رواية قد يأتي الهدى على هيئة ابتلاء الفصل الأول 1 بقلم أميرة خيري

رواية قد يأتي الهدى على هيئة ابتلاء الفصل الأول 1 بقلم أميرة خيري

رواية قد يأتي الهدى على هيئة ابتلاء البارت الأول

رواية قد يأتي الهدى على هيئة ابتلاء الجزء الأول

رواية قد يأتي الهدى على هيئة ابتلاء الحلقة الأولى

يعني أيه!
-يعني لازم نبعد
-أي الكلام دا
مسحت دموعي رفعتي راسي وبصتله بقوة
-بقولك هنطلق
قام فجأة و وقف
-مستحيل الجنان دا يحصل وأبننا
وقفت قصاده ضربته في صدره بقوة وانا بقول
– ابننا وأنت عامل حساب لابننا وأنت كل يوم بتكسر في أمه وبتعذب في روحها بحياتك دي وانا مش هستحمل..مش هستحمل كل يوم أعيش معاك وابقي جمبك وأنت بتخوني وانت كل يوم مع واحدة شكل ،كل يوم تتبعتلي صور وإسكرينات بكلام حب وقرف ..هي دي الأمانة اللي صونتها هو دا الوعد والاخلاص اللي وعدتني بيه..هي دي الحياة اللي أتفقنا عليها سوا
خلاص أنا مش أستحمل
عليت صوتي وانا بقع علي الارض بإنكسار
-خلاص أنا قرفت منك ومن خيانتك ليا أنا حتي مش طايقة أبص في وشك ولا ألمسك حتي كل لما ببص للمرايا بشوف واحدة عجوزة ملامحها بهتت والحزن مالي عينيها واحدة كل يوم عذابك ليها بينهش في قلبها وفي ملامحها أنا بكرهك بكرهك ومش عايزة أكمل وبالنسبة لابني فأنا هقدر أربيه لوحدي وهربيه أحسن تربية وأعلمه دينه كويس وأعلمهم أن الرجولة مش بأنه يكون بتاع بنات ويفرح مع دي يومين ويلاغي دي يومين…
خدت نفسي جامد
-طلقني يا محمد …
بصلي ببرود وقال
-أنتِ طالق
-بالتلاتة
-طالق،طالق طالق بالتلاتة يا ليل
الدنيا أسودت حواليا وماشوفتش حاجة
___________________
بعد ٥ شهور عدوا مابين تعب الحمل وبين تعب قلبي وروحي.. مش هنكر أني فرحانة بخلاصي منه لكن صعب علي الست أنها تحس بالنقص في أنوثتها وفي مشاعرها صعب عليها أنها تهين كرامتها بوجودها مع شخص خاين صعب برضو أنها تحس أنها… مطلّقة!
بس المُريح والأهم والأجمل أني أتخلصت من الجحيم دا
فصلت المنبه بكسل واللي كان بيرن الساعة ٤ قبل الفجر قعدت بسرعة علي السرير وحاولت أفتح عيني جامد وأستعيذ بالله من الشيطان عشان أقدر أفوق
دخلت الحمام واتوضيت وبدأت صلاة القيام
صليت ركعتين بس بسورة الواقعة والزلزلة ماقدرتش من التعب قعدت علي المصلية أقرأ سورة البقرة لغاية ما الاذان أذن رددت الاذن وصحيت ماما وبابا وصحيت ملك واتصلت بمازن ومراته واللي هي برضو صاحبة الطفولة هنا
صلينا الفجر جماعة وبدأنا كلنا نقرأ الأوراد بتاعتنا من إستغفار وقرآن وختمنا بصلاة الضحي
-هتنامي يا حبيبتي
-أيوة يا ماما….آااااه
حطيت أيدي علي بطني لما حسيت بوجع جامد وبدأت أعيط
-الحقيني يا ماما…
_____________________
فتحت عيني ببطئ لاقيت حواليا أهلي
حطيت أيدي علي بطني بوجع
-ماما
-أنا هنا ياروحي
-ماما فين بنتي
بصيت ليها لقتها بتبكي
-ماما!
حضنتني وقالت
-البقاء لله
-بنتي ماتت!
دوخة جامدة أتملكت مني وجع غريب ومؤلم سكن قلبي ،روحي وكأنها غابت عني حسيت كأني تايهة وفي مكان غريب عني حسيت بخنقة رهيبة وكأن حاجة بتكتم في نفسي
بصيت لبابا والدموع أخفت ملامحه
-بابا بنتي ماتت! ماتت يابابا؟!
لمعت عنيه بالدموع ربت علي ضهري وهو بياخدني في حضنه
-ربنا أسترد أمانته ياحبيبتي وهي في مكان أجمل من هنا في مكان أجمل مما تتيخيلي ،مش أنتي كنت عايزة تربيها تربية إسلامية صحيحة؟! مش كنتي عايز تعلميها تعاليم ديننا؟! مش كنتي عايزة تخليها تحب التستر والإحتشام من صغرها،تلبس الخمار وترتقي للنقاب؟!مش كنتي عايزاها تطلع مثال رائع من حفيدات أمهات المؤمنين ؟ عايزاها تبقي حاملة لكتاب الله وتدخلك الجنة؟!مش كنتي عايزاها تبقي دارسة العلوم الشرعية من فقه وأحاديث الرسول عليه الصلاة والسلام وتوحيد وعقيدة؟! عايزاها ماتختلطش بأصحاب سوء يغيروا تفكيرها ويخدوها لطريق مش كويس ،مش كنتي عايزة قلبها يكون ربيعه القرآن ولا يختلط بجحيم الاغاني والموسيقي؟!
