رواية نوح ورؤى الفصل الثامن والأربعون 48 بقلم ريتاج محمد

رواية نوح ورؤى الفصل الثامن والأربعون 48 بقلم ريتاج محمد

رواية نوح ورؤى البارت الثامن والأربعون

رواية نوح ورؤى الجزء الثامن والأربعون

رواية نوح ورؤى الحلقة الثامنة والأربعون

باس خدها بعشق:والله مش بفرض سيطرتي عليكي ولا
حاجة انا بس محبش ان مراتي تشتغل يماس!!
قالها بحنية..
ماسة بتذمر أطفال:طب بس خلاص اقفل على الموضوع دا عشان بيخنقني …
انزل بقى هاتلي ساندوتشات شاورما!!
ضحك عليها وعلى طفوليتها :طيب ياستي حاضر حاجة تانية
قالها وهو مستمتع بالحديث معاها …..
ماسة بتفكير:لأ ..مش عايزة ..بس ممكن تجيب حاجة
ساقعة وكاتشب زيادة عشان مبيتوصوش ‘
قال وهو مبتسم :ماشي!.
وفضل سايق وبعدين نزل جابلها
الشاورما
ودخل العربية وأكلوا
وراحوا يشوفوا هيعملوا اي بقى
…………….
عند خالد كان عند سهام
وكان هو ومهرة واقفين على الباب مهرة بتدية حاجة لسهام
مهرة :امسك دة ادية لطنط سهام وقولها ابقي اطلعي اقعدي معانا شوية
خالد ببسمة:عنيا …وكمل وهو بيبص على الصينية الي مهرة جايباها :بعدين ايه دة ؟؟
قالها بتساؤل واستغراب
مهرة :دي هريسة !!
خالد وهو بيلمسها :بس دي قوامها عامل زي البسبوسة؟؟
مهرة:هي كدة ..اديها لطنط سهام متنساش…وكانت طالعة عالسلم
خالد بسرعة:استني !
قالها بلهفة وهو بيحرك ايدة ف الهوا ناحية الباب
:اتفضلي ادخلي اقعدي مع سوسو شوية
مهرة ببسمة: مرة تانية..مش هينفع دلوقت
خالد :طب هشوفك تاني بكرة ؟
مهرة بضحك:اي يابني انت محسسني اني خلفتك ونسيتك ! ..هو ايه الي هشوفك تاني بكرة؟
خالد باحراج وهو بيهرش ف شعرة من ورا:لا مش حكاية كدة أصل اتعودت اني بشوفك علطول وكدة
مهرة:امم
طب انا طالعة بقى اشوفك مرة تانية
خالد استني لما طلعت ودخل وقفل الباب
…………..
عند نورسين
كانت قاعدة ف اوضتها وعبد الرحمن ف الشغل وكانت حاسة بتعب جامد لدرجة ان الفون رن وهي مكنتش قادرة تقوم تجيبة
بس اتحاملت على نفسها وجابتة وردت
عبد الرحمن بقلق:نورسين حببتي مرديتيش بسرعة لية؟
نورسين وهي بتحاول تطلع صوتها طبيعي :مفيش يحبيبي كنت فالحمام ..
عبد الرحمن:طيب ..انا انهاردة هتأخر في الشغل
متسنينيش على الغدا ماشي
نور:طيب ..ماشي
عبدة:خلي بالك من نفسك يلا سلام!!
نور:سلام ..
وقفلت ..
وقعدت على السرير وهي ماسكة راسها وللحظة حست انها عايزة تستفرغ وفثانية كانت ف الحمام بتستفرغ
خلصت ومسحت وشها بفوطة
وقررت انها تاكل اي حاجة وتاخد حباية برد
راحت المطبخ وفتحت التلاجة وطلعت اكل
وجت تاكل حست نفسها انسدت
فراحت للأدوية الي ف التلاجة ملقتش اي حاجة للبرد ..
حطت ايدها على جبهتها وهي بتقول:ياربي الصداع هيفرتكني ..
وبعد دقائق قررت تنزل تشتري برشام
للبرد ..لاعتقادها انه برد ف المعدة
لبست ونزلت الصيدلية الي تحت البيت
دخلت والي كانت واقفة بنت صيدلانية
البنت واسمها رحمة:اهلا وسهلا اتفضلي
نورسين بتعب:عايزة برشام للبرد
الدكتورة:ممكن اعرف الأعراض الي عندك او اشوف الروشة؟
نورسين بتعب:مش معايا روشتة ..بس انا بقالي كذا
يوم بحس بصداع ودوخة ووجع ف بطني وسددان ونفور عن الأكل
رحمة:انتي احم متجوزة ؟
نور هزت راسها بأة
رحمة:حلو …بصي عايزاكي تفكك من حوار البرد دا وتروحي عند اي دكتور تعملي اختبار حمل
نورسين باستنكار:لا يستي لا مستحيل !!
