رواية عشق مخيف الحلقة الرابعة 4 الجزء 2 بقلم ندى

رن الجرس 

بيجاد قام يفتح : فهد 

فهد بتوتر : انا عايز اشوف سيلا 

بيجاد فاجأة ضربه في وشه جامد .. خلي فهد يرجع كذا خطوة لورا 

بيجاد بغضب : عايز تشوف ايه .. 

فهد بغضب اكبر ووجع : عايز اشوف سيلا 

بيجاد شده من ايديه بغضب وزقه للصالة: عايز اعرف كل حاجة حصلت يا اما اقسم بالله ما هرحمك يا فهد 

فهد بعصبية شديدة و مش عارف يتحكم في غضبه : هقولك كل حاجة بس هي مراتي ولو السما انطبقت عالارض مش هسيبها ، عشان الأستاذة بتقولي هتتجوز الحيوان اللي اتقدملها …وريني بقي هتعرف تتجوز ازاي ، اعمل اللي انت عايزه فيا بس مش هطلقها ومش هقطع الورق

بيجاد بصدمة : مين ده اللي اتقدملها 

فهد بغضب : اسال بنتك ، هي قالت كدة 

بيجاد بغضب : وانت اي حاجة تقولها تصدقها ، وهان عليك تعمل كدة فيها .. عملت ايه تاني فيها انطق 

فهد بعصبية : لحد هنا والموضوع بيني وبينها لو هي عايزة تقول تقول بس انا مش هقول حاجة. 

بيجاد بغضب ضربه بشدة

جنة بدموع وبتشد بيجاد : بيجاد حرام عليك ، سيبه ، احنا متفقناش علي كدة 

بيجاد بيزعق: متفقناش فعلا علي انه يهددها ، ويتجوزها،  انا مش موافق على جوازة دي ابدا 

فهد بيضحك باستفزاز : مش هتقدر ترفض لو هي شجاعة كفاية تقولك السبب 

جنة شدت بيجاد بعيد عن فهد وقربت من فهد : ليه عملت كدة فيها دي معتبراك دايما أخوها وسندها 

فهد بصوت هادي نسبيا : انا عمري ما عرفت اعتبرها اختي وبضغط علي نفسي عشان مزعلهاش و اظن ان انتوا عارفين ده كويس ، عمري ما قولتلها حاجة تبين اننا اكتر من اخوات بس لحد كلامها ده وكفاية بقي 

جنة : احنا عارفين ده بس مستنين الوقت المناسب حتي سلمي عارفة .. بس اللي مش قادرة اصدقه انك بقيت متهور كدة ، من امتي بتعند مع حد ، كنت جيت وطلبتها محدش كان هيرفض بس انت خذلتنا كلنا 

فهد بصلها بحزن وقام خرج وفضل ماشي في الشارع حاسس انه تايه ،مشتت ، مش مستوعب غضبه وتصرفاته علي عيلته،  حتي علي اغلي انسانه هو حبها 

———-

جنة دخلت ل سيلا لقيتها بتعيط 

جنة حضنتها : متعيطيش كفاية 

سيلا : ماما ، فهد خوفني جدا ، دمرني يا ماما 

جنة بحزن : حببتي هو عمل حاجة تانية

سيلا اومأت بنعم وفتحت في العياط : انا اسفة يا ماما بس هو هددني جامد 

جنة : انتي فاهمه انا بتكلم علي ايه صح 

سيلا بدموع : فاهمه قصدك ، انا بكره اوي يا ماما 

جنة بدموع وصدمة بتحاول تخفف عن بنتها بعد ما اتاكدت من اللي كانت حاسه بيه انه مش مجرد جواز علي ورق بس ، حاولت تنطق تقول اي حاجة بس لسانها عاجز واخيرا قالت : حببتي ارتاحي دلوقتي متخافيش انا وبابا معاكي دايما فهد مش هيقدر يعمل حاجة .. نامي والصبح نشوف حل 

سيلا : حاضر 

بيجاد دخل ليهم ونادي جنة وخرج 

بيجاد : قالت حاجة 

جنة مسكت جاد من ايديه ودخلت اوضتهم و دموعها نزلت بشدة : بيجاد .. فهد دمر سيلا يا بيجاد  .. انا معرفتش احافظ علي بنتي .

