رواية توأمي سبب تعاستي الفصل الأول 1 بقلم نوران أحمد

رواية توأمي سبب تعاستي الفصل الأول 1 بقلم نوران أحمد

رواية توأمي سبب تعاستي البارت الأول

رواية توأمي سبب تعاستي الجزء الأول

 رواية توأمي سبب تعاستي الحلقة الأولى

في المحاضرة
بصلها دكتور فهد بغضب وسحب ورقه الامتحان
فهد بضيق : قومى اطلعى برا واعتبري نفسك شايله الماده

رنا : يا دكتور والله هى اللى نادت عليا انا مليش ذنب والله ما غشيت كلمه واحده حتي انا مليش ذنب حضرتك ممكن تنقلني من مكاني او او ممكن حضرتك تديلي ورقه امتحان جديده

دكتور فهد : كلمة تانية وهقولك مش هتدخلى باقى الامتحانات اتفضلى اطلعى برا كل واحد فى ورقته
خرجت وقعدت في مكتبة الكلية وفضلت اعيط فجاه

رامز : مال الجميل زعلان ليه فوكك من دكتور فهد ده دماغه تعبانه اي يعني هتشيلي ماده مش مشكله ولو زعلك اوي كدا قوليلي هنخطفه نضربه ونرجعه اي رايك

ضحكت رنا

رامز
ايوه بقا خلي الشمس تطلع يا شيخه بطلي عياط بقا

رنا بكسوف : ش شكرا جدا لحضرتك جت رساله لرنا خلتها تخاف وتبص حواليها بقلق فتحت الرساله بخوف وكان فيها

” اللي حصل النهار ده مش هيعدي انا فى مكتبى عايزاك متتاخريش “

رامز : مالك يا رنا حصل حاجه عندك في البيت ولا اي

رنا : انا انا اسفه ل لازم ا اروح د دلوقتي عن ا اذن ح حضرتك

خبطت ودخلت المكتب
رنا بخوف : ح حضرتك ط طلبتني ه هو اانت عايزنى في ح حاجه تانيه

مسك أيدها بعصبيه : بعد كدا أما اقول الكلمة تنسمع من اول مرة اقولك تجيبى ورقتك يبقى تجبيها وانتى ساكتة متعقديش تجادلى انتى فاهمة

رنا بدموع : ح حرام ع عليك ه هتفضل لحد امتى بت بتعاملنى بالطريقة دى انا ذنبى ايه هي اللي جرحتك ااذيها أنا مليش دعوه بكل ده ليه بتظلم في النص

فهد : انا بكرهك فاهمة يعنى ايه بكرهك يا ريتنى ما اتجوزتك بس كنت مجبور عليكى بسبب عمايل اختك الزباله

رنا : لو لو لوسمحت متقولش ع عليها ك كدا بس بس انا انا مش ذنبى انى توؤامها وان وشى بيفكرك بيها وباللى عملته فيك احنا الاتنين مش واحد وهتتحاسب من ربنا علي وجع قلبي ده ح حرام ع عليك

ضربها بالقلم وقال فهد : اخرسي مش عايز اسمع منك كلمه تانيه اطلعى برا غورى من وشى مش طايق اشوفك
خرجت بخوف وانا بترعش يارب يارب تيجي تاخدني بقا مش عارفه اعيش مع البني ادم ده

فى القصر كبير

دخلت رنا واول ما شافت جدها جريت حضنته

الجد : اهدى يبتى حصل اي مالك ….. فهد تاني انتى عارفه ان مفيش اطيب من جلبه بس لولا اللى اختك عملته فيه انتى عارفه هو كان جد ايه بيحبها وراسم حياته معاها كل حاجه كان مرتب ليها اتغيرت حياته اتغيرت احساس انه غير مرغوب بيه بيكسر الراجل اللي عملته مش شويه

رنا : يا جدو طيب انا ذنبى ايه ليه جوزتونى ليه لو بتحبني كنت طلقتني منه يا جدو كفايه لحد كدا وجع بقا تعبت كل واحد يروح في حاله احسن هو هيرتاح وانا كمان كدا صدقني

ناديه بقرف : ذنبك انك نسخة منيها يا ختي انتوا المفروض كنتوا اترميتو فى اي زفت ملجا يربيكوا بعد ما ابوكى وامك راحو للي خلقهم مكنش ليكوا عيشه فى الصعيد انتوا الاتنين ابنى هو اللى اداس فى الاخر عشان جررنا نربي بنات شوارع

عاصم بصوت عالى : ناديه متتحدثيش واصل كفايه أكده انتى عارفه يبتى انه اتجوزك عشان البلد متتكلمش زى ما انتى عارفه ان فهد كبير البلد ولو كانوا اهل البلد عرفوا اللى حوصل كانوا هيتكلموا علينا

