى صحبات شهد جايين يشفوها ويجعدوا معاها كام يوم

ملك:هو ده اللي ناقص مش كفاية هى لا وكمان صحباتها

الحاجة:عيب اكده كفياكى حديت ماسخ

زين:وبعدهالك يا ملك مش ناوية تجبيها البر ولا ايه

ملك: لا يا زين مش جصدى سامحنى سامحنى انى اسفة مش هاعمل حاجة تانى

شهد: صباح الخير عليكم كلكم

كلهم ما عدا ملك: صباح النور

الحاجة:يلا يا بنتى علشان تستجبلى ضيوفك

شهد:بجد مش عارفه اقول ايه خايفة اكون بتقل عليكم مش كفاية انا لا وكمان صحابى

زين: وبعدين معاكى يا دكتورة انتى صاحبت مكان مش غريبة البيت بيتك

ابتسمت شهد لزين قلبه دق بطريقة غريبة ابتسم زين

زين:ايه يا حاجة فين الفطور

بعد كام ساعة جت رنا وعلا في القصر

ام رزق:يا اهلا يا اهلا يا مرحبا يا مرحبا ست شهد يا ست شهد

شهد:خير يام رزق

ام رزق:صحباتك جم

شهد:بجد انا نازلة حالا

الحاجة:اهلا وسهلا نورته البلد كلتها

رنا وعلا:اهلا يا طنط

شهد:رنا علا حبايبى

وسلموا على شهد بكل حب

شهد:عاملين ايه يا رنا انتى وعلا

رنا:بخير مش ناقص غير وجودك معانا 

دخل زين بكل وسامته وهيبته

زين:اهلا وسهلا

رنا وعلا: أهلا بحضرتك

علا:ايه يا شهد القمر ايه ده هو فيه كده يخرابى ده الواد قمر هو في الصعيد في كده اتاريكى قاعدة مبلطة

شهد: هههههه زى منتى عمرك مهتتغيرى أبدا

زين:يلا يا حاجة فين الوكل زمان الجماعة جاعوا من السكة

علا:اه جوعنا قوى يا استاذ والله

الحاجة:يلا يلا كله على السفرة يام رزج نادى على ملك تجعد معانا

ام رزج:حاضر

الكل متجمع على السفرة

علا:ايه كل ده ياطنط تعبناكى معانا

الحاجة:لا يا بنتى تعبك راحة تعالى انتى بس كل يوم تنورى

علا:لا على كده انا هسكن هنا

كلهم ضحكوا على علا

رنا: عاملة ايه يا شهد في المستشفى مع دكتور محمد

الحمد لله يا رنا كله كويس

رنا:هو بيشكر فيكى بيقول لبابا بكرة شهد تبقى دكتورة شاطرة كبيرة

شهد:تسلمى هو اللى دكتور جميل والشغل معاه ممتع جدا

غضب زين من كلام شهد على الدكتور

زين بحدة: ام رزج هاتيلى القهوة على المكتب بعد اذنكم البيت بيتكم

ملك:وانتوا كمان زى شهد اكده

علا:اه احنا كنا في كلية واحدة بس منه لله اللى كان السبب فرقنا عن بعض 

ملك:ومين اللى كان السبب

شهد: مفيش حاجة يا ملك ده موضوع وراح لحاله يلا يا بنات على فوق ارتاحوا شوية، بعد اذنك يا ماما الحاجة

الحاجة: اذنك معاكى

ملك في نفسها:يا ترى مخبية ايه يا ست شهد مبقاش ملك الا لما اعرف اما مشيتك مبقاش انا ملك

************************************

عند شهد في الاوضة

علا:ايه يا بت العز ده كله

رنا:يبت اتلمى فضحتينا يقولوا علينا ايه

شهد: هههههه هما لسة هيقولوا ما قالوا وخلاص

البنات: هههههه

شهد:وحشتونى اوى يا بنات القاعدة من غيركم وحشة

رنا: معلش كله هايعدى قولى يارب

شهد:يارب مليش غيره

ملك في نفسها:هو ايه اللي هيعدى شكلك حكايتك حكاية يا ست شهد

******************

عند زين……..

