رواية سند لقلبي الفصل الأول 1 بقلم سلمى هيكل

رواية سند لقلبي الفصل الأول 1 بقلم سلمى هيكل

رواية سند لقلبي البارت الأول

رواية سند لقلبي الجزء الأول

رواية سند لقلبي الحلقة الأولى

– احنا بقا المفروض نعمل ايه ..يعني اليه اللي ناقصنا كده
– والله يا سند اللي ناقص في الشقة رفايع مش كتير حاجات خفيفة خالص يعني لو الظروف مش سامحة دلوقتي ممكن نجيبها بعد الفرح مفيش ادني مشكلة
– ي ستي ربنا يكرم ان شاءالله بس هي حاجات مهمة اوي يعني
تحدثت بجدية كبيرة
– بص هي مهمة ..يعني ناقص ماجات الايس كوفي و ماجات الكابلز و ماجات القهوة
-هي ديه الحاجات المهمة اوي ..انا فكرت حلل ولا اي حاجة من الحاجات ديه تقوليلي ماجات
صمت قليلا ثم امسكها من تلابيب ملابسها
-وبعدين مش انت كنتِ جايبة ماجات و حاجات النيش كلها حاجات المطبخ مجبتهومش معاهم ليه ياختي
– اوعا بس الشاكت..الشاكت
-شاكت يا جاهلة
– يبني انا اصلا كنت هطلبهم اونلاين عشان كده ماجبتهومش وانا بجيب الصيني
– طب ..عامة اي اللي ناقص تاني و مش حاجة تافهة هاااه واخدة بالك تافهة
– خلاص يا سيدي كده ناقص حجز القاعة
– ماشي تعالي بقا نلف لفة علي القاعات كده و نشوف و بعدين ننزل بكرة نحجز عشان نكون عرفنا اهالينا برضو
– ماشي ..بس نعدي نختار الكروت بتاعة الفرح
– ماشي ي ستي
**********************
بعد لف طويل دام لساعات و اخيرا استقرا علي قاعة مناسبة لهم و اتفقوا علي ان يكون عدد المدعوين ٣٠٠ فرد بدلا من ٥٠٠ فرد لأن هذة الباقة كانت غالية بعض الشئ فاتفقوا علي جعل عدد المدعوين مخفض و جعل الأموال الباقية لهم من أجل “شهر العسل”
– تمام كده انا هروح اعرف ماما علي القاعة و انت كمان قول لسوسو و عمو و ننزل كلنا بكرة ايه رأيك
– والله لو عمو سمعك بتقولي سوسو احتمال يلغي الفرح و كل حاجة الا انك تدلعيها قدامه كده
ردت بسرعة- لاء خلاص هقولها لطنط بس نعمل الفرح بقى انا خللت
ضحك عليها
– ماشي هقولهم يا ستي
****************
بعد مرور فترة
في منزل غزل
– حاضر يا ماما هكلم بسمة ..بس ليه يعني اشمعنا
– ي بنتي هي لوحدها بعد امها و ابوها و انت عارفة ان ابوها كان وحيد يعني هي مالهاش عمة ولا حاجة انت بس اللي باقيالها
– حاضر يا بطوط يا ابو قلب كبير هكلمها اهو
أخرجت هاتفها و ارسلت رسالة الي سند تخبره ان ابنة عمتها ستأتي معهم حجز القاعة و رغم استياءه و رفضه لوجودها
وافق علي مجيئها حتي لا يحزن غزل
قامت غزل بالتصال علي بسمة
– الو ..السلام عليكم ورحمة ورحمة الله وبركاته
– و عليكم السلام..ازيك يا غزل عاملة ايه
– الحمدلله يا بسوم اخبارك
– الحمدلله بخير
– الحمدلله دائما وابدا يا حبيبتي ..المهم بكرة ان شاءالله هروح عشان احجز قاعة فرحي ابقي تعالي معانا بقا
– بلاش عشان متقلش عليكوا
– تتقلي ايه يا بت انت هو انت هتقعدي عل رجلينا و بعدين يا ستي انا عايزاكي معايا
– ماشي من عنيا ليكي
– تسلم عيونك يا رب ..هبقي ابعتلك بقى هننزل امتي ولا اقولك تعالي عندنا من الصبح و نقضي اليوم سوا و ننزل علي طول
– فكرة حلوة
– خلاص اشطا سلام بقا
– مع السلامة
عند بسمة
– يعني هي هتفرح و تتجوز وانا كده داخلة علي ٣٠ و ما اتجوزتش لسه و فوق كل ده بتكلمني اجي معاها عايزة تفرسني و تقهرني
بس انت بقا اللي هقهرها
*****************
في اليوم التالي و بعد الاستعدادات للنزول قام سند بالاتصال علي غزل ليتم التحديد كيفة انتقالهم للقاعة
– يبني روح انت و اهلك وانا هاجي انا و أهلي مش هنعرف نركب مع بعض كده
