رواية جميلة ولكن الفصل الأول 1 بقلم ملك يسري

رواية جميلة ولكن الفصل الأول 1 بقلم ملك يسري

رواية جميلة ولكن البارت الأول

رواية جميلة ولكن الجزء الأول

رواية جميلة ولكن الحلقة الأولى

بتبدأ قصتنا ف حى شعبى وواقف شاب الاستايل بتاعه عكس المكان اللى واقف فيه .
عدى بعصبية وبيتكلم في الفون : ماتخلص ي احمد انا مش عارف اوصل للمكان وفون الاستاذ اللى جاى ليه مقفول والدنيا دوشة وانا بتخنق .
احمد : طيب ارجع انت وانا هبقا احاول اتواصل معاه ونشوف الموضوع دا .
عدى : يبقا احسن انا معرفش اى اللى خلانى اسمع كلامك انا هروح.
احمد : خلاص ماشى .
عدى قفل مع احمد وركب عربيته وبيشغلها مش راضية تدور معاه .
عدى بعصبية خفيفة : ماهى كانت نقصاكي انتى كمان .
حاول كذا مرة بس مفيش اى فايدة لحد ما قرب منه راجل كبير .
سليمان : ف حاجة يابنى.
عدى وابتسم : تسلم بس هى العربية مش راضية تدور .
سليمان : ورشة ابنى اخر الشارع هروح انده ليه وهو يشوفلك اللى فيها.
عدى : مش عايز اتعب حضرتك معايا .
سليمان بطيبة : تعب اى بس الناس ل بعضها يابنى.
سليمان ساب عدى واقف وراح ب ابنه وشوية وجم الاتنين .
عمرو ابن الحج سليمان : بص ي استاذ انت تسيبهالى النهاردة وبكرا تيجى تستلمها .
عدى :ماشى ممكن رقمك.
عمرو : اكتب عندك 011********
عدى :تمام ي استاذ.
عمرو كان لسة هيتحرك بس عدى وقفه بحرج.
عدى : معلش هو انا عايز اطلع على الطريق واركب اى حاجة للمعادى.
سليمان : تعالى يابنى انا هقولك.
عدى مشى مع عمرو وسليمان لحد ورشة عمرو وقعدوا وسليمان قعد يشرح ل عدى الطريق بس مكنش مستوعب اوى لحد ما قاطعهم صوت نور بنت الحج سليمان.
نور بابتسامة: صباح الخير ي بابا .
سليمان بحب : صباح النور ي حبيبتى .
نور : بقا كدا تصحى انت والأستاذ وتفطروا ومحدش يصحيني.
عمرو : حقك علينا ياست البنات بس انتى بتذاكري طول الليل ف محبيناش نقلقك .
سليمان : اى على فين كدا .
نور : ورايا درس ف المعادي كيمياء وما ادراك ما الكيمياء ي والدى العزيز.
عمرو ضحك : مادة مكنتش بفهم فيها حاجة خالص.
عمرو ونور وسليمان ضحكوا وعدى قاعد متابع كلامهم ومركز مع نور .
سليمان وحمحم : طب بقولك ي نور ما تاخدي الاستاذ معاكى عرفيه الطريق هو عايز يركب حاجة للمعادى برضوا .
نور بصت لعدى ولقته باصص ليها بتركيز اتحرجت.
نور : حاضر ي بابا .
نور شاورت ل عدى يمشى قدامها وهى كانت ماشية وراه حاجة بسيطة.
عمرو بضيق : خليت نور توصله ليه .
سليمان وبص ل عدى وهو ماشى وبنته وراه : هتصدق لو قولتلك معرفش قوم شوف شغلك وانا هروح اصلى الضهر ف الجامع.
بعد شوية مشى عدى وصل ل مكان العربيات وشاف زحمه .
نور : بص دا الموقف انت عايز تروح فين ف المعادي بالظبط.
عدى : شارع ٩.
نور : معايا يعنى تمام هنركب العربية اللى هناك دى.
عدى مشى ونور جمبه وركبوا والعربية بتحمل.
عدى وحمحم : انتى ف سنه كام.
نور : 3 ثانوى .
عدى وابتسم : ربنا معاكى بس ممكن اسالك سؤال.
نور : اتفضل .
عدى : انتى مش صغيرة على الخمار .
نور بصتله شوية وشافت ف عيونه الفضول ف ابتسمت وقالت : بسم الله الرحمن الرحيم( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ﴾.
هاا ياسيدى قال شعر او طرحة ولا قال خمار .
عدى : خمار بس البنات معظمهم لابسين طرح انا اختى اصلا مش محجبة.
نور : هو انا برضى ربنا ولا برضى الناس انا واحدة قدامى القرآن والأحاديث بتاعت سيدنا النبى أمشى عليهم مش همشي على كلام الناس.
عدى بصلها وابتسم : كلامك صح ي…
نور : أسمى نور.
عدى : وانا عدى.
العربية حملت واتحركت وعدى طلع ودفع الأجرة ليه ول نور بس السواق مرجعش الباقى .
نور : لو سمحت فى باقى ٢٠ منها اتنين.
السواق : حاضر.
عدى بصلها : عادى على فكرة .
نور : لا مش عادى دا حقكك اوعى تتنازل عن حقك حتى لو جنيه فاهم.
عدى بصلها بإستغراب ملامحها بريئة بس شخصيتها غريبة شوية ووصلوا المكان.
عدى : هتمشى.
نور : ايوا اتشرفت بمعرفتك.
عدى ومد ايده : وانا اكتر.
نور بصتله وابتسمت وهو فهم وسحب ايده.
عدى : تفتكرى ممكن اشوفك تانى.
نور وبصت للسماء: معرفش ربنا مخبى اى لو مكتوب اكيد هنتقابل باى.
نور سابته ومشيت وهو فضل واقف مكانه وسرحان ف شخصيتها ……..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية جميلة ولكن)