رواية نعمة (العالم الآخر) الفصل الثالث عشر 13 بقلم حمادة زهران

رواية نعمة (العالم الآخر) الفصل الثالث عشر 13 بقلم حمادة زهران

رواية نعمة (العالم الآخر) البارت الثالث عشر

رواية نعمة (العالم الآخر) الجزء الثالث عشر

رواية نعمة (العالم الآخر) الحلقة الثالثة عشر

قولت هو انت يوم حنتك اكلت هریسه…..
قال هریسه……قولت اه……
قال هو انا هفتكر من سنتين اكلت هريسه ولا لا……
قولت لازم تفتكر……
ردت مراته وقالت اه فعلااکل هریسه استنی فاکر يا علي محمد صحبك لمى كنا بنفرش الشقه وامك وامي كانو بيفرشه……
قال اه……
قالت صاحبك جاب لفت هریسه……
قال ايوه صح افتكرت……
قالت انا فكره كويس انت اكلت منها واديتني حته في بوقي……
قال ايوه صح……
وجهلي الكلام وقال هو انتى عارفتی ازاي…….
قولت مش مهم…….
حضرت المياه
وقولت انتوا هتعملوا حجامه 3 مرات في 3 ايام وفى ال3 ايام دول كل يوم هترجعو كل اللي اكلتوه………
ضحك على وقال ازای یعنی……
“كان بيتكلم بيأس واستهزاء”
قولت اصبر وانت هتشوف…..
وبعد قراءة القرآن على المياه بدأوا يشربو على ومروه
وكأن فتحت حنفيه…… رجعوا الهريسه……
وطبعا كلهم مش مصدقين ازای…….
قولت اخر مره اکلتوا هريسه من امتى……
قالو مش فكرين بس من زمان…….
قولت يعنى القصد انكم مش وكلين من
يوم او يومين……..
قالو لا…..
3 ايام على الوضع ده على و مروه كانو عملين زى المرضى من سنين……
بس خلاص بقيوا كويسين زي الفل……
طلبت من مرات عمه تعملهم اكل كويس وتسبلهم البيت النهارده هي والحج محمد………
وكل حاجه كانت طبيعية وكويسه جدا…….
قبل ما امشى قولت لو جبت ولد سميه حمزه…..ومشيت…..
تانى يوم مرات عمه اتصلت عليه وبتزغرت وبتقول الحمد لله يا وش السعد علی و مروه زى الفل وكل حاجه بقيت تمام……
قولت الحمد لله…..
ورجعوا الصعيد وبعد 11 شهر من العلاج ربنا كرمهم بحمزه….
“خليكم فاكرين الحج محمد يا جماعه علشان لسه ليه كام حكايه مع الست نعمه”
الشيخ محمود اتصل وقال عايزك ضروری……
قولت خير أن شاء الله……
قال في وحده هديها الرقم بتاعك وهتكلمك……
قولت ربنا يجعله خير……وقفلت…..
وبعد شويه وحده كلمتني وكانت بتبكي بحرقه……
قولتلها مالك فيه إيه اهدي واحكيلي انتي مين كانت مموته نفسها من البكي……
قولتلها اهدي طيب وفهميني…..
قالت ابوس ايدك ألحقيني فلوسي اتسرقت مني…..
قولت ازاي قالت أنا ارمله ومعايا 3 بنات وبنتي هتتجوز كمان شهر وانا كنت عامله جمعيه ب15 ألف وقبضتها من يومين وشيلتها علشان انزل أنا وبنتي نشتري باقي الأجهزة وروحت أخد الفلوس وملقتش الفلوس قلبت البيت وملقتهمش…..
قولت طيب في حد دخل عندك…..قالت لا…….
قولت طيب اقفلي وانا شويه وهكلمك…. وقفلت…..
هدى ظهرت سألتها هي الفلوس فين…..
هدى بزعل قالت بنتها…..قولت ازاي……
قالت البنت الاصغر من العروسه غيرانه منها واخذت الفلوس……
حسيت بقهره وزعلت اوي قولت لو الست عرفت ان بنت سرقتها دي هتبقي مصيبه……
هدى انت حره يا نعمه ما اقدرش اقولك تعملي ايه انتي لازم تتصرفي من دماغك بس اوعي تنسي العهد مينفعش تقولي مين عمل كده……
قولت تمام واتصلت بالست وقولت عايزاكي تفرحي فلوسك هتظهر وهترجعلك…….
قالت ده انا ابوس ايدك ورجلك قولت استغفر الله العظيم احنا اخوات عرفي بناتك وفرحيهم……
قالت طيب مين قولت لا سيبي الموضوع ده دلوقتي بس انا حاسه ان عندك عين في بناتك ممكن اتكلم العروسه……
قالت اه طبعا……
“ودي طبعا كانت حجه علشان اكلم البنت اللي اخذت الفلوس” كلمت العروسه……
بعدها قولتلها اديني اختك الصغيره…..
