رواية ونحب تاني ليه الفصل التاسع 9 بقلم منة الهواري

” قفلت نور مع خديجه و بصت المكتبه بعد ما نظافتها وبقت جميله بمعني الكلمه قطع تفكيرها دخلول شاب طويل و وعريض و لالبس بنطلون جينز اسود و قميص ابيض و لالبس نضاره شمس “

_ حضرتك عاوز حاجه ؟!

“قلع النضاره و عينه بتتجول في المكان “

_ هو فين عم حسام عاوزه 

_نور بحزن : الله يرحمه ويغفر يارب

_لا حول ولا قوه الا بالله ، ربنا يرحمه ، انا اسف والله ماكنتش اعرف..

_نور : مافيش حاجه ، حضرتك عاوز ايه انا بنته 

_ انتي بنته نور صح 

_نور بأستغراب : ايوه انا هو انتي تعرفني 

_ انا مازن …..

_نور : ايوه حضرتك مازن ايه انا معرفكش

_ انا مازن ابن صاحبه الي شريكه في الملجأ 

نور بأستغراب: ابن صاحبه ايه ، و ملجأ انا مش فاهمه حاجه 

_ باباكي شريك في ملجأ اطفال من حوالي خمس سنين ، و هو شريك استاذ عبد الله الي هو ابويا ، و هما أصحاب من زمان و اقترحوا علي بعض يفتحوا ملجأ اطفال ، و فعلا فتحوا الملجأ اللي في حوالي خمس شهور بالظبط فتحوا ، و بعد حوالي سنه ابويا توفي و من شده حزن امي عليه توفت بعيده و كنت في حاله صدمه من الي حصل و باباكي الله يرحمه الي كان ماعيا علي طول في كل حاجه ، كان شايل الملجأ كله و مهتم بيه علي أتم وجه، وكنت مسافر المانيا ، واما رجعت مروحتش الملجأ جيت علي هنا علي طول وانا عارف مواعيد المكتبه و كنت حابب اعمله مفاجأه و أنه هيفرح أن جيت من السفر ، وكان بيعتبرني ابنه الله يرحمه يارب 

” خلص كلامه بعد ما نور دموعها نزلت و قد ايه باباها طيب و حنين ، وان ابن صاحبه ساعده لما اهلوا توفوا ، لما يكون في شخص بتحبه اوي و يروح منك و تفقده احساس محزن جداا “

_مازن: انسه نور ، انا اسف لو فكرتك بحاجه 

_نور وهي بتمسح دموعها: انا اصلا منستش عشان افتكر المهم ، انا لسه عارفه منك حكايه الملجأ و باباك الله يرحمه و كده 

_مازن: شكله كده عم حسام مقلكوش عليه ولا جاب سيره عنه 

_نور: هو فعلا مجبش سيره عنه خالص ولا حتي احنا لمحنا حاجه، بس انا معرفش مااما عارفه بالحوار ده ولا لأ ، و كمان بابا كان بيشتغل مع جوز خالتي في الشركه بتاعته الي صفي الشركه بعد وفاه بابا و بعد كده سافر بس دا الي اعرفهه

_مازن: طب اعمل ايه يعني؟! 

_نور وقفت: انت هتيجي ماعيا البيت و تحكي الي انت قولته ده ليهم 

_مازن بأستغراب : تمام انا موافق ، بيتكوا فين 

_نور : بيتنا قريب من المكتبه ، يعني خمس دقائق هنكون و صلنا

_مازن : تمام يلا 

” نور قفلت المكتبه و مازن ساعدها في قفلها”

_مازن: طب انا عربيتي اهه تعالي نروح بيها 

_نور : لأ هنمشي علي رجلينا ، و المشي رياضه 

” سابته و مشيت و هو استغرب و قال “

_ دي مجنونه ولا ايه ، المشي رياضه فعلا 

” مشي و راها و ساكتين محدش اتكلم و وصلوا البيت و طلعت و بتخبط”

_ مازن: دي شقتكوا صح ؟!

_ نور : لأ دي شقه خالتوا ، أما شقتنا فوقيها ، اصل خالتوا و ماما ساكنين فوق بعض ماحبوش يبعدوا عن بعض 

“قطع كلامهم فتح الباب و كانت زينب “

_زينب بأستغراب : نور مين الاستاذ 

_نور : دا مازن 

_زينب : ايوه برضوا مين يا حبيبتي هو انا كده عرفته 

_نور : ندخل طب و بعد كده هتعرفي كل حاجه ، بقيت العيله جت 

_زينب : مافيش غير خديجه بس 

_نور : تمام ، اتفضل ي استاذ مازن 

“دخلت نور و مازن و زينب مش فاهمه حاجه ولا حتي هدي و خديجه الي سألوها  و قالتلهم نستني بقيت العيله “

“عند نادر و سهيله “

_نادر: سهيله انا تحت البيت انتي فين ؟!

