رواية من نظرة حب الفصل الثاني والأربعون 42 بقلم الكاتبة الصغيرة

رواية من نظرة حب الفصل الثاني والأربعون 42 بقلم الكاتبة الصغيرة

رواية من نظرة حب البارت الثاني والأربعون

رواية من نظرة حب الجزء الثاني والأربعون

رواية من نظرة حب الحلقة الثانية والأربعون

نزل مالك ومعاه ملك وثريا تحت للحاج عبده وطلبوا منه يشوفوا الكاميرا وافق واول ما شاف مالك الكاميرا اتصدم طلع التليفون بسرعة واتصل علي رضا
مالك : انت فين
رضا : هو في ايه
مالك : انا عاوز اتكلم معاك في موضوع ضروري
رضا : في اي ي عم
مالك : اخوك فين ي رضا
رضا : اخويا ليه بس
مالك : اخوك فين ي رضا
رضا : ي عم والله ما اعرف هو عمل ايه
مالك : اخوك المحروس خطف خطيبتي
رضا : انت بتقول اي مستحيل حاتم يعمل كدة
مالك : وانا معايا الدليل اللي يثبت دا
رضا : طيب قولي انت فين وانا هجيلك دلوقتي
مالك : لا خليك انت انا هتصرف وهعرف اجيبه
رضا : ي عم ما تبطل بقي وانجز في يومك اللي مش فايت دا هو دا وقت كلامك دا
مالك : تمام تعالي علي العنوان دا***
رضا : مسافة السكة وهكون عندك
قفل مالك المكالمة وهو متعصب ومش عارف يعمل ايه هو كان معتبر حاتم اخوه بس ازاي يعمل كدة هو خطف حبيبته يبقي يتحمل اللي هيجراله
🥀🥀🥀🥀🥀🥀🥀🥀🥀🥀🥀🥀🥀🥀🥀
صحيت نسمة ودماغها كان مصدع اوي بصت حواليها لقت نفسها في اوضة كبيرة جدا وجميلة وكان في شخص قاعد علي كرسي جمب السرير اول ما بصتله انصدمت
نسمة : انت
حاتم : ايوة انا
نسمة : انا اي اللي جابني هنا وانت بتعمل اي هنا
حاتم : دا القصر بتاعي وانا اللي جيبتك هنا
نسمة : انت بتهزر ي جدع انت ابعد كدة انا عاوزة امشي
حاتم : خدي هنا هو دخول الحمام زي خروجه
نسمة : شيل ايدك وابعد عني وسيبني امشي
حاتم : اسيبك تمشي بالسهولة دي انتي عارفة انا بخطط لليوم دا من امتي ولا حتي بحلم باليوم اللي هتكوني معايا فيه امتي او براقبك من امتي
نسمة : دا انت مجنون ابعد عني
حاتم : انا هاخدك معايا وهنسافر النهاردة عشان محدش يقدر ياخدك مني
نسمة : انا مش هروح في اي مكان انا عاوزة اروح
حاتم : متقلقيش ي حبيبتي مش هخلي اي حد يئذيكي ولا ياخدك مني
نسمة : انا مش حبيبتك ومش هفضل معاك هنا انت مجنون
حاتم : ايوة مجنون بيكي انتي انتي عارفة انا منمتش من امتي عشان بحلم بيكي وبفكر فيكي انا مبقتش قادر اخرجك من دماغي وقررت انك هتبقي ملكي دا اليوم اللي بحلم بيه من سنين
نسمة : انا مش ملك حد وخصوصا انت وبعدين دا انت لسة عارفني من كام يوم
حاتم : تؤ تؤ اوعي تكون التمثيلية دي دخلت عليكي انا اعرفك من سنين وبراقبك بس قررت اني ادخل حياتك من دلوقتي وكل حاجة حصلت كان من تخطيطي المول والحرامي حتي الحفلة انا مكنتش هروحها اصلا بس جيت عشانك
نسمة : انت انت مختل عاوز مني ايه