رحمة:هو اي الي مستحيل روحي يحببتي حللي
ربنا يهديكي
بعدين انتي خايفة لية
نورسين بتوتر:انا خايفة؟..خايفة من اي لا طبع..طب
اقولك والله لروح احلل دلوقت
وهنشوف بقى حامل ولا لا
رحمة بضحك:طب لو جيتيلي ونتي حامل ابقى هاتيلي معاكي كرتونة شيبسي عشان اعرف انك خسرتي
نور :طيب ماشي طيب انا رايحة
رحمة بعد ما مشيت بضحك:يلهوي البت خايفة تبقى أم
……..
عند نورسين بعد ما خرجت راحت على أقرب معمل تحاليل …
وحللت والدكتور قالها ان النتيجة هتطلع على بكرة الصبح بالكتير اوي
وهي روحت وكانت بتفكر طول اليوم هل هي حامل ولا مش حامل وكانت خايفة ..
……….تاني يوم نورسين صحيت الصبح بدري واستنت لحد ما عبد الرحمن لبس وراح الشغل ونزلت راحت المعمل تاخد النتيجة
وفعلا طلعت حامل ..
نورسين بصت للتحاليل ودمعت من الفرحة وهي بتحط ايدها على بطنها بفرحة
وبتتنطط
الممرضة مسكتها بلهفة وهي بتقول ببسمة:يماما مش كدة الحمل مش ثابت
كدة غلط على الجنين
نور حضنتها وقالت بفرحة:انا فرحانة اويييييييي
الممرضة بلطف:ربنا يتمملك على خير ويفرحك كمان وكمان ومتنسيش بقى لو بت تسميها سلمي
نور بفرحة لا توصف:حاضر والله لو طلعت بنت لهسميها سلمى…بس اشمعني يعني الاسم دة
الممرضة:عادي اسم عزيز عليا…..اسم بنتي الله يرحمها
نور بحزن:الله يرحمها يارب
معلش ربنا يعوضك غيرها حببتي
اكتفت بأنها هزلتها راسها بابتسامة حزينة
نورسين باحراج:احم ..طب انا همشي انا
الممرضة:ف رعاية الله ..وخلي بالك من نفسك انتي والبيبي
نور ببسمة:حاضر
ومشيت وكانت رايحة عل. البيت بس افتكرت كلام رحمة عند كرتونة الشيبسي
وبالفعل راحت سوبر ماركت واشترت كرتونة شيبسي
وراحت على الصيدلية ودخلت وهي مؤحرجة
رحمة ببسمة وهي بتسقف بايدها الاتنين على بعض مرة
واحدة:ها نقول مبروك ولا اي
نورسين بصتلها وقالت:كسبتي انتي المرادي
رحمة:عيب عليكي …هاتي بقى كرتونة الشيبس
نورسين:خدي….اسمك ايه. بقى؟؟
رحمة بغرور مصطنع:رحمة رحومة الي بتحب الفيل ابو زلومة والي عندها عروسة اسمها فطومة
نور بضحك:كُل دة هههههه…عمتا يستي انا نورسين الجميلة الي مبتمشيش غير بضفيرة ومبطفطرش غير بفطيرة وامي اسمها منيرة !!
رحمة بضحك:منتي كمان اسمك طلع طويل اهو عمتًا ياستي اتشرفنا واتمني نتقابل تاني أو نبقى أصحاب
نور:ياستي محنا فيها اهو هاتي رقمك
واتبادلوا الأرقام ونورسين مشيت
راحت عالبيت وروقتة كويس جدا
وجابت بلالين بينك وبيبي بلو وحطتهم ف الشقة
وعملت جو رومانسي
شموع بقى
واكل وكاسات بيبسي
ولبست فستان قصير مش قت لحد الصدر لونة احمر قاتم وهيلز سودة
وسلمت الشقة كلها وانتظرت عبد الرحمن
وعدى الوقت والجرز رن
راحت فتحت
ووقفت ورا الباب بحيث ميلمحهاش هو استغرب لان الشقة كانت مضلمة كحل
ولع نور الصاله وهو واقف مستغرب من البلالين والجو
الشاعري دة
لقى الي بتحضنة من ضهرة
:حمد على السلامه يعُبد
قالتها بدلع لفلها
وهو بيقول وهو بيحاوطها :الله يسلم قبل العُبد من جوة
خير …الجز دا اكيد وراة حاجة
نورسين ببسمة فرحة :اممم ..تعالى بس الاول
واخدة من ايد وقفتة عند طاولة الطعام وفكتلة الكرافات وبليزر البدلة
وشدتلة كرسي وقعد
عبد الرحمن مندهش من تصرفاتها: لا دا الغزالة رايقة اوي انهاردة
قالت بسعادة:اوي!!
