رواية زين الصعيد الفصل الثامن والثلاثون 38 بقلم دودي

رواية زين الصعيد الفصل الثامن والثلاثون 38 بقلم دودي

رواية زين الصعيد البارت الثامن والثلاثون

رواية زين الصعيد الجزء الثامن والثلاثون

رواية زين الصعيد الحلقة الثامنة والثلاثون

جنة ومريم في صدمة اول م سمعوا هدي…
جنة :يعني انتي فعلا حولتي تقتليني بجد …
مريم :هدي انتي ازي جالك قلب ل كدا ازي …ده انا كنت هروح فيها …لولا أنهم لحقوني من الس*م قبل م ينحش فيااا …ازي تعملي كدا حرام عليكي
هدي بغل :ايوه عملت كدا …حرام عليا ليه… م انتوا اللي عملتوا كدا ف نفسكم …
مريم بإستغراب:عملنا كدا ف نفسنا !؟ انتي مدركة اصلا كلامك ده أنه مش منطقي
هدي بضحك :والله ضحكتيني بجد …انا مش كنت قصدكي انتي …بس اهو تعمل ايه محدش قالك تدخلي ف الوقت ده بقا … الغلط ع ست جنة صاحبتك هي اللي خلتني ألجأ ل كدا من كر*هها لياا وأنها دايما شايفة أنها احسن مني ف كل حاجة انا مش ندمان اني عملت كدا بالعكس لو رجع بياا الزمن كنت فكرت وخططت وعملت اللي عملته من تاني …علشان بكر*ك ي جنة …ونفسي يجي اليوم واشوفك مذلولة ليااا …وراسك ف الأرض وبتضحك
مريم :انا مش عارفة اقول ايه …حقيقي مش عارفة وبتبص ل جنة اللي واقفة من غير ولا كلمة واقفة بتسمع بس …بتسمع ومصدومة من كل كلمة …من الغل والح*قد …وال*شر اللي هدي بتكلمها بيه …وعيونها ف عنيها اللي باين فيها الكر*ه…
جنة بتنهيدة وغضب : اتصدقي انا مشفقة عليكي …انتي اللي زيك الله يكون في عونها … انتي محتاجة تتعالجي بجد …قلبك مليان سواد وهيفضل كدا طول عمره …عمرك م هتتعلمي ولا تواجهي اي حاجة … اقولك ع حاجة افضلي كدا … ر*خيصة وعندك غل وكر*ه من ناحيتي … أنا مش هزعق معاكي ولا هحرق دمي قصدك …بس يكفي أن عارفة انا مين وانتي مين كويس اووي …
هدي بضحك :م علشان مش عندك حاجة تقوليها …انتي ولا حاجة أصبت ي حبيبتي …انا بنظرة مني اشيب ميت واحد ولو شاورت بإدياا بس كدا كل الرجالة تبقا تحت رجلي فوقي كدا ل نفسك …انا عارفة شايفة نفسك ع ايه وبتضحك
جنة بكل هدوء تم :ايوه شايفة نفسي ع فكرة … عارفة ليه غ الأقل محافظة ع نفسي مش زيك … وبالنسبة للي بتتكلمي عليهم دول وأنهم يكونوا تحت رجلك ف ده علشان انتي ر*خيصة ي حبيبتي مش اكتر ولا …وبيتسلوا بيك بس
هدي بغضب وبتحاول تمسك ف جنة… هي مين دي اللي ر*خيصة ي كلبة انتي كمان
مريم بتقوم وتحوش هدي ع جنة …هدي كفاية كفاية بس …

 

 

