رواية رحم للإيجار 3 (حب الفرسان) الفصل السابع والستون 67 بقلم ريحانة الجنة
رواية رحم للإيجار 3 (حب الفرسان) الفصل السابع والستون 67 بقلم ريحانة الجنة
رواية رحم للإيجار 3 (حب الفرسان) البارت السابع والستون
رواية رحم للإيجار 3 (حب الفرسان) الجزء السابع والستون
رواية رحم للإيجار 3 (حب الفرسان) الحلقة السابعة والستون
واقف قصاده وهو شايفه متقيد بكلبشات قوية ومنيعة والحيرة جواااه مشتتاه!! وتخبط كبير مالوش حدود!! ينتقم منه المرة دي حقيقي ويشفي غليله منه !! ولا يختار الاختيار العقلاني ويسلمه ويرجعه يتحاكم ويتحاسب زي المرة الماضية!! بس ماهو عمل كدة وللاسف العقاب المرة اللي فاتت ما كنش كافي ولا رادع ليه …وبمجرد ما استقر في سجنه دبر لقتله علشان يتخلص منه وكمان قدر يهرب!!! خصوصا انه برغم موقفه الضعيف قصاده وتقيده بالكلبشات الا ان نظرة الغيرة والكره في عيونه ليه حادة وقوية تجبر اي إنسان مكان أكمل انه يتفنن في تعذيبه والانتقام منه!!!
مهاب قرب منه برفق وسحبه لبعيد عن مسامع ماجد وكمان رجالة مهاب اللي محاوطاهم !!
مهاب انتهد بتفهم للخبطة اللي جواه : انا عارف انت بتفكر في إيه دلوقتي ومحتار تنتقم ولا تسيبه ياخد عقابه القانوني !! بس صدقني ايا كان قرارك حتي لو بالنسبة للقانون خطأ انا معاك فيه …مش بس لان دي وصية مروان ليا إني احميك من شره واقطع دابر سمه !! لكن كمان لاني كنت في يوم من الايام في موقف مشابه للي انت فيه …ويمكن اصعب!! انا مراتي كانت غايبة عني ايام ومخطوفة في بيت الد اعدائي اللي بتكرهني وبتتمني موتي !! ومش بس كدة!! دول وقتها اكدوا ليا انهم انتقموا مني فيها هي !! عارف يعني ايه تتخيل مراتك وهي بيتعمل فيها كدة!! ايوة ربنا كان رحيم بيا وكانوا كدابين ومافيش كلب منهم لمسها!! لكن انت فاهم الاحساس وقتها كان ايه!! وقتها يا أكمل كنت عازم ومصمم اني اخد انتقامي منهم حتي لو كان ده هيخسرني شغلي وحياتي كلها!! لو كانت اخر حاجة هعملها في عمري وبعدها همووت !! كنت هعملها!! لو حتي اتعاد بيا الزمن هنتقم تاني واخد حقي وحق مراتي منهم!! فاهمني يا أكمل!!؟
أكمل التفت لماجد وعيونه ونظراته ليه كلها وعيد وغيظ ورجع نظراته لمهاب : يعني انت بتأكدلي اختياري!! موافقني اخد منه حقي بإيدي!! انت يمكن مراتك اتخطفت وده اللي فهمته من كلامك او يمكن اتهددت لكن ماحدش قدر يطول من شرفك ورجولتك !! لكن انا الكلب الملعون ده كسرني وكسر رجولتي ولطخ شرفي بإنه زرع زرعته الملعونة جوا مراتي!! عارف يعني إيه يزرع جنين منه جواها!! متخيل الكسرة وقهرة القلب!! وكمان مافيش يأس!! حاول يقتلني !! مش مكفيه اللي عمله فيا واتسبب فيه واللي لسة بدفع ثمنه لحد دلوقتي!!
مهاب اتنهد بهدوء وعتاب: انا معاك في اي شئ ايوة وقولتلك كدة!! لكن اياااك تنسي او تتناسي انك انت اللي دخلت الثعبان ده حياتك!! انت اللي سمعت ليه وضعفت وللحظة كنت موافقه علي تفكيره الوسخ!! هو ايوة شيطان!! والشيطان بيوسوس دايما !! لكن يوم ما نسمع ليه هنبقي مذنبين وهنتحاسب …هو يادوب اخد نصيبه من الوسوسة لكن اللي قام بالفعل احنا!! الشيطان بيقولك اسرق!! اقتل!! اغتصب!! ده اخره لكن ضعفك وانسياقك ليه ولكلامه ده بإيرادتك انت لوحدك!! واياااك تنسي خطيئتك وموافقتك لوسوسته!! ماجد وسوس ليك وحرضك انك تزرع جواه مراتك حته من راجل تاني!! وانت للحظة وافقت !! فرقت معاك بقي هو من غيره!! انت كان لازم تندم و تتعذب علي غلطتك دي وچنا ما كنتش مبالغة ولا غلطانة في اي رد فعل ليها!! وايااك كمان تنسي انك انت وهو كنتوا السبب انها تتحرم من امومتها عمرها كله!! يعني حتي لو انت كان عندك أمل تتعالج واحد في الميه!! هي حتي الواحد ده خسرته!! انت كنت شريكه يا أكمل حتي لو بنسبة صغيرة!!
أكمل غمض عيونه بوجع وتأنيب لان كل كلمة قالها مهاب حقيقة !! وقتها فتح عيونه بقوة ويقين !!