_سهيله: انا نازله اهه 

_نادر : طب يلا……

“مكملش كلامه و لقاها نازله من البيت و اول ما شافها عدل نفسه بدل ما كان ساند علي العربيه و شافها لاابسه فستان أسود في ورد صغير و طرحه اوف وايت و جذمه كعبها صغير و ميكب خفيف جدا لانها مش محتاجه هي جميله ، وقفت قصاده وهو لسه متنح و باصصلها “

سهيله: نادر روحت فين مالك 

_نادر فاق علي صوتها: انا ..هنا اهه 

_سهيله: ماشي ، بس ايه رأيك شكلي حلو 

_نادر بأبتسامه: بصراحه يعني؟!

_سهيله: قول شكلي وحش 

_نادر: شكلك عامل زي اميرات الديزني بجد بس انتي احلي منهم بكتير اووي 

_سهليه اتكسفت وقالت: شكرا يا نادر مش عارفه اقولك ايه 

_نادر: متقوليش حاجه ثانيه واحده 

” سابها و راح فتح باب العربيه و طلع بوكيه ورد لونه احمر و متلف بطريقه حلوه اوي. و راح مقدمهولها”

_سهيله: دا ليا 

_نادر: ايوه ليكي ، كنت حابب اصالحك و علي اي حاجه زعلتك مني ، مسمحاني 

_سهيله بأبتسامه: انا مسمحاك و عمري ما هزعل منك و ياريت انت كمان سامحني علي اي حاجه عملتها و علي كلامي معاك 

“فتحت شنطتها و وطلعت علبه و قدمتهالوا”

_سهيله: اتفضل افتحها و انت تعرف 

“نادر اخدها و فتحها و لقه ساعه شكلها حلو و شيك “

نادر : الله جميله جداا 

_سهيله: صافي ي لبن 

_نادر : حليب يا اشطا ، يلا اركبي بقي عشان اتأخرنا 

_سهيله: يلا 

“ركبوا العربيه و هما فرحانين أنهم خلاص اتصالحوا ، وياتري كمان قلوبهم اتصالحوا “

_خلاص يا ماما انا جاي اهه ، انتوا و صلتوا طب خلاص انا طالع اهه 

_اه يا بني آدم مش تحاسب 

_ انا …. انسه خديجه 

خديجه:نوح ..قصدي استاذ نوح ، انا اسفه ، كل مره تيجي فيك …

_نوح بضحك: وانا كل مره اخبط فيكي ، صدفه حلوه بصراحه 

_خديجه: نعممم !!!

_نوح: قصدي .. هو انتي جايه عند نور 

_خديجه: ايوه خالت نور عزماني علي الغدي و هنعمل حفله صغيره ل نور بمناسبه رجوعها 

_نوح: ما هيا برضوا مرات خالي عزمانا انا و حنه و  ماما وكده ، طب يلا نطلع بدل وقفتنا دي 

_خديجه بضحك: فعلا يلا 

“طلعوا فوق عند شقه هدي فتحت الباب “

_هدي : ايه ده انتوا جايين مع بعض 

_خديجه: لأ دا انا قابلته وانا طالعه يا هدهد 

_هدي بضحك: طب ادخلي يا لمضه ، و ادخل يبني انت كمان 

_نوح: ماما جوه و جنه

_هدي : ايوه جوه ، و نادر و سهيله جوه لسه جايين ، يلا ادخلوا

“دخلوا كلهم و شافوا مازن الي الاسئله بدور حواليهم مين ده وايه حكايته ، نور قالت”

_نور : دلقوتي اقدر اقول مين مازن عبد الله و هو الي هيقول علي كل حاجه 

_مازن : انا مازن عبد الله……………………………

” حكي مازن كل حاجه ليهم و كلهم في حاله ذهول من مازن و من الي حكه و خلص كلام وقالت هدي”

_هدي: انا ماعنديش فكره عن الملجأ ده ولا عمره حكي عنه

_مازن: نفس الكلام الي قالته الانسه نور 

“نادر ادخل و اتكلم”

_نادر: طب ايه الي يثبت الكلام ده ؟!

_مازن: انا ممكن اجيب العقود و الورق الي يثبت الكلام ده 

“نادر كان هيتكلم بس قطعته نور و قالت”

_نور : طب نقدر نشوفه امتي ؟!

