رواية حبي الوحيد الفصل الثامن والعشرون 28 بقلم جنى أحمد

رواية حبي الوحيد الفصل الثامن والعشرون 28 بقلم جنى أحمد

رواية حبي الوحيد البارت الثامن والعشرون

رواية حبي الوحيد الجزء الثامن والعشرون

رواية حبي الوحيد الحلقة الثامنة والعشرون

ليل: غزل غزولة أنا بكلمك ….. وفجأة حس بتقل في إيده وبص عليها لاقاها مغمي عليها
ليل بلهفة وهو بيضرب بخفة على خدها عشان يفوقها: غزل غزل ردي عليا غززززل …… وكلم دكتور عشان ييجي يفحصها وليل شالها وحطها على السرير والدكتور وصل
الدكتور: هي بتشم الروايح وحشة ولا حاجة أو بترجع أو بتأكل كتير
ليل بقلق: أيوة فعلا غزل بقالها يومين بتأكل كتير على عكس عادتها خالص لإنها بتحافظ علي جسمها ومش بتأكل بليل وإنهاردة الصبح ريحة البيرفيوم بتاعي معجبتهاش مع إنها بتحب ريحته أوي لكن الترجيع دة معرفش بصراحة
الدكتور بإبتسامة: مبروك المدام حامل ….. وليل سمع كدا إتصدم جامد بس بعد كدا ضحك بفرحة
الدكتور بنفس الإبتسامة: ألف مبروك هي هتفوق كمان شوية يعني مافيش داعي للقلق والتوتر أهم حاجة راحة تامة خصوصا في أول 3 شهور
ليل: شكرا يا دكتور ….. وليل دفع الفلوس للدكتور ووصله لباب الفيلا والدكتور مشي وليل طلع جري علي اوضتهم وفضل قاعد جنب غزل وهو ماسك إيدها لحد ما تفوق وبالفعل غزل بدأت تستعين وعيها
غزل بتعب واضح: إيه اللي حصل؟؟
ليل بإبتسامة: مافيش حاجة حصلت يا روحي إنتي كويسة والبيبي كمان كويس
غزل بإبتسامة: طيب الحمدلله إنـ…… ثانية إنت قلت بيبي صح ولا أنا سمعت غلط
ليل بفرحة: لا إنتي مسمعتيش غلط ولا حاجة أنا فعلا قلت بيبي
غزل بصدمة ممزوجة بضحك هستيري: هههه يعني هااا انا حاااامل إحلف كدا إني حامل
ليل بفرحة عارمة: اه والله حامل بس لازم نروح لدكتور عشان نتابع معاه طول فترة حملك …… وليل حضن غزل جامد وسط فرحتهم وضحكهم
غزل بدموع: بس أنا هتخن وبطني هتبقي كبيرة وهيبقي شكلي وحش
ليل وهو ماسك وجها بين إيده: مش مهم يا روحي أصلا إنتي حلوة في كل حالاتك وبعدين كلها كام شهر وكل حاجة ترجع زي ما كانت
غزل: بس بطني مش هترجع زي ما كانت هبقي تخينة
ليل بحب: مش مهم كل دة إنتي أصلا في كل حالاتك قمر
(قمرين دول ولا عينيك😂😂+ أسفة🙂)
غزل بضحك: يعني إنت هتبقي بابي وأنا هتبقي مامي
ليل بضحك: أيوة هتبقي مامي وبابي وأحنا أتفه من بعض
غزل بضحك: إتكلم عن نفسك متتكلمش بصيغة الجمع
ليل بضحك: اه بأمارة لما دخلت عليكي الأوضة لاقيتك بتعيطي قلتلك بتعيطي ليه قلتيلي جينك مات حسستيني إنه من بقيت عيلتنا
غزل بضحك: بس خلاص بلاش فضايح مش هنمسك لبعض الواحدة
ليل وهو بيحضن غزل وبيقبل خدها: أحلى خبر سمعته في حياتي كلها ربنا يخليكي ليا يا غزل
غزل وهي بتحضن ليل: ويخليك ليا يا ليل
__________________
“في فيلا مراد الجرحي”
ندي: ميرو أنا طالبة منك طلب
مراد بإبتسامة: إطلبي يا قلبي عايزة إيه؟
ندي: عايزة أكل فراولة مش عارفة نفسي أكل فراولة
مراد وهو بيفكر: طيب هجيب فراولة منين دلوقتي الشتا لسة مدخلش يعني لسة إحنا في الخريف
ندي بدموع: مليش دعوة عايزة فراولة إتصرف هاتلي فراولة يا ميرو
