رواية غموض امرأة الفصل العاشر 10 بقلم زينب رشدي

رواية غموض امرأة الفصل العاشر 10 بقلم زينب رشدي

رواية غموض امرأة البارت العاشر

رواية غموض امرأة الجزء العاشر

رواية غموض امرأة الحلقة العاشرة

اسلام بحزن: عشان انتى مش بتحبينى
غرام: شوفت اي تانى
اسلام: مش مهم شوفت اي تانى
رجعوا البيت وغرام دماغها هتنفجر من الصداع ومن كتر التفكير
غرام: معنى كده ان مش في حيات غرام ياما انا عندي انفصام شخصيه وعايشه بشخصيتين
طيب اسلام اصلا موجود في حيات غرام وانا مختش بالى منه
واسلام يعرف طارق منين
وانا بحبه ولا لا ولو مش بحبه اضايقت ليه لما لقيته مع حد غيرى ولما قال ان مش بحبه يااااربى بقا
غرام: انت رايح فين
اسلام: هنزل اتمشي شويه
غرام: هنزل معاك
اسلام: طيب يلا
نزلوا سوا وغرام قعدت قدام الميه تفكر واسلام مشه قدامها يتكلم فى التلفون
اسلام بحزن: مش هكمل ي طارق
طارق بعصبيه: انت اتجننت ي مروان مش هتكمل ازاى يعني انت مشوفتش كانت خايفه عليك ازاى انت مشوفتش اضايقت ازاى لما شافتك بتجوز
مروان: لا شوفت اللعبه بتاعتى لما ظهر فديو لما عرفت الحقيقه ومردتش تسامح حد فينا اختك قلبها حجر يعني حتى لو بتحبنى مش هتجوزنى لانها شايفه الحب ضعف
طارق: هتتنازل عن حبك ي مروان
مروان: اسكت ي طارق احنا غلطنه من الاول اختك فعلا لما تعرف الحقيقه مش هتسامحنى احنا لعبنى بيها
طارق: يعني هتعمل اي
مروان: انا بعشق اختك ي طارق ومش هسمح انها تكرهنى وتبعد عنى بمجرد ما نرجع من هنا الحلم ده هينتهي
طارق بصدمه: لا ي مروان اللى حصل حصل كمل واللى يحصل يحصل
مروان: لا مش هكمل سلام ي طارق
فضل مروان يبكى وهو بيفكر ان هيبعد عنها ونزل الميه وشافته غرام وقربت منه وخرجته
غرام: اسلام انت كويس
مروان: مش كويس ي غرام ليه بتعذبينى انا والله بحبك انا مش قصدي اضايقك والله انا مش بتمنى من الدنيا غير انك تبقي معايا وتحبينى
غرام: انا معاك اهو
مروان بحزن: بس هتسبينى
غرام: طيب تعالا نطلع شكلك تعبان
رجعوا البيت ودخل الاوضه ونام على السرير
غرام: قوم غير ي اسلام هتتعب
اسلام: ده اللى تعبان ايوه قلبى تعبنى ي غرام حسي بيا بقا متبقيش قاسيه والله الحب مش ضعف والله الحب مش وحش مش هسيبك ولا هزهق بس حبينى
غرام باستغراب: انت مالك النهارده شوفت اي في اللعبه تعبك كده
اسلام: شوفت الحقيقه اللى بكدبها شوفت انك هتسبينى وهتجوزى غيرى شوفت انك هتبعدى عنى شوفت ان مش هيهمك كل الحب وكل اللى عملته بس هتشوفى ان كدبت
غرام: انا مش فاهمه حاجه
اسلام: انا عايزة انام خليكى جنبى ي غرام اوعى تمشي
نام مروان وهى مش عارفه اي وصله لكده قعدت جنبه وهي بتفكر في كلامه ومش فاهمه حسته بيترعش قربت ايدها من جبينه شافت سخن
غرام: ي لهوي ده تعب لدرجادى اللى شافه فى اللعبه عنى خوفه كده
فضلت جنبه تعمله كمدات وبرضو السخنيه مش بتخف صحته عشان تساعده يغير هدومه ونام تانى علي يدها
غرام: مالك بس اي حصلك انا مش متعوده اشوفك تعبان وساكت كده قوم وحشنى صوتك كلامك الحلو
اسلام بتعب: هتسبنى
غرام: مش هسيبك والله
اسلام: هتعرفى الحقيقه وتسبينى
غرام: متخفش انا جنبك
عدا يومين على الحال ده لحد ما تعافى تماماً
اسلام: يلا ي غرام احنا هنرجع بيتنا
غرام: مش هنتكلم الاول انت اليومين اللى فاتوا كنت غريب اوى
اسلام: كل حاجه هتبان خلاص
نزلت غرام وركبت العربية
غرام: كفايه بقا كلام الغاز انت من يوم اللعبه وانت مش طبيعى بتقول كلام غريب سر اي وابعد ليه