كلمتها وضحكنا شويه وبعدين كلمت البنت الوسطانيه اتاكدت ان الفون محدش سامع غيرها……
قولت اسمعي كويس انا عارفه ان انتي اللي سرقتي الفلوس وشايلاها اوعي تنطقي بكلمه ولو عملتي كده تاني هعرفهم ربنا ستار حليم انا اقدر افضحك بس امك ما تستاهلش كده انت سامعه كويس قالت اه اه……قولت ادني امك……
بصي يا ست الكل انا عرفت الفلوس فين والموضوع مش مستاهل اجي انتي اخر مره طلعتي الفلوس ما رجعتهاش مكانها ضحكت وقولت شكلك كبرتي ولا ايه…….
ضحكت وقالت ربنا يفرح قلبك والله ضحكتيني……
قولت الفلوس في كيس اسود صح…..
قالت اه والله صح……..
قولت هي في مكانها بس من جوه شويه…..
جريت على المكان وهي ماسكه التليفون وفعلاً لقيت الفلوس وقعدت تزغرت وتقول ربنا يخليكي ليا الله يسترك…. البنت كانت شايله الفلوس على سطح البيت وعبد الجبار قام بالواجب وحط الفلوس مكانها…..
الست قالت اؤمري يا ست الكل…..
قولت لا والله احنا اخوات…
الست قالت انا عايز اشوفك طيب اشوفك بس…..
قولت تنوري…..وقفلت…..
والمره دي كانت اكتر مره كنت مبسوطه فيها علشان الست فعلاً صعبت عليا اوي علشان ظروفها ومن الناحيه التانيه علشان بنتها مش حاسه بيها كانت عايزه تكسر فرحت امها واختها…….
تاني يوم الست جاتلي البيت وقالت هو في حد من بناتي عمل كده……
قولت ايه ده لا متفكريش كده…..
قالت انا متاكده اني دورت كويس لو حد من بناتي قولي….. قولت انا مش هحلف علشان مش بحب احلف وانا قولتلك انتي ما دورتيش كويس……
قالت ربنا يريح قلبك وطلعت فلوس وقالت دي 1000 جنيه ليكي دي والله قليلة عليكي انا عارفه بس معلش اقبليها مني…..
قولت لا انا عايزه حاجه تاني……
قالت انتي تؤمري يا ست الكل……
قولت اعزميني على فرح بنتك……
قالت بجد والله ربنا يسترك دنيا واخره يارب…..
وفعلا رفضت اخد منها اي حاجه……
وبعد يومين اتصل عليا الحاج محمد الكفيف…….
وقال عامله ايه يا ست الكل والله ليكي وحشه…..
قولتله ربنا يخليك…..
وبعد السلام قال طلب من حضرتك…..
قولت أؤمر……
قالي بيني وبين ناس في ليبيا نسب…..
وفي بنت اسمها ساميه تعبانه اوي اوي وعملت كام عمليه…. قولت سرطان……
قال اه فعلا بس بصراحه هي صعب تيجي كنت عايز اعرف لو ينفع حضرتك تعالجيها من بعيد……
قولت ان شاء الله خير…..
قال لو ينفع تتواصل معاكي على النت وتكلميها……
قولت تمام وفعلا توصلنا كانت ساميه عندها 23 سنه……. نكمل بكره أن شاء الله #حمادةزهران
السلام عليكم ورحمه الله وبركاته متابعيني الكرام بعد السلام كنت عايز كنت عايز اشارككم حاجه…..
جاني سؤال كده خطر على بالي وسألته للست نعمه كانت الاجابه بتاعته بصراحه يعني فرحتني بجد……
سألتها هو انتي بتساعدي الناس بدون مقابل رغم أنهم بيدفعوا بأرتياح وسماح ……
قالت ان ربنا وهبها بالحاجه دي فهي بتاخد من ميسور الحال بس ومن غير ما تطلب اللي بيدهولها بتاخدوا منه وبتديله ارقام تلفونات الحالات اللي ظروفها سيئة وتخليه يساعدهم…….
زي الست دي مثلاً الارمله اللي كانت فلوسها ضايعه هتساعدها بدون مقابل بل بالعكس لما تساعد حد ميسور الحال هتطلب منه يساعد الست دي ومش الست دي بس كذا حاله تاني ظروفها سيئه…..بالله عليكم أدعوا للست نعمه من قلبكم…
توصلنا كانت ساميه عندها 23 سنه…….
ساميه قالت ازي حضرتك……
قولت الحمد لله انتي عامله ايه يا ساميه…….
قالت الحمد لله على كل حال…..
قولتلها خير مالك احكيلي……
قالت والله انا من بعد موت بابا وماما انا واختي حياتنا اتدمرت…..
