رواية حب غير مشروط الفصل التاسع 9 بقلم روان فايز

رهف حست بايد ماسكة رجليها .. صر*خت و لزقت فى الحيطة اللى وراها

كانت شايفة الظل بيقرب منها اكتر كل ما بتسمع صوت السلا*سل جاية ناحيتها وبتخبط فى الارض ! ..

رهف حطت ايدها على بقها وجريت على شباك فى اخر الاوضة فتحتة ..

وسمعت صوت صري*خ بسيط كأن حد بيتاذى من الضوء . صوت مببوح بيقولها : اقفل الشباك .. انت نسيت انك حابسنى هنا من اسبوع ، مشوفتيش النور بقالى اسبوع !

رهف حدقة عنيها وسعت لما سمعت الصوت .. لفت بحذر وجسمها بيترعش ..

الصوت : .. انت مش عامر!  ؟؟ فين عامر ؟

رهف لقت بنت لابسة فستان اتحول لونة لبنى من التراب .. ايديها مربوطة ورا ظهرها بجنز*ير وشعرها مفرود على وشها بطريقة مر*عبة ..

رهف : صح أنا مش عامر

رهف بتدقيق : انتى انسانة زينا عادى ، صح؟!!

الصوت بضحكة مستفزة : للدرجادى بقيت نج*سة لاى حد يشوفنى .. كنت زى الملاك بفستانى الابيض ، بس قذ*ارة خطيبى وس*ختة

رهف بتقرب بحذر وبتسالها : انتى مين ؟

الصوت : أنا ريناد ، خطيبة عامر !

رهف : وهو عادى يكون حاب*سك هن .!!! .. افتكرت انتى بنت زعيم العصابة !

ريناد بتضحك بصوت عالى : هو دايما بيحكى كل حاجة الس*افل دة !

رهف : يعنى الكلام اللى هو قالة صح .. هو فعلا خ*اطفك

رهف بتضييق عين : طب انتى مش عارفة أنا مين !؟

رهف : مش حكالك أنا مين !؟

ريناد : انتى صوتك زى ما يكون صوت عيلة فى اعدادى ! .. اية بنتة !

رهف فهمت أن ريناد مش شايفاها كويس ..

شافت الج*نزير حوالين ايديها يبقى اكيد عامر مقالهاش وهى فعلا مش متفقة معاة على ابوها !

رهف لنفسها : أنا ممكن اوريها نفسى واحررها .. واطلب من ابوها انة ياخد كل حاجة من عامر ! .. دى فرصة مش هتتكرر تانى يا رهف! وارجع أنا تانى لحياتى الطبيعية

رهف بصتلها بخوف شديد ..

تحت عند رجاء ..

رجاء : العجينة كدة هتبشبش يا فتحية .. حطى دقيق زيادة ، بت يا صفاء .. روحى اشترى الخضار من عم سعيد

صفاء بفرحة : اوام  يا ست رجاء يا عسل  !

فتحية بصت علي صفاء بحقد وقالت لرجاء : شوفى ماشية ازاى .. اكيد فية بينها حاجة وبين ابن سعيد دة ، اسمعى منى يا حجة !

رجاء : اتجعدنى انتى بس وشوفيلك حد .. ساعتها لما يتقالك روحيلة هتبقى طايرة !

فتحية : استحاالة .. استحالة بعد ما ابويا ساب امى مسؤولية عن ثلاث حتت ..لسة متعلموش يتكلموا وراح اتجوز من وراها ! .. امى بقت تشتغل بالثلث واربع شغلانات علشان تقدر تسترنا وتصرف علينا، لغاية ما جالها القلب ودة اللى مصبرنى اشتغل هنا لان مرتبة اعلى من مرتب البيت اللى كنت شغالة فية زمان .. استحالة اغلط غلتطها واتجوز !  مسكينة ياما لا لحقت تتهنى فى شبابها ولا بعد ما ربت عيالها !

رجاء مسحت على كتف فتحية بشفقة : فية الحلو وفية الوحش .. وانتى لسة شابة وجميلة يا فتحية والف واحد يتمناكى ..

فتحية بسخرية : دة لما يعرف ان اسمى فتحية هينط من الشباك ! ..

رجاء ضحكت عليها ورجعت بصت للعجين .. وافتكرت رهف اللى سابتها فوق لوحدها .

فوق عند رهف وريناد

رهف مرعوبة .. ومدت ايدها علشان تشيل الشعر من على وشها .. والغمامة على عنيها

رهف افتكرت .. وسألتها : انتى ازاى عرفتى أنى مش عامر قبل ما اتكلم ، انتى شايفانى ؟

ريناد بسخرية من نفسها : أنا بتعلق بالناس اوى لدرجة بعرفهم من البرفان بتاعهم ..