اسلام: بصي انا بحبك بحب رخامتك عليا وبحب ضحكتك اللي بتفرحني انا شخصيا مستحيل اني ابطل احبك اصلا محتاج اشوفيك مبسوطه ومرتاحه دايما بحب اشوفك انتى بالك مرتاح ومش مدايقه بحب صوتك اللي بيخليني اضحك وابتسم من غير سبب كده وجودك معايا بالدنيا كلها ومفيش حاجه تعوضني عنك ابدا بحب افضل فاتح صورتك وابتسم كدا لوحدي بحبك وبحب وجودك وبحب حياتي ب وجودك ومقدرش استغن عنك ابدا ومفيش حاجه تعوضني عنك ابدا بتمنى ربنا انو يخليكي ليا ومش عايز ايه حاجه تاني بموت فيكي وآلله العظيم بحبك اوي ومش عايز غيرك من الدنيا
غرام: ا ا
اسلام: عارف مش هتردى بس حبيت اقولك كل اللى فى قلبى لان احتمال دي اخر مره تشوفينى فيها
غرام بدموع: ليه
وفجاءه جات عربيه عليهم بسرعه غرام صرخت جامد واسلام حاول يتفدها بس معرفش حضن غرام واغمي عليهم من الخده فاقت غرام في المستشفى والممرضه بتشيل المحلول
الممرضه: الف سلامة عليكي
غرام: هو اي حصل وفين اسلام
الممرضه: ااه تقصدي الشخص اللى معاكى هو لسه في العمليات بين الحياه والموت
غرام بخضه: انتى بتقولى اي انا لازم اشوفه
وصلتها الممرضه وشافت اسلام خارج من العمليات
غرام: اي اخباره ي دكتور
الدكتور: ادعيله عن اذنك
دخلت غرام ل اسلام وقعدت جنبه وهي دموعها بتسير على خدها زي الشلال
غرام: اسلام اوعي تسبنى مش انت بتحبنى ومش بتحب تشوفنى ببكى وعايزنى مبسوطه انا معرفتش معنى الفرحه الا لما دخلت حياتى الضحكه معرفتش طريقى غير لما شوفتك اقولك على حاجه انا حبيتك ايوه انا بحبك اوى حبيتك برغم ان عارفه ان مش هنكمل لان هيجي يوم وارجع لحياتى ايوه لسه مش فاهمه ده حقيقه ولا خيال بس بتمنى يبقي حقيقه حبيتك اوى ي اسلام انا مكنتش متصوره ان هحب حد كده مكنتش متصوره انا هقولها لحد اصلا انت كسبت قولتيلى هتحبينى بس مصدقتكش قولتيلى عينك بتلمع وبتبتسمى لما تشوفينى بس مصدقتكش قوم عشان خاطري انا بحبك اوووى
نااااامت غرام على وهي حاضنه ايده
وتانى يوم
ندي: غرام غرام قومى كفايه نوم بقا
غرام بخضه: اسلام فين
ندى: اسلام مين ي بنتى قومى بقا طارق عايزك
غرام بعصبيه: طارق اي بقولك اسلام فين اسلام بي’موت
ندى: ي بنتى استهدى بالله انتى اكيد كنتى بتحلمى
غرام سابتها وقامت تدور على الاااب فتحته بسرعه وشافت ان كل اللى حصل معاها وشافت ان مكتوب تم بحمد الله
غرام بعصبيه: يعنى اي تم بحمد الله يعنى اي
ندى: اهدى طيب
غرام بصراخ:اهدى ازاى بيقولك تم بحمد الله يعنى مش هشوفه تانى كل ده كدبه علقنى بيه وسبنى حبيته ي ندى حبيته
طارق بخضه: في اي
غرام حضنته بانهيار: اختك ام قلب قاسي حب ي طارق حبت شخصيه فى دماغها بمجرد ما خلص دورها مبقاش موجود
طارق بقلق: طب اهدي ي حبيبتي وفهمينى
غرام: بقولك مبقاش موجود اسلام دلوقتي محتاجنى بين الحيه والم’وت ويجى يقولى تم بحمد الله
وفجاءه اغمى عليها بين ايدها
ندى بخضه: غرام
طارق شالها ونيمها وكلم دكتور
الدكتور: هي عندها انهيار عصبى اعطتها مهدا بس ياريت لما تفوق تحاولوا تهدوها
طارق: تمام شكرا ي دكتور
ندى: هنعمل اي
طارق: خليكى معاها لحد ما اروح اشوف الح’يوان ده
وصل طارق لبيت مروان فتحله على
طارق: هو فين
على: حابسه جوا مصمم ينزل يشوف غرام لما شافها تعبانه
دخل طارق ليه واول لما دخل مروان ضربه بلكاميه
مروان: بقولك سبني اشوفها
طارق: تشوف مين ي حي’وان مينفعش لو عرفت الحقيقه دلوقتي عمرها ما هتسامحك
مروان: مش مهم المهم متتوجعش انت السبب انا قولتلك هترجع وخلاص انت اللى دبرت الحاد’ثه واول لما اعترفت بحبها رجعتها مستنتش حتى اطمنها عليا
طارق:صدقنى كده احسن لما تسيبها كده تعرف قيمتك عشان لما ترجع مضيعكش من ايديها