بيجاد واقف مش مستوعب كلامها : انتي بتقولي ايه ، انتي متأكدة 

جنة بدموع: هي قالت كدة 

بيجاد : لازم نوديها لدكتورة تشوفها 

جنة حضنته وبتعيط: مش هقدر اقولها كدة مش هقدر اضغط عليها.. هي مش صغيرة وعارفة اللي حصل..مفيش حل لازم فهد يتجوز سيلا والناس تعرف ده ، انا سألت سيلا وهي اكدت ان فهد اذاها اكتر من كدة .. بيجاد مش هقدر اقولها حاجة ،

بيجاد دموعه نزلت : اااه يارب .. ايه اللي بيحصل ده .. سيلا يحصل معاها كل ده  …مش هسيبه 

جنة : بيجاد عشان خاطري بلاش تعمل حاجة ، احنا نجوزهم ونعمل فرح ونخلص الموضوع وبعد فترة تتطلق منه ، بس بلاش تتهور عشام خاطري عشان ميعندش معانا اكتر .. انا بقيت قلقانة من تصرفاته ناحية سيلا 

بيجاد : ربنا ييسر الحال،  هكلم حسام ونشوف هنتصرف ازاي ، علي قد ما وجع سيلا قاهرني ، علي قد ما تصرفات فهد دي صدماني 

جنة : اهدي عشان خاطري .. احنا لازم نخلص الموضوع ده بسرعة ده احسن حل .. زي ما قولتلك ان ممكن تكون دي بداية قصتهم،  احنا نصلي ل ربنا وكل حاجة هتتحل 

بيجاد : هي سيلا كويسه طيب 

جنة: ايوة خليتها تنام 

بيجاد : ابقي نامي جنبها النهاردة متسيبهاش لوحدها 

جنة : اكيد.. يلا نصلي

بيجاد ابتسملها بحزن : هخش اتوضي طيب .. 

———

سيلا نايمة عالسرير في اوضتها وبتعيط : ليه يا فهد تعمل كدة ، انا اذيتك في ايه،  انا بكرهه اوي يارب ، ابعدني عنه يارب ، منك لله يا فهد 

———

حسام : فهد فين 

سلمي : نزل 

حسام بتنهيدة: الولا ده اتجنن 

سلمي بحزن : معرفش بجد ليه عمل كدة ، ما كان يطلبها زي الناس بدل التهور ده

حسام بيفكر : مش عارف احلل تصرفاته دي 

سلمي: وهنعمل ايه 

حسام بحيرة : مش عارف .. بيجاد يحدد بقي ،انا مش مطمني اساسا 

سلمي : قصدك ايه 

حسام : اقصد ان فهد ممكن يكون عمل حاجةتانية واتمني يكون لا 

سلمي بصدمة : يالهوي لا مستحيل فهد يعمل كدة

حسام بحزن : الله اعلم بقي 

رن موبايل حسام باسم بيجاد 

حسام : ايوة يا بيجاد 

بيجاد بغضب : ابنك دمر بنتي يا حسام …دي اخرة اللي بينا ، استأمنه عليها يقوم يدمرها 

حسام حس بكسرة وحزن : بيجاد انا مش عارف اقولك ايه ، بس اي حاجة هتعوزها هعملهالك ، انا اسف يا بيجاد 

بيجاد شعر بحزن صاحب عمره : حسام انا مش قصدي اضايقك بس ابنك اتجنن .. بنتي بتموت في اوضتها و هو مفكرش حتي فيها لما اتصرف معاها كدة 

حسام : بيجاد انا قولتلك اي قرار هناخده انا معاك .. 

بيجاد بغضب: خلي البيه يجي عشان نتزفت نتفق علي الفرح عشان مش هخلي حد علي اخر الزمن يتكلم علي بنتي نص كلمة ، الموضوع ده يخلص الاسبوع ده بالكتير عشان يطلقها اخر الشهر ونخلص 

حسام: تمام بكرة هنكون عندك 

——-

دخل فهد البيت بعد ما لف كتير وتعب من كتر التفكير لقي حسام قاعد مستنيه في الصالة 

فهد بندم : بابا 

حسام بغضب وقف قدامه : بابا ايه وزفت ايه .. انت عارف انت عملت ايه ولا مش مستوعب 

فهد : اتجوزتها بس 

حسام ضربه بالقلم علي وشه جامد بغضب : يا بجاحتك ياخي .. بكرة الصبح تجهز عشان نروح نعمل ام فرح بعد اللي هببته ده 