رهف بتوما براسها : اممم ..

ريناد بتعجب : بس تعرفى انتى صوتك فية شبة كبير منى لدرجة حاسة انك صدى صوتى وانى بتوهم لا اكتر ولا اقل .

رهف سمعت صوت حد طالع ..

سحبت ايدها وجريت عالباب قفلتة .. ووقفت جسمها بيترعش .. بصت يمين وشمال مفيش مخرج !

وفجاة حست برجليها مش قادرة تشيل جسمها ووقعت .. هامدة من دون حراك !

ريناد فى الاوضة : انتى روحتى فيين ؟ مش هتفكينى !؟ .. هو أنا اتج*ننت وبكلم نفسى ؟؟؟!

فى مكان مهجور .. عامر بيدخل شايل حقيبة كبيرة ..

عامر لاحد رجا*لة الرئيس : .. اشوف البضاعة الاول

الراج*ل بيفتح شنطة مليانة بودرة وبيرميها على الارض قدام عامر

عامر بيبص بقرف .. وبي*تف على الارض وبيمشى ناحية الرئيس وماشى وراة رج*الة مسلح*ين .

الرئيس قاعد على الطربيزة ومتسلط علية النور : لاا أنا مبحبش التاهير خالص مستغ عامغ..

عامر : فلوسك جاهزة ..

الرئيس ضحك على جنب وشاور للرجالة اللى ورا ..

الرئيس : أنت مش بتحب الجواز يا عامر صح ؟ .. وعلشان كدة هديك فرصة ومش هقت*لك النهاردة ..

عامر بصلة بعيون حادة .. : فين العقود ؟

الرئيس حط ايدة على ايد عامر وقال .. أنا مش بحب الكلام الكتير ! .. وبلع ريقة :  أنت نوعى المفضل يا عامغ !

عامر رجع بظهرة لورا وهو بيحط ايدة فجيبة و بيطلع عملة قدام الرئيس

نطر*ها بصباعة فى عي*ن الرئيس  وبسرعة طلع مس*دس ودير الكرسى .. وخرجت كل رصاصات المس”دس فى دماغ كل الموجودين  .. .

عامر قام واتوجة للرئيس اللى كان بيبعد الكرسى بتاعة برعب وهو حاطط ايدة على عينة لحد ما وقع على الارض !

 عامر نزل لمستواة مسك رقبتة وحط الم*سدس فى راسة ..

عامر بحدة : أنا مش بحب تضييع الفرص ، بس اسف هضطر اضيع فرصتك لانك متستحقهاش !

وضغط على الزناد .. فطرطش الد*م على هدومة ..

وخرج مع شنطة الفلوس .. وشنطة البضاعة.. متوجة لمكان مجهول

_فى بيت عامر ..

رجاء بغضة : فتحيااة .. فتحيااة تعالى بسرعة !

فتحية طلعت ونقلوا رهف اوضة عامر ..

رجاء : روحى نادى الدكتور بسرعة وأنا هطلب عامر لو كان الأمر يهمة هييجى ..

.. عامر سايق العربية ووصل عند مدخل عمارة..

الموبايل بيرن فبيقفلة وبيطلع فوق ..

الباب بيخبط .. شخص لابس ماسك اسود بيفتح الباب ..

عامر : فلوسك جاهزة

عامر بيزقة ويخش الشقة

الشخص : أنت مش عارف أنا مستحمل اية علشان اشتغل معاك ..

عامر:  يعنى مهياش سيئة للدرجة ..

الشخص : متحكمة وجشع*ة بشكل ، مشفتش حد بيحب الفلوس ادها

عامر بيرمى قدامة شنطة الفلوس

عامر بهدوء : دى فلوسك ولو استمريت هيبقى ليك الضعف ..

الشخص بينزل عالارض وبياخد رزمة فلوس بيقلب فورقها وبيبص لعامر بكره وبيقول : موافق ..

فى بيت رهف

ابو رهف على : هاا وصلت لحاجة !؟

جاسو*س : والله ما لقيت حد بالاسم دة خالص ، ولا تليفون ولا عنوان دا حتى اسم الشركة اللى قالكوا عليها غلط !

ابو رهف بغ*ل : يعنىىى اية مش لاقيين حاجة .. اقلبلى طوب الارض عليهم !

تابع بييجى من برة .. وبينادى :  يا زعييم ، لقناااة نازل من عمارة فى مركز قريب من هناا !