مراد: يا حبيبتي ما أنا أجيبلك بس هعمل إيه يعني أخلي الشتا ييجي وأجيبلك فراولة طيب إطلبي حاجة تكون موجودة في الفصل اللي إحنا فيه دة
ندي: أنا مش عايزة حاجة غير فراولة مش عايزة فاكهة تانية
مراد وهو بيتنهد: ماشي يا ندوش هجيبلك فراولة لما أشوف بقا أجيبهالك منين دي
ندي وهي بتحضنه: شكرا يا روحي
مراد بضحك: مش كنتي هتعيطي من شوية فجأة بقيتي فرحانة وبتضحكي هرمونات الحمل عاملة شغل جامد
ندي بضحك: أيوة أيوة هتفضل تضحك عليا كدا
مراد: طيب يا ندوش هنزل أجيب الفراولة اللي إنتي عايزاها دي …… وفعلاً مراد نزل عشان يجيب فراولة
___________________
مراد راح لماركت فيه جميع أنواع الخضار والفاكهة الصيفية والشتوية كل الخضار والفاكهة اللي تخطر على بالك هتلاقيها ف الماركت دة (اللي عايز إسمه يكلمني برايفت😂😂)
مراد: لوسمحت كنت عايز كيلو فراولة …… طبعاً الشاب كان عارف مراد يعني مين ميعرفش مراد الجرحي ورحب بيه جامد
الشاب: طبعاً طبعاً دقيقة واحدة وهتلاقيها مع حضرتك ….. ومراد إستغرب طريقته بس مخادش في باله
الشاب: إتفضل الفراولة أهي حضرتك محتاج حاجة تانية؟؟
مراد: لا شكراً مش عايز حاجة تاني ….. ومراد خد الفراولة وركب عربيته واتجه إلى فيلا مراد الجرحي
____________________
“في فيلا مراد الجرحي”
مراد وهو طالع علي اوضتهم: ندي ندوشتي أنا جبت الفراولة
ندي بفرحة: اوووه جبتها طيب ما إنت أهوا جبتها اومال إيه إحنا في الخريف والشتاء والصيف ما إهي
مراد: يابنتي دة رحت لأخر بلاد المسلمين عشان أجيب الفراولة دي لاقيت ماركت بيبيع كل أنواع الخضار والفاكهة الصيفية والشتوية فجبت منه
ندي: طيب أنا هغسلها وتعالي نأكلها مع بعض
مراد بإبتسامة: ماشي يا حبيبتي ……. وندي غسلت الفراولة وطلعت علي اوضتهم
ندي وهي بتأكل الفراولة: أممممم تحفهههه طعمها تحفهههه أول مرة أحس إني هموت وأكل فراولة كدا
مراد بضحك: عشان إنتي حامل مش أكتر
ندي بخبث: والله انا مش عايزة ومش بحبها إبنك هو اللي عايز يأكلها مرضتش أخليه ميأكلهاش
مراد بضحك: يابنتي حرام عليكي كل حاجة تلزقيها في الولد
ندي بضحك: عم بمزح معك كلشي بحكيه بتصدقوا عم نمزح
مراد: ماشي ياختي إمزحي نستحمل هرمونات الكام شهر دول كله عشان الباشا اللي جاي دة
ندي: إنت مش تعبان في حاجة أنا اللي حامل فيه ولسة فاضل 4 شهور تانيين يعني لسة بدري خالص
مراد: لسة بدري خاااالص
_____________________
“في فيلا ليل الجرحي”
ليل: يلا يا غزل خلصي لبس عشان نروح عند الدكتور
غزل من جوا: حاضر أهوا قربت أخلص 5 دقايق
ليل بنفخ: بقالنا 5 ساعات بنقول 5 دقايق يا مسهل الحال
غزل بإبتسامة: الدنيا بسيطة خالص أهوا خلصت
ليل بفرحة: الحمدلله إننا خلصنا يلا عشان نتحرك
غزل بإبتسامة: يلا …… وركبوا العربية واتجهوا الي المستشفي
______________________
“في المستشفي”
طبعاً ليل وغزل كتبوا كل حاجة عنهم في الـ CV ودخلوا للدكتور والدكتور رحب بيهم جدًا
الدكتور وهو بيعمل السونار: طبعاً مافيش حاجة هتبان دلوقتي لإنها لسة في نص الشهر الثاني
ليل: بس مافيش حاجة مش كويسة في الحمل صح؟.
