رواية ملكت قلبي الفصل الثامن 8 بقلم إيمان أحمد

رواية ملكت قلبي الفصل الثامن 8 بقلم إيمان أحمد

رواية ملكت قلبي البارت الثامن

رواية ملكت قلبي الجزء الثامن

رواية ملكت قلبي الحلقة الثامنة

آسر باابتسامة وحب: مش انتى كنتى عايزانى اعترف قدام الكل بحبى ليكى.. وانا بقول قدام الكل انى مش بس بحبك انا بعشقك يامليكة
خرج الخاتم عشان يقدمه لمليكة
ابتسمت مليكة وقالت
=بس انا مش بحبك
لحظات صمت سادت كان آسر فى حالة صدمة وهو مش مستوعب ان مليكة رفضته وقدام الكل بعد ماكان مفكر انها هتموت من الفرحة
آسر بصدمة: مليكة انت.. انتى بتقولى ايه؟؟
مليكة ببرود: زى ماسمعت ياآسر انا مش عايزاك
آسر: ليه يامليكة احنا بنحب بعض!
مليكة: من امتى ده؟ احنا كنا مجرد صحاب وبس الظاهر انك فهمت غلط يا.. ياآسر
آسر بدهشة: صحاب!
مليكة: ايوا.. مش ده كان كلامك ولا نسيت فاكر ياآسر اما انت قولتلى نفس الكلام وفى نفس المكان وقدام الكل
ـ بس كفاااااية الدراما الل انتوا بتعملوها دى
قربت سيلا من آسر ودموعها نازلة وقالت
= آسر انت بتعمل ايه ازاى تعترفلها بحبك كدة واحنا بنحب بعض انت ناسى انى خطيبتك… آسر كفاية الكل بيتفرج علينا متخليش حد يشم ت فينا….. آسر…. آسر
مليكة: عن اذنكم همشى عشان اتأخرت
واحد من الل واقفين قال
= شوفتوا الل مليكة عملته دى احرجته قدامنا كلنا
ردت بنت بضحك
=يعنى طلع مبيحبش سيلا كمان ياعينى عليكى ياسيلا
مالك: بس الكل يسكت… آسر سيلا خلينا نروح من هنا
– حلو اوى الل انتى عملتيه
مليكة بفز*ع: انت بتطلع منين!!
فهد: شوفت الل انتى عملتيه مع آسر تصرف صحيح
مليكة بغيظ: انت مالك انت ماتخليك فى نفسك
اتجاهلته مليكة وكملت مشيت
مسك فهد ايدها وقال: بس الواضح ان الل عملتيه كانت مجرد تمثيلية…. بس متوقعتش منك تعملى كدة
مليكة وهى بتبعد ايده
= سواء كانت بمثل ولا لا انت مالك؟؟ يخصك فى ايه؟
رد فهد ببروده المعتاد: انا بقول رأيى
مليكة بقوة: خلى رأيك لنفسك لانه ميهمنيش
رد فهد ببرود: مش فارقة
مشى فهد وسابها فوقفته مليكه وقالت بغيظ
=ايه ده الل مش فارقة
فهد بتجاهل: يعنى مش فارقة اذا كان رأيى يهمك ولا لا
بعدها ركب عربيته ومشى
مليكة بغض ب: ايه الانسان المستف ز ده انا اخلص من آسر يطلعلى فهد
=انتى بتكلمى نفسك يامليكة
مليكة بفرحة كبيرة: لمياء!!
وجريت عليها حضنتها فبادلتها لمياء الحضن
مليكة بدموع: انتى.. انتى كنتى فين كل ده انا قلقت عليكى اوى.. انتى ازاى تغيبى الفترة دى كلها من غير ماتسألى عنى
لمياء وهيا بتمسح دموعها: انا آسفة يامليكة غصب عنى…. بس مكنتش اعرف انى غالية عليكى اوى كدة
مليكة وهى بتضربها على وشها بخفة: انتى هب لة انتى عندى زى مى بالظبط… المهم احكيلى ايه الل حصل معاكى
لمياء بهدوء: هحكيلك كل حاجة… بس ايه حكاية فهد ده معاكى
مليكة: ولا اعرف ده بنى آدم غريب اوى…
تارا: اووه لمياء انتى جيتى! كويس عشان تشوفى عمايل صاحبتك المقربة
لمياء بحدة: فى ايه ياتارا؟
مليكة: لمياء يلا من هنا سيبك منها
وبالفعل مشيوا