هدي بغضب :وسعي كدا وسعي انتي كمان لازم اربيهاا
ومريم ماسكة هدي …تربي مين ابعدي عنها بقولك وبتزقها بعيد عن جنة وجنة كانت واقفة وماسكة ايد هدي هي كمان بس من غير اي رد فعل ولا كلام …
وبتروح جنة بكل هدوء: مهما تعملي وتزعقي وتعلي صوتك عليااا …عمري م هتكلم معاكي ولا هعلي صوتي ابدا …وده مش خوف منك ولا حاجة …ده علشان تربيتي …وكل واحد بيدل ع تربيته …وانا احسن منك وتربيتك اعلي منك عرفتي بقا السبب ايه …اوعي تفتكري أن الكلام والصوت العالي حاجة قوية لا عمرها م بتتقاس كدا …افضلي اشتمي وقلي ادابك اكتر واكتر وانا واقفة اهو بكل برود قدامك ولا هممني …وبتبتسم جنة ل هدي ببرود وبتكمل كلامها
فانا اكبر منك ومستوياا اكبر من كدا بكتير …انتي اللي زيك زبا*لة وهتفضلي طول عمرك كدا عمرك م هتتغيري ابدا …وللاسف مرضية نفسية ومكانك مش هنا معانا انتي هناك مع المرضي والمجانين اللي زيك ونفسهم حقو*ده كدا
هدي بغضب وبترفع اديهاا علشان تضر*ب جنة ب القلم
جنة بتروح ماسكة أيدها …انتي اتجننتي ولا ايه عاوزة تمدي ايدك عليااا اتهبلتي صح وبتنزل ايديها وبترفع صابعها ف وشهااا … امشي اطلعي برا من الاوضة …احسن قسمنا بالله رد فعلي الجاي صدقيني هتندمي عليه اووي أنتي فاهمة …غوري من هنا اطلعي بقولك …
مريم :هدي امشي دلوقتي كفاية ل حد كدا يشيخة حرام عليكي انتي ايه قلبك اسود …اسمعي كلام جنة واطلعي بقا
هدي بغضب :ماشي ي مريم هانم همشي وانتي ي جنة هوريكي هدي اللي بتقولي عليها ر*خيصة دي ايه…
وبتمشي هدي وكلها غل وغصب من ناحية جنة … جنة بتنهيدة وبتقعد ع الكرسي …ومريم جات ناحيتها … جنة انتي كويسة
جنة :ايوه ي مريم …

 

 

مريم :انا بجد مش عارفة ازي ممكن هدي تفكر كانت تأذيكي كدا وبالشكل ده هي وصلت انها تس*مك
جنة :اللي زي دي تعمل اي حاجة علشان تخلص من اللي قدامها
مريم :دي عا*ر ع القطاع هنا بجد …انا بفكر ابلغ المدير بكل اللي حصل ده
جنة :لا لا …ولا تقولي ولا تعيدي انا عارفة ومتأكدة أنها هيجلها يوم …وشايفة مقولة “من اعمالكم سلط عليكم “والعبارة دي هتحصل اكيد. اكيد بس شوية والصبر
مريم :عندك حق والله…كل واحد بيعمل حاجة مهما كانت بتعود عليه ف يوم من الايام …المهم سيتي سيبك بقا من هدي ومن قر*فهااا …شوفتي انا كنت هروح بدلك ازي يعم مكنش هيكون عندك مريم … بالذات أنك بتموتي فياا طبعا مش كدا …كنت هروح في شربة مياه وبتضحك
جنة بضحك :مش تقولي كدا ي حبيبتي تعيش وتاخدي غيرها بجد معرفش من غير كنت عملت ايه …شكرا ع شربتي بدلي …يروحي وبتضحك طفسة طول عمرك
مريم بضحك :سيد متقولش كدا احنا اهل اي خدمة …
جنة :طاب يلا ي لمضة نروح نشوف شغلنا احسن
مريم بضحك :يلا ي باشا …
……………………………………………….
ماجد قاعد هو وخالد صاحبه بعد م حكاله ع اللي حصل
خالد بضحك :يخربيتك يخي …يعني كدا طارت منك المصلحة
ماجد :طارت يخوياا … مش انت بشرت فيااا بنق امك ده …لازم تتطير
خالد بضحك :الله يعم وانا مالي …حد قالك تصاحب البت اللي اسمها هدي دي اهي اخرتك كانت ع اديهااا …اشرب بقا
ماجد :م انا فعلا شربت خالص
خالد :ادي آخرة الصرمحة …وبيضحك علشان مرضتش تاخدي معاك عند الموزة هدي
ماجد :م خلاص يابا بقا وجعت راس امي انت كمان .. اقولك قوم امشي يلا
خالد :الله …ايه يعم م خلاص انتي هتتعصب علياا ولا ايه …طاب اقولك ع فكرة تخلي جنة دي تبقي زي الخاتم في صابعك ومش بعيد كمان هي اللي تجري وراك بعد كدا وتقولك ارجع ليااا