عبد الرحمن وهو بياخد الكأس وبيشرب البيبسي الي فية:واي بقى سر السعادة دي
قامت وقفت جنب الكرسي بتاعة بالظبط ومسكت ايدة الفاضية عشان الايد التانية بيشرب بيها وحطتها على بطنها
وقالت بفرحة:انا حامل!!
عبد الرحمن نزل الكأس من على بقة بصدمة وبصلها للحظات يستوعب هي قالت اي
قوليها كدة تاني؟!!
قالها بعدم تصديق
نورسين بفرحة وبتعلي صوتها :انا حامللللل!!
عيد الرحمن قام وكان مبسوط اوييي حضنها جامد وهو بيعبرلها عن فرحتة ف الحضن دة وشالها لف بيها وهو مبسوط
عبدة بفرحة وسعادة لا توصف:انا مش مصدق روحي
نورسين بضحك:بس يمتخلف غلط على الجنين
عبد الرحمن نزلها بسرعة:انا اسف اسف. ..من فرحتي بس ….بجد مش مصدق
نورسين بفرحة:لا صدق انت هتبقى احسن بابي ف الدُنيا وانا هبقى احن مامي ف الدُنيا !!
عبد الرحمن حضنها وهو بيحط راسة على كتفها:انا بجد بحبك…
نورسين ببسمة:ونا بموت فيك
عبد الرحمن مسك ايدها وقعدها على الكرسي بتاع طاولة الطعام وهو بيحط الاكل قدامها وبيقول بحنان
:كلي بقى كويس عشان العيل ميطلعش معصعص زيك كدة
نورسين سابت الاكل وقالت بحدة:انا معصعصة ياعبد الرحمن؟؟؟؟
نورسين سابت الاكل وقالت بحدة:انا معصعصة ياعبد الرحمن؟؟؟؟
عبد الرحمن بسرعة :لا والله اتا بقول عالعيل
نورسين:لا يحبيبي انت قولت كلي عشان العيل مطلعش معصعص زيك !!!
انا بقى معصعصة
عبد الرحمن:لا يروحي والله انتي مش معصعصة انتي قمر
نورسين:كداب ف أصل وشك الي يغير كلامة يبقى كداب. وستين كداب كمان
عبد الرحمن:طب اريحك ازاي طب ،والله ما كان قصدي عليكي حاجة
نورسين:لا ياراجل ..ع اساس انك كنت بتمدح يعني ..
منت بتقولي يامعصعصة قصدك اني مش حلوة
عبد الرحمن فسرة:هي هرمونات الحمل هتبتدي من دلوقت ولا اي بقى
وبعدين قام وقف وشدها من ايدها وهو بيلف ايدة الاتنين على رقبتها وبان فرق الطول الكبير و بيقول ببسمة واستنكار :مين دي الي مش حلوة ؟
دنتي جامدة ..
وكمل وهو بيملس على خدها بأبهامة
بحنية : وبعدين حتى لو انتي معصعصة انا بحب المعصعصين ياستي
نور وهي رافعة شفتيها من على الجنب وفي بسمة فالتة منها:ياراجل ..!!
ثبتني يخويا ثبتني !
عبد الرحمن باس خدها بحب وهو بيقول ببسمة:لا انا مش بثبتك انا بقول الحقيقة
نور:امم ..طيب
عبد الرحمن :مش يلا بينا ناكل بقى لحسن انا جعان وهموت من الجوع وشكل الاكل يفتح النفس الصراحة؟
نور بتناكة:امم..ماشي… يلا ناكل
****************
عدا الوقت والايام والاسابيع
وجيجي لما زهقت قررت تعمل الع*مل لنوح بدل ماسة لأنها مش عارفة توصلها بتاتًا
وفعلا اخدت حاجة تخصة
وكانت راكبة العربية
ورايحة لمكان الدجال وهي مبسوطة اوي
انها هتفرقعم وان نوح هيبقى ليها
وكانت سايقة وهي ايه مزاجها رايق
ومشغلة اغاني
لقت فجاءة دماغها وعقلها بيقولولها:لية….