الدكتور بإبتسامة: مافيش أي حاجة مش كويسة وكمان مش هيبان دلوقتي
الدكتور وهو بيدقق في الشاشة: ما شاء الله !!
ليل بإستغراب: ما شاء الله على إيه الجنين كويس يعني؟؟
الدكتور: ما شاء الله مش جنين واحد لا دة إتنين يعني مدام غزل حامل في تؤام …… وغزل بصت لليل بفرحة جامدة لإنها كانت مفكرة إنها حامل في واحد/ة بس
ليل بفرحة وهو ماسك إيد غزل: يـ يعني غزل حاامل في تؤام
الدكتور بإبتسامة: أه مدام غزل حامل في تؤام
غزل بفرحة: طـ طيب مـ ممكن نشوفه
الدكتور بإبتسامة: طبعًا … وميل الجهاز عشان ليل وغزل يشوفوا وفعلا شاوفوا إن فعلا غزل حامل في تؤام
غزل بدموع: دة بجد فعلا تؤام أنا حامل في تؤام
الدكتور: إكتمال الجنين بيكتمل بشكل كويس جدا يعني مافيش مشاكل خالص أهم حاجة الراحة التامة وطبعاً لازم تمسك نفسك يا عريس عشان نثبت الجنين وطبعاً المتابعة معروفة
ليل وهو بيقوم وبيعدل هدومه: شكرا يا دكتور …… وليل وغزل مشيوا وركبوا العربية
غزل بفرحة: ياااه تؤام والله كنت مفكرة حامل في طفل واحد إكتشفت إني حامل في تؤام يعني هنغير لإتنين ونأكل لإتنين ونيّم إتنين ونعلّم إتنين وإلخ……..
ليل وهو ماسك إيدها وبيقبّلها: كل حاجة هتعدي وإحنا مع بعض
غزل بفرحة: ياااه جه اليوم اللي نشيل فيه عيالنا
ليل بفرحة: إن شاء الله يا حبيبتي ….. وطبعاً إنتي عارفة هنروح فين؟(فيلا الجرحي)
________________
“في فيلا الجرحي”
ليل وصل الفيلا ونزل من العربية هو وغزل ودخلوا الفيلا
سليم بضحك: هو في إيه بقا كل يوم والتاني هنا اومال لو مكنتوش متجوزين
ليل بإبتسامة: لا والله جايين نقول خبر علي السرير نثير الجدل ونمشي
غزل بهمس: فري فريدة إنتي يابنتي …. وفريدة إتنبهت للصوت
فريدة بهمس: إيه يا غزل عايزة إيه؟؟
غزل: تعالي علي أوضة ليل عايزة أقولك حاجة يلا
فريدة بإستغراب: ليه… بس ماشي تعالي يلا ….. وطلعوا فعلا علي أوضة ليل
فريدة: ها يا ستي كنتي عايزة إيه بقا وإيه الحاجة المهمة السرية اللي كنتي عايزة تقوليها
غزل بفرحة: أنا حامل حاااامل يسسس
فريدة بصدمة وشهقة: حاااامل إنتي كمان حامل
غزل بضحك: في إيه هو أنا قلت حاجة غلط بقول حامل
فريدة بفرحة وهي بتتنطط علي السرير: يسسسس غزل حاااااامل
غزل وهي بتحاول توقفها: ششششش الله يخربيتك هتفضحينا إسكتي إحنا عاملين مفاجأة
فريدة: الله هيبقي عندي عيال أخ
غزل بإبتسامة واسعة: أنا حامل في تؤام كمان
فريدة إتسعت عينها وصوتت جامد: ااااااه تؤام يااااااااه عندي 3 عيال أخ الله
غزل بضحك: ششش يابنتي بطلي وإسكتي ليه محسساني إنك أول مرة هتشوفي أطفال
فريدة وهي بتحضنها: ألف مبروك يا غزولة ….. ونزلوا تحت عندهم