حسام سابه ودخل اوضته كانت سلمي مستنياه وخايفة : حسام 

حسام دموعه نزلت: ضربته يا سلمي 

سلمي : حبيبي متعملش كدة براحة عليه 

حسام بحزن : اول مرة امد ايدي عليه 

سلمي : حبيبي بلاش تعامله كدة خلاص اللي حصل حصل المفروض نفكر في سيلا ونحاول نخفف عنها 

حسام : عندك حق 

تاني يوم ———

بسنت : جاد انا خايفة علي سيلا 

جاد : متخافيش هم هيحلوا المشكلة اللي بينهم دي ان شاء الله كل حاجة تبقي تمام

بسنت: مش مرتاحة يا جاد .. حاسه فيه حاجة 

جاد : حتي لو فيه بلاش نتدخل عشان محدش يتضايق طالما منعرفش الموضوع ايه  بالظبط وكدة كدة هبقي اسأل بيجاد واطمنك 

بسنت : ربنا يستر 

ياسمينة : انا عايزة اروح ل سيلا 

بسنت : لا بلاش استني يومين كدة تخف شوية 

ياسمينة: يا ماما لازم اطمن عليها 

بسنت : حببتي اسمعي الكلام بقي ، لو تعبانه هتضايقها كدة 

ياسمينة : يووه يا ماما بقي 

جاد :خلصي مذاكرتك وهخليكي تروحي 

ياسمينة : تمام 

———- 

فهد مع حسام وسلمي قدام شقة بيجاد 

فتحت جنة : اتفضلوا 

حسام : بيجاد فين 

بيجاد جاي من جوة: تعال يا حسام خش 

فهد داخل وراهم وحاسس بندم شديد وسعادة خفية ان سيلا هتبقي مراته رسمي 

بيجاد : ها هيبقي امتي معاد الفرح 

حسام : بعد بكرة كويس من رأيي عشان نجهز كل حاجة 

بيجاد : تمام .. اتمني الاستاذ يبقي موجود وقتها عشان نخلص 

فهد : انا اسف 

بيجاد بضيق: اسف ، تفتكر اسف دي هتصلح حاجة 

فهد قام قفل الباب عليهم ووقف قدامهم : اقسم بالله مقربتش منها ، انا عارف انها هتقول العكس بس انا حقيقي معملتلهاش حاجة ، انا اسف اني عملت فيكوا كدة ومقدر شعوركوا 

بيجاد : مش فاهم قصدك 

حسام بغضب : فهد انا مش عايز لف و دوران .. انت عارف انا وبيجاد مش عارفين نحددلك عقوبة عشان بنحبك بس اللي عملته صعب جدا علينا 

فهد قرب من ابوه وحضنه : والله يا بابا معملتش حاجة.. بس كان لازم ابين ده عشان تتجوزني 

بيجاد بعد ما استوعب كلامه ضحك بشدة : يا مجنون يابن المجانين 

حسام : بتضحك علي ايه 

بيجاد حضن فهد : كنت هتخليني اكرهك يا فهد حرام عليك 

حسام : مش فاهم بجد 

فهد ابتسمله: انا بحب سيلا ، قالتلي علي شيء تفاهم بينها وبين ياسمينه وانا مش عايز الموضوع يبوظ بينا بسببهم وكمان استفزتني جدا وقتها 

فلاش باك # 

فهد قال بغضب : اركبي 

سيلا بعند : لا مش هركب 

فهد: اقسم بالله لو ما ركبتي هوريكي وش عمرك ما شوفتيه 

قلقت سيلا وركبت بسرعة 

بعد كام دقيقة 

سيلا بتوتر : انت موديني علي فين 

فهد مش بيرد عليها 

سيلا بعصبية : لما اتكلم ترد عليا 

فهد بغضب : هنتجوز 

سيلا بصدمة : مين ده 

فهد : انا وانتي .. اسكتي بقي 

سيلا : انت اخر واحد في الدنيا اتجوزه،  انا بكرهك 

فهد : خلصتي 

سيلا : انت واحد حقير .. نزلني من هنا 

فهد وقف في جانب الطريق وطلع مسدسه : اقسم بالله لو هربتي ومسمعتيش الكلام هفجر البتاع ده في دماغك