هزيت راسي بوجع وانا ببكي بقهر
-وعشان أنتي نيتك خير وكنت عايزة تربي بنت صالحة مسلمة ذاكرة لربها،خاشعة لربها ،حافظة لكتابه،غاضة لبصرها،عابدة لربها،حافظة لدينها وقلبها لو الرسول عليه الصلاة والسلام شافها أو السيدة عائشة والسيدة خديجة وأمهات المؤمنين يفرحوا ويسعدوا لإيمانها والأهم من كدا ربنا يكون راضي عليها
ربنا إن شاء هيكرمك ويرأف بيكي ويلطف بقلبك وساعتها هتحسي لنعمة ربنا وكرمه وحكمته من كل دا
غمضت عيني جامد وكأني بكدا هختفي من مكاني وكل الوجع هيختفي ظهر قدامي حديث كنت حافظاه قبل كدا حسيته وكأنه بيريط علي قلبي
عَنْ أَبِي مُوسَى الأَشْعَرِيِّ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «إِذَا مَاتَ وَلَدُ الْعَبْدِ قَالَ اللَّهُ: “لِمَلائِكَتِهِ قَبَضْتُمْ وَلَدَ عَبْدِي” ،فَيَقُولُونَ:” نَعَمْ”،فَيَقُولُ: “قَبَضْتُمْ ثَمَرَةَ فُؤَادِهِ “،فَيَقُولُونَ :”نَعَمْ” فَيَقُولُ :”مَاذَا قَالَ عَبْدِي “،فَيَقُولُونَ:” حَمِدَكَ وَاسْتَرْجَعَ “،فَيَقُولُ اللَّهُ: «ابْنُوا لِعَبْدِي بَيْتًا فِي الْجَنَّةِ وَسَمُّوهُ بَيْتَ الْحَمْدِ».
فتحت عيني وكأن في حاجة اتغيرت في قلبي سكينة أو راحة لا أمان ربط علي قلبي فتحت عيني وبلا وعي حسيت بأبتسامة مرسومة علي وشي
فتحت عيني وانا بردد ببُكي
-اللهم لك الحمد ،اللهم لك الحمد،الحمدلله يارب
إنا لله وإنا إليه راجعون اللهم أجرني فى مصيبتي وأخلف لى خيرًا منها إلا أخلف الله له خيرًا منها
فضلت أردد وأنا ببكي وكأن الدعاء اللي بقوله ليخفف عني
______________________
بعد سنتين من الاجتهاد والمواظبة علي القرآن والقيام
أتقربت لربنا أكتر وختمت القران حفظ مرتين
أتممت حفظ أحاديث كثيرة وكترت من الدروس الدينية لعلها تقربني من ربنا أكتر وأجتهدت في تعلم العلوم الشرعية واهتميت بها اكتر من الاول واللي أكتشفت أني بعد جوازي من محمد كنت أهملتها
بدأت أجهز العيادة بتاعتي واظبطها عشان الافتتاح
بجانب أني كنت بشتغل في مستشفي قريبة من مركز تبع المحافظة بتاعتي
الحمدلله وجع فقدان روحي ورفيقة قلبي قل عن الأول بس مازالت روحي بتشتاق ليها بتشتاق أني أشيلها بين أيدي وأضمها لقلبي بس ربنا بيلهمني الصبر من عنده وفكرة أن يكون ليا بيت في الجنة بسبب بعدها عني مصبراني هي كمان
قفلت دفتر مذاكرتي وأنا بسمع صوت حد بيفتح باب مكتبي
-دكتورة ليل في حالة خطيرة خالص محتاجة تدخل العمليات بسرعة
لبست النضارة والبالطو بسرعة وأنا بمشي بسرعة في طرقة المستشفي
لاقيت واحد علي الترولي عامل حادثة ملامحه مش باينة وجسمه مليان جروح لبست الجوانتي بسرعة وأنا بكشف عليه بسرعة
-عُلا بسرعة جهزوا العمليات الحالة مش مستحملة
دخلنا العمليات وجهزت بسرعة وانا قلبي مقبوض في كل مرة أدخل فيها
دخلت دكتورة التخدير وقبل ماتخدر المريض سمعت همس ضعيف”ليل ما تسبينيش”
فتحت عيني علي أخرها وما أستوعبتش حاجة غير لما سمعتها بتقول
-بسرعة يا دكتورة
بدأت أعمل العملية وكان معايا دكتور كمان والطاقم كله
الحالة فعلا خطرة أسياخ حديد دخلت في المعدة والمعدة متاذية جدا وللأسف هنضطر نعمل إستئصال لجزء منها
كنت مرعوبة من شكل الحديد وقلقانة خالص
فضلنا ٤ ساعات بنطلع في الحديد بطريقة ماتاذيش المريض
_____________________
طلعت من باب العمليات وأنا مرهقة جدا جريت عليا بنت جميلة وست كبيرة تقريبا أهل المريض
-طمنيني يادكتورة؟

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية قد يأتي الهدى على هيئة ابتلاء)