 

 

ماجد بيبص ل خالد وبإستغراب: فكرة ايه
خالد بضحك :شوفت ركزت معايا زي … مش من شوية كنت بتقولي امشي
ماجد :يعم اخلص قول …
خالد :طيب ماشي هقول بص ي سيدي ……. …
ماجد بإنتباه شديد لما سمع فكرة خالد وخطته …اه ي ابن الجنيه … بس جنة مش بتاعت الحوار ده
خالد :يعم بس جرب … اول م هتعرف صدقني هتخاف وهترجعك
ماجد :انت دماغك س*م يخربيتك
خالد بضحك:اي خدمة يعم …
**ي تر ايه الخطة اللي خالد قالها ل ماجد وفعلا هل هتخلي جنة ترجعله ولا لا …
………………………………………………..
مودة خلصت امتحانات خلاص ….. ف اخر سنة لها ف حقوق
رحيم كان واقف قدم بابا الكلية لها
كانت خارجة هي ومروة صاحبتها …
رحيم بينادي عليها …مودة مودة
مودة شافت رحيم ومشيت ناحيته …ايه ده رحيم ايه اللي جابك هنا
رحيم :اروح يعني ولا ايه وبيضحك
مودة :مش القصد …بس انت واقف هنا ليه …مستني خد جواه
رحيم :ايوه …مستنيكي

 

 

مودة بإستغراب: مستنيني …وده من امتاا إن شاء الله م كل مرة يخلص امتحان وبروح عادي
رحيم :لا تفرق النهاردة اخر امتحان ليكي ف الجامعة …وقولت لازم اجيلك ونروح سوا …المهم طمنيني عملتي ايه في الامتحان
مودة :عملت كل خير ان شاء الله وبتضحك
رحيم بضحك:ايه هتجيبي كحكة بقا
مودة :قول ي رب وبتضحك هي كمان
رحيم :طاب يلا بقا علشان نمشي
مودة قالت ل مروة تيجي تروح وتمشي معاهم بس مروة مش رضيت وقالت ل مودة لا …هي هتروح تجيب حاجة من المكتبة وتروح ع طول …مودة مش حابت تضغط عليهاا
بعد كدا مودة ورحيم مشيوا … رحيم عزمها ع عصير قصب من قدام الكلية علشان عارف ان مودة بتحبه اووي وبالمناسبة مش شرط الفشخرة علشان حد يقول ملاقش الا العصير خليكم دايما فاكرين أن الاكل والشرب مش كل حاجة ف مقابل انك بتحب الحاجة دي ومرتاح لها مهما كانت صغيرة بس يكفي انت بتحبها …مودة بالنسبالها عصير القصب ده حاجة كدا خيال …حتي رحيم كان دايما يقولها يروحوا يأكلوا ف اي مكان بس مش بترضي ابدا وبتقول لا كفاية العصير وآخرهم لو اتمشوا شوية ع الطريق وقدام بحر سوهاج وكلوا حمص الشام …
شوية ووصلوا البيت ورحيم دخل لقااا حسن الجبالي وراضية قاعدين …
رحيم بحب :اذيك يعمي …اذيك ي خالة راضية
راضية:الله يسلمك ي ولدي تعال اقعد

 

 

