رواية إيلاف (عودة الزوجة الأولى) الفصل الحادي عشر 11 بقلم أماني السيد

رواية إيلاف (عودة الزوجة الأولى) الفصل الحادي عشر 11 بقلم أماني السيد

رواية إيلاف (عودة الزوجة الأولى) البارت الحادي عشر

رواية إيلاف (عودة الزوجة الأولى) الجزء الحادي عشر

رواية إيلاف (عودة الزوجة الأولى) الحلقة الحادية عشر

دخل صفوان عليهم وهما بيتكلموا
صفوان: فى حاجة مكشفتيش ليه
ايه بسرعه : مراتك مش حامل وعايزانى اكدب وأقول انها حامل
مروه: كدابه دى بتكدب دى مش عايزه تكشف عليا تعالى نروح للدكتوره بتاعتى وهى هتاكدلك
ايه بصلهت بزهول : انتى عرضتى عليا فلوس عشان اقول انك حامل
صفوان كان حاسس انها مخبيه حاجه بس مش لدرجه انها حامل كذب
قرب صفوان منها ورفع البلوزه وشاف بطن لونها مختلف عن لون جسمها افتح من لون جسمها حطوايده عليها لاقى انها سيلكون بصلها بصدمه وهى وقفت تترعش بص للدكتوره
صفوان: احنا اسفين يا دكتوره عن ازنك
شد مروه من ايديها ووصلوا البيت عند مامته واخدها وطلع بيها شقتهم
صفوان: عايز افهم ليه عيشتينى في كدبه وقولتى انك حامل اصلا ولو انتى كنتى حامل فين الطفل
مروه ساكته
صفوان: انا متاكد انك كنتى حامل والدكتوره سمعتها وهى بتقولك الشرب ممنوع انا كنت فاكر إن فى مشروبات ممنوعه للحوامل عشان كده مركزتش انا عايز اعرف كل حاجه والطفل راح فين قالها بزعيق وبصوت مخيف ردى عليه
مروه : انا كنت حامل بس بس كنت بشرب سجاير واحيانا وانت بايت بره كنت بشرب خمره بس بسيط صدقنى وقلت لو مره او اتنين مش هيجرى حاجه بس بس للاسف البيبى نزل
صفوان بقى واقف مصدوم : فى بيتى بتشربى الحاجات دي في بيتى وراح ض اربها بل قلم خلاها تقع في الارض وجمب بقها بينزف
صفوان: خبيتى ليه انه نزل خبيتى ليه وعايشه دور انك حامل طيب ما سالتيش نفسك يوم الولادة هتعملى ايه ولا كنتى ناويه تسرقى عيل من امه منتى ف.ا جره وتعمليها
ردى عليه
مروه: الدكتوره كانت بتدور على طفل بس مكنتش لاقيه ومكنتش هقولك نوع الجنين غير لما اتفق مع واحده اخد ابنها او بنتها ساعتها كنت هقولك نوع الجنين ايه
صفوان: وطبعا كنتى هتفاجئينى انك ولدتى عشان محضرش ولادتك اللى هى مش موجوده اصلا
مروه بتعيط وبتترعش من الخوف من منظره
عارفه اللى زيك المفروض انه يموت موته رحمه للناس انا كنت بجبر نفسى ابص فى وشك واتعامل معاكى حلو عشان ماعصيش ربنا ولما مكنتيش بطلبى بحقوقك وبتتهربى منها كنت بفرح بس كان من. جوايا حاسس بالذنب انى مش عارف اعدل بس انتى كده باللى عملتيه شيلتى ذنب اى حاجه جوايا ناحيتك انتى طالق طالق طالق طالق طالق طالق يا مروه طالق بالتلاته
وبعدها اخد نفسه كانه كام حاجه خنقاه واتفكت من على رقبته
معاكى ساعتين يا مروه ساعتين ومش عايز اشوف وشك خالص عشان لو صادفت وشفتك هتبقى جانيه على نفسك عشان انا ماسك نفسى عنك بالعافيه
وسابها وخرج وطلع عند إيلاف ولما إيلاف شافت منظره كده خافت تكلمه دخلت عملتله كوبايه لمون بالنعناع تهدى اعصابه وسابته يشربها وبعدها بساعه دخلت عليه وقاعدت جمبه
ايلاف: مالك بقى متضايق ليه
صفوان: بالعكس حاسس بحمل وراح من عليا بس كنت عايش اهبل مضحوك عليا من واحدة بنت … …. ..
إيلاف: مين دى اللى ضحكت عليك
صفوان : انا طلقت مروه
إيلاف بصدمه: طيب والبيبى
صفوان بضحك : مهو طلع مافيش بيبى وانا كنت بتضرب على قفايا
إيلاف: طيب وبطنها
صفوان: سيليكون بطن سيلكون بتشتريها وتلبسها
إيلاف: طيب كانت هتعمل ايه وقت الولادة
صفوان حكلها كل حاجه بالتفصيل وايلاف اتصدمت وحطت ايديها على بطنها