انا الكبيره وكان بيجلي عرسان كتير اوي بس كل حد يجي كان ما يرجعش من غير اي سبب……
انا شكلي جميل جدا كنت ودايما مش ببطل ضحك……
وفجأة قالت هو انا ممكن افتح الكاميرا…..
قولتها تمام ما فيش مشكله…..
فتحت الكاميرا وش بنت شاحب تعبان جدا باين عليه التعب والحزن قولت اهلا بيكي يا ساميه ليه طلبتي ان انا افتح الكاميرا……
قالتلي علشان انا كنت عايزه اوريكي حاجه…….
وشالت الطرحه من على راسها شوفت منظر رأسها اتفذعت منظر صعب اوي اول مره اشوفه في حياتي…….
راسها شبه الخريطه من غير شعر ومليانه غرز من ورا وقدام منظر صعب صعب……
مكنتش اعرف ان انا ممكن اتخض الخضه دي……
قالتلي معلش انا اسفه وفضلت تبكي وقالت انا بس كنت بوريكي مش قصدي اضايقك……..
قولت طيب انا عايز اعرف ايه السبب…….
قالتلي من ساعه ما مات ماما وبابا وانا عايشه مع اختي كده انا خريجه كليه اداب…….
محترمه جدا واهلي ربوني كويس……
احنا عندنا في ليبيا لما الاخ يموت لو معاه بنات اخوه بيورث معاهم…….
كان عندنا بيت وحوش عمي قال مش عايز حاجه خليكم قاعدين في الحوش بتاعكم وابني هياخد اختك وانتي هتفضلي قاعده في البيت لحد ما ربنا يكرمك……
وأنا كان كل ما يتقدملي حد وانا بكون مبسوطه وموافقه بيمشي وما يرجعش تاني…….
وفي يوم من الايام اختي أتأخرت في الدروس بتاعتها وانا قلقت عليها جامد وطلعت ادور عليها عشان تليفونها كان مقفول ومش عارفه اوصلها ومش عارف اوصل لحد…….
الطريق بتاعنا كان هادي مفيش سكان كتير طريق عربيات مفيهوش اي بيوت حواليه…….
وانا ماشيه بحاول اشوف اي مواصله توصلني لمكان الدرس بتاعها كنت حاسه ان في حد متابعني وماشي ورايا…..
كل شويه ابص ورايا لكن مفيش حد……
سامعه خطوات ورايا ابص برضوا مفيش حد…….
فجاه سمعت خطوات بتجري عليا ما لحقتش ابص ورايا وفجأة في حد كتم نفسي بقماشه فقدت الوعي……
وبعد ساعه او ساعتين مش فاكره فوقت لقيت نفسي فقدت عذريتي وما اعرفش مين اللي عمل كده…….
فضلت ابكي واصرخ ومنهاره بصوت محدش سامعني……. قولت لنفسي لو حد عرف انا هعمل ايه……
رجعت البيت وكانت اختي رجعت……
حصلت لخبطه في الدروس وكان في درس زياده…….
اترميت على السرير وبقيت اشوف حاجه حواليا في حد دايما معايا بقيت اشوف حاجات حواليا……
كنت بصرخ وبقول حاسه ان في حد دايما معايه…… الموضوع ده استمر فتره طويله عدت سنه كامله…….
فضلت ادور على شيوخ وكلمت عمي يشوف شيخ……
عمي ما قصرش وجاب شيوخ كتير لكن كلهم بيقولوا احنا مش عارفين عندها ايه……
كل ما حد يقرا عليا افضل ارجع ارجع كأني بموت انا وبرجع…..
الشيوخ مش عارفين ايه فيا كل شيخ يقرأ عليا ارجع……. حالتي بدأت تسوء وبدأت احس اني تعبانه جامد صداع رهيب……..
لحد ما روحت كشفت واكتشفت ان عندي قنصر في المخ ودخلت في حوارات العمليات……
عملت 3 عمليات……
والعمليات تزيد وبقيت اقعد في السرير ما اتحركش……
ودلوقتي متحددلي عمليه كمان 20 يوم ودي كانت رابع عمليه هعملها……..
تعبت وبعد كده تواصلت بالحاج محمد والحاج محمد حكالي عنك حكى انك علاجتي مراته……
وعالجتي كمان علي ومروه ومراته طلبت اتواصل معاكي واهو زي ما انتي شايفه…….
“خلصت كلامها”
وشها بس اللي باين من الموبايل قولتلها المكان اللي انتي قاعده فيه,فيه بابين…….
قالت اه فعلاً فيه بابين وقامت ورتني البابين……
قالتلي الباب ده بيطلع على البيت والباب التاني بيطلع على الجنينه……
حسيت اني شايفه المكان وكأني موجوده……
قولت اطلعى بره فى الجنينه…….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نعمة (العالم الآخر))