رواية الحب والحياة الفصل الثاني 2 بقلم ندا

رواية الحب والحياة الفصل الثاني 2 بقلم ندا

رواية الحب والحياة البارت الثاني

رواية الحب والحياة الجزء الثاني

رواية الحب والحياة الحلقة الثانية

صحيت ندي تاني يوم علي صوت والدتها اللي كانت بتصحيها ع جامعتها هي في السنة الاخيرة في الجامعة
مني : ندوشة حبيبتي قومي يلا هتتاخري علي الجامعة
ندي بنعاس : صباح الخير ي منمن
مني : صباح العسل ي حبيبتي قومي يلا هتتاخري اجهزي علي ما انا احضر الفطار
ندي : حاضر ي حبيبتي
خرجت مني من الاوضة وندي قامت اغتسلت واتوضت وادت فرضها وبعدها جهزت نفسها وخرجت
مني : تعالي يلا الاكل جهز
جهزوا السفرة وقعدوا يفطروا بهدوء لحد ما ندي افتكرت اللي حصل امبارح وقالت لوالدتها
ندي : اه صح ي ماما هي الشقة اللي جمبنا سكنت امتي
مني : اه امبارح جات وحدة ست وابنها هيعيشوا هنا
ندي : اه ما انا قابلته دا غريب اوي
مني : قابلتيه فين دا
ندي : امبارح وانا قاعدة في البلكونة طلع هو كمان واتعرفنا وقتها
مني : تمام ي حبيبتي يلا انتي بس كلي كويس ع تروحي الجامعة
كملت ندي فطارها وسلمت علي والدتها وبعدها خرجت من باب الشقة كانت لسة هتنزل بس سمعت صوت بصت ولقته هو
_صباح الخير
ندي : صباح النور
_رايحة فين كدة
كانت ندي لسة هتمشي وتسيبه لانه بيسال كتير وهي مبتحبش تختلط بحد وخصوصا لو كان شاب والاهم انها متعرفهوش
_انا بس كنت هسالك لو حابة اوصلك لو المكان اللي رايحاه في طريقي
ندي : لا حضرتك شكرا مفيش داعي لتعبك معايا انا هروح لوحدي
خرجت ندي من غير ما تسمع رده عليها وسابته والابتسامة ظهرت علي وشه تاني وبص لاثرها
🌹🌹🌹🌹🌹🌹🌹🌹🌹🌹🌹🌹🌹🌹🌹
في الجامعة كانت ندي قاعدة مع صحابها الاتنين اللي كانوا بيبصولها بحزن بعد ما عرفوا اللي حصلها
ندي : مالكم بتبصولي كدة ليه
تقي : اومال المفروض نعمل اي يعني هي دي حاجة متزعلش
ندي : لا متزعلش هو ميستحقش اني ازعل نفسي عشانه انا هنساه وهكمل حياتي زي ما كانت من غيره
اميرة : هو فين الحمار دا انا نفسي اشوفه دلوقتي قدامي والله ما اكون سايبة فيه حتة سليمة
ندي : مفيش داعي ي ميرو كل حاجة انتهت وانا مش حابة افتكر ان كان في واحد زي دا في حياتي
تقي : عندك حق ي ندوشة اللي زي الواحد ميشرفهوش اصلا انه يعرفه
اميرة : بس انا هطق من الغيظ اكن الغبي دا يسيب حتة القمر دي ويروح للمقشفة التانية
تقي : انها ازواق ي اختي والبعيد اكيد عنده حول يعني واضحة
ندي : بس بقي ي ختي منك ليها يلا ندخل المحاضرة هتبدأ ولو اتاخرنا الدكتور هيطردنا وانا مش ناوية اطرد وخصوصا النهاردة
تقي واميرة : يلا
قاموا هما التلاتة ودخلوا للمدرج لوقت دخول الدكتور اللي هيشرحلهم المادة
🌹🌹🌹🌹🌹🌹🌹🌹🌹🌹🌹🌹🌹🌹🌹
في الشقة كانت قاعدة مني ومعاها جارتها اللي نقلت جديد وبس تعرفوا علي بعض ما ما هي جاتلها لحد عندها
مني : منورة والله ي أسماء
أسماء : البيت منور باهله
مني : الا قوليلي انتوا نقلتوا هنا بالذات ليه يعني اقصد انتوا كنتم عايشين برة فانا مستغربة يعني
أسماء : ايوة بس آدم جاله شغل كويس هنا فقولنا ننزل واهو نعيش في بلدنا ولما عرف ان الشقة دي قريبة من شغله قال نسكن فيها وخلاص وع كدة اتنقلنا امبارح وكل حاجة جات بسرعة
مني : ايوة فهمت والنبي انا استريحتلك من اول مرة شوفتك فيها واعتبرتك اختي اللي انا ممتلكهاش
أسماء : وانتي والله ي ام ندي انتي متعلميش قد اي قلبي اتفتحلك
مني : يبقي لازم نتغدي مع بعض النهاردة
أسماء : بالهنا والشفا بس احنا مش حابين نتقل عليكم
مني : تتقلوا علينا اي بس دا انا بقولك اني اعتبرتك زي اختي متكسفينيش بقي
أسماء : وانا ميرضنيش كسفتك بس اي رأيك انا وانتي نتشارك في عمايل الغدا
مني : اكيد هوافق
قاموا هما الاتنين ع يشوفوا هيعملوا اي ودا مخلاش من ضحكهم مع بعض وباين فعلا انهم قربوا من بعض
🌹🌹🌹🌹🌹🌹🌹🌹🌹🌹🌹🌹🌹🌹🌹
عدي الوقت وخلصت ندي المحاضرات اللي وراها وروحت البيت واستغربت لما فتحت الباب وسمعت صوت ضحك من جوة دخلت ع تشوف في اي لقت والدتها قاعدة مع وحدة هي مشافتهاش قبل كدة وبيضحكوا
ندي : السلام عليكم
الاتنين : وعليكم السلام
مني : تعالي ي ندي اقعدي
راحت ندي ناحيتهم وقعدت جمب والدتها والاستغراب لسة باين علي ملامحها
مني : بصي ي ستي دي تبقي طنط اسماء اللي سكنت جمبنا امبارح ودي تبقي بنتي ندي
ندي : تشرفنا ي طنط
اسماء : تشرفنا اي بقي دا احنا بقينا اهل تعالي جمبي ي حلوة كدة
قعدت ندي جمبها وهي بتبصلها وفعلا حست براحة جواها من ناحيتها مع انها اول مرة تشوفها
اسماء : من هنا ورايح بقي تقوليلي ي سوسو او سومي او حتي اسماء انما بلاش طنط دي انا لسة صغيرة كدة بتطلعي اشاعة عليا
ندي بضحك : ايوة طبعا انتي عندك حق
مني : اسماء هتتغدي معانا هي وآدم ابنها النهاردة ي ندي اعملي حسابك
ندي : ايوة طبعا تنورونا
مني : طيب قومي انتي دلوقتي غسلي وغيري هدومك وتعالي ع نجهز السفرة
سمعت ندي كلام والدتها ودخلت للاوضة اتوضت وادت فرضها الاول وبعدها لبست هدوم طبعا طويلة وواسعة لان في شاب هيبقي موجود وبعدها خرجت
كانوا التلاتة بيجهزوا السفرة وهما بيضحكوا لوقت ما سمعوا صوت خبط علي باب الشقة التانية
اسماء : دا اكيد آدم جه من الشغل وميعرفش اني مش جوة
مني : روحي بسرعة ي ندي ناديله
راحت فعلا ندي تناديله ولقته واقف قدام الباب وهو بيخبط وباين عليه التعب بس اول ما لمحها التعب دا اختفي من علي وشه وبان مكانه ابتسامة لاحظت اخيرا قد اي هي جميلة
ندي : السلام عليكم
آدم : وعليكم السلام
ندي : طنط اسماء عندنا جوة وطلبت مني اناديلك ع هنتغدي مع بعض النهاردة
آدم بفرحة : بكل سرور
دخل آدم مع ندي الشقة ولقي مني هي واسماء بيتكلموا مع بعض وهما فرحانين وكل اللي في دماغه امتي حصل الكلام دا
أسماء : تعالي ي آدم
آدم : السلام عليكم
الكل : وعليكم السلام
أسماء : اعرفك ي سيدي دي تبقي طنط مني جارتنا ي بنتها ندي
آدم : تشرفنا
🌹🌹🌹🌹🌹🌹🌹🌹🌹🌹🌹🌹🌹🌹🌹
بعد فترة كانوا كلهم قاعدين علي السفرة وبيتغدوا لوقت ما سالت أسماء سؤال كان محسسها بالفضول
أسماء : قوليلي ي ندي هو انتي مخطوبة
اول ما سمعت ندي السؤال افتكرت كل حاجة حصلت وعيونها دمعت
ندي : بعد اذنكم انا خلصت اكل
دخلت الاوضة وهي زعلانة ومن غير ما تقول لحد حاجة ودموعها نزلت علي خدودها معرفتش تقولها اي تقولها ان النهاردة كان المفروض يوم كتب كتابها واللا تقولها ان خطيبها المحترم خانها كل حاجة كانت في دماغها ودا اللي خلاها تنهار

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الحب والحياة)