رواية بائعة الجبن الفصل الثاني 2 بقلم حمادة هيكل
رواية بائعة الجبن الفصل الثاني 2 بقلم حمادة هيكل
رواية بائعة الجبن البارت الثاني
رواية بائعة الجبن الجزء الثاني
رواية بائعة الجبن الحلقة الثانية
ايوه يا بدر
فين الجاز عشان أزود اللمبة
مفيش جاز يا بدر
مفيش ! ليه بس
عشان اني عيانه وبقالي كام يوم منزلتش السوق
يعني مفيش فلوس نجيب جاز
هو دا اللي همك الجاز ، مش همك اني عيانه
لا يا امه اني أسف مش قصدي اني بس
قاطعت كلامي وقالت
متقولش حاجه يا بدر ..اوعى تفتكر اني مش ملاحظه
تغيرك من وقت ما رجلك خدت ع البندر
وشوفت ناس غير الناس ودنيا غير الدنيا
ايه بس الكلام دا ؟
انت بقالك مدة متغير معايا ..لا بتسألني
ولا بتيجي تقعد جنبي في السوق زي زمان
ياما. .
يابن بطني فوق وعيش على أدك
الدنيا مبتظلمش احنا اللي بنظلم روحنا
بنظلم روحنا لما بنبص اللي في ايد غيرنا
ونحسدهم عليه من غير ما نعرف ربنا خد منهم
ايه قصاد اللي عندهم ، شايفين الصوره من زاوية وحده بس
وحاسين بالنقص والقلة واننا مظلومين
بأيدك يا ولدي تغير حالك وتسعى تبقى حياتك احسن
مش عيب بس العيب انك تستعر من أصلك
وتنسى فضل ربنا عليك واللي رزقك بأم بتحبك
وضحة بنفسها وراحتها عشانك ..
لازم يابني تحمد ربنا على اللي عندك عشان ميزولش
من حمده زاده يا بدر
الجاز موجود وهزودلك اللمبه عشان تنورلك
ربنا ينورلك بصيرتك واشوفك احسن واحد في الدنيا
كلامها كان زي قلم نزل على وشي فوقني
وخلاني أعرف اني امي دي اعظم ست في الدنيا
واني لازم احمد ربنا واسعى اني اطور من نفسي
فاتت السنين واتخرجت من الجامعه وبقيت معيد
واتجوزت وخلفت ..وعشت في بيت تاني اكبر واحسن
امي رفضت تنقل للعيش معايا فيه
وصممت انها مش هتسيب بيت جوزها لحد ما تطلع
على مثواها الاخير.. عوضت امي بلبس وفلوس
وكل اللي نفسها فيه وحججتها بيت الله زي ماكانت بتمنى
وماتت أمي من عشرين سنه ،وكل ما ياخدني الحنين ليها
بروح أزورها وابويا في قبرهم واقرالهم الفاتحه
وانا راجع أعدي على السوق ..وابص للمكان
اللي كانت بتقعد فيه امي بتبيع الجبنه والزبده
واتمنى اني ارجع طفل تاني وانام في حجرها زي زمان .
تمت
لقراءة باقي حلقات الرواية اضغط على : (رواية بائعة الجبن)