راح صفوان قاعد على ركبته قدامها وباس بطنها عشان يبوس البيبيهات جوه بطنها
انا متضايق عشان كان مضحوك عليا الفتره اللى فاتت دى كلها انما الحمد لله ان طلع مافيش حمل عشان مكنتش حابب ولاد منها كان ممكن احبهم منها واكون مبسوط لو مكنتيش انتى حامل لكن او مكناش رجعنا لبعض لكن وجودك في حياتي خلانى مش عايز اعيش غير معاكى مش عايز اجيب ولاد غير منك مش عايز حد فى حياتى غيرك معرفتش قيمتك وحبك بقلبي غير لما بعدتى عنى ساعتها حسيت انى مش هقدر اعيش من غيرك مكنتش عارف اكل ولا اشرب والنفس كنت بحس نفسى مخنوق
بشكل تلقائي إيلاف حطت ايديها على خده وبتملس عليه راح ماسك كف ايديها وبايسه وبعد كده
تسكت شهر زاد عن الكلام الغير مباح 🤭🤫🤫
تانى يوم خالته جت عشان تعاتبه وتكلمه
صفوان: ازيك يا خالتى
ام مروه : كده يا صفوان انا زعلانه منك ده مروه كانت بتعمل كل اللى عملته ده عشان بتحبك وخايفه انك تسبها وتبعد عنها
صفوان: فعلا معيشانى مغفل وعايزه تنسبلى ابن مش ابنى عشان بتحبنى بتشرب خمره وسجاير واتسببت في موت ابنها عشان بتحبنى
انا يا راجل بستحرم اشربها بخاف من ربنا يقوم بنتك بكل بجاحه شرباها فى بيتى فضلتوا ورايا انتى وهى وامى دى بتحبك وهتخلفلك عيل نفسك فيه مراتك مش مهتميه بنفسها وكنتوا عمالين تلعبوا في عقلى وانا كنت خ…… انى سعت كلامكم وكنت مغمض عينى عن حاجات كتير بس فوقت وصدقينى لولا انك خالتى كان ليا تصرف تانى مش هتحبوه فابعدوا عنى عشان متشوفوش وشى التانى احسن انا معايا ست دلوقتي الضفر اللى بتقصه من صباع رجليها الصغير بمليون واحده من عينت بنتك وراح سابها وطلع
راحت تكلم ام صفوان
ام مروه : ينفع كده اللى ابنك عامله فى بنتى
ام صفوان: بصى يا ام مروه انا كنت مسلماكى ودانى وعملت بسببك حاجات كتير وحشه في ايلاف وكنت هخسر كمان ابنى بسببك انتى اختى اه اللى بحبها بس بحب ابنى واحفادى اللى نفسى اشوفهم اكتر لو هتكلمينى تانى على مروه اعتبرى اختك ماتت
سابتها ام مروه وخرجت وهى متغاظه لانها مكنتش كاتبه لبنتها مهر كبير عشان تحسس اختها وصفوان انهم مش طمعانين فيه حتى بنتها معرفتش تخليه يكتبلها حاجه باسمها كانت مستنيه بنتها تخلف عشان تعرف تضحك عليه لكن للأسف طلعت من المولد بلا حمص
##_____
تانى يوم كانت ايلاف بتكلم اسماء فى التليفون وبتحكلها اللى حصل
اسماء: يعنى هو طلقها دلوقتي
إيلاف: اه طلعت كدابه
اسماء: انا بصراحه مستغرباكى على انك صبرتى كل ده
إيلاف: بصى يا اسماء مش كل واحده ست جوزها اتجوز عليها او عرف عليها واحد تطلق منه خصوصا لو جوزها كويس معاها او فى بينهم أطفال الست القويه بجد هى الست اللى تعرف تحافظ على بيتها وتخلى جوزها مايقدرش يبص لبره ولو حصل وعمل كده تقدر ترجعه ليها تانى سيبك من كلام البنات المراهقه اللى لسه ماتحملتش مسئوليه الست الجدعه اللى تعرف تحافظ على بيتها وعلى كرامتها قبل ده كله الموضوع عايز صبر وحكمه مش عايز تسرع . تفتكرى لو كنت صممت على طلاقى وفضلت قاعده فى بيت ابويا كنت هعرف اكون عيله ولو كان جالى حد عشان يتجوزنى كان هيعملى زى ما صفوان عمل معايا ولا حتى هيعملى نصه خليكى واقعيه وسيبك من جو الروايات ده واشتغل فى شركه واحب صاحب الشركه اللى هيعوضنى عن الزوج الشرير
اسماء: شابو ليكى ياريت كل الستات تبقى قويه وتعرف تاخد حقها ازاى
ايلاف: الموضوع عايز حكمه مش تسرع الحياة محتاجه اللى يعرف ياخد حقه
علمى ابنك كيف ياخذ حقه فإذا رايته قد تمكن من ذلك علمه العفو
بلاش نستسهل ونستسلم في حياتنا
اسماء عندك حق
#……
عدا شهرين كانت إيلاف وصلت للشهر التاسع