مروان: مش هقدر اقعد كده واسيبها في الحاله دي انت اي ي اخى
طارق: شايفنى مبسوط وانا شايف اختى بالحاله دي بس وجع ساعه ولا كل ساعه
مروان: اشوفها بس لاخر مره
طارق: لا ي مروان واوعى تفكر تقرب منها
خرج طارق هو وعلى ورجعوا البيت ل غرام فضلوا جنبها لحد ما فاقت اول لما شافت انها صحيت في بيتها
غرام: لا لا لا لا
طارق بحضن: اهدى وحياتى عندك اهدي
غرام ببكاء:اطمن عليه بس ي طارق هو تعب بسببى واستحملنى كتير عايزه اعوضه
طارق: ي حبيبتي اهدي
غرام بتذكر: طارق انت تعرفه اسلام انا شوفتك بتكلم معا قبل كده
طارق: انا معرفش حد اسمه اسلام صدقيني
ندى: ي غرام ده اكيد كابوس
غرام بصراخ: متجنونيش بقا كل اللى عشته كان حقيقه غرام حبت بجد غرام جه الراجل اللى عرف يغيرها غرام اللى قلبها حجر لآآن علي ايده
ندى: غرام طب اهدي ونتكلم
غرام: مش هعدي اخرجوا انا عايزه ابقى لوحدى
طارق: نسيب…
غرام بمقاطقه وصراخ: بقولكم سبونى بقاااااااا
ندى: طارق يلا سيبها ترتاح
خرجوا وغرام بتحاول تنام ونامت فعلا وبدون فايده وعدا على الحال ده اسبوعين قاعده فى اوضتها مش عايزه تتكلم مع حد وحالتها النفسيه والجسديه ادهورت وطارق مانع اي اخبار توصل ل مروان
والنهارده كلهم عند مروان
مروان بضيق: انا مش عارف حضرتك موافق على المهزله دي ليه ده حتى رافض يخلينى اشوفها من بعيد
ابراهيم: دي من مصلحتكم
مروان بعصبيه: مصلحتنا ان تكون بتتالم بسببى
ابراهيم: طب اهدي ومتعليش صوتك
مروان: اهو هديت هشوفها امتى بقا
طارق: خلاص بقا ي عمى اهو بقى زى الفل ومفهوش خربوش واحد من الحا’دثه
أبراهيم: فاكر اتفقنا كان اي ي مروان
مروان: فاكر ي عمى وعارف ان كنت رافض الفكره بس حضرتك اقنعتنى
ندى: كلنا كنا رافضين بس التغير اللى شوفته بعد اللى حصل اتاكد ان كان عند حضرتك حق
على: ايوه بس ليه حضرتك رافض يشوفوا بعض دلوقتي
ابراهيم: بص ي مروان انا لما جبتك واتفقت معاك على الخطه دي كان غرضي ان غرام تعرف معنى الحب على الاقل بين اهلها والناس ومتبقاش دبش كده وانت شوفت بنفسك النتيجة بس غرام مش غبيه كانت اول الخطه بتعمل اي حاجه عشان تكشفنا تغير لون شعرها تسريحه جديده لون منكير بس قربها من ندى نفعنا وعشان كده اضطرينا نخليها في حيات ريوان مترجعش غير لما نخلص كل حاجه اينعم حضرتك كنت بتسؤ فيها وتستهبل
طارق بضيق: انت هتقولي كنت قاعد ليل نهار قدام الكميرات عشان اراقبه
مروان : ي عم يعنى انت سبتنا في حالنا ده انت جيت وانا تعبان وضرب’تنى
طارق: ي بجح عايز تقرب من اختى واسكتلك
ابراهيم: لحد بقا يوم اللعبه ايوه كانت مهمه وغيرت حجات كتير منكرش اللى شوفته صعب بس انت قررت تنهي كل حاجه مهمكش حبك قد ما خوفت على زعل غرام وعشان كده دبرنا الحادثه مكنتش تعرف انت طبعا عشان كنت هترفض بس اجبرناك تعمل نفسك تعبان في المستشفى عشان تسمع اعترافها بنفسك
مروان بدموع: طب ليه قفلت الروايه على كده
طارق: اختى مهما كانت درجه حبها ليك مكنتش هتسامحنى وعشان كده عملنا كده الفتره دي عرفت قيمتك بجد ومن يومها بتحاول تغير الروايه وتنام عشان تشوفك
ندى:يعني دلوقتي اللى هتسامحنى
ابراهيم: اعتقد انها مش هتسامح اي حد غير مروان
طارق: حلو مروان بقا يطيب قلبها
مروان: ولا اعرفك
على: طيب دلوقتي لازم غرام تنزل الشغل بكره واعتقد انها مقابله مع شركتك مين هيقابلها
مروان: انااا بشخصيه مروان طبعاً ونشوف هيبقي رد فعلها اي
ندى: مين هيقنعها انها تنزل الشغل

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غموض امرأة)