بقلمى ايمان احمد
🌟🌟🌟🌟🌟🌟🌟🌟🌟
ـ سيلا لو سمحتى كفاية عياط
كانت سيلا مازالت بتعيط
آسر وهو بينفخ بضيق: طب بتعيطى ليه دلوقتي؟؟
سيلا بااندفاع: والله بجد بتسأل بعيط ليه؟؟ خطيبى رايح يعترف لواحدة تانية انه بيحبها وأهنى قدام الكل مفروض ارقص يعنى…. بس شوفت فى الاخر رفضتك ازاى قدامهم كلهم
آسر بعص بية: بسسسس كفاااااية اخرررسى
مالك: خلاص ياجماعة اهدوا شوية مينفعش الل انتو بتعملوه ده
آسر بصوت عالى:ملكش دعوة انت يامالك والافضل انك متتدخلش
مالك: ماشى ياآسر انا آسف… تعالى ياسيلا اما اوصلك فى طريقى آسر محتاج يقعد لوحده شوية
اول مامشيوا فضل آسر يكسر فى كل حاجة قدامه وهو بيفتكر اما مليكة رفضته قدام الكل وانه قد ايه احساس صعب انك تكسر قلب حد وكمان تهينه نفس الل عمله فى مليكة
بعد شوية
والدة آسر بصدمة:ايه ياآسر يابنى الل انت عامله فى الاوضه ده؟
آسر: ماما لو سمحتى مش عايز اتكلم دلوقتي
والدته بحنية: ماشى ياحبيبي بس ممكن تقوم تتغدى معانا باباك واخوك مستنييك
آسر: مليش نفس ياماما
والدته: عشان خاطرى ياحبيبي… طب بص بئا لو منزلتش تاكل معانا انا كمان مش هاكل
آسر بتنهيدة: ماشى ياماما بس…
والدته بمقاطعه: متقلقش مش هسألك فى ايه دلوقتي
بقلمى ايمان احمد
🌟🌟🌟🌟🌟🌟🌟🌟🌟
عند مليكة ولمياء
مليكة بدهشة: معقول كل ده يحصل معاكى ومتعرفنيش… طب وانتى قاعدة فين دلوقتي
لمياء بحزن: حاليا قاعدة فى فندق… بس قدرت آجى الجامعه النهارده بصعوبة
مليكة بزعل: طب وهتعملى ايه؟ هتفضلى هربانة كدة
لمياء: وهعمل ايه؟ بابا لو عرف مكانى هيجوزنى لل اسمه سليم…. انا عارفة ان بابا بيتاجر فى المخد رات بس رغم كدة عمرى ماكرهته كنت دايما بتمنى ان ربنا يهديه بس توصل انه عايز يجوزنى المج رم سليم بالغص ب انا مستحيل اوافق
مليكة بخوف عليها: طب انتى لازم تعملى محضر عشان محدش فيهم يقربلك
ابتسمت لمياء بحزن وقالت: مينفعش يامليكة مينفعش
مليكة بتساؤل: ليه مينفعش؟
لمياء: سليم ده واحد خطير اوى… والل عرفته ان بابا قالب الدنيا عليا لان سليم اشترط عليه عشان يكمل صفقته مع بابا انه يجوزنى الاول
مليكة بخوف: يعنى فى خطورة عليكى ايه الل خلاكى تيجى النهارده
غمضت لمياء عنيها بألم وقالت: عشان تعبت انا مبكر هش فى حياتى قد الخو ف وبسبب الانسان الل مفروض يبقى الامان بالنسبالى انا عايشة كل يوم فى رع ب
مليكة بتلقاءية: ايه رأيك تيجى تقعدى معايا فى البيت
لمياء باابتسامة: شكرا يامليكة على اهتمامك بيا بس صدقيني مش هينفع انا مش عايزة تتعر ضوا للخط ر بسببى مليكة اهم حاجه متعرفيش مالك اى حاجة…. انا لازم اروح دلوقتي
حضنتها مليكة وقالت بدموع: خلى بالك من نفسك
بعدها لبست لمياء نضارة الشمس وبصت حواليها تتأكد ان محدش مراقبها وركبت العربية ومشيت
-ايوا ياباشا لقيناها
………..
– انا فعلا ماشى وراها دلوقتي
……..
تمام ياسليم باشا اطمن هنعمل زى ماقولت
🌟🌟🌟🌟🌟🌟🌟🌟🌟🌟🌟
تانى يوم
-يلا ياعيال الفطار جاهز
مليكة:ماشى ياماما جاية اهو
مديحة: وانتى يابت يامى مش هتفطرى قبل ماتروحى المدرسة