حسن الجبالي :تعال ي رحيم …انت كنت مع مودة ولا ايه
رحيم :ايوه يعم روحت لها الكلية … خلاص يعم النهاردة اخر يوم في امتحاناتها وكل كام يوم والنتيجة تطلع ونحددوا بقا ميعاد كتب الكتاب ولا ايه
مودة :الله … احنا قولنا ايه ي رحيم …ماشي عايز يعني تتكلم قدام ابويي ماشي
راضية :ي بت اهدي ايه …الله يكون في عونك ي رحيم ي ولدي منها
حسن الجبالي بضحك :هو رحيم قام جاب المأذون …وخلاص لاقيتنا حددنا ميعاد كتب الكتاب …
مودة :اصل ي بويي قولتله مش تفتح الموضوع ده تاني … غير لما اخلص الكلية الاول واشوف هعمل ايه
رحيم :انا اتكلمت علشان عمي يبقا شاهد
مودة بتبصله وبتبرق :شاهد ع ايه بقولك ايه مش تجنني انا بقولك اهو
رحيم :هو انا عملت ايه …طاب والنبي اسكتي وشوفي نفسك بتتكلمي ازي
حسن الجبالي :خلاص انتوا هتتخانقوا قدامي ولا ايه
…مودة يلا اطلعي فوق غيري انتي مش جاية تعبانة ولا ايه مش المشوار بطلي غلبة …وانت ي رحيم تعال مع المكتب علشان عايزاك
مودة :طيب ي بوييي طالعة وبتستحلف ل عاصم …اللي هو هوريك …عنيفة اووي مودة
حسن الجبالي ل راضية …قوللهم يعملوا لنا كوبايتين شاي وهاتيهم لنا ع المكتب ي ام زين انا ورحيم
راضية :حاضر ي حاج
……………………………………………….

 

 

 

زين ف المكتب
وعلي نجم دخل عليه
زين بحب :اهلا علي باشا تعال والله واحشني …
علي :واحشك برضوا …لو كنت واحشك صحيح كنت سالت علياا…ولا علشان جيت مرة خلاص كدا بقا تنساني ي عم زين
زين بضحك :هو انا اقدر برضوا ي باشا …طاب والله كنت لسه انا وعاصم ف سيرتك امبارح
علي بضحك : ع الله يكون في الخير
زين:طبعا ي باشا …بس والله سيبك انت …ايه المفاجأة الحلو دي …خلصت الرسالة بتاعتك
علي :ايوه خلصتها وجاي علشان اتكلمها فيها مع اللواء جمال ونحضر بقا علشان بعد بكرا إن شاء الله اوع مش تكون موجود انا بقولك اهو
زين :لا طبعا ازي هكون موجود طبعا ي باشا هو انا اقدر افوت بحث ليك ده انت القدوة بتاعتنا برضوا
علي :حبيبي ي زين باشا … يلا اتوكل انا بقا علشان لسه هروح للواء جمال المكتب …قولت اجاي اسلم عليك الاول
زين بحب :اتفضل ي باشا …اشوفك ع خير المرة الجاية
علي :إن شاء الله وسلم ع زين ومشي …
……………………………………………………..

 

 

ف شقة م ف التجمع الخامس…
ممدوح اسماعيل ومعاه اتنين ضباط كمان من اللي معاه ف القطاع
ممدوح :اذيك ي دكتورنا …
ابو القاسم :الحمد لله ي بطل تعال ادخل
ممدوح دخل ..
ابو القاسم:ايه مش تعرفني بالرجالة
ممدوح :ده عصام وده يوسف …جدد معانا وحبوا ينضموا لينا ول دروس الدين
ابو القاسم :اهلا طبعا ي مرحب بالرجالة
عصام :مرحب بيك ي دكتور ابو القاسم …حضرتك متعرفش حبك ازي من كلام ممدوح عنك وعن الجهاد ودروس الدنيا اللي بتشرحها ليهم
يوسف :اهو والله ي دكتورنا …كل يوم ممدوح يكلمنا عنك واد ايه انت بتوعيه …وفعلا اكتشفنا أننا مع الطوا*غيت وأننا بنحارب الحق وواقفين ف صف الباطل
ابو القاسم :ناس كتير اوي زيكم كدا مش مدركين ولا عارفين …علشان كدا لازم تتوعوا … انتوا مع الاعدا*ء
عصام :اه والله ي ابو القاسم عندك حق …علشان كدا بتفكر انا ويوسف نخرج من الجيش اللعين ده
ابو القاسم :لا مش دلوقتي لازم الاول تنقلوا لينا الاخبار علشان نعرف نتعامل مع الكفا*رة دول كويس
يوسف :والله ي دكتورنا احنا مستحملين بالعافية
ابو القاسم :معلش ي رجالة. …المهم دلوقتي أن ربنا نور بصيرتهم وخالكم تنضموا لينا وللجهاد والدين
عصام :عندك حق يشيخنا …

