رواية نبضات قلب الفصل الثامن 8 بقلم منة محرم

رواية نبضات قلب الفصل الثامن 8 بقلم منة محرم

رواية نبضات قلب البارت الثامن

رواية نبضات قلب الجزء الثامن

رواية نبضات قلب الحلقة الثامنة

عند ادهم كان ماسك صوره محمد
••••••••••••••••••
ادهم: مش قادر اعيش من غيرك انا الي مصبرني وجود بنتك معايا لما بشوفها بحس انك لسه موجود انا مش عارف ياصحبي ازاي مبقتش اصحا علي صوتك بقالي شهرين مشوفتكش ربنا يرحمك عارف انك في مكان احسن من هنا وعارف ان مينفعش اعيط بس صدقني مش قادر
بعد شويه ادهم مسح دموعه وخرج شاف ملاك لسه مكانها زي ما سابها كانت بتنادي عليه
ادهم: انا بجد اسف حقك عليا
ملاك: ولا يهمك هو انت كنت بتعيط
ادهم: ها لا خالص
ملاك: علي فكره مش عيب انك تعيط انت بني ادم عندك مشاعر وعادي ممكن تعيط زينا انتو ليه فاكرين انكو لما تعيطو يبقا كده عيب راجل يعيط
ادهم ونزلت دموعه وقعد علي الارض وسند دماغه علي الكرسي: انا تعبان اوي انا مش عارف اعيش حياتي طبيعي كل يوم اروح الشط استنا محمد يجي بس مبيجيش كل يوم اروح هناك علي امل الاقيه ويطلع كل ده كابوس بس للاسف مافيش جديد مش عارف اصدق انه مبقاش موجود بحاول اعيش بس مش عارف مش عارف
ملاك: ادعيله هو في مكان احسن واكيد حاسس بينا وسامعنا ده انت الي كنت بتصبرني
ادهم: ربنا يرحمه يارب ويغفر له
ملاك: يارب، خلاص بقه امسح دموعك انت مصدقت اقولك عادي تعيط وبعدين انا بقولك ايه انا ماسكه نفسي ب العافيه علشان حياه اصلا
ادهم: يلا تعالي ادخلي جوا وبطلي نكد
ملاك: اه اه انا برضوه
كوثر: ملاك حبيبتي عايزاكي في موضوع
ادهم بص لمامته: ما تقوليه هنا
كوثر: لا يا ادهم انا عايزاها هي
ادهم راح عندها وقال بصوت واطي: بالله عليكي متقولهاش كلمه تزعلها
كوثر راحت وشدت الكرسي بتاعها ودخلتها اوضتها
في اوضه كوثر
••••••••••••••••••
ملاك: نعم يا طنط اتفضلي انا سمعاكي
كوثر: من ساعه ما محمد اتوفي وهو ادهم كل وقته وتفكيره فيكو انتو، مش بيفكر في نفسه خالص وانا ام زي اي ام نفسها تفرح باابنها انا مش قصدي حاجه يابنتي انتو طبعا غالين عليا اوي بس ادهم مش بيفكر خالص في نفسه
ملاك: طب اقدر اساعده ازاي
كوثر: اقنعيه يفكر في نفسه شويه وميقلقش عليكو ويتجوز وانا هبقا معاكو اهو ربنا يديني الصحه ويخليني علشانكو انتو والله مالين عليا حياتي واتعودت علي وجودك انتي وحياه وبحبكو
ملاك: حاضر يا حبيبتي هشوف بس انا خايفه يكسفني ولا حاجه ويقولي اني بدخل نفسي في حياته
كوثر: لا ادهم كويس وعمره ما فكر يجرح حد وبياخد باله من كلامه كويس اوي قبل ما يتكلم
ادهم: وانا مش موافق اتجوز يا ماما
كوثر: ادهم
••••••••••••••••••
ادهم راح عند مامته ومسك اديها: يا ماما انا مرتاح كده
كوثر: لحد امتي يابني لحد امتي
ادهم: لما افرح بداليا وملاك وحياه اوعدك اشوف نفسي
ملاك: يا سلام وانت مالك بينا احنا عايزين نفرح بيك انت ونشيلك نونو
ادهم: ملاك صدقيني لما احس اني قادر هاخدك معايا تشوفيلي عروستي
ملاك: تمام اتفقنا