– انا ليه حاسس ان اهلك و أهلي ديه شتيمة ..ما علينا انا هنزل اهو و ستناكي قدام القاعة ما تتأخريش
– ماشي ي حبيبي سلام
–بالا يا ماما باسل جه تحت هو و زينة و كمان حمزة و هنا تحت يالا عشان مانتأخرش …يا بسمة
– ايه يا بنت الهبلة انت بتسربعينا ليه كده احنا جهزنا اهو
– هلي فكرة كده يا مامتي انت بتشتري نفسك ماشي
– يالا جزمة قدامي
بعد فترة قصيرة وصلت العائلتان امام القاعة بعد التحية و الترحاب
– ايه رأيكوا في ذوقنا بقا
هكذا تحدثت غزل فردت عليها بسمة
– حلوة ..مش بطالة يعني
استاء الجميع من ردها و لم يعلق عليها
– حلوة ي حبيبتي ماشاء الله
– جميلة ي قلبي مبروك عليكم يا رب
– حلوة يا حبايبي ربنا يتمم علي خير
هكذا تحدث فاطمة و سهير و عبد الرحمن “علي الترتيب”
سند-:الله يبارك فيكوا يا جماعة
بسمة بنبرة خبيثة — هو انتو اختارتوا ليه الباقة بتاعة ٣٠٠ فرد
ليه مش ال٥٠٠ ولا مش مقدر بنتنا يا استاذ سند
شعر سند بالاحراج قليلا
– مش حكاية تقدير والله بس ده اللي احنا شوفناه مناسب لينا
-لاء لازم تحجز ال ٥٠٠ةفرد ولا ايه يا طنط فاطمة
– والله اللي يشوفوه هما احرار مع بعض طالما هما راضين انا كمان راضية
— والله عين العقل يا فاطمة ياختي احنا مالنا نتحشر ليه ما بنهم
تحدثت سهير و كانت تقصد بحديثها هذا بسمة بالطبع
– يا طنط هو مش من حق غزل تفرح و تعزم كل صاحبتها و تشرف نفسها و كمان باقة الاكل كمان قليلة
– والله الناس هتيجي تفرحلنا مش تيجي تأكل وتشوف فيه كام واحد جه الفرح
– لاء احجز الباقة الكبيرة ديه برضو غزل فراولة العيلة و عايزين نفرح بيها كده ايه يا طنط فاطمة مش كنتي علي طول بتقولي لازم بنتي يتعملها فرح كبير ديه الفراولاية بتاعتي
– اعمل ايه الظروف بقا
– سند ممكن نمشي
وها هي غزل تخرج عن صمتها الان
– ماشي يا غزل يالا بينا لما نشوف حل نبقي نيجي نحجز القاعة
و بالفعل غادروا و عاد كل فرد الي منزله ماعدا سند و غزل حيث اتجهوا الي النيل للجلوس أمامه قليلا
– غزل ..لو انت عايزة الباقة الكبيرة ديه انا موافق معنديش مشكلة بس فلوس الفرق هتتخصم من فلوس شهر العسل
يعني بدل ما كنا هنقعد عشر ايام ممكن يبقوا خمسة بس لأن انا الفلوس اللي كانت معايا كلها خلصت علي الشقة و الجهاز و لسه كمان الفستان بتاعك و مصاريف يوم الفرح كله من تصوير للميكب بتاعك
– يا حبيبي انا مقدرة كل ده و مش فارق معايا حاجة وانا لما اروح هعرف ماما الكلام ده وانا حرة اعمل اللي عايزاه مش لازم فرح اصرف فيه فلوس كتير عشان الناس ما تتكلمش و برضو هتتكلم بعد الفرح
– حبيبتي العاقلة..عشان كده انا هكفإك و اشربك عصير قصب
– بجد ..يالا بينا بسرعة
بعد انقضاء اليوم و عاد كليهما للمنزل
***********************
عند غزل
– يعني ايه يا ماما عايزاني اسيب سند عايزاني اطلق
– ايوة لو محجزش الباقة الكبيرة يبقي كده مش مقدرك و الله اعلم بعد الجواز ممكن يستخسر فيكي ايه تاني
– يا نانا انا موافقة علي كل حاجة و بعدين انت عايزاني اطلق عشان حجز قاعة
– المشكلة مش في القاعة ..المشكلة في المبدأ
– مبدأ ايه بس ..انا مش موافقة علي الكلام ده ..انت عارفة انا بحبه و ممكن اروح معاه بيته من دلوقتي علي فكرة …انا مراته يعني لا عيب ولا حرام و ممكن معملش فرح خالص عشان تبقي عارفة بس
– جرا ايه يا حبيبتي …كلاني هو اللي هيمشي وانا بكرة هكلمه لو موافقش يبقي نفضها سيرة و كل واحد يروح لحاله ..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية سند لقلبي)