 

 

ابو القاسم :بس دلوقتي انتوا لازم أثبتوا ولائكم لينا الاول عاصم :ازي
ابو القاسم :يعني مثلا تجبولنا اخبار الجيش عندكم ف القطاع اول ب اول تبلغونا ب عمليات بتقوموا بيها وايه الخطط عندكم ف القطاع
يوسف :بس ده ليه
ابو القاسم بضحك :اومال هتعرف ولائكم ازي ي عم يوسف
عصام :واحنا موافقين
ابو القاسم :اوعوا تفتكروا أننا بنكر*ه الجيش …بس هم مش مدينا فرصة دايما فاكرين انتا كفا*رة ومنعرفش حاجة عن الدنيا …بالعكس يمكن احنا احنا منهم ف الدنيا …هم مفكرين أن التدين والدفاع عن الجهاد وسبيل الله ده كدا حرام …مش مدركين مدي حكمهم عند ربنا بإنهم بيقتلوا كدا ويخر*بوا …احنا بندفع عن الدولة الإسلامية وهم بيدمر*وها
عرفتوا بقا الفرق بينا وبينهم
ممدوح:والله ي دكتور ابو القاسم ميزان حسناتك عند ربنا كبير اووي …وده كفاية انك بتوعينا وبترشدنا ل طريق الحق …
ابو القاسم:كله لله ي ممدوح …المهم انكم الان ع طريق الدعوة …وبتحر*بوا الطوا*غيت …
**مفكرين نفسهم بيحاربو*ا الجيش وبيقولوا عليهم طوا*غيت وأنهم بيدعوا للدعوة والإرشاد وتوعية الاسلام … ده انتوا كفا*رة وولاد ستين ك*لب مفكرين لما هيحكموا ويحاولوا يدم*روا كدا هيسيطروا ع البلد لكن ده بعدهم … كول م ورانا وف ضهرك وعندنا جيش زي الجيش المصري والله عمرهم م هيطولوا مصر ابدا …هو ابد*م والخر*اب والق*تل دول كدا خلال عند ربنا …ربنا قالك تق*تل وتمو*ت اللي بيدفعوا عن البلد …ربنا قالك الجهاد هو سيل الدما*ء !!
اي واحد بيحاول يفكر أنه يروح للطريق ده فكر قبل المرة الف فكر هتستفد ايه !! فكر هضيع نفسك وعمرك ازي. …فكر بدل م تكون شخص حكيم وبتحبك بلدك …وتيجي ف الاخر وتنضم ل ناس زي دي … دول بقا اللي يتقال عليهم هم طوا*غيت. … دول اللي باقين من حسالة مرسي وأعوانه
………………………………………………….

 

 