_مازن: بكره لو حابه هديكي مكان الملجأ و حضرتك تيجي انتي و الوالده و لو حابه تجيبي اي حد معاكي 

_نور : خلاص تمام ، بكره هاجي و اديني عنوان الملجأ و رقم تليفونك لو سمحت 

_مازن: اكيد اكتبي 012******* دا رقمي ، وده عنوان الملجأ********

_نور : تمام كده وان شاء الله هتصل بحضرتك قبل ما اجي 

_مازن: تمام ، استأذن انا بقي 

_هدي : ليه يبني خليك قاعد و اتغدي ماعنا 

_مازن : معلش يا طنط لاازم امشي و كمان انا لسه راجع من السفر النهارده ذي ما قولت لحضرتك 

_هدي : الي يريحك يبني ، تعالي اوصلك الباب 

_نادر : تعالي اتفضل ماعيا 

” نادر و هدي وصلوا مازن لحد الباب لحد ما مشي “

_نادر : انا هاجي معاكي بكره ماينفعش تروحوا لوحديكوا 

_هدي : طب و شغلك يبني 

_نادر : هستأذن منهم و اقولهم هاجي متأخر شويه 

_هدي : ماشي يبني 

نوح ل خديجه: انتي فاهمه حاجه 

خديجه: لأ مش فاهمه حاجه بصراحه 

نوح: مالناش دعوه بس بقولك 

_خديجه: اتفضل ؟!

_نوح: انتي اتقابلتي في الشركه الشركه و هتبقي المسؤله عن الشغل الي هيجي بالالماني و تترجميه و تجبهولي ، واها انتي اتقابلتي في الشركه مش عشان صاحبه نور تؤتؤ انتي اتقابلتي عشان شهادتك و تقديرك الامتياز الي في الشهاده 

_خديجه: وانت ليه قولت الكلام ده يعني 

_نوح: عشان عارف الي بيدور في دماغك اول ما قولت انك اتقابلتي في الشركه

_نوح: طب انا جعاان مش ه ناكل ولا ايه يا جماااعه ، يامرات خالي بطني بت هو هو 

“كلهم ضحكوا علي كلامهم “

_سعاد : ولد عيب 

_جنه: انتي اول مره تعرفي ابنك ، هو لما يجوع مش بيعرف يتحكم في نفسه 

_هدي : حبيبي هياكل حاضر ، يلا يا بنات تعالوا معايا 

“قاموا حضروا السفره و قعدوا مع جو أسري جميل و خلصوا اكل و حلو كمان و كل واحد فيهم روح بيته و نور و هدي طلعوا شقتهم “

__________________????_____________ 

“في المساء “

“نور و خديجه و سهيله بيكلموا بعض فون”

خديجه: بس انتي مصدقه و مقتنعه بالي بيقوله 

_نور: الله مش عارفه بس من كلامه حسيت أنه صادق 

_سهيله: بس أنا حسيت من كلامه أنه هو صادق وكمان عمو الله يرحمه كان طيب جداا وممكن نتوقع منه حاجه زي دي 

_نور : الله يرحمه ، تصدقي ممكن 

_خديجه: الله يرحمه ، طب هتعملي ايه لو طلع كلامه صادق فعلا يا نور 

_نور: هشوف الدنيا شغاله ازاي ، الاطفال ايه الي بيحصلهم و ايه اخبارهم و اهتم بيهم وكده 

_سهليه : خير ان شاء الله ، ابقي شغليني بقي عشان صاحبك مش لاقي شغل 

_نور بضحك: تدفعي كام وانا اشغلك عندي 

_سهيله: قولي انك عاوزه العشره جنيه الي معايا و تخليني أفلس اكتر 

_خديجه: علي اساس انك معاكي عشره جنيه فعلا 

_سهيله: الغدر بيجي من أقرب الصحاب فعلا ، محنا لقينا شغل بقي و هنتطنططط علينااااا

_خديجه : انا …انا يبنتي انا غلبااانهه 

_نور : ايه ده ايه ده انتي اتقابلتي امتي يابت ومن غير ما تقولي كمااان 

_خديجه بضحك: اصبري طيب احكي يا ستي الاستاذ نوح النهارده قالي بكره 9 بالدقيقه اكون في الشركه و اتقبلت عشان شهادي وكده مش عشان انا صحبتك وانتي قريبته بس 

_نور: اممممممم وانا اقول البت فرحانه كده ليه 

_سهليه: ولا ايه كمان كل شويه بيتكلموا مع بعض ولا كأنهم عارفين بعض بقالهم كتير 

_خديجه: شششش في ايه كلمه كمان هقفل ، مافيش حاجه عادي يعني يلاا روحوا ناموا عشان ورايا شغل 

_نور:ناموا عشان ورايا شغل نينيننينينينينينيي 

“خديجه قفلت في وشهم و ضحكوا عليها وكل واحده قفلت و نامت “

“في الجهه الأخري عند جنه في الفون”

_ طلع عنده ملجأ ، هنعمل ايه 

_……………

_ازاي يعني دا في صاليحنا 

_…….…………

_ حلوه الفكره ، طب يلا سلام بقي عشان محدش ياخد باله 

“جنه قفلت مع الشخص المجهول و نامت”

“ناموا ابطالنا علي أحداث جديده”

_______________________________

” صباح يوم جديد ملئ بالحداث ????”

