رواية حبي الحقيقي الفصل الثالث 3 بقلم نشوة عادل

رواية حبي الحقيقي الفصل الثالث 3 بقلم نشوة عادل

رواية حبي الحقيقي البارت الثالث

رواية حبي الحقيقي الجزء الثالث

رواية حبي الحقيقي الحلقة الثالثة

– راحت تالين ناحية الباب وفتحته واتفاجئت انها ميادة واقفة قصادها ومبتسمة
حورية: اهلا يا ميادة اتفضلى ادخلى يا حبيبتى
ميادة: شكرا يا طنط انا جاية اعزمكم ع خطوبتى وهستناكم اوعوا تتأخروا
حورية: مبروك يا حبيبتى بس فجأة كده مين بقى اللى امه داعية ليه!
ميادة: عماد الفقى يا طنط اكيد حضرتك عارفاه كان زميل تالين ف الكلية
بصت حورية لتالين اللى ساكتة ومش بتتكلم واتصدمت شويه بس بعدها ابتسمت وقالت: مبروك يا حبيبتى فعلا الطيور ع اشكالها تقع وانتم شكل بعض ف حاجات كتير منها قلة الاصل بجد مش عارفة اشكرك ازاى انك خلصتى بنتى من الاشكال دى
اتضايقت ميادة فابتسمت تالين وقالت: اكيد هاجى يا ميادة مش هينفع اضيع عرض زى ده
فتحت ليها الباب وقالت: نورتى
مشيت ميادة وهى ع اخرها كانت جاية تضايقها حصل العكس وهى اللى اضايقت
حورية: يعنى هو ده السبب اللى كان مزعلك اليومين اللى فاتوا
تالين: شوفتهم بعيونى يا ماما وعرفت انهم بيخونونى وصدمتى الاكبر كانت فيها هى غلطتى انى دخلتها ع حياتى وفكرتها صاحبتى
حورية: من زمان وانا رافضة علاقتك باللى اسمه عماد ده وكنت بدعى ربنا ليل ونهار انه يبعده عن طريقك والحمدلله كشفهم الاثنين عشان تفوقى
تالين: وانا مش زعلانة عليهم والله يا ماما اد ما زعلت ع نفسى وغبائى ان دخلتهم ع حياتى
حورية:اوعى تقولى كده لما بيكون فيه كتاب كبير نقطع منه صفحة فاضية هتأثر ف حاجة؟!
تالين: اكيد لا
حورية: بالظبط كده اعتبريهم صفحة فاضية مكنش ليهم اى لازمة ف حياتك وخلاص غاروا ف داهية
تالين بابتسامة: اكيد يا حبيبتى بس انا عاوزة اقولك ع حاجة واخر طلب والله
حورية: روحى طالما شايفة ان مرواحك ده هيريحك ويثبتلك ان الاثنين ولا حاجة بالنسبة ليكى والموضوع مش مأثر عليكى روحى
حضنتها تالين فهى امها واعز صديقاتها التى تفهمها دون ان ترهق نفسها بالحديث
ف اليوم التانى لبست تالين واستعدت عشان تروح ع الشركة وهى رايحة تركب الاسانسير لقت فهد فيه
تالين بتأفأف: هووووف وبعدين بقى ف الصباح اللى مش فايت ده
فهد: الناس الطبيعية بتقول صباح الخير يا آنسة مش بتكشر كده ده حتى الابتسامة ف وجه اخيك صدقة
تالين: هو حضرتك شغال هنا ف الشركة
فهد: تقدرى تقولى حاجة زى كده
تالين: اتمنى متكونش معايا ف نفس المكتب والا صدقنى هستقيل عشان ارتاح من شوفتك دى
ضحك فهد بصوت عالى وكانت ضحكته حلوة وهى سرحت شويه وابتسمت وفاقت لما الاسانسير وصل ع الدور وخرجت منه جات تلف وشها ملقتهوش
تالين للسكرتيرة: صباح الخير انا الادارية الجديدة كنت عاوزة اعرف فين مكتبى؟!
السكرتيرة بابتسامة: اهلا اتفضلى معايا اوصلك
قبل ما تاخدها السكرتيرة لقت اتصال وكان من فهد اللى قال: من غير ما تفسرى انا مين عاوزك تاخدى الادارية الجديدة للمكتب الفاضى اللى ف وش مكتبى ع طول
السكرتيرة: ايوة ي فندم بس يعنى ……….
فهد: انتى سمعتى انا قولت ايه؟!
السكرتيرة: حاضر يا فندم …بصت لتالين وقالت: اتفضلى معايا
