رواية فرح ولكن الحلقة الأولى 1 بقلم مروان فرج
رواية فرح ولكن الحلقة الأولى 1 بقلم مروان فرج
 |
| رواية فرح ولكن الحلقة الأولى 1 بقلم مروان فرج |
رواية فرح ولكن الحلقة الأولى 1 بقلم مروان فرج
وطلعو للحوازه وغير جوهم وفاليل وهما مروحين
صاحبة كلامتا مراته قاتلا خولة بتروح وليل عليها
تعالا امشي وراها بالسيارة للحوش
ووصل بوي للحوش هوا وصاحبه لانا كانو ماشيين في سيارة بوي
المهم نزل صاحبه وطلعت خولة من الحوش وركبت سيارتها
بوي عبدالرؤوف قعد يبحث فيها بتمعن لانه كان ليل بس ضي الشارع
كان كفيل انه بوي يشبحها ويشبح زينها
ع طول بوي عجبتها زي مايقول حب من اول نظره ????
كانت جميلة بس الحلو ديما ناقص كانت راجلها
تعرج منها ????
روح بوي وهوا مش قادر يطلعاها من راسه خدت علقله
طول الليل ماجاشي نوم يفكر ويقلب فيها في راسه
دعي ربي ان فيها خير ان شاءالله ربي يسخرهلا ورقد وهوا يفكر
معا انها كانت رجلها تعرج عليها الا انتا بوي شافها من داخل مش مش شكلها الخارجي❤️
فاق عبدالرؤوف الصبح مشي خدمته عادي زي كل يوم
وهيا انطبعت في راسه بوي وهوا في العمل كان مايفكرش الا في الموضوع
عبدالرؤوف….هدا توا معقوله كم لياااا عايش وشايف كم وحده ولامره عجبتني وحده وفكرت فيها زي هادي شكلها نصيب فيهااا خليني نتصل بي محمد ونقولا نبي نتعرف عليها وعلي عيلتها لو طلعو ناس كويسين نتوكل ع ربي ونتزوج ساد عزوبيه كبرت ويلي راح من العمر اكثر من يلي مزال خليني نتوكل ع ربي ????
رن بوي ع صاحبه محمد ورد عليه
عبدالرؤوف… خير ي محمد شن حالك اليوم
محمد تمام الحمد لله وانتا
عبدالرؤوف.. تمام نبي نقولك نبي نتعرف عليها البنت يلي قوتلي عليها وعلي عليتها وانشاء الله نشوفو كان ف نصيب
محمد .خلا تمام نكلم البنيه ونرد عليك
عبدالرؤوف بالله ماطولش انا نستنا فيك راهو
محمد هيا شوي بس ونرن عليك????
عبدالرؤوف… تمام
في لحظه تحول بوي من راجل مش مدور النسوان
لي شاب مراهق يستنا حبيبتة ترد عليه????
سكر بوي التلفون وحط قدامه وهوا يستنا في محمد امتي يرن عليه وكان اليوم هداكا مش مركر ف خدمته بكل، ????
مشت ساعه وصاحبه ماردش عليه
عبدالرؤوف…تخيرا هدا معاش رن بذل زعمه مات والل نساني والل شني خليني نرن عليه احسن
وشد التلفون في ايده بيتصل وبعدها ايفوت
ويضحك ع روحه كيف ايدور في سبله باش يتصل
خيرك ياعبدو ارزن شوي شني مافي الا هيا الف وحجه تتمناني ويحط التلفون ويرجع ياخده ????????
المهم كمل بوي خدمته وروح للحوش ومشا يومه عادي جدا كان الوقت يمشي عليه وكانه سنه عشان يستنا في تلفون من صاحبه وهوا مايبيش يتصل بيه ع شان يخلي روحه رزين قدامه♥️
وصاحبة اتقول ايطيب فيه ع نار هادية????????
فات اليوم التاني وبوي ع اعصابه وصاحبة فايته
تالت يوم رد عليه
عبدالرؤوف…الو ياراجل وينك ????
محمد..قاعد والله غير صارلي موضوع
بوي..ان شاءالله خير شن فيه
محمد….موضوع فالشغل ساهل ونحل
سامحني عطلت عليك في موضوع البنيه
بوي.. كان طايرتلا منه عشان طول عليه بس خلا روحه عادي لا ياراجل ولايهمك ????
صاحبة…كلمتها اختها وقالت نتقابل معاه قبل
عبدالرؤوف… حقها خلاص حددو انتو موعد واني نجي
محمد…اليوم التلات الخميس كويس
بوي… تمام الخميس
وين في حوشك ولا مكان عام
محمد ..في حوشي تاخدو راحتكم احسن
بوي..تمام متفقين ..????
و خاطره يقولا ياريت الموعد اليوم ولا حتي توا☺
فاتو عليه اليومين وبوي متوتر لين جي الخميس
مشي للحلاقه حلق وروح دوش والبس بدله رسميه عشان كان يحب ديما يطلع ف اخر اناقته وولع سيارته ومشي لحوش صاحبه
خش وصاحبه بيموت عليه من الضحك لانه متوتر
محمد توينك نستنو فيك من بكري
بوي ..شن من بكري تي اني جيت قبل حتي الموعد يلي متفقين عليه????
محمد وهو يضحك شكلك تراجيها فيها بالدقيقة انتااا
عبدالرؤوف.. تحشم تي بلاش جو توااا وين نمشي????