زين في نفسه:مالك يا زين فيك ايه اعجل أكده دى امانة وانا عمرك ما خنت الامانه

الحاجة خبطت ودخلت:زين يا ولدى انت فاضى

زين:اع تعالى يا حاجة ادخلى

الحاجة:بجولك يا ولدى ما تاخد مرتك وتروح تغير جو شوية في أي حتة

زين:بتجولى ايه يا حاجة مرت مين انتى ناسية ولا ايه

الحاجة:يا ولدى أبدا معاها حياة جديدة هى غلطت وعرفت غلطها ومهما كان دى بت عمك واختك عندهم وانا شايفة البت غلطت يا ولدى وندمت

زين:بتجولى ايه بس يا حاجة استحالة دى واحدة ولا عندها دين ولا اخلاج ازاى امنها على شرفى وولادى ومالى استحالة يا امى انتى جلبك ابيض فاكرة الناس كلها زيك لا يا امى دى عجربة بكرة تلدغ وتجرى

الحاجة:ياولدى نفسى افرح بيك وبولادك قبل ما اجابل وجه كريم

زين: بعد الشر عليكى يا امى ربنا يديكى الصحة وطولت العمر

الحاجة: العمر بيجرى يا ولدى وانت بتكبر كان مشكلتك اخواتك البنات واهم اتجوزوا بجالهم فترة شوف حالك يا ولدى

زين:حاضر يا امى

الحاجة:يريح بالك يا ولدى تصبح على خير

زين:تلاقى الخير

**********************

عند شهد………

علا:بس ايه يا بت يا شهد المز اللى التحت ده ايه ده قمر يا بت مش لازم تفوتيه مال وجمال

شهد:يا علا اتنيلى انا فى ايه ولا فى ايه وبعدين ده متجوز ملك اللى كانت قاعدة معانا صحيح يا علا اوعى تغلطى معاها فى حاجة هى متعرفش عنى حاجة خالص ومش طايقة وجودى هنا

علا:شكلها يا بت يا شهد غيرانة منك على جوزها الصراحة قمر لو انا منها يلهوى مخلكيش تقعدى ساعة معاه

شهد: هههههه طب يلا كفياكى كده علشان متتعبيش من السفر

رنا:عايزة انام يلا يا شهد طفى النور دى فاضية 

شهد:طب تصبحوا على خير

علا: رايحة فين

شهد: على اوضتى

علا:يا حلاوة انا شايفة البيت بيتك

شهد حدفتها بالمخدة:اتخمدى انتى ايه مبتتغيريش

خرجت شهد من عندهم راحت الجنينة ودى اول مرة تقعد الجنينة من ساعت ما جت وهى كانت بتكسف قعدت على كرسى في الجنينة

شهد:الجو حلو اوى اتنهدت بصوت عالي لقت صوت من وراها

زين:مالك يا دكتورة ايه اللي مسهرك

شهد: زين خضتنى

زين:انى اسف

شهد:لا ولا يهمك أصل اول مرة اقعد في الجنينة بس تعرف انا كان نفسى اجى كتير الجنينة تحفه

زين:طب استأذن انا وسيبك تستمعى بالجو الحلو

شهد:لا ابدا خليك وجودك بيطمنى

زين بعفوية:بجد

شهد ابتسمت:بجد انا مش عارفه ارد جميلك ازاى انك صدقتنى ووقفت جمبى ومتخلتش عنى كان واحد تانى قال انا مالى بس انت انسان شهم ونبيل وجدع

فرح زين بكلامها جداً وحس انو عايز يحضنها

زين:متقوليش كده دى اقل حاجه، انتى بنت ناس وكان باين على شكلك ولزى مالك مايعرفش يعنى ايه بنت ناس كل همه اللى عايزه وبس

شهد: بجد يا زين انا مش عارفه هو عايز ايه منى ايه تعرف انا قلبى وجعنى اوى اوى مش عارفة افوق مش قادرة استوعب ليه يحصل معايا كده ليه انا عملت ايه لكل ده كل ده علشان دافعت عن نفسى ليه دايما الغلبان مداس عليه اوى وبجد نفسى انتقم منه لانه دمر حياتى ضيع مستقبلى حرمنى من اغلى حاجة فى حياتى امى وقعدت تعيط بحرقة

زين:خلاص يا دكتورة ربنا موجود وانتى اقوى منيه بكتير خلاص كفاية بوكا كل واحد جواه وجع بس بيختلف وجعك عن وجعى لان كل واحد وليه ظروف فسبيها على الله

شهد:ونعم بالله طب انت وجعك ايه مالك

زين بتنهيدة: يعنى منتيش عارفه يلا اسيبك تطلعى لصحابك تصبحى على خير

شهد:تلقى الخير