_____________
وطبعاً ليل عرف سليم وثريا وكانوا فرحانين اوي
سليم: ألف مبروك يا ليل يتربوا في عزكوا يارب ويتتملك علي خير يا غزل ويقومك بالسلامة إنتي وندي
غزل: الله يبارك فيك يا عمو يارب
ثريا: ألف ألف مبروك يا غزولة
غزل: الله يبارك فيكي يا طنط ….. وطبعاً مراد وندي عرفوا بس ماجوش عشان ندي كانت تعبانة ومش قادرة
______________
“في فيلا رامي السيوفي”
رامي بفرحة: ألف مبروك يا غزل ألف مبروك يا ليل
ليل بفرحة: الله يبارك فيك يا عمي
غزل: ربنا يخليك لينا يا بابا
رامي وليل في صوت واحد: يارب
وقضوا يوم حلو اوي وطبعا إتغدوا وإتعشوا مع رامي واليوم كان كله ضحك وهزار وفرحة
(طبعاً طول الأيام اللي فاتت كانوا ليل وغزل بيروحوا لرامي بس مقلتش في الرواية والشركة بتاعت رامي كويسة والأسهم بتاعتها عمالة تعلى ما شاء الله اللهم لا حسد يعني❤️😂 وكمان كانت غزل بتكلم رامي علي طول في الفون وساعات كانت بتروحلوا في وقت ليل لما بيكون في الشركة مع الحراسة وبأمر من ليل طبعا …. غزل مش ماشية علي حل شعرها يعني😂😂)
_____________
“في فيلا مراد الجرحي”
ندي بفرحة: ياااه يعني غزل حامل والله كان نفسدسي نولد مع بعض بس للأسف
مراد بضحك: طيب ما إحنا فيها إستنيها لحد ما توصل للتاسع وخليكي محنطة الولد في بطنك وإولدوا مع بعض
ندي بضحك: مراد أنا بهزر مش كل كلامي تأخده جد
مراد بضحك: خلاص والله بس بتقولي كلام غريب يعني إيه اللي جاب السما للأرض
ندي: معلش إنت عارفني الكلام بيطلع مني كدا
مراد بضحك: لا بالله عليكي إمسكي لسانك عشان لو حد سمعك هيموت من الضحك
ندي بضحك: علي الأقل هيكون ميت مبسوط هكون كسبت فيه ثواب
مراد بنعاس: طيب تعالي ننام عشان هموت وأنام
ندي بنوم: وأنا كمان عايزة أنام يلا تعالي ننام …. مراد خد ندي في حضنه وناموا
_____________
إنما عند غزل كانت تعبانة وعمالة ترجع ودنيا ودة حاجة طبيعية كذلك ندي بردوا اللي كانت تعبانة بس مش اكتر من غزل إنما مراد فبدأ يتحسن أكتر وأكتر في الشركة وسليم وليل كانوا مبسوطين لأنهم شايفينه بيتحسن في الشغل بطريقة ملحوظة إنما بالنسبة لفريدة ففاضلها شهر وتخلص 3 كلية ويبقي كدا فاضلها سنة وتتخرج وندي كانت بتتابع مع الدكتور وشهورها بتعدي
_____________
بعد مرور شهرين
ندي وهي بتصحي مراد بتعب: مـ مراد إلحقني أنا بولد
مراد بنوم: في إيه يا ندي
ندي بصويت: فيها إني بولد إلحقنييييييي
مراد بتوتر: طيب طيب تعالي اوووف خلاص ياخويا حبكت تيجي الدنيا دلوقتي
ندي وهي بتضربه وبتعضه من إيده: إخلص إنت لسة هتتكلم

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبي الوحيد)