لية تخربي عليهم وانتي عارفة انة بردك حتى لو سابها مش هيحبك …
وقفت العربية مرة واحدة وهي مش فاهمة اي الي حصل واي الي خلاها تفكر كدة مهي كانت ماشية حلو ومبسوطة
لقتها بتكلم نفسها وبتقول:بطلي تضحكي على نفسك …نوح لو حتى مكانش بص لماسة فهو مكنش هيبصلك
فوقي بقى ….انتي موهومة…انتي مش بتحبي نوح انتي بتحبي فلوسة وعربياتة ومكانتة الاجتماعية ومبتحبيش اختة رؤى كمان الي كل شوية تقوليلة انا صاحبتها …انتي وحشة ياجيجي وحشة اوي
……لقت نفسها بتبص ف مراية العربية وهي بتقول بصوت واضح ورجفة من تفكيرها:ه هو انا وحشة …….
لقت مفيش رد والمفروض الإجابة تبقى منها
بصت جنبها وبصت على نفسها ف المراية وفي حاجة بتفوقها من الي كانت فية:
انا بعمل ايه واي الي جابني هنا ..وايه الي مشاني ف الطريق دا ،وايه ااي انا كنت هعملة دا ..انا كنت هخرب بينهم بإيدي دي وبصت على ايديها الي بترجف
لقت نفسها تلقائي مسكت البوكس الي كان فيه حاجة لنوح من جنبها وفتحت شباك العربية ورمتة بسرعة وهي بتقول:ايدا …انا امتى وصل بيا الحقد والغيرة للدرجة دي ا انا انا مش عارفة في أي انا عمري ما كنت كدة ..انا كنت انسانة هادية ومسالمة وبتحب الحياة مالي..اي الي جرالي
وعيطت وهي بتحاوط وشها بايدة وهي مش مصدقة الي كانت هتعملة
وانها كانت هتفرقم بطريقة بشعة زي دي
ساقت العربية وفي شلالات بتنزل من عيونها ،ندم على الي كانت هتعملة
روحت على البيت
وطلعت على اوضتها لقت الباب خبط وفتح ودخلت البنت الي بتبقى معاها :ها ياستي عملتي الي كنتي عايزاة وضمنتية لصفك؟
جيجي بصتلها بصة…..بصة طوييييييلة اوي وهي بتفكر انها ازاي مشيت ورا كلامها وازاي قلبها وعقلها طاوعها
وازاي هي كانت هترتكب إثم عظيم زي دة
بصتلها ودموعها بتنزل بصمت بندم
البنت بخضة:مالك ياستي في أي بتبصيلي كدة لية …وبعدين مالك بتعيطي لية
جيج بحد وزعيق ولسة عينها عليها وبتعيط وبتشاور على الباب:برا …اطلعييييي برا ومش عايزة اشوف وشك دا تاني ابدا …انتي سامعة ؟!!…برااااااااااا
البنت جريت بخوف من جيجي
اما جيجي رمت نفسها على السرير وفضلت تبكي بندم
وقررت قرام عمرها ما هتندم علية
قررت تتوب …
☆☆☆☆☆☆☆☆☆☆☆☆☆
عند نوح
وماسة كانوا قدام عربية فول وطعمية
بياكلوا
ماسة :ونبي ياعمو اشرف ممكن ساندوتش طعمية كمان ويكون فيه بتنجان مخلل
عم اشرف بابتسامة:عيوني يابتي
اتفضلي …وانت اتفضل ياجوز الغالية
نوح ببسمة من غير تكلفة وحب حقيقي للناس دي:شكرا ياعم اشرف
اشرف:الشكر لله يابني
معلش هستأذنك ف حاجة كدة
نوح:اؤمر
اشرف:خد يبني العلبة دي وروح..شايف البسة الي بصالنها هناك دي حط العلبة قدامها وتعالى
نوح بصلة وبعدين بص للقطة ببسمة استغراب:دا ايه دا
اشرف:دي بسة بتجي تقفلي كل يوم وبتستناني احولها أكلها
اتعودت عليها يبني بقيت كل ما جي من البيت عشان افتح العربية اجيبلها بعشرة جني لانشون
وااكلهولها …
نوك ابتسم على طيبة الراجل وراح حط الاكل للقطة
وكمل هو وماسة اكل