مى: هو فى فطار ايه
مديحة: طعمية وفول
مى وهى بتنفخ بضيق: هو كل يوم فطار طعمية انا زهقت
مديحه بصوت عالى: وعايزانى اعملك فطار ايه لحمة ورز ياختى
مى:مش عايزة حاجة انا ماشية
مليكة: استنى يامى هتمشى من غير ماتفطرى
مديحة: بس سيبيها تروح من غير فطار عشان تتعلم تحترم نعمة ربنا وتعيش عيشة اهلها
ـ بقولك ياقمر…
بتبعد البنت بخو ف وبتغير الطريق فبيمشوا وراها
ـ ايه ياحلوة مالك تعالى هقولك كلمة فى.** ههههه
البنت بخو ف ودمو ع : لو سمحت عي ب الل بتعملوه ده
الشاب وهو بيقرب منها: ايه الل عي ب بالظبط ياقمر انتى عشان قولت **هههه
كان لسة هيقرب ايده بس حد مسك ايده ولك مه بقو ة فوق ع على الارض
قام الشاب بعصب ية: انت مين انت يابن **انت شكلك عايز تتربى
فهد باستفز از: تعالى كدة ونشوف مين هيربى مين
بيقرب الشاب بغض ب وبييجى يضر ب فهد بالبوك س بس فهد بيمسك ايده وبيضر به برجله فى بطنه فبييجى اصحاب الشاب عشان يضر بوا فهد لكن فهد بيضر بهم كلهم
فهد وهو بيقرب من البنت: انتى كويسة
هزت البنت راسها وقالت بامتنان: شكرا ليك
ابتسم فهد ومشى من غير مايرد
كل البنات بصت لفهد بااعجاب وعينهم منزلتش من عليه
قالت واحدة فيهم باعجاب شديد: مين الم* ده يابنات
ردت واحدة تانية: ده فهد الل فى فرقة تالته
البنت باعجاب: ـ طب وهو مرتبط
= لا مش مرتبط بس ريحى دماغك ده مغر ور ومبيكلمش حد
– فهد
بصلها فهد باستغراب وقال: نعم
مليكة: انا شوفت اما ساعدت البنت من شوية بصراحة كنت فاكراك مغر ور ومتكب ر بس طلعت غلطانة
فهد: تمام
مليكة بغيظ: ايه تمام دى
فهد ببرود: كويس انك عرفتى انك غلطانة
مليكة:انا فعلا غلطانة انى كلمتك
مسك فهد ايدها وجذبها ليه وقال وهو بيبص فى عيونها
= مش ملاحظة انك بتحاولى تقربى منى
مليكة بارتباك: لا… انا..
فهد وهو تايهه فى عنيها: انتى ايه؟؟
زقته مليكة بعيد عنها ومشيت بسرعه اول ماشافت آسر فاابتسم فهد
اما آسر فضغط على ايده بشدة وعينه احمرت من شدة الغض ب والغيرة
آسر: ماشى يامليكة
🌟🌟🌟🌟🌟🌟🌟🌟🌟🌟🌟🌟
انتهى اليوم وروحت مليكة بيتها ونامت شوية وبعد ماصحيت لقت اختها مى داخلة تتسحب وكان معاها شنط كتير
مليكة بدهشة: مى
مى بصدمة: انا.. انا
مليكة وهى بتبص على الشنط: ايه الشنط دى كلها ورينى كدة فيهم ايه
مى وهى بتبعد الشنط عنها: ده.. ده
خدت منها مليكة الشنط وشافتها
مليكة بصدمة:ايه اللبس ده كله جايباه منين
مى باارتباك: ده بتاع واحدة صاحبتى
مليكة بحدة: بطلى كذ ب اللبس ده بتاعك انا عارفة انتى اصلا كل اسبوع بتجيبى لبس ومكياج جديد وانتى مصروفك ميجبش الحاجات دى كلها انتى بتجيبى الفلوس دى منين يامى؟؟
مى باارتباك: تقصدى ايه يعنى
مليكة: جاوبى على السؤال بدل مااقول لماما
مى باارتباك: انا كنت..
قبل ماتكمل كلامها كان الباب بيخبط بقوة
فطلعوا يفتحوا الباب بسرعة من شدة التخبيط
مديحة باستغراب: مين؟؟
-فين بنتك الحر. امية انا هوديكم فى ستي*ن داهي*ة

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملكت قلبي)