سيلا بصاله بصدمة وسكتت من كتر الخوف 

وصل فهد الشقة بتاعته وشدها وطلعوا فوق 

جهز ورقتين ومضي عليهم و خلاها تمضي و جاب البواب يمضي علي الورق ك شاهد 

سيلا منهارة من العياط : انت عملت كدة ليه .. بتعمل فيا كدة ليه 

فهد قرب منها يحضنها بحنية

سيلا بعدت عنه بخوف : اوعي تقربلي ، والله هخلي بابا يموتك ، انا عمري ما هقبل اتجوزك .. انا اساسا هتجوز واحد تاني مش انت 

فهد بغضب ومسكها من ايديها جامد : واحد مين .. انطقي 

سيلا بغضب : مش هقولك ، وابعد عني بقي.. سيب ايدي بتوجعني يا حمار

فهد : هعرفك الحمار ده هيعمل ايه 

مسكها فهد جامد ورشلها مخدر لحد ما وقعت بين ايديه 

باك# 

بيجاد: ليه كدة يابني حرام عليك،  انا بقيت مكسور بسببك ، انت ابني وهي بنتي ، قولي اعمل ايه فيك 

فهد : عمي بيجاد انا والله معملتلهاش حاجة انا اوهمتها بكدة عشان تبقي ليا ارجوك ساعدني انها تحبني زي ما بحبها .. انت وجنة حتي عيشتوا قصة حب .. ساعدني ، انا عارف انه صعب عليك عشان هي بنتك ، بس صدقني لو الموضوع كان زاد بين ياسمينه و سيلا ساعتها سيلا هتكرهني اكتر هي مش عارفة اني بحبها 

حسام : بس مكنتش اتصرفت كدة من الاول ، غلط كنت تقولنا وكنا هنشوف حل 

فهد بأسف : انا ندمان بجد علي تصرفي بس مكانش قدامي وقتها غير الجواز .. هتساعدوني اصلح غلطتي  صح 

——-

سيلا نايمة عالسرير في اوضتها سرحانه 

جنة : سيلا حببتي انتي صاحية  

سيلا : ايوة يا ماما 

جنة بتوتر : سيلا احنا عايزين نعمل فرحكوا 

سيلا بدهشة : مش فاهمه فرح ايه 

جنة: حببتي لازم الناس تعرف بجوازكوا مينفعش كدة وخصوصا بعد اللي حصل 

سيلا بدموع : مش عايزة اروح معاه في حته بكره يا ماما بكره

جنة : انا عارفة ده .. صدقيني هتعيشي معانا هنا مش هيبقي منك … بس اخرجي عشان تتفقي معاهم

سيلا وقفت فاجأة: أتفق مع مين 

جنة : حسام وفهد قاعدين مع ابوكي برة .. اخرجي اتكلمي معاهم قوليلهم علي شروطك 

خبطت سلمي عليهم ودخلت 

سلمي حضنت سيلا بدموع وباست راسها : حقك عليا انا يا سيلا ، انا مش عارفة هو عمل كدة ازاي ، انتي كويسه صح 

سيلا : كويسه الحمدلله 

سلمي : حببتي زي ما ماما بتقولك اخرجي قوليلهم شروطك .. دوخيه معاكي .. طلعي عينه متسيبهوش.. لازم تاخدي حقك منه

جنة ضحكت : يا سوسة انتي .. بتحرضي البت تبقي شريرة شبهك 

سلمي : ده انا قمر .. اعملي يابت يا سيلا اللي انا قولتلك عليه .. ننسي اللي حصل ونفكر في اللي جاي ولازم ناخد حق سيلا ولا ايه 

جنة: طبعا احنا هنعمل عصابة سوا 

سيلا ضحكت عليهم : احلي ماماتي في الدنيا 

بعد كلام كتير عند سيلا وجنة وسلمي وعند بيجاد وحسام وفهد 

بيجاد بسعادة : تمام جدا اتفقنا 

حسام : اوه هنبقي نسايب ياصحبي 

بيجاد : ياعم اتنيل 

حسام ضحك : يا ساتر بكرة تقولي عايز اشوف سيلا بس وانا هرفض 

بيجاد : ده بعينك 

فهد حاسس بفرحة بعد ما حسام وبيجاد اتصالحوا معاه 

دخلت سيلا مرة واحدة الاوضة بغضب شديد : انا مش موافقة اعمل فرح مع الكائن ده