وفوسط الكلام
ماسة :الا طنت هدى عاملة ايه يعمو
اشرف بحزن:ربنا يشفيها يابنتي والله بحاول اجمعلها الفلوس عشان عمليتها ربنا معانا …
ماسة :هي عملية اي؟
عم أشرف:والله ما عارف يبنتي بيقولوا مش عارف استصال ورم فين ومش عارف اي
ومش عارف ااي
نوح بتساؤل:والعملية دي بكام ياعم اشرف
اشرف:١٠٠ الف …بحاول والله اجمع فيهم
يبني
نوح :ربنا يكون ف العون ياحج الا صح انت بقالك قد اي بتشتغل الشغلانة دي
عم اشرف ببسمة شوق وحنين للماضي:يااا يبني بشتغل فيها من ساعت قبل ما أتقدم لهدى وتبقى خطيبتي
نوح:انتوا معندكوش اولاد ؟
اشرف ببسمة حزن:ربنا ماذنش…مش مشكلة اكيد في خير لينا ف الموضوع دا …
ربنا مبيعملش حاجة وحشة …وبعدين منتوا ولا دي اها
ومشرفيني بقالكوا شهر وكل يوم بتجولي
نوح:امم
معلش هروح اعمل مكالمة واجي
وراح بعيد عشان ميكونش تحت انظارهم وطلع دفتر الشيكات وكتب فية ٢٠٠ الف ومضى
وطبقة فايدة عشان محدش يشوفو
وراح وقف مع ماسة
نوح:احم معلش ياعم اشرف هتعبك كوباية ماية لو سمحت عشات هموت من العطش
اشرف بسرعة وهو بيصبلة مية بطيبة:بعيد الشر يابني عنك خد امسك اشرب اشرب
نوح خد الكوباية شرب بوقين وفضل ماسكها فأيدة
لحد ما كانوا قربوا يمشوا
ومن غير ما حد يشوفة حط الورقة المتطبقة وفوقها الكوباية
واخد ماسة ورمى السلام وقالة انة ساب الكوباية على التربيزة من قدام ومشي
ماسة بحزن:والله عمو اشرف صعبان عليا
محدش بيجي يشتري من عندة خالص
مع إن اكلة طعمة حلو اوي
وهو ياعيني عايز فلوس
نوح بهدوء:ربنا معاة
ماسة:يارب
….
عند عم أشرف كان بيلف عشان ياخد الكوباية مطرح ما نوح سابها وطبعا كان بيمشي بهدوء وبراحة
عشان رجلة تعباة وغير ان هو عمرة كبير
اخد الكوباية ولقى ورقة كانت هتطير راح ماسكها
وفتحها وبص فيها معرفش يقرأ اي الي مكتوب
فدسها فجيبة وقال انة هيسأل اي حد عليها
وبعد ازيد من تلت سعات مفيش فيهم غير شخصين تقريبا الي جوملة قرر يروح
وهو ناسي موضوع الورقة دا اصلا
مد ايدة ف جيبة يشوف حصل كام ف اليوم
لقى ٤٢ جنية .
بصلهم بحزن وهو بيبوسهم بحمد وبيقول:الحمد لله يارب مدام بالحلال
وحطهم فجيبة تاني
وقفل العربية ومشي
ووهو ماشي شاف شاب يجيلي فتانية ثانوي ماسك السيجارة وبيشربها بطريقة مقرفة ولابس سلاسل وحظاظات كتير
فوقفة :معلش يبني ممكن تيجي لحظة
الشاب بقرف واستحقار:امشي ياحج مش ناقصةشحاتة عالمسا
اشرف بحزن:يبني والله ما بشحت عايزك تقرألي الورقة دي فيها أيه ؟
الشاب:يوةةة وتقوم بقى مشممني بنج واتخطف واموت صح ..اهو شكل كللم امي بيتحقق اهو وتحذيراتها
اشرف:يبني والله ما بكذب حتى الورقة اهي …اقولك حاجة امشي…امشي مش عايز منك حاجة
الشاب بأفأفة:اووووف هات ياعم خلصنا خلينا نمشي لحسن البت مستنياني
وقرب علية ومسك الورقة وهو بيتفحصها وعينة وسعت بصدمة وبلع ريقة نن المبلغ ونبرة صوتة اتغيرت للطلبة المفاجأة وهو بيقول

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نوح ورؤى)