أكمل : انت صح في كل كلمة !! وانا خلاص قررت قررراي ومش هغيره ولا اتراجع عنه!! حتي لو غلط وضد القانون!! وحتي لو هتحاكم بعدها!! بس مش هسيبه يعيش بعد ما خسرني كل حاجة! حتي حياتي كان عايز ياخدها ويقتلني !! ومش هأمن تاني واسلمه ويرجع يقوي شوكته بمعارفه ونفوذه ويهرب تاني ويرجع ينتقم مني!! ووقتها خوفي مش هيكون علي نفسي لا! خوفي هيكون علي چنا!! لانه متأكد انها اغلي عندي من روحي!!
مهاب وقتها ابتسم ابتسامة جانبية جذابة كعاته واللي برغم كبره في العمر الا انها لسة محتفظة بمكرها وجاذبيتها !!
مهاب: انا مش هفتي واقولك ان ربنا قال النفس بالنفس والعين بالعين !! ولا هقولك انك تكون قوي وتاخد حقك افضل من انك تكون ضعيف ويتهدر حقك !! لكن هقولك اللي انا فاهمه كويس ومتاكد منه في دنيتي دي !! الدنيا دي يا أكمل بقت غابة مباحة !! كل الوان الشرور بقت شبه متاحة !! والشخص الغادر اللي متربصلك ومستني الفرصة انه يلدغك ويجيب اجلك!! ده حلال قطع راسه زي الحيا كدة وتنهي سمه وشره! ماجد ده شره مش واصل ليك لوحدك!! الواد ده انا عرفت عنه بلاااوي يا أكمل! ولعلمك! انت مش اول واحد يعمل معاه الصفقة القذرة دي!! سيبك من الاجانب اللي دمهم بارد ولا بيحكمهم دين ولا عرف ولا حتي غيرة ورجولة!! لا ده علي مستوي الدول العربية كلها كان مستغل النقطة دي عند ناس كتير وفيهم رجال اعمال وسياسة وناس تقيلة جداااا استغل عجزتهم واحتياجهم للاسم العام وانهم يخلفوا قصاد الناس ويكون ليهم عائلة وباعهم للشيطان !! انا لو قولتلك الاسماء اللي خلفت بالشكل ده بسببه مش هتصدق!! الواد ده لعنة في الارض ولو انت كنت قولت هسلمه !! انا بإيدي دي كنت هقتله!!
أكمل وجه نظراته المشمأزة لماجد بغليل ووعيد!! واخد انفاسه بقوة وعزم: لكن انا عايز اكون انا وهو وبس!!! ومش هخلص حياته برصاصة ولا ضربة سلاح ابيض تريحه وتخلصه بسرعة!!! لا انا هخلص ثأري منه بإيدي !! ولوحدي!! ويا اخد روحه!!! يا ياخد هو روحي!!؟
مهاب خبط علي كتفه بثقة ويقين وابتسم: هتاخد روحه وتخرج ليا وانت رافع رأسك !! انا متأكد!!!
وقتها مهاب شاور لرجالته يحصلوه وخرجوا كلهم وقفلو باب المكان واصبح المكان فارغ علي ماجد!! وأكمل!!
الانتقام وثأر الكرامة والرجولة!! قصاد الغل والحقد وكره السنين!؟؟
أكمل قرب منه وفك قيوده وحرره ووقف قصاده وفتح ذراعته بحرية ووعيد وثقة كبيرة : وادينا بقينا لوحدنا!! انا وانت!! والباب ده مش هيتفتح غير لواحد مننا وبس اللي هيقدر يخرج منه!!؟
وقتها ماجد استقام من مكانه بغليل وهو بيدلك ايده مكان الكلبشات اللي كانت مقيداه…: يبقي انا اللي هخرج منه !! بس وانا خارج هخرج علي جثتك!! علشان تبقي عشت مكسور علي ايدي وموت برضوا مكسور ومتهان تحت رجلي!!؟
أكمل ضغط علي أسنانه بتمالك ووعيد وكور قبضة ايده بغليل: اللي تقدر عليه فرجني!! وانا مستني اشوف اخرك ايه!! بس وعد مني لحظة ما احس مجرد احساس اني هموت علي ايد واحد وسخ زيك!! هقتل نفسي اهون واكرم!؟؟
******🌹بقلم ريحانة الجنه🌹******
وقف بعيد في الهواء واتنهد بحزن !! قرب منه زياد بهدوء وابتسم..
زياد: ايه يا باشتنا!!! قلقان علي أكمل!!!
مهاب ابتسم بسخرية : أكمل!!! تؤ مش قلقان عليه بالعكس!! متأكد ان الغضب اللي جواه كفيل يخلص علي الف من عينة أمجد…
زياد بحيرة: اومال ليه شايفك كدة!!!
مهاب اتنهد بحزن: افتكرت مروان!! ياريته كان كان طلب ده مني في حياته ويارتني قدرت اطمنه قبل ما يموت!! انا يا زياد مش متوحش ولا جاحد ولا سهل اني اقتل اي انسان بالسهولة دي ولا حتي اني احرض أكمل علي قتله!! لا بس انت فاهمني كويس وعارف احنا في شغلانتنا دي بنقابل ايه وبنشوف ايه!! ده غير اللي انت نفسك عرفته وبلغتني بيه عن الكلب اللي جواه ده!! الشيطان ده واللي زيه مش لازم يكونوا بينا يا ماجد!! ايوة احنا مش الالهة ومش من حقنا نحدد مين يعيش ومين يموت!! لكن احنا بشر وبنبقي مجبرين ندافع عن حياتنا وآمانا!!