كوثر: ملاك وانتي كمان متوقفيش حياتك يا حبيبتي محمد في مكان احسن انتي لازم تشوفي حياتك
ملاك: ان شاء الله يا حبيبتي
تاني يوم
••••••••••••••••••
ادهم: ملاك خلصتي
ملاك: ايوه بس احنا هنروح فين بس
ادهم: رجلك موحشهاش الارض ولا ايه
ملاك بفرحه: اخيرا هفك الجبس بتهزر صح
ادهم: يلا بينا
في المستشفي
••••••••••••••••••
ملاك حطت رجليها علي الارض: انا انا لمست الارض وفضلت تمشي ببطئ وكانت هتقع
ادهم مسك اديها: ملاك خلي بالك
ملاك شالت اديها: شكرا
ادهم:يلا اقعدي علي الكرسي
ملاك: بتهزر صح
ادهم: اه طبعا يابنتي انتي فكيتي الجبس عايزك تجري من هنا لحد الڤيلا
ملاك: بس كده ههههههه
في الڤيلا
••••••••••••••••••
ملاك بصوت عالي: يا جماعه انا واقفه
كوثر: يا نور عيوني انتي ماشاء الله مبروك يا حبيبتي
ملاك كانت هتروحلها وادهم وقفها
ادهم: انتي داخله تحضني السفره
ملاك: بجد
ادهم: اه والله استني هي جيالك اهي
ملاك: احرجتني
ادهم: هههههه انا اسف ياستي
ملاك: لا كويس انك وقفتني افرض روحت وحضنت الكرسي بدل طنط كان هيبقا شكلي وحش اوي صح
ادهم: صح
بقلمي/menna moharam
حياه: ملاكيييي
ملاك: روح قلبي تعالي في حضني
حياه جريت عليها بحب: انا فرحانه اوي
داليا: مبروك يا ملوكه ان شاء الله تعملي عمليه عينك وهترجعي احسن من الاول وتشوفي نور ربنا من جديد
ملاك: ان شاء الله يا حبيبتي ممكن تدخليني اوضتي ارتاح شويه
بعد مرور اسبوعين
في امريكا
••••••••••••••••••
ملاك بدموع: لا اله الا الله
ادهم: محمد رسول الله متقلقيش هتكوني كويسه
ملاك: ان شاء الله
حياه بدموع: متتاخريش يا ملاكي
ملاك: حاضر يعمري ادعيلي
فريد: جاهزه
الدكتور فريد وهو كان مع ادهم ومحمد في نفس الكليه
ملاك : ادهم
ادهم: ايوه يا ملاك انا اهو
ملاك: اوعدني ان لو حصلي حاجه تخلي بالك من حياه
ادهم: انتي بتوصيني علي بنتي حياه انا اول واحد شيلتها لما جت علي الدنيا كنت اكتر واحد مستنيها صح يا حياتي وبعدين ايه الي بتقوليه ده انتي هتكوني كويسه ان شاء الله
حياه بدموع: ملاك انتي هتقومي وهتجيلي ونلعب مع بعض
ادهم: خلاص نكد بقه يلا يا ملاك لا اله الا الله
بعد مرور وقت
••••••••••••••••••
ادهم: فريد طمني
فريد الحمدلله احنا عملنا الي علينا الباقي علي ربنا هي دلوقتي تحت تاثير البنج
ادهم: خير ان شاء الله
بعد مرور وقت
••••••••••••••••••
ملاك بتعب: انا عايشه
ادهم: هههههه ايوه
ملاك: طب ها هفتح عيني امتي
فريد: كمان 3اسابيع هشلك الشاش
ملاك: يعني الشاش ده يتشال هشوف صح
فريد: بإذن الله
ملاك: لسه هقعد كل ده انا عايزه اشيلها
ادهم: هيعدو بسرعه يا ملاك
ملاك: يووه
ادهم: متقلقيش بقه انا هروح اشوف اوتيل قريب من المستشفي علشان الاوتيل الي نزلنا فيه بعيد
ملاك: ماشي بقولك
ادهم: قولي
ملاك بصوت واطي: هاتلي اكل معاك مش بحب الاكل الي هنا
ادهم: يا دكتوررررر
ملاك: اخص عليك
فريد : ايوه
ادهم: ماشاء الله انت جيت فعلا عايز اقولك يا ملاك ان دكتور فريد سمعه اي
فريد: الله اكبر ها عايز اي
ادهم: لا ولا حاجه طيب انا همشي يا ملاك اخد معايا حياه علشان متتعبكيش