محمد …خش توا تجي وربي يقدم اللي فيه الخير
خش بوي وقعمز ع الصالون ويستنا لين جت
بوي…وهوا شاد تلفونه ومتحشم في نفس الوقت لانا كان اول مره يجرب الشعور هدا هدااا وهوا يقلب في الفيس ع خشت
خوله كانت تمشي متحشمه من رجلها ❤️
بوي.. حط التلفون من يده وعدل تقعميزته جت وسلمت وقعمزت من غير ماترفع عيونها فيه
وبوي هوا توتر ومعاش عرف شن ايقول
لين خوله كسرت الصمت وقالتلا
قالك راجل اختي عليا قبل لاتجي صح ولا????
بوي ..اي قالي
خوله.. ..يعني انت جاي وانت عارف وضعي
بوي ..اي عارف وراضي
خلوه.. بس انت ماشاءالله عليك ومش ناقصك اي شي
علاش تاخد في وحدة رجلها فيها عيب..
بوي …كان ع جمال الوجه حتي اني ايه من ايات الله
في الجمال
بوي : وكان ع رجلك شن ضمني اني بنقعد صحيح ديما
اني رايدك بالحلال وراضي بيك كيف ما انتي باتي كان متوتر ويدعي انا توافق لانا خلاص خدت عقله وهوا يبيها????❤️
خوله …اني رضيت اني نقابلك واني موافقه بس انت زيد فكر
بوي فكرت ومدامه انتي موافقه غدوه نجيب هلي
خوله ضحكت بالسرعة هادي ????
بوي ..اي وماعندي علاش ناجل
خوله باهي خلاص تمام شوف محمد واتفق انتا وياه ونا موافقة
بوي ع خير انشاء الله
وناضت من جنبه وهوا ماحولش عينه من عليها ويبحت فيها وبس وشوي خش صاحبه محمد
محمد ها خبرني شن صار معاك
بوي خير انشاء الله اتفقت. انا وياها وغضوا انشاء الله بنجيب اهلي ع شان نخطبها رسمي
محمد عليش مستعجل انتا زيد فكر ماتاخدش قرارك وانتا مستعجل????
بوي سهي ع روحه وقاله ليا 3ايام نفكر فيها
محمد شنو 3ايام شكله حب رسمي هدا
بوي ههههه بلاش دوه توا انتا المهم زي مااتفقنا وتوا خليني نروح ونخبر العويله
محمد انشاء الله
طلع بوي من حوش صاحبة مبسوط وفرحان
ع طول وله سيارته ومشي لعماتي خبرهم
فرحو قريب طارو وعندي بنت عمي حنان
جوها حلو خدت الدربوكة وطاحت فيها تدربيك
بوي وسعو بالكم راهو قاعد ماصار شي????
وعماتي يزغرتو بس
بوي المهم بنقولكم نبيكم تمشو وتخطبولي طول
ونبيها زي ماهيا ونا راضي بيها
عمتي الكبيرة اضايقت قاللتلا خيرها
شن فيها البنت????
بوي ..رجلها توجع فيها لما تمشي تعرج اشويا
وعمتي ..لوت وجها وعلاش شن ناقصك تاخد وحدة عرجه
بوي حتي هيا ماناقصها شي وصغيرة ورجلها خلقت ربي
واني البنت عجبتني اني مش صغير باهي اللي وافقت عليا ومافيش حد كامل❤️
عمتي ناضت تعارك وياحظك ياوخيي
وعلاش هكي وميه يتمنوك احسن منها
وانت بتتزوج باش تستريح ولا باش تتعب وانتا كم مره بتتزوج في حياتك هيا مره وعليش وعليش قلبت الفرحه نكد بس بوي كاين واخد قراره ومش رح يتراجع فيه بكل، ♥️
بوي ماعندي في شن بنتعب اني قتلك رجلها فيه عروجيه
ماقتلك معاقة ع كرسي
وللعلمك تخدم وبسيارتها والزين ماشاءالله عليها
عمتي : قاتلا ارفع خواتك التانيات اني مش ماشيه
وقعد يقنع فيها وهيا مصكرة راسها
وكلم عمامي وجوه وقعدو يجادلو فيها لين رضت بالسيف
وفوق من نفسهااا????
طلع بوي من حوش عمتي بعدها نشفت ريقه ونكدت عليه
بس هوا خولة خشت راسه خلاص وحبها
كلم محمد وقالا يوم الخميس الجاي بنجيب العيلة
يتعرفو ويخطبو
وجي الخميس وولاد عمي رفعو عماتي للحوش خولة اللي هيا ماما
كانت متحشمه وذايبه في حوايجيها
دارت حاجات عصير وضيافه وخشت عليهم وعيونها فالوطا
كانت زي الغزال بس صدق اللي قال الحلو مايكملش
عماتي عجبتهم العيلة مع اشويا غصه ع خوهم
اما عمتي الكبيرة كان واضح عليها انها مش عاجبها ولا راضيه بكل
بس الحق مع انها كانت صعبة وكلامها حار
ماقالت شي يزعل وتمنت ربي يتتم ع خير
اتفقو ع كل شي وحددو موعد العرس لان بوي
مانبيش هلبا تاخير
حددو العرس بعد شهر وروحو ????
اول ماوصلو عمتي قلبت الدنيا وعلاش حرام عليك
هيا البنت كويسه بس راجلها النهارات المغبرات ليش تاخدها هكي زيد فكر زين ياخوي هدا قرار صعب راهو
بوي كان واخد قراره وقاللها معاش نبي كلام فيه الموضوع
ومشي روح جاب عمال للحوش زوقو وغيرو اشويا
حاجات فيه وجهزوه بكل شي وخدي اجازه شهر كامل من العرس ع شان كان عريس ويبي يفرح بروحه شوي
المهم جي يوم العرس يلي بوي كان سيتنا فيه بالدقيقة وجي يوم الخميس بالتحديد…….. ❤️
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.