زياد بتأكيد: يا باشا انت بتبرر ليا ايه!! هو انت متخيل اني ساعدتك مجبر مثلا!! يا باشا انا خدمت معاك سنين وعارف وحافظك كويس!! وزي ما انت لسة قايل دلوقتي !! انا اكتر واحد شاف وعارف!! احنا لو ما أمناش نفسنا من الكلاب اللي الغدارين اللي زي ماجد دول!! هما نفسهم لو جاتلهم الفرصة مش هيسموا علينا!!
وقتها مهاب فونه رن وكانت نغم ابتسم : طيب خد ساتر بقي علشان لاڤ السنين بتاعي بيرن !! وهتلاقي الصحراء دي اتغرقت ورد وقلوب حمراء!!
زياد ضحك بقوة: هههههههه!! والله باااشا الله يسهلك يا باشتنا اسيبك انا بقي تلاڤ براحتك بس اسمحلي ارمي ودني واتعلم!؟
مهاب غمز ليه بثقة: ياللا ياخااايب انت !! الحاجات دي وليدة الاحساس مش بتتلقن يا عديم الاحساس!! شغل انت الحساس عندك وانت تبقي قطر مجري مافيش حد يوقفك!؟؟
زياد غمز ليه بتاكيد وابتسم: اقسم بالله انت معلم والرجالة منك تتعلم!!؟ بالاذن بقي اسيبك!!
مهاب رجع اتصل بنغم لان رنتها كانت خلصت وهو بيكلم زياد وردت عليه: دواء روحي ودكتورة جراحة شراين قلبي!!
نغم بتوتر وقلق: انت فين يا مهاب!! فونك مش بيجمع ليه كدة من بدري!؟؟
مهاب بقلق : معلش حبيبتي انا في مكان الشبكة فيه ضعيفة حبتين!! خير انتي كويسة!!؟
نغم اتنهدت: تمارا كلمتني علشان مهرة مرات چواد جالها طلق وهتولد وكلهم في المستشفي!! انا رايحة ليهم وانت حاصلنا!!
مهاب اخد نفسه براحة: يا شيخة خوفتيني عليكي!! ياكشي چواد ذات نفسه يولد بدل مهرة!! مالك متوترة ليه كدة!!! هي اول واحدة تولد!!
نغم ابتسمت: هههه ..انت مشكلة والله!! مش حفيدي!! واللي جاي منه كمان هيكون حفيدي! ولا انت مش عايز تفرح !!؟
مهاب بسخرية: افرح بإيه يا حاجة نغم مش فاهم!! شوية عيال ولاد كلب شغالين زي الارانب هما واللي خلفوهم وعمالين يتجوزا و يزروبوا في عيال !! والاسم انا المتنيل الجد!! انا العيال دي واهلهم كبروني قبل اواني يا حاجة الدكتورة ولا انتي مش واخدة بالك!! تخيلي كدة اقول للناس ابن حفيدي! يبقي انا ايه بقي!!؟ كنت بحفر مع ابو الهول!! اقسم بالله دي قلة قيمة بجد!! انا هتبري من العيلة الزبالة دي !!
نغم بتتاملك نفسها من الضحك: انت بتتكلم جد! هو فيه حد طبيعي يقول كدة!؟ الناس بتفرح بأولادها واحفادها واولاد احفادها والحمد لله انهم بيجوا واحنا بصحتنا ونقدر نفرح بيهم!!
مهاب لوي شفايفه بسخرية : بصي الكلام ده تقوليه في محاضرة الاسرة السعيدة اللي هي زي المزرعة السعيدة دي اللي البهايم شغالة فيها تولد وترضع والجحش يلف في الساقية يا ختي!!! انا واحد عايز اعيش حياتي هما يعني لما يخلفوا ويكبروا هاخد نيشان علي كل رأس منهم !!!
وابستم بخبث!! : انا يا حياتي عايزك انتي وبس ندلع!! ونسافر!! ونعيش اللي باقي لينا متمتعين!! مش شغالين في قسم المواليد احنا!! بصي سكي علي الخبر ولا كأنك عرفتي حاجة!! وانا هخلص المصلحة اللي في ايدي واجيلك تكوني جهزتي شنطة محندقة كدة لينا احنا الجوز واخدك ونطيىر علي السخنة!! بصي هعيشك كام يوم ولاد حرام ماليهم حل!! وننبسط بقي يا رئيس قسم جراحة القلوب انت !! هاه ايه رئيك!؟؟
نغم بتكتم ضحكتها: والله انا ربنا مبتليني بيك يا مجنون لا بتكبر ولا السنين بتغيرك!!؟
مهاب : اخلصي بس انتي وجهزي الشنطة وانا هنسيكي السنين والعيال وولادهم وولاد ولادهم ياكشي يتجزوا في اقفاس قرود انا تعبت وعايز افصل شوية !!
نغم برفض امومي جواها وكمان طفولي وفضول كبير: لا !! ااانا عايزة الاول اطمن علي چواد ومراته واطمن علي البيبي واشوفه وبعد كدة نبقي نسافر زي ما تحب!!
مهاب ضغط علي شفايفه بغيظ: كدة!! طب روحي ياختي لسلالة القرود بتوعك وشوفي النونو ورضعيه كمان انا غلطان وابقي شوفي مين هيدلعك ويسفرك !!