رنا : طب خلاص احنا انقذنا الموقف وخلاص طلقنى منه يا جدو وخليه يسيبنى اعيش حياتى بعيد عنه والله محدش هعرف عني حاجه ولا هزعجكم ابدا صدقني

بصوت عالى جدا فهد : نعم اسيبك ايه يا روح امك عشان تتسرمحي وتمشي مع اللي يسوي واللي ميسواش شكلك محتاجه تتربي من جديد

استخبت في حضن جدها : ع عشان خ خاطري يا جدو ااااابعده عني ع عشان خاطري انا انا م م معملتش حاجه والله هو هو ليه كدا

عاصم الجد : اطلعي علي اوضتك يا بتي وانت يا ادهم عايزك يا ولدي تعالي علي المكتب جوه

في المكتب
الجد : مرضتش عاد احرجك جدام مرتك اللي بيحصول ده معيرضينيش واصل اسمع يا ولدي لو متعدلتش معاملتك معاها انا هسمع كلامها وهتطلج منك واني اللي هجف في وشك يا ادهم وده اخر كلام عندي معجبرش بناتي واصل يتحملو واحد معيحترمهمش لو اختك مكنتش عتجبل واصل حد يعمل فيها اكده

فهد : يا جدي اكسر للبت ضلع يطلع عليها عشره واني عربيها زين عشان متكلعش كيف اختها عاصيه

الجد : انت معتشوفش نفسك واصل البت عتترعش من الخوف منيك يا ولدي عتفسرلي ده كيف

فهد : الخوف جاي من الاحترام واكده عتحترمني زين واني مبسوط انها عتخاف مني اكده

الجد : يا ولدي نبينا محمد واصانا وجال ورفجا بالجوارير معترفش الحديث ده واصل ظلمك اللي عينك دكتور كبير في الجامعه وعجولك علي حاجه اخيره لان اظاهر اكده اني بتحدث مع نفسي ومفيش منيك فايده الظلم ظلمات يا ولدي معتظلمش عاد عتترد ليك في الدنيا والاخره البت زينه واني مجدر اللي عملته رانيا غلطت لما هربت كان لازم تجول أنها معايزاكش ووجتها معزوجهاش اصل اطلع بره خلصت حديثي اكده وان متعدلتش انت عارف هعمل اي بره

في اوضه رنا وهي بتتكلم في الفون

رنا : حسبي الله ونعم الوكيل فيكي يا رانيا ليه سبتيني وعملتي فيا كل ده ده انا توامك هونت عليكي تسيبيني في العذاب ده

رانيا : انا مكنتش هقبل ابدا الوضع ده هو بيحبني وانا مش بحبه مش علشان اهلنا راحو للي خلقهم وهما اللي ربونا يبقي ليهم الحق يبيعو ويشترو فينا ومنعترضش طول ما انتي كدا هييجو عليكي دايما انتي ليكي حق في كل حاجه زينا زي فهد وأمه مش عاله علي حد عايشين بخيرنا وهي عمرها ما حبتنا بس عايزه تكوش علي ورثنا علشان كدا كانت موافقه علي الجوازه ولما تتمكن هنكون مجرد خدامات دي مش حياتي انا عمري ما هعيش كدا هنعيش مره واحده بس طز في كل حاجه فوقي وبطلي الجبن والخوف ده عمرك هيضيع علي الفاضي ومهما تعملي هتفضلي وحشه هتضيعي عمرك ونفسك وصحتك ومفيش حد هيشكرك ابدا

رنا : انا مش شبهك يا رانيا عمري ما ههرب واخلي شكلهم وحش جدو ميستاهلش مني كدا ابدا كنت بحسبك هتكوني سند ليا من بعد بابا وماما سبتيني في كل ده لوحدي انا خايفه اوي من غيرك ومش عارفه اعيش تعالي خديني طيب

رانيا : اكبري واعتمدي علي نفسك لازم تتعلمي تشيلي ليلتك لواحدك وتجمدي كدا وتنسي الخوف ده خلي عندك ثقه في نفسك ودوسي علي الكل عشان مصلاحتك وطالبي بحقك ومتسكتيش ابدا لحد جه عليكي انا عيني معاكي وهوصلك وهطمن عليكي طول الوقت دلوقتي لازم اقفل ابدئي اشتغلي علي نفسك سلام

دخل فهد : بقا بتشتكي لجدي حلو اوي قابلي اللي جايلك مفيش جامعه هتتراح بكرا متوتره كدا ليه وخايفه خبيتي التليفون ليه كنتي بتعملي مين واتوترتي كدا ليه ما تنطقي هاتي الزفت ده رقم مين ده ما تنطقي

رنا بخوف ودموع : والله والله انا انا مش عارفه اصل اصل انا ه هفهمك ه هفهمك بس بس بس دقيقه انا انا انا

محستش الا بقلم نازل علي وشها ووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية توأمي سبب تعاستي)