ملاك: لالا عادي
حياه: انا عايزه اجي معاك يا ادهومي
ملاك: خلاص خليها تروح معاك واهي تتفرج علي شوارع امريكا
ادهم: يلا تعالي يا حياتي
بليل
••••••••••••••••••
ادهم دخل لقاها نايمه وحياه كانت نايمه علي كتفه قعد علي الكنبه وحط حياه علي رجله ونام
بعد شويه
••••••••••••••••••
الممرضه دخلت وشافتهم كده ابتسمت وطلعت
تاني يوم
ملاك: في حد هنا
ادهم: قومي وجعتيلي ايدي يا شيخه
بقلمي/menna moharam
حياه حطت اديها في وسطها: ايه يا حبيبي حد قالك تنيمني علي رجلك طول الليل ما كنت افرشلك في الارض وانا انام علي الكنبه
ادهم: افرشلك؟
ملاك: ههههه انتو هنا يا قط وفار
ادهم: احنا هنا من امبارح بس انتي كنتي في غيبوبه باين
ملاك: محستش بيكو خالص
ادهم كان بيغيظ ملاك: اه يلا نلحق نفطر احنا بقه يا حياتي في اي مطعم شيك كده
حياه: يلا بينا
ملاك بزعل: استنو هنا والله لو اتحركتو من عندكو هقوم اجري وراكو وممكن اقع بقه وانتو هتكونو المسؤولين ها
حياه: خلاص خلاص ادهومي بيهزر معاكي يا ملاكي
ملاك: ايوه كده انتو هتاكلو من الاكل المستشفيات الي بيجيلي ده زي زيكو
ادهم: بس كده عنينا
بعد شويه
••••••••••••••••••
حياه بصوت واطي: حلو اوي الكريب ده
ادهم: اسكتي هتسمعك
ملاك: انا شامه ريحه اكل حلوه اوي
ادهم: احم يابنتي ما الاكل الي قصادك ده بتاع المستشفي هي ريحته حلوه فعلا
ملاك: لالا في ريحه اكل تاني غير الرز والشوربه والفراخ انا عارفه ريحتهم
ادهم: مافيش حاجه كملي اكل
ملاك: هو انتو بتاكلو معايا
ادهم: اه ده انا ماسك ورك فرخه اهو صح يا حياه
حياه: اه اه وانا كمان ماسكه الجناح
ادهم بصوت واطي: اه لو تعرف اننا ماسكين كريبات
حياه: شششش بس ياادومي هتسمعك
فريد: مساء الخير اده كريب اوعو تاكلوها منه يا جماعه ولا تصعب عليكو تدوها حته بس مش كنت تجبلي معاك هتفضل بخيل كده طول عمرك
ادهم بصله بقرف: حبيبي تسلم فضحتنا وبعدين انا الي بخيل ده ايام الكليه كنت بجبلك الفطار علب حسابي ده انا كنت باخد مصروفي اصرفه عليك
فريد: ادهم انت لسه فاكر كده تحرجني قدام الحلوين
ملاك: ممممم كريبااااات بقه كده ماشي انتو ضحكتو عليا وتقولي ورك ها وانتي جناح
حياه: حقك عليا يا مامي انا اسفه
ملاك: خلاص يا حياتي محصلش حاجه انتو خايفين عليا انا اول ما اقوم عارفين اول حاجه هعملها ايه
ادهم وحياه: ايه
ملاك: هخليكو تاكلو مسلوق بس
ادهم وحياه ضحكو وكملو اكل
وبعد مرور تلات اسابيع وكان ادهم طول الوقت في المستشفي معاها ومسبهاش لحظه وكان بينام علي الكنبه مكنش بيرضا يمشي ويسيبها هي وحياه
ملاك بخوف: يارب يارب
فريد بدا يشيل الشاش واحده واحده تحت خوف ملاك ان العمليه متكونش نجحت
ادهم: يابنتي مالك بترتعشي ليه اهدي كده
ملاك: مش قادره انا خايفه اوي
فريد: يلا افتحي عيونك واحده واحده
ملاك بدات تفتح عيونها ببطئ
ادهم بقلق: ها ملاك انتي شيفاني ها
ملاك بتوتر: انا انا
ادهم بقلق: في ايه يا ملاك قلقتيني

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نبضات قلب)