نغم بإستعطاف: هوبا يا روحي وحياتي ما تزعل نطمن علي الولاد ونسافر علي طول! بص هقولك حاجة لطيفة هجهز الشنطة بتاعتنا واسيبها في العربية ونطمن علي الولاد والبيبي وبعدها نسافر علي طول!! هاه قولت ايه!؟؟
مهاب ابتسم بمكر: اممم وعد!! هاجي يا نغم لو قبل ما اطلع المستشفي وفتحت عربيتك ومالقتش الشنطة وغلاوة عيالك وعيال عيالك هطفش وما هتشوفي وشي!! انا بقولك اهو!؟؟
نغم بإستسلام: ههههه..وعد يا روحي انا!! ياالا بقي خلص شغلك وحصلنا ما تتاخرش!؟
مهاب التفت حاوليه بخفة وهمس ليها: بقولك ايه!!؟ ما تنسيش الحتة السوداء اللي بحبها تجبيها معاكي علشان انتي ملعلطة كدة وبتبقي في الاسود مالكيش حل وبتصغري يجي عشرين سنة!! اوعي تنسيه!؟؟ وربنا انزل القاهرة وارجع وقتها اجيبه مخصوص!!؟
نغم بخجل: ياربي عليك هتكبر امتي بس عيب كدة !!؟ ثم يعني هو الاسود ده هو اللي هيحلي الاجازة والسفرية!!؟
مهاب : ماتتعبش قلبي معاكي!! اسمعي انتي بس الكلام وهاتيه!!! اشفهمك انتي ده بيعمل فيا ايه!!؟ ده منشط حلال ..حلال..حلال وامان كمان من غير تدخل جراحي!!؟
نغم بخجل : بااااس …خلاص هجيبه اسكت بقي لحد جنبك يسمعك!! ماتتاخرش بقي هنستناك كلنا هناك!؟
مهاب ابتسم: مش هتأخر يا دكتورة حياتي انا يادوب هاجي علشان اخدك ونطير باي يا قلبي!!
قفل معاها مهاب وزياد قرب منه!!!خيىر يا باشا فيه حاجة!؟
مهاب لوي شفايفه بسخرية : مافيش يا حبيبي العيلة بس بتفقس وتزرع وجاي بغل صغير في العيلة !؟
كان واقف قصاده بيلتطقت انفاسه بإرهاق وتعب لكن عيونه كان فيها انتصار كبير…انتصار وثأر كرامة…ورجولة…ووجع…وقتها بس اتأكد انه رجع أكمل من تاني…رجل الراجل اللي كان عليه قبل الازمة دي….وقت ما اتخلص من سرطان كان متوغل في حياته وافسدها وضيع اجمل مافيها…وكان لسة مستمر في تدميره….
بص ليه آخر نظرة وهو بيودع فترة مؤلمة من حياته ..قتله وقتل معاه لحظة الضعف الوحيدة اللي مر بيها…قتل معاه انكساره وقلة حيلته…قتل معاه اكبر ذنب ارتكبه في حياته!!!
التفت وبعد عنه وفتح الباب بتعب وكان مهاب واقف منتظره بلهفة وقتها شافه ابتسم بثقة وارتياح لانه كان متأكد انه هو اللي هيخرج من الباب!!
قرب منه وربط علي كتفه بعزم : كنت متأكد انك قدها ومن غير سلاح!! انت جواك اللي اقوي من اسلحة الدنيا دي كلها!! مع ان لو كان حصل العكس وكان هو اللي فتح الباب كان هيلاقي رصاصتي انا بتستقبله في صدره ما كنش هيخطي خطوة واحدة برا الباب ده!!
أكمل وقتها غصب عنه دمعه هربت من عيونه : انا ما قتلتوش هو !! انا قتلت ضعفي !! قتلت الشيطان اللي ضيع رجولتي وكسرني! قتلت وجعي ويأسي من حياتي !! تفتكر بابا دلوقتي مرتاح!!
مهاب اتنهد بحزن : اكيد مرتاح لانه كان بيموت وهو خايف عليك!! كان مستعد يموت مقابل انه يتخلص من ماجد!! ايوة ابوك مرتاح لانك دلوقتي في آمان!! لكن خد بالك انت لسة مش في آمان من نفسك!! نفسك هي اكبر عدو ليك!! رودها وخاليك حازم وشديد معاها…خاليها هي اللي طوع ليك مش انت اللي طوع ليها وضعيف معاها…اقوي وخاليك فخور بنفسك حتي مع عيوبك اللي ممكن الكل يعايرك بيها!! خاليك متأكد من رجولتك اللي مافيش شئ ولا مخلوق ممكن يهزها لمجرد انك اتحرمت من شئ ربك هو اللي كاتبه عليك مش العباد!! عمر حرمانك من الخلفة ما ينقص من رجولتك!! اللي ينقص منها حقيقي انك تصغر في عيون نفسك وتهون عليها وبسبب كدة تصغر في عيون غيرك وتهون عليهم!! انت كبير وعظيم وربنا انعم عليك بحاجات كتير تعوض الخلفة والاولاد افرح واستمتع باللي ربنا وهبه ليك وبلاش تبص للحاجة الوحيدة اللي حرمك منها لسبب عنده هو وحده يعلمه!! عيش حياتك مع مراتك اللي حبتها وعشقتها…انجح في شغلك واكبر وحقق نفسك واثبت للعالم كله انك مش ناقصك شئ..وولاد العيلة كلهم ولادك …هو انا النهاردة واقف فين ومع مين!! مش معاك!! فين مروان دلوقتي يا أكمل!! للاسف مش معانا!! يعني انت ممكن تبقي اب وسند لاي ولد او بنت من بنات اخواتك واصحابك في العيلة انت اللي تكون جنبه مش ابوه اللي خلفه!! فاهمني حبيبي!!؟
أكمل وقتها بكي بحرقة ورمي نفسه في حضن مهاب…مهاب ضمه بحنان وضرب علي ظهره بقوة: اجمد وخاليك راجل…ريما أمك محتجالك…وچنا مراتك..وجدك وجدتك كمان …الكل محتاجلك هما عيلتك اللي محتاجة قوتك وانك تكون واقف علي رجلك!! وانا جنبك وفي ظهرك لحد ما اموت مش هسيبك…كلنا في ظهر بعض ولازم نفضل كدة وانتم من بعدنا لازم تفضله في ظهر بعض وحمي لبعض!! خاليكم عيلة جوا العيلة وكملوا اللي احنا بدأناه!!