زين وهو طالع من المكتب شاف جنة واقفة مع عاصم وعاصم واقف وعامل يضحك معاها
وماشي ناحيته …عاصم شافه …زين تعال رايح فين كدا
زين :مفيش …انت واقف هنا ليه
عاصم :واقف مع الدكتورة جنة …والله طلعت حكاية …ودمها خفيف
زين بيبص ل جنة بسخرية… ايه ده بجد …طاب كويس
جنة :اهلا ي استاذ زين وبتمد اديهااا علشان تسلم عليه …بس زين مش اهتمش لها …
حتي جنة استغربت وانكسف اووي …واستغربت من رد فعل زين اللي غير متوقع ده
عاصم بيقرص زين …زين …حاس بيه …وقاله ايه يعم بتقرصني ليه … م براحتي مش عاوز اسلم انا حر
عاصم :م خلاص ي زين مينفعش كدا ايه ده مالك في ايه …م تتكلم كويس بقا شوية
زين :يعم ولا اتكلم كويس ولا وحش …اقولك ع حاجة انا اصلا نازل الصعيد …
عاصم :انت نازل دلوقتي …في حاجة حصلت ولا ايه
زين :لا مفيش بس قولت للواء جمال انا رايح عندي حاجة كدا هناك و هخلصهاا وارجع ع طول
عاصم :طاب اجاي اوصلك ب العربية ل حد المحطة
زين :لا مفيش داعي …خليك انت هنا فرفش واضحك وبيبص ل جنة من تحت ل تحت …
جنة :طاب عن اذنكم
عاصم ماده ع جنة قبل م تمشي …لو سمحتي استني
جنة :نعم

 

 

 

عاصم :ممكن بس تستني …هو زين مش قصده حاجة
زين:ولا اقصد …كل واحد عارف نفسه بقا …سلام …ومشي زين
عاصم حاب يلطف الجو شوية بعد م زين بوخ كل حاجة
عاصم :بصي متزعليش من زين …هو مش قصده حاجة
جنة :لا عادي …خلاص مفيش
عاصم لاقا جنة زعلانة بس بتحاول مش تبين زعلاها وان زين كان اسلوب وحش معاها من طريقة كلامه
عاصم :ي سلام … بس شكلك بيقول غير كدا … هو زين يبان من برا صارم كدا وحاد بس والله قلبه ابيض من جواه
جنة :أتصدق انت احسن منه بكتير …ع الأقل بتضحك كدا ووشك بشوش …مش زيه وشه عليه غضب ربنا …الله يكون في عونك انت بقا …دايما شايف نفسه ع الفاضي تعرف اللي يشوفه دلوقتي …مش يشوفه لما كان بيكلمني بس ع الأقل كان كويس معرفش قلب كدا ليه … أصله بحالات باين عليه عاصم عامل يشاور ل جنة أنها تسكت بيشاور لها ب عنيه انها تبص وراها
جنة بإستغراب :ايه عنيك مالها …بتوجعك ولا ايه
زين من ورا جنة …لا وانتي الصدقة … ده بيقولك أن أنا وراكي بس …جنة سمعت صوت زين وحطت اديهاا ع بوقها …وقالت احم …نهار اسود انت هنا من أمتي
زين :لا ده من ساعة كلمة شايف نفسي ع الفاضي مش كدا
جنة نفسها الأرض تنشق وتبلعها ف الوقت …

 

 

زين بيبصلها ف عنيها …ايه يعني سكتي دلوقتي …اومال فين لسانك هو انا تايه عنك يعني م انا مجربه مين مرة قبل كدة
عاصم :احم … ايه ي زين ايه اللي رجعلك مش قولت انك ماشي
زين :ايوه يعم عاصم ماشي بس افتكرت حاجة ف المكتب ورجعت علشان اجبهااا …واهو ربنا باعتني علشان اسمع الدكتورة بتقول ايه من ورايا
عاصم :يعم بتقول ايه دي قصدها ع واحد تاني
زين بيبص ل جنة :طاب عيني ف عينيها كدا
جنة بتوهان وتوتر وبتبص يمين وشمال :ايوه صح ..زي م عاصم باشا كدا بيقول انا قصدي ع واحد تاني فعلا …
زين :طيب ماشي وماله … هعمل نفسي مصدق …لا وطلعتي بتكدبي كمان اهو
جنة بتوتر :لا مش بكدب
زين :يشيخة
عاصم :م خلاص ي عم زين …هتفتح محضر لها …مش قولت انك راجع علشان حاجة ف المكتب يلا روح بقا
زين :طيب ي عاصم رايح …
ومشي زين
جنة بتنهيدة :ايه سايبي عاملة اتكلم عليه كدا وعارف أنه ورايا ومش تقولي
عاصم بضحك :اعمل ايه م انا عامل اقولك بصي بصي
جنة :لا م هو باين …عامل تبرقلي ف عينك …انا هعارف كدا منين يعني
عاصم بضحك :يستي خلاص اهو مشي اهو …بقولك ايه تيجي اعزمك ع حاجة ف الكافتيريا ونتكلم شوية
جنة :اه يلا احسن يرجع تاني وانا مش عارف ممكن أقول ايه تاني عليه