انبهرت تالين بشياكة المكتب وقالت للسكرتيرة: المكتب يجنن بس ازاى مفيش فيه حد غيرى؟!
السكرتيرة بتوتر: عشان …يعنى عشان انتى جديدة وعاوزة تثبتى نفسك لازم تكونى ف مكان هادى ميأثرش عليكى ويوترك
تالين بامتنان: بجد شكرا ليكى اسمك ايه بقى؟!
السكرتيرة: ايمان
عدى الوقت وتالين منغمسة ف الشغل وجالها اتصال من نهلة: صاحبى اللى بقى مشغول ومطنشنى
تالين بضحك: مشغولة بس مش بنساكى يا حب
نهلة: تمت عملية التثبيت بنجاح كده الخناقة خلصت خلاص
تالين: اى خدمة يا نونو انا عارفة انك بتفكرينى عشان اعدى عليكى بعد الشغل ومتقلقيش فاكرة والله
نهلة: حلوة الذاكرة القوية كده تعجبينى اسيبك بقى عشان معطلكيش
قفلت تالين واتفاجئت بصوت من وراها: هو محدش قالك ان ممنوع مكالمات الفون اثناء مواعيد العمل الرسمية يا آنسة
تالين بصدمة: هو انت …انت ازاى يا اخينا تدخل مكتبى كده من دون استأذان
فهد: طب وفيها ايه انا حر اعمل اللى انا عاوزه وبعدين انتى محسسانى انى دخلت عليكى الحمام
تالين : لا ده انت زودتها اوى بجد انا هشتكيك لمستر حاتم لو راجل تعال ورايا
فهد: وراكى يا برنسيسة
مشى فهد ورا تالين اللى متعصبة تحت نظرات الموظفين اللى مستغربين اللى بيحصل خبطت ودخلت ع طول
حاتم: خير يا آنسة تالين فيه مشكلة؟!
تالين: الافندى الرخم ده بيرخم عليا من امبارح والنهاردة دخل عليا المكتب بدون استأذان وقال كلام سم زيه ولما هددته انى هقولك استهزء بالامر وكأنه عادى
كان فهد بيضحك وكاتم بوقه بايده….حاتم: معليش يا انسة هو بيحب يهزر مع الموظفين بتوعه عشان ميعملش بينهم فرق
تالين: ده مش هزار دى قلة ادب ……لحظة صمت واستيعاب وكملت: معليش حضرتك قولت ايه يهزر مع الموظفين بتوعه؟!
حاتم: هو انتى متعرفيش ده يبقى مين؟!
تالين: لا يبقى مين؟!
حاتم: ده باش مهندس فهد المدنى صاحب الشركة
غمضت تالين عيونها بطفولية وفتحت واحدة بجنب تبص ع فهد اللى مقدرش يقاوم اكتر من كده وفضل يضحك لحد ما وشه احمر وكل ما يسكت يضحك تانى وتالين بتقول ف نفسها: ده عبيط ده ولا ايه؟!
فهد بعد ما سكت: قدر بخير يارب والله مضحكتش كده من زمان
حاتم وهو بيهمس ف ودنه: اتلم بقى يا فهد انت مزودها اوى وممكن تمشى وباين عليها شاطرة بجد ومش هنعوضها احنا فعلا محتاجين ليها
فهد: احم بصى يا انسة تالين زى ما حاتم قالك انا مش بحب اعمل حدود بينى وبين الموظفين عشان ميخافوش منى لكن طبعا مش ف كل حاجة فهمانى
تالين: انا اسفة جدا انا فكرت انك حد بيستظرف بس
فهد: ولا يهمك يا سيتى وانا اسف لو زودتها
استغربت تالين انه اتأسف فابتسمت وقالت: تمام حضرتك ممكن ارجع لمكتبى!
فهد : اتفضلى
بعد ما مشيت…حاتم: انت مش هتبطل الحركات دى بقى يا ابنى انت هتطفش الموظفين
فهد: والله كانت نمرة وفاتتك
حاتم: انا عاوز افهم انت ايه اللى جابك النهاردة ها اول مرة تيجى اصلا وكمان بدرى
فهد: لا اله الا الله هو مش ده اللى انت عاوزه هو لا كده عاجب ولا كده عاجب
حاتم: ولو انى مش مرتاح ليك بس ماشى ربنا يهديك تعال نراجع العقد ده مع بعض
تعدى الايام واخر الاسبوع يجى وتالين تأقلمت ف الشغل وفهد اللى ع غير العادة بقى يجى الشركة ع طول النهاردة خطوبة ميادة وعماد وووو…

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبي الحقيقي)