رواية ميراث الشيطان الفصل التاسع 9 بقلم شروق حسام

رواية ميراث الشيطان الفصل التاسع 9 بقلم شروق حسام

رواية ميراث الشيطان البارت التاسع

رواية ميراث الشيطان الجزء التاسع

رواية ميراث الشيطان الحلقة التاسعة

عند شذي
أضاعت الطريق وهي تبحث عن صبا ولم تجد طريق الرجوع
وقفت بذهول وهي تري مسعود وهو يحمل جثة اثر ويضعها في صندوق السيارة الخلفي
شذي بعصبية : انت يا جدع واخده ورايح علي فين يا مجرم انت واحد من بتوع العصابات مش كده سيبه احسن ما اجيب لك البوليس
مسعود ببرود : امشي من هنا يا قطة أحسن ما تبقي مكانه
توجههت ناحيته وجاءت أن تلكمه بقبضة يدها أمسكها بخفة حاولت إبعاد يدها لكنها لم تستطع نظرا لقوته البدنية وجسده الضخم
أخرج الشيطان يده من نافذة السيارة وأشار له أن يخطفها هي الآخري
وفي لحظة كانت شذي محمولة بين يدي مسعود فتح باب السيارة الأمامي ثم ألقاها علي المقعد بقسوة جعلتها تتألم
_: اااه يا ظهري ما تحاسب يا عم خليك حنين شوية اقول ايه بس عالم مجرمة
ركب مسعود بجانبها ونظر في مرآه السيارة رأي الشيطان يحرك له عينيه بملل
فهم مسعود قصده وفي لحظة كانت شذي مغمي عليها
تاج الدين بهدوء : اكتر حاجة بكرها في حياتي الكلام الكتيير مسعود أطلع علي الشركة وبعدين اتخلص من الاتنين دول والتخلص من العربية ارميها أحرقها اي حاجة المهم تتخلص منها زي اللي قبلها
أكمل بتذكر : عملت ايه مع البنت اللي خطبتها بالعربية من فترة عملت اللي قولت عليه
مسعود بتوتر حاول اخفاءه : طبعا يا شيطان… عملت كل اللي أمرتني بيه
الشيطان بشك وحدة : كويس روح علي الشركة وبعدين ارجع واعمل اللي قولته
أكمل بغضب : وابقي اتصل لي علي جواد قوله انِ مش هرحمه المرة دي
_: تؤمر بحاجة تانية يا شيطان
تاج ببرود : لا سوق وانت ساكت صدعت
نظر له مسعود بصدمة لأنه لايجيبه بهذه البساطة إلا اذا كان يفكر في شئ عميق
مسعود بهمس : الله يستر عليا وعلي اللي حواليا
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_: غرامك مزيف ضميرك عدم هويتك عشقتك كرهتك نعم كرهتك لانك مجرد قناع وكام مسرحية بطلها الالم يا كذبة يا انت بهيئة ملاك
_: يابنتي بطلي بقي هو انتي مفيش دم خالص كده في ناس موجودة معاكي مش قاعدة لوحدك يعني كل ما اشوفك الاقيكي بتغني
سهي بقرف : اسكت يا اسمك ايه خليني اكمل في الحاجة الوحيدة اللي بحبها
أكملت بحب : هي مش الوحيدة يعني فيه حاجات كتير كتيييير اووي زي البت ميراثو حبيبة قلبي وفيه البيانو وفيه الأغاني وفي وسامتك…قصدي وسامة توم كروز
_: خلاص خلاص مش عايز اعرف
سهي بتسبيل بعينيها : مش هتقولي بقي مين اللي حاول يخطفني وانت اسمك ايه ؟! مش هفضل اقولك يا انت او يا عمو الخاطف
بتنهيدة : أنا يا ستي اسمي إياد السمري راجل أعمال اللي عرفته أن اللي كان عايز يخطفك واحد اسمه بدر وعرفت أنه ابن خالة ميراث اختك
سهي بعد لحظات إستيعاب : بدر امممم اشوفه بس الحيوان ده وهجيبه من شعره هو واخته ما انا عارفة وهو وهي شركاء في المصايب لولا ميراث كنت قتلته من زمان
أكملت بحزن كبير : بس حاليا انا معرفش هي فين وحشتني اوووي اتجوزت ومبقتش تيجي عندنا سيبك من كل ده معرفش بحكي لك ليه يا ايدوو
_: يابت انا ماسميش ايدووو ايه الاسم المايع ده بس اسمي إياد إياد سهلة يعني
_: ايدوو ايدوو يا ايدو
إياد بنفاذ صبر : صبرني يارب بصي بقي انا جبت لك كتب جديدة وأدوات عشان تذاكري كويس انتي في ثانوي ولازم تعملي مجهود كبير عشان تحققي حلمك