وبنبرة سخرية : وتعالي بقي بينا نروح نستقبل البغل الصغير ابن چواد!!
أكمل خرج من حصنه بفرحة وابتسم: هو چواد مراته ولدت!!
مهاب لوي شفايفه بسخرية: ياخويا مش فاهم انا الفرحة اللي بتنط في وشكم دي!! هو انتم فاهمين الخلفة!! مدركين للارف اللي بيجي بعدها!!؟ اهو المتخلف التاني هناك هتلاقيه مبسوط وفاتح بقه زيك كدة الاهبل! يابني ده صداع وعياط وبامبرز وريحة معفنة وتشيله يعيط.. تنيمه يعيط …تهشكه يعيط…ترميه علي طول دراعك برضوا يعيط…وخش بقي في موال سخن…كح…عي…عنده اسهال…لا عنده امساك…لا دكتور..لا دفيه بردان…لا قلعه حران…يووووووه وجع قلب اقسم بالله اسكت بلا هم ده انتم هبل !!؟
أكمل ضحك بفرحة: هههه.والله لو كان تعب الدنيا كلها يهون قصاد حتة منك بين ايدك وانت عارف كدة!! المهم بينا نشوفه ونطمن علي چواد ومهرة…اكيد الكل هناك!!
مهاب ابتسم: بينا حبيبي ماهو ابنك انت كمان ولا ايه!!؟
أكمل اتنهد بحزن: اكيد طبعا ابني وابن اخويا …ربنا يبارك فيه بينا ياللا..
مهاب التفت لزياد: زياد وحياة ابوك ادخل جوا شيل شوال الزبالة دي وادفنه في مقلب زبالة كدة وحصلنا!!؟
زياد ابتسم : عيوني يا باشا اجمل جنازة لشوال الزبالة!!
*****🌹بقلم ريحانة الجنه🌹*****
الكل واقف علي اعصابه ومتوترين من غياب مهرة في العمليات شهاب قرب من چواد بهدوء..
شهاب: يا ابني اهدي وبطل فرك بقي خيلتنا!! ايه هي اول واحدة تولد!! ما هي كدة كدة هتولد يعني مافيش داعي لكل ده!!؟
چواد بقلق وحرج مال علي شهاب بخفوت: اصلي!! اصلي شكلي عكيت كدة وتعبتها وجالها الطلق بدري!! خايف تكون جراي ليها حاجة جوا هي ولا الواد تبقي مصيبة!!!
شهاب عقد حاجبه : عكيت!! عكيت ازاي انت عملت ايه في البت يا متخلف انطق!!؟
چواد نفخ بضيق ومال علي شهاب بهمس وقاله كلمات بسيطة وسط دهشة شهاب !!؟
شهاب : ياااابن الكلب!! بقي دي عمايل واحد مراته في التاسع!!؟ ده انت جاحد ياللا!! ياغبي انت مش عارف ازاي تتعامل مع مراتك الحامل في كل مرحلة وشهر اسأل !! استشير!! اسألني انا حتي!! وهي البعيدة الحمارة دي ايه مش دكتورة وفاهمة ايه الغلط عليها وايه المسموح!! ولا هي سارحة وراك كدة وسايقة الهبل!!! شوف انت وهي في ستين داهية المهم الواد يجي بالسلامة عارف يا ابن الكلب لو الواد جراله حاجة ولا اتسمم بعد ما كل المياه اللي حاوليه دي نزلت ولا حصل نقص اكسچين ولا اي زفت علي دماغك انا اللي هولدك دلوقتي وطبيعي كمان انت فاهم!؟؟
چواد نفخ بغضب: يا بابا وطي صوتك بقي هتفضحنا!!!
مهرة قربت منهم بقلق: هو فيه ايه!! مالكم صوتكم عالي ليه!؟؟
شهاب ضغط علي شفايفه بغيظ: قول لامك يا حيلة!! قولها حضرة الظابط اللي عامل فيها سبع رجالة قد ايه هو متخلف!!؟
چواد بغضب وغيظ: انا ماشي اروح اطمن عليها انا غلطان اني حكتلك عارف كدة!! وحياة امي بقي اللي واقفة بينا دي ما هحكيلك علي حاجة تاني!! قال الاب ستر وغطي قال!! دي فضيحة بجلال !! عن اذنكم!!
تمارا عقدت حاجبها: فيه ايه !! مالك ومال الواد مش تسيبه في اللي هو فيه!! مراته وابنه جواه وعايز يطمن عليهم !! اتهد بقي!!
شهاب لوي شفايفه بسخرية: حاضر هتهد يا ستي روحي للحيلة بقي واسيه علشان قلقان!!
مشيت تمارا لچواد تطمن عليه !! وشهاب لمح لمار قاعدة متوترة وشكلها مرهق وريان ضاممها لحضنه قرب منها بقلق!!
شهاب بخوف: حبيبتي انتي كويسة!! مالك !؟
لمار بتوتر وقلق: اااصلي!! اصلي اول مرة احضر موقف زي ده!! خصوصا ان اول ما چواد كلم ريان نزلنا بسرعة وجينا معاهم في نفس التوقيت!! وشوفت مهرة !!