 

 

عاصم بضحك :لا مش هيرجع تاني مش تقلقي …يلا بينا
جنة :استني بس بشرط
عاصم :شرط ايه
جنة بضحك :الحساب عليك
عاصم بضحك :مش انا اللي عزمك …يبقا اكيد ع حسابي
جنة بضحك :ايوه …إذا كان كدا ماشي …
…………………………………………………..
حسن الجبالي قاعد مع اخوه صالح
حسن :بقولك ي صالح عايز اتكلم معاك ف موضوع كدهااا
صالح :خير يخويااا
حسن :سليم ولدي عاوز يخطب ازهار بتك
صالح :ده لنا الشرف يخويا… بس هو ينفع ازهار تتخطب قبل قمر ي حاج انت عارف ان قمر الكبيرة …ومينفعش الصغيرة تتخطب قبل الكبيرة
حسن :الله جرا ايه صالح …ازهار جالها نصيبها هتقول لا ليه بقا عااد …وقمر نصيبها جاي جاي كل واحد ف وقته …ولا انت بقا ناوي ترفض
صالح : لا مش القصد يخويا …وانا هرفض ليه عاااد …
حسن :يبقا ع خير الله …وانت عارف سليم بقا ف الحربية دلوقتي …يعني كلها كام سنة ويتخرج
صالح :ايوه …ده زين الرجال وانا بحبه وفعلا يستاهل ازهار
حسن :انا قررت أننا هنقرا الفاتحة ونلبس دبل لحد م يتخرج لولا
صالح :ماشي ي حاج اللي تشوف …

 

 

حسن :هااا ايه طلباتك بقا
صالح :طلبات ايه يخويا بس … ده كفاية أن ازهار بتي هتروح ل بيتها التاني …
حسن: ازهار كيف مودة بتي … وكل حاجة تطلبها أمور…واكيد مش هنتفق دلوقيت …لما سليم يجي لولا ويكون زين اخوه كمان موجود …ونجي نخطب العروسة بأمر الله
صالح :ده نهار ابيض …تشرف وتنور يخويااا
حسن :يبقاا ع خير الله …
………………………………………………………
علي خلص مع اللواء جمال وطلع من عنده …اللواء جمال …انت هتفضل ف القطاع ولا هتروح ي علي
علي :لا ي فندم هروح البيت اجيب اوراق وبعد كدا هطلع ع قطاع الأمن العام
اللواء جمال :ماشي …انا مروح دلوقتي وهاخد إجازة كام يوم …هو البحث بتاعك امتااا
علي :إن شاء الله بعد بكرا ي فندم

 

 

اللواء جمال :خلاص ماشي
علي :انت مش هتحضره ولا ايه ي فندم
اللواء جمال :للأسف مش هقدر ي علي …معلش مش هقدر
بس اديني عرفته وناقشته معاك ولو عوزت اي حاجة من هنا لحد يوم البحث كلمني ف اي وقت
علي بحب :خلاص ي فندم ولا يهمك …المهم انك كويس وترتاح ف الإجازة
اللواء جمال:إن شاء الله…لا انت روح علشان مش تتأخر
علي :عن اذنك ي فندم
بعد شوية اللواء جمال خلص ف المكتب ومروح هو والسواق الخاص بيه …
…………………………………………
زين كان راكب القطر وساند رأسه ع الازاز
وفجأة فونه رن …
زين :الو
_البقاء لله
زين بصدمة: …

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (زين الصعيد)