سهي ببرائة : هو ينفع أطلب طلبة صغنز قد كده
_: ارغي عايزة ايه
سهي بحماس : عايزة قطة صغيرة تقعد معايا انا بحب القطط اوووي
أكملت حديثها وهي تتذكر بحزن : كان عندي توتي وكنت بحبها اوووي بس ماتت من سنة وماما من ساعتها مردتش تجيب لي قطة تانية عشان منزعلش نفس زعلي علي توتي فأنا كنت بلعب مع قطط الشارع
إياد بمشاعر مختلطة ما بين القرف والحزن : بعيدا عن انِ مش بطيق القطط وبقرف منها وانتي خلتيني أتأثر بكلامك بس ليه تلعبي مع قطط الشارع هتلاقيها مليانة براغيت يعع بجد بصي ما تتكلميش كلمة هبقي أشوف الموضوع ده بعدين يلا انا نازل متفتحيش لحد سلاام
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_: احنا لازم ندور علي شقة ايجار بسرعة مش لازم نقعد هنا كتيير
_: ريلاكس يا مامي ده اللعب لسه في الأول اعلم الزفتة أسماء الأدب واخليها تمشي علي العجين ما يلغبطوش وبعدين نبقي نمشي وأخوها الشمام المتحرش لو مدخلتهوش المصحة ميكونش انا اسمي سلسبيل
_:يابنتي سبيهم في حالهم احنا هنا ضيوف كام يوم وهنمشي
_: متشغليش انتي بس دماغك يا ست الكل وسيبني أنا اتصرف من الأوباش دي
تسنيم بتنهيدة : ماشي يا حبيبتي يلا نخرج سامعة خالتك بتنادي
_: مسمعتهاش شكلي مكنتش مركزة بس يلا بسرعة عصافير بطني بتحارب في بعض هههههه
نهضت تسنيم وخرت هي وسلسبيل وجلستا علي طاولة الطعام
سلسبيل بمرح : الريحة جايبة لآخر الشارع يا خالتو عاملة لنا غدا ايه بقي اللي في بالي مش كده قولي اه
مريم بضحكة : اه يا سولي يا آخري صبري مكرونة بالبشاميل وبانية وجلاش باللحمة المفرومة اللي بتحبيهم يا بنتي
سلسبيل بحماس وهي تشمر كم قميصها : فلنبدأ الحرب يا أخوة
شرعت سلسبيل في التهام الطعام وتسنيم ومريم تضحكان عليها بقوة
سلسبيل بفم ممتلئ : مدوا ايديكم البيت بيتكم بردوه بس متاكلوش كتييير علي الدايت سيبولي انا الباقي اتصرف فيه
مريم بضحكة : بألف هنا يا حبيبتي هههه كُلي براحة الأكل مش هيجري
سلسبيل بإبتسامة واسعة : مش بقدر أقاوم أكلك انتي وست الكل
أسماء بقرف وإشمئزار : ياي ياي متوحشة بجد ايه القرف ده ده مش اتيكيت للأكل خالص
_: حد سامع حاجة يا جماعة سامعة دبانة بتزن زننننن
_: انتي واحدة….
ممدوح بهمس لشقيقته : اهدي يا سمسمة وانا هأخد لك حقك والبت دي هخرجها من هنا بفضيحة كبيرة
أسماء بهمس وشر : حبيبي يا اخويا
نظرت لهم سلسبيل بطرف عينيها ولم تعيرهم أي اهتمام
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
أمام مخزن الشيطان
وصل مسعود أمام المخزن وقبل أن يهبط من السيارة قرر محادثة جواد لينهي هذا الأمر أولا قبل أي شئ
جواد بمرح : مسعود بنفسه بيتصل لا لا لا كده شكل فيه كارثة كبيرة
مسعود بإحترام : جواد بيه الشيطان طالبك تروح علي الشركة وبيقول لحضرتك أنه مش هيرحمك
جواد بخوف مصطنع : يلهووي يلهوووي هيقتلني تاج هيقتلني ومحدش هيعرف مكاني مكنش يعني اجتماعين اللي خربتهم وكام واحد طردتهم و مواجهه ملاكمة بيني وبينه لغيتها وكسلت اروح
وفي هذا الوقت استيقظت شذي بإنزعاج من الاغماء الذي حدث لها
_: مين السحلية اللي عمالة تسرسع دي فيه ايه هو الواحد مش عارف ينام في أم اليوم ده
جواد بضحكة : الله يسهله يا عم بنت مرة واحدة معاك مسعود البارد بقى عنده فريند وبنت كمان لا لا لا لا الدنيا اتغيرت
شذي بغضب : صاحبة مين يا جدع انت البني ادم برأس معزة دي خاطفني الله يأخده
جواد بإستيعاب وهو يستمع إلي صوتها : ثواني كده انا حاسس انِ سمعت الصوت ده قبل كده