“صحيت نور من النوم و لبست و جهزت نفسيها وهدي كمان و نزلت لقت نادر واقف علي العربيه “

_هدي : صباح الخير يا حبيبي 

_نادر: صباح النور يا خالتوا ، صباح النور يا نور 

_نور : صباح الخير ، مش ها تتحرك ولا ايه ، عشان متتأخرش 

_ نادر : تمام يلا 

” ركبوا العربيه و نادر بيحاول يتكلم مع نور وهي بترد علي قد كلامه و شغل الاغاني الي هي بتحبها و هي لااحظت كده ف قالت”

_نور : اقفل ي بني ايه الاغاني الي علي الصبح دي ، شغل قرأن عشان ربنا يفتحها في وشنا و ينور طريقنا 

“نادر بصلها و كان في نص هدومه قفل الاغاني و شغل القرأن “

_نور: شغل صوره البقره يبني بصوت عبد الباسط عبد الصمد صوته حلو 

_ نادر : حاضر ، اي أوامر تانيه 

_نور: ايه اوامر دي لو مدايق احنا ممكن ننزل علي فكره و في مواصلات كتير يعني 

_نادر: حد قالك قبل كده أن معاكي سوسن 

_نور: بس شكلهم هيقولوا قريب 

_نادر: نععمممم ؟!

_هدي: نور بس عيب ، يعني سايب شغله و جاي يوصلنا و كمان مش عاجب معلش يبني 

_نور: هو انا قولته يجي يوصلني هو الي أصر يبقي يستحمل 

_نادر : ليه كنتي عاوزاني اخليكي تروحي لوحدك انتي و طنط وانا ايش عرفني صادق ولا كداب صح. ولا ايه 

“نور كانت هتتكلم بس صوت هدي قطعهم و قالت “

_هدي : وصلنا يا جماعه يلاا و رايا 

“نور و نادر بصوا لبعض و نزلوا ، المكان شكله جميل جدا جدا ، جنينه كبيره و فيها اللعاب و الأطفال بيلعبوا و شكلهم جميل جدا، دخلوا جوه و اتقبلهم مازن”

_مازن بأبتسامه: صباح الخير، مواعيد مظبوطه 

_نور : صباح النور ، هي فعلا مظبوطه تأخير نص ساعه بس 

مازن ضحك: عادي جداا الزحمه في مصر كده 

_نادر: استاذ مازن فين الاوراق و الحاجه 

_مازن: موجودين يا استاذ نادر ، اتفضلوا معايا علي المكتب 

“مشيوا معاها لحد المكتب و دخلوا و قعدوا قدامه و طلع الاوراق و بدأ يشرح كل حاجه والي فعلا اتصدموه “

_نور : دي فعلا قمضه بابا و الأوراق مظبوطه من الشهر العقاري 

_هدي : كلام نور صح و خط حسام الله يرحمه انا عارفاهه 

_نادر: متأكدين يا جماعه

_نور: يعني هنكدب يعني 

_نادر: مش قصدي بس 

“نور قاطعته و كلمت مازن”

نور : دلقوتي اقدر اساعد ازاي قولي بابا كان بيعمل ايه وانا هعمله 

_مازن : باباكي كان بيهتم بكل حاجه تخص بالأطفال وانا كنت مسؤل عن الحسابات كلها والي ناقص في الملحأ و كمان احنا مش لوحدينا في دادات هنا كتير عشان الاطفال 

_نور :تمام اقدر ابدأ امتي؟!

_مازن: لو حابه دلقوتي و أعلمك كل حاجه ماعنديش مانع 

_نور : وانا برضوا ماعنديش مانع ، يبقي الدكتور نادر يقدر يروح شغله و ماما لو حابه تقعدي عادي 

_هدي: لأ هقعد اعمل ايه الاستاذ هيقعد يعلمك كل حاجه ، يوم تاني اتفرج علي الملجأ الي بيان أنه جميل 

_نور: تمام يا ماما 

_نادر : يلا يا خالتوا عشان اوصلك بعد اذن الانسه نور يعني 

_نور: الي ماما تشوفه هي الي هتروح معاك مش انا 

_هدي: يلا يبني نمشي و خلي بالك من نفسك ي نور 

_نور: حاضر ي ماما  

” نادر و هدي مشيوا و فضل نور و مازن الي اخدها علي مكتب باباها و علمها كل حاجه و قلها لما تخلصي تعالي علي المكتب عشان اشوف شغلك و افرجكك علي اللجأ”

.

.

.” بعد مرور ساعتين في مكتبها و خلصت و راحت مكتبه بس قبل ما تخبط علي الباب سمعت صوته بيقول “

_انتي اتجننتي ، ازاي دا يحصل 

يتبع…….