حاتم : عاوزك تكوني ليا هنتجوز ونعيش مع بعض في سعادة
نسمة : لا لا لا لا انا مش هتجوز حد انا لايمكن اعيش معاك انا هخرج من هنا يعني هخرج
حاتم : متحاوليش لاني وقتها هقتلك وهقتل نفسي بعدها لو انتي مش ليا يبقي مش هتكوني لحد ابدا
نسمة : انا مش ملك حد لا انت ولا غيرك وهخرج من هنا مالك اكيد هيخرجني
حاتم : متجيبيش سيرة راجل تاني قدام زوجك المستقبلي لاني بتعصب
نسمة : انا مستحيل اتجوزك ومالك هيطلعني من هنا ووقتها هتشوف هيعمل فيك ايه
حاتم ضربها بالقلم وقعد جمبها وحط ايده علي خدها اللي ضربها عليه كانت نسمة مصدومة ومش قادرة تنطق
حاتم : انا اسف ي حبيبتي بس انتي اللي اضطريتيني لكدة انا قولتلك متقوليش اسم راجل قدامي بس انتي مسمعتيش كلامي
حاتم قام من جمبها وقال بسعادة : مش حابة تعرفي انا حبيتك امتي ولا شوفتك فين قبل كدة
متكلمتش نسمة ودا اللي خلاه يكمل : خلاص هحكيلك
flash back :
كانت نسمة بتشتغل في مطعم ويتر وفي يوم راح حاتم للمطعم بالصدفة شافها اعجب بيها من النظرة كان نسمة في وقتها عندها 22 سنة كانت تعبانة في اليوم دا بس اخدتش اجازة عشان ميتخصمش من المرتب حطت الطلب الغلط وقتها الناس اشتكوا والمدير جه وزعقلها
المدير : انت غبية اي اللي عملتيه دا اعتذري يلا لهم
نسمة : انا اسفة
المدير : اللي انتي عملتيه دا هيتخصم من مرتبك
نسمة : بس دي غلطة صغيرة وانا مكنتش قاصدة واعتذرت
المدير : انتي كمان بتردي مخصوم منك تلات ايام
نسمة بعصبية : وانا عملت ايه للخصم دا انا جيبته واعتذرت وبعدين انا مردتش عليك انا تعبانة وبدال ما استريح جيت هنا اشتغل ومحبتش اني اقصر في شغلي تقوم انت تخصملي بدون سبب
المدير : انتي اتجننتي انتي بتكلميني كدة ازاي انتي مط
نسمة : قبل ما اتكملها انا مستقيلة من الشغل دا انا مستحيل اشتغل شغل يدوس علي كرامتي وانت واحد ظالم وانا ماشية ومش عاوزة فلوسك
خرجت نسمة من المطعم وهي عيونها مدمعة وعاوزة تعيط بس مسكت نفسها راحت علي البحر مكنش في حد قاعد قعدت هي وفضلت تعيط وهي مش عارفة تعمل ايه لان دا الشغل اللي كانت بتصرف علي ملك منه وعلي تعليمها في الوقت دا خرج حاتم وراها وراقبها ومن اليوم دا بدأ يراقبها من غير ما تلاحظ لحد ما قرر يظهر في حياتها وكانت اول مرة تشوفه كان في المول لما هو خبط فيها بالقصد
back
كان بيحكي وهو متحمس اوي اما نسمة فانصدمت اكتر لانه كدة هو بيراقبها من تلات سنين
نسمة : انت اكيد مش طبيعي
حاتم : اي حاجة مقبولة منك ي حبيبتي
نسمة : انا مش حبيبتك
حاتم : لا حبيبتي وغصب عنك كمان اقعدي انتي هنا وانا هجيب المأذون عشان نتجوز
خرج وسابها وهي مش عارفة تعمل ايه ولا حتي هتهرب من المجنون دا ازاي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية من نظرة حب)