وصفوان كان وصل ورقت طلاق مروه ليها مع حقوقها وقفل صفحتها خالص بقى مكتفى ببيته وامه ومراته وبيحلم باليوم اللى هيخلف فيه وبيشيل ولاده
وفى مره كانوا سهرانين فى البلكونه وبيختاروا اسماء الاولاد
إيلاف: ها قررت هتسمى اولادنا ايه
صفوان: اه البنت ايلا
إيلاف: 😳😳 ده شبهه اسمى انت بتدلعنى بايلا
صفوان: عارفه معناه ايه معناه يعنى ضوء القمر . طيب عارفه معنى اسم إيلاف
إيلاف: الالفه يعنى حد حب حاجه واتعود عليها
صفوان: فى القرآن سورة اسمها قريش
بتقول بسم الله الرحمن الرحيم
لِإِيلَٰفِ قُرَيۡشٍ (1) إِۦلَٰفِهِمۡ رِحۡلَةَ ٱلشِّتَآءِ وَٱلصَّيۡفِ (2) فَلۡيَعۡبُدُواْ رَبَّ هَٰذَا ٱلۡبَيۡتِ (3) ٱلَّذِيٓ أَطۡعَمَهُم مِّن جُوعٖ وَءَامَنَهُم مِّنۡ خَوۡفِۭ (4)
صدق الله العظيم
وفى حديث عن الرسول بيقول
فضل الله قريشاً بسبع خصال: فضلهم بأنهم عبدوا الله عشر سنين لا يعبد الله إلا قريش، وفضلهم بأنهم نصرهم يوم الفيل وهم مشركون، وفضلهم بأنه نزلت فيهم سورة من القرآن لم يدخل فيها أحد من العالمين وهي {لِإِيلافِ قُرَيْشٍ} وفضلهم بأن فيهم النبوة والخلافة والحجابة والسقاية)
شفتى اسمك بقى معناه حلو ازاى كفايه انه مزكور في القرآن
إيلاف: الله حبيت اسمى زى ما حبيتك
طيب والولد هتسميه ايه
صفوان: ايه رايك في ساجد
إيلاف: حلو اوى حبيت اساميه مع ان ساجد كان هيليق معاه سجود
صفوان: المره الجايه بقى اصلا انا مش ناوى اكتفى بدول وغمزلها 😉
إيلاف: 🤭🤭
مره واحده ايلاف وشها قلب ومسكت بطنها
صفوان الحقنى
بص صفوان عليها لقى مايه كتيره نزله من رجليها اتخض وكلم امه ونزل وامه اخدت الشنطه اللى كانوا مجهزين فيها حاجت الاولاد
صفوان كلم الدكتوره والدكتوره جهزت غرفة العمليات واول ماوصلوا دخلت إيلاف العمليات وكان صفوان واقف هو ومامته بره الاوضه خرجوا الاولاد وصفوان اطمن عليهم وفضل واقف لحد ما إيلاف تخرج ووالده صفوان بقت تروح كل شويه الحضانه تطمن على الاولاد لحد ماخرجت واول ماخرجت إيلاف من العمليات سالت على ولادها والممرضه جابتهملها وصفوان كبر فى ودانهم وباسهم وكانوا واخدين من ملامح ابوهم وامهم وستهم كانت فرحانه بيهم اوى
عدى يومين فى اليومين دول صفوان كان سايب شغله وقاعد مع إيلاف بيساعدها وحماتها كانت مهتميه بيها وكانت بالنهار بتاخد الاولاد معاها هى وناديه ويسيبوها تنام براحتها وبليل كانت ايلاف بتاخدهم تحميهم وتغيرلهم وترضعهم وصفوان كان بيحب يساعدها في اى حاجه بتعملها للولاد وقرر انه يعمل عقيقه ليهم ودبح عجلين ووزعهم على الغلابه
وام صفوان بقت تحب ايلاف واعتبرتها فعلا بنتها واتغيرت معاها فعلا من قلبها وايلاف لما شافت معاملتها الحلوه معاها رجعت تانى تقولها يا ماما وبقت تنزل تفطر وتتغدى معاها
عدا سنتين
خلال السنتين دول ذاد تعلق صفوان ببيته وولاده جدا وحبه ذاد لايلاف لانه بقى شايفها سبب كل حاجه حلوه فى حياته وازاى حياته معاها هاديه وام صفوان احفادها ملوا عليها الدنيا وعماله تزن على ايلاف انها تحمل وتخلف تانى واوقات كتير بتخلى الولاد يباتوا معاها عشان يونسوها بليل
عند مروه بعد سنه من طلاقها اتجوزت راجل من سن ابوها عشان معاه فلوس واخدها وسافرت معاه الامارات تانى لان كل اللى اتقدمولها شباب لسه بيبنى نفسه وهى عايزه حد معاه فلوس فاتجوزت واحد اد بباها عشان يصرف عليها وولاده مطلعين عنيها خناق ومشاكل والبنات بتغير منها عشان بباهم متجوزها وهما مش عايزينه يتجوز
وتوته توته خلصت الحكايه

لقراءة باقي حلقات الرواية اضغط على : (رواية إيلاف (عودة الزوجة الأولى))