وقتها بدأت تبكي بخوف: شوفتها يا بابي بتصرخ وتعيط!! كانت!! كانت خايفة وبتنزف وكمان!! كمان اااانا !! اااانا مش عايزة اولد يا بابي مش عايزة!!
وقتها شهاب ضمها لحضنه بحنان : بااااس بااااس يا روحي في ايه بس لكل ده!! ده طبيعي كل ست بتولد بتتألم ودي حكمة ربنا علشان تعرفوا انتم غالين علينا قد ايه!! وبعدين امك نفسها كانت كدة وهي بتولد اخوكي وبتولدك!! وانتي بالاخص يا روحي امك شافت فيكي الم وبعد ولادك وجع ربنا ما يعيده!! وهي واقفة قصادك زي الجبل ومحاوطنا كلنا !! وانتي لما يجي معادتك هتتعبي شوية وبعد كدة خلاص يشرف بقي او تشرف حبيب جده وكل حاجة تخلص!!!
لمار بدموع وخوف اتمسكت بشهاب اكتر: لا ااانا خايفة!! مش عايزة اولد مش عايزة!!
شهاب بشفقة : يا ريان انت جبتها ليه بس!! كنت سيبها في البيت!؟
ريان بضيق: اقسم بالله وحياة امي ما رضيت دي كان ناقص تنط علي كتفي زي القرود يابنتي يهديكي!! يرضيكي!! هنتعطل !! هروح اطمن وارجع اخدك! ودي ابدااا علي كلمة واحدة!! اجي معاك!! اجي معاك! كنت اعمل ايه بقي !! ارزعها بوكس اكومها في غيبوبة لحد ما ارجع!!!
شهاب بغيظ: بوكس اما يلهفك يا غبي!! ده انا كنت اقطعلك ايدك ورجلك !! ما عاش اللي يمد ايده علي حبيبة ابوها!؟
لمار خرجت من حضن شهاب وهي بتمحي دموعها: اقول لبابا بقي انك كنت طول الطريق تتعصب عليا وتزغد فيا!! اقوله!؟؟
ريان فتح عيونه بصدمة!!: انا!! وبعدين فين التهديد انا عايز افهم!! ما انتي بوقك في ودنه اهو وقولتيله!!!
شهاب ضرب ريان في صدره بقوة وغيظ: ضربة في قلبك بتزغد البت يا حيوان!! ده انا هبعتك مؤمرية ارهابية اخليهم يفجروك حتت ماتتلم !!؟
ريان اتنهد بتعب: حسبي الله ادي اخرة اللي يناسب رئيسه في الشغل!! يزعل بنته من هنا وهو يزعله ويزعل اهله كلهم!!؟
لمار بخوف: لا لا يا بابي بعد الشر اوعي تعمل كدة!! قول انك بتهزر!!؟
شهاب غمز ريان بخفة: ايه ده!! انتي خايفة عليه بعد ما زغدك! ده انا هفرمه!؟
لمار بخوف : لا هو ما زغدنيش!! انا اللي كنت موتراه وهو سايق!! بابي وحياتي اوعي تبعته اي مؤمريات!! هقعد اعيطلك لحد ما يرجع انا بقولك اهو!!؟
شهاب ضحك بقوة: ااااه يا بنت الكلب !! بقي خايفة عليه دلوقتي!! ما كان من الاول!!! اقعدي ياختي بقي جنب الحيطة بتاعتك وخاليني اروح اشوف اخوكي!!؟
قام شهاب وريان كان عاقد ملامحه بإصتناع الضيق!! قربت منه اكتر وضمت ذراعه بقوة وتمسك واستعطاف!!
لمار: رينو!! ريان !! حبيبي!! انت زعلت مني!!؟
ريان بلامبلاه: لا مش زعلان!! هو انتي قولتي حاجة تزعل!!
لمار: انا ماكنش قصدي!! بس انت ما تنكرش انك زغتني جامد في العربية!!
ريان بصدمة : انا!! يا مفترية ده انتي كنتي متوترة ومش عارفة تقفلي الحزام قفلتهولك !! انا زغتك!! ثم يارب حتي اقطعك حتت هو مش انا جوزك برضوا!!؟ وبعدين مش احنا متفقين مافيش حد يعرف عننا حاجة!!؟
لمار سحبت ايدها اللي ضامة ذراعه بعدت عنه بخجل برئ: ايوة قولنا!! انا اسفة!!
ريان بص ليها بحنان وابتسم ولف ذراعه حاوليها ودخلها جوا حضنه بقوة وباسها من خدها بخفة: يارب ايدي دي تاشل لو اتدمت عليكي يا نوتيلا قلبي !!! هو انا اقدر ازعلك برضوا!!! ثم يا روحي قولي اللي يعجبك واحكي اللي علي هواكي!! انا واثق فيكي وعمري ما هلومك انك في يوم حكيتي لماما او بابا اي حاجة!! دول اهلك وحتة منك!! كمان مهما انا كنت سندك وحماكي وحبيبك!! ابوكي هيفضل هو ابوكي ويجيب حقك من اي حد حتي لو كان انا!! مع ان عمري ما هوجعك او ازعلك!!؟
لمار رفعت عيونها من حضنه وبصت في عيونه بضعف: ولا تشك فيا!!
ريان وقتها حس بغصة في قلبه وحلقه شديدة وكأنه مش سؤال منها!! كأنه عتاب مؤلم بيوجعها!!!