جواد بتذكر : اه هو انتي
أكمل بسرعة : مسعود إياك تعمل لها وديها علي بيت المهندسين وأقف عليها كويس وأنا هتصرف مع تاج الدين
مسعود بقلق : بس يا جواد باشا أوامر الشيطان سيف ولازم تتنفذ والا انت عارف ايه اللي ممكن يحصل
جواد بملل : مسعوود قولتلك متقلقش كله هيبقي تحت السيطرة اعمل بس اللي قولتلك عليه ماشي سلاااام
مسعود بحدة لشذي : كنتي هتموتي بس شكلك كده عمرك طويل
شذي بقرف : قل اعوذ برب الفلق هتحسدني واحد حسود امشي بقي وانت ساكت وياريت تتطلب لي اكل انا جعاانة اووي وملحقتش اكل عدل بسبب صبا الكلب
شذي بصراخ وخوف : اه صح صباااا هي فين أنا كنت بدور عليها لحد ما شوفتك يارب يارب تكون بخير ومايكونش حصل لها حاجة عشمي فيك كبير يارب
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
عند صبا
استيقظت من الإغماء وجدت نفسها في شاحنة عملاقة ومعاه كثير من الفتيات الذي يبدوا عليهم صغر السن
صبا للفتاة التي بجانبها : هو انا هنا ليه وانتي مين
الفتاة التي تدعي كارمن بخوف وهمس : دووول عصابة بيتا**جروا في البنات وبيخ**طفوا البنات القاصر والاطفال و بيبيعو**هم لبيوت الدعا**ره او لتجار الا**عضاء
صبا بصدمة وغضب : اه يا ولاد الكلب مش هيكون اسمي صبا لو ما رحتوش في داهيه
أكملت بهدوء نسبي : طب متعرفيش هم واخدنا ورايحين علي فين
كارمن بتفكير : انا سمعت واحد بيقول أنه هيهربونا من الشاحنة دي علي السفن وجزء من هيروح علي إيطاليا والجزء التاني لليابان
وهنا فقط أدركت أنها سوف تكون بداية كل شئ هو قدام
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_: اوووف بقي يا راجل انت بقي لك كام يوم قاعد عادي بنتك مخطوووفة فاهم يعني ايه مخطوووفة
محمد وهو يقلب عينيه بملل : فلوس وخدتيها عايز ايه تاني مني
_: ده ذنبها صح ذنب ميراث ربنا بيخلصوا
_: ميراث ولا سهي الاتنين مش مهمين اهم حاجة زفت الفلوس اللي خدتيها انا خدت مكانها الدهب بتاعك
نظرت له إسعاد بصدمة وقررت فعل شئ لم تتخيل يوما أنها سوف تفعله
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
عند ميراث
وصلت أمام الشركة الرابعة لهذا اليوم لأن جميع الشركات لا تقبل الموظفيين إلا بمؤهل عالي ومع ذلك غير التشوه الموجود علي وجهها زادت فرصة رفضها
_: ان شاء الله اتقبل ان شاء الله
دلفت للداخل وذهبت ناحية موظفة الإستقبال التي كانت تنظر لها بإحتقار
_: السلام عليكم لو سمحتي كنتي جاية عشان المقابلة هي فين لو سمحتي
_: وانتي بقي فاكرة نفسك ان هتتقبلي بشكلك ده
_: الحمد لله كلها اقدار واللي ربنا كاتبه هيكون فين مكان المقابلة بقي
الموظفة بخبث : اركبي الاسانسير واطلعي للدور ال 15
ميراث بإبتسامة هادئة : شكرا
بعد قليل كان المصعد وصل للدور المطلوب خرجت ميراث من المصعد وهي تنظر حولها بإستغراب لم يكن هناك أحد حتي السكرتيرة غير موجودة في مكتبها
ميراث بهمس : شكل مفيش حد ارجع احسن
سمعت ميراث صوت حركة من داخل المكتب فقررت طرق الباب والدخول
ولكن لم يسمح لها أحد بالدخول فقررت الدخول وأي شئ سيحدث فليحدث
_: في حد موجود
بصوت قوووي غاضب : انتي مين ومين اللي سمح تدخلي هنا
_: انا ميراث و ااااه ايه اللي انت بتعمله ده
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
صبا هتعمل ايه مع العصابة اللي خطفها ؟
ياتري ميراث شافت ايه ؟!
إسعاد هتعمل ايه عشان بنتها ترجع لها ؟؟
جواد هيعمل ايه في شذي ؟!!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ميراث الشيطان)