ريان ضم كفوف ايديها لقلبه وباسها بأسف وحب: ولا اشك فيكي!! اوعدك !! اقسملك بالله وبعمري كله ما هيجي يوم تاني واشك فيكي!! انتي بنتي يا لمار!! بنتي قبل ما تكوني حبيبتي ومراتي!! بنتي الصغيرة الضعيفة اللي احميها واخاف عليها اكتر من نفسي!! واحميها كمان من نفسي قبل ما احميها من اي حد!!
لمار بدموع وضعف: ريان انا بحبك!! ارجوك خاف علي الحب ده!! اياك تضيعه!! علشان انا اديتك فرص كتير!! بس وجعي منك غير اي وجع !! انا قلبي اتفتح علي ايدك انت !! بلاش تكون انت اللي تقفله ارجوك!؟؟
ريان بدهشة: ليه بتقولي كدة!!؟
لمار محت دموعها بخفة واسترخت في حضنه بتعب : مافيش حاجة انا !! انا بردانة مش عارفة ليه كدة!! احضني!!
ريان وقتها ضمها بقوة وكأنه بيغطيها بذراعته وحضنه وضمها كأنه بيتمني يخبيها بين ضلوعه! لا يمسها حد..ولا يأذيها حد ولا حتي نسمة الهواء اللي بتبردها!!
الدكتورة خرجت لچواد وچواد جري عليها بلهفة!! : خير فين مهرة!!!
الدكتورة: بصراحة دكتورة مهرة صعب تولد طبيعي لان المياه اللي حاولين الجنين كلها نزلت ونزفت وكمان عضم الحوض عندها ضيق وحاولنا لكن صعب لازم تولد قيصري واحنا بنجهزها جوا واتبنجت خلاص! انا بس خرجت ابلغكم مش اكتر!!
چواد سحبها من ذراعها بخوف: مهرة كويسة!!
الدكتورة ابتسمت: والله بخير ماتقلقش!! معظم الستات حالتها مش بتسمح انها تولد طبيعي ده عادي ان شاء الله خير عن اذنكم…
فادي قرب من چواد: حبيبي ما تقلقش خير !! هتقوم بالسلامة ان شاء الله …
چواد بخوف ورجاء: يارب يا عمي يارب!! قولي فين ياسو!!
فادي: حبيبي انت عارف ياسو مش بيسيب نغم لوحدها وصعب في موقف زي ده يسبها لوحدها!! هو هيبقي يجيلك لما مهرة تقوم بالسلامة!!
چواد هز رأسه بتفهم: عارف هو كمان الله يعينه !! هي حالة نغم مش بتتحسن!!
فادي اتنهد بحزن: والله يا ابني بتتحسن لكن ببطئ!! المهم انت دلوقتي خاليك في مراتك وابنك !! ربنا يطمنك عليهم !!
حلا جنب تمارا : اهدي يا تمارا ان شاء الله هتقوم بالسلامة!!
تمارا بقلق: اهدي ازاي بس يا حلا !! دي امانة في رقبتي!! البنت يتيمة الاب والأم ! مالهاش غيرنا…وانا لازم اكون امها قبل ما أكون حماتها !! ربنا يقومها بالسلامة بس اهم حاجة!!
حلا لمحت حال لمار: طيب خدي بالك بقي ان لمار كمان محتجالك !! ماتخليش احساسك بالمسؤلية ناحية مهرة يخليكي تيجي علي حق بنتك! ما تعمليش زيي! انا جه عليا وقت من خوفي علي ماسة نسيت ماليكة وجيت عليها!! روحي خدي بنتك في حضنك وطمنيها!! هي كمان حامل وفي اول حملها..واكيد الجو ده موترها وخايفة!! مهما جوزها طمنها مش هيطمنها زي امها!!
تمارا بصت علي لمار وشافتها بتبكي في حضن ريان وهي محاوطها وبيواسيها بحنان…التفتت لحلا بشكر: عندك حق!! عن اذنك…
قربت تمارا للمار ولمار شافتها خرجت من حضن ريان وحضنتها بدموع…
تمارا ابتسمت : ايه يا حبيبتي بس مالك !! ليه كل ده!!
لمار : انا خايفة اوي!! هي يعني ايه مهرة هتولد قيصري دي!
تمارا بهدوء: مش انتي عارفة الولادة الطبيعي !!
لمار هزت رأسها : ايوة عارفة وعارفة كمان القيصري دي عملية وخطيرة صح!؟؟
تمارا ضحكت اكتر: لا طبعا مش خطيرة ولا حاجة دي سهلة جدااا!! كل ااحكاية فتحة صغيرة كدة في نهاية بطنها ونخرج البيبي وتتخيط بس كدة!! مافيش خطورة ولا حاجة!!؟
لمار : هو انتي كدة بتطمنيني!! فتحة!! وتتخيط!! لا لا شوفوا حل انا مش عايزة اولد مش عايزة!!
تمارا ضمتها اكتر وهي بتساوي خصلات شعرها بحنان: مش انتي بتثقي في ماما!!
لمار بخوف: ايوة بثق فيكي…
تمارا : يبقي تثقي في كلامي وماتخافيش من حاجة!! انا لو رسيت يوم ولادتك ادخل معاكي جوا العمليات علشان اكون جنبك هدخل معاكي!! اوعي تخافي يا قلب ماما وانا جنبك!؟؟ المهم ندعي لمهرة دلوقتي تقوم بالسلامة!!
فادي قرب من شهاب بدهشة: هو ابوك وامك فين!! بعد ما وصلنا المستشفي اختفوا وكمان كان جاي معانا الدكتور سليم ده مش عارف وقت ما جالنا خبر ولادة مهرة هو كان عندنا بيعمل ايه!؟
شهاب حرك كتفه بنفي: مش عارف!! تفتكر فيه حاجة !؟
******🌹بقلم ريحانة الجنه🌹*******
داخل مكتب رعد في المستشفي كان قاعد كعادته بكبرياء وهيبة دبت الرعب في قلب كل شخص واقف قصاده سواء مدير المستشفي او الدكتور اللي كان بيتابع حالة همس او الممرضة المشتبه فيها …
همس قاعدة مندهشة ومصدومة من الحوار اللي سمعته والكلام اللي اتقال وفهمت اللي كان بيحصل…والحزن والوجع جواها كبير مش خوف علي نفسها قد ماهو خوف علي العيلة بسببها وعلي رعد بالاخص!! رعد اللي متاكدة انه مش هيتحمل اي شئ يحصلها !!
سليم كان واقف قصادهم ومازال بيتناقش معاهم!!!
سليم : يعني ايه ما عندكش خلفية يا دكتور فؤاد!! ازاي ما كنتش بتتابع الحالة ولا عارف وصلت لايه!؟
فؤاد بخوف وتوتر من نظرات رعد الحارقة وهدؤه المهيب اللي هو متاكد ان وراه بركان لو اتكلم هيقضي عليهم كلهم!!!
فؤاد: يا دكتور سليم احنا بشكل دوري بنعمل فحوصات لمدام همس وحالتها مستقرة !! التعب الطبيعي لحالة قلبها مش اكتر!! لكن مافيش اي شئ جد او مريب يلفت النظر! والاشعات قصادك اهي والتحاليل كمان شوفها بنفسك تاني!!!
سليم بهدوء: شوفتها وهعمل غيرهم طبيعي علشان اتابع انا كل شئ بنفسي!
والتفت لدكتور فريد الساكت من البداية!!
سليم بدهشة: ساكت ليه يا دكتور فريد!! الاولي انك انت اللي تتكلم لان دكتور فؤاد مدير المستشفي لكن انت المتهم الاول قصادنا لانك انت الدكتور المسؤل عنها !!
فريد بيتصبب منه العرق والخوف جواه شديد..ومتور بشدة: اااانا….انا مش فاهم حضرتك جبت الكلام ده منين!! مدام همس مش بتعاني من اي شئ مريب!! حالتها طبيعية جدااا
سليم لعايدة الممرضة: وانتي يا عايدة مافيش اي كلام عندك!! انتي الوحيدة اللي كنتي بتعتني بهمس كل فحص والكلام ده من سنين !! يعني انتي اكتر متهمة فيهم !!!
عايدة بدموع وخوف: ااانا…ااانا حضرتك كنت بنفذ كلام وتعليمات الدكتور فريد…مافيش حقنة كنت بدهالها او اي علاج الا بموافقته وهو اللي كان بيجهزه ليا وانا بديهولها وبس…لكن ااانا…اانا ماليش دعوة بأي حاجة!!
فريد بص ليها بحدة وتحذير وغضب شديد…خلاها تبص في الارض بخوف…
وقتها رعد رمقه بنظرة حادة ومريبة وقام من مكانه وقرب منه بهدوء ومع كل خطوة من رعد تجاه فريد كان فريد بيزيد فيها خوفه ودقات قلبه بقوة !!
رعد وقف قصاده بقوة وهيبة: عارف يا فريد ان انت مش هتخرج من الباب ده الا علي مكانين اتنين !!!
المكان الاول هو بيتك لو اثبت انك برئ ومش متورط في اي شئ!! والمكان التاني صعب اوصفهولك لانه ابشع من اي مكان ممكن يكون بيصورهولك خيالك دلوقتي!! لو كنت فعلا متورط في اذيه همس..وخيانتي !!
فريد بخوف : يا رعد باشا ارجوك صدقني ااانا مش ممكن اخونك ولا ااذي مدام همس!!!
همس وقتها بصت لعايدة بحصرة ودموع: معقول يا عايدة!! معقول تعملي فيا انا كدة!! طيب اديني سبب واحد!! ده انتي اكتر واحدة عارفة معزتك عندي كانت ايه وانا كنت بيني وبينك ايه!! يارب يكون الكلام غلط…علشان هندم علي طيبة قلبي وهصدق اني غبية ومش بفهم في الناس كويس!!
وقتها عايدة جريت عليها وقعدت في الارض قصادها بدموع: وغلاوتك يا احن ست شوفتها ما اذيتك ولا قدرت اعملها!! انا كل اللي عملته اني سكت من خوفي مش اكتر!! لكن ربنا يشهد اني ايدي ما طوعتنيش!!
وقتها فريد بغضب بيحاول يسكتها: انتي بتقولي ايه يا مجنونة انتي اخرسي!!؟
وقتها كان فيه قلم شديد ومؤلم اندفع من رعد لفريد بغليل وغضب چامح: انت اللي هتخرس خالص وده مؤقتا لحد ما افهم كل حاجة..وبعدها هخرسك للابد!!
التفت لعايدة وسحبها بقوة وغضب: تسيبك بقي من جو المسكنة ده وتقوليلي كل حاجة من البداية ووحياة الست اللي كانت بتكرمك دي وتوصيني عليكي دايما لو كدبتي في كلمة هدبحك تحت رجلها دلوقتي انتي سامعة!!؟
عايدة بدموع ورعب : فاهمة والله بس ابوس ايدك اديني الامان وانا هتكلم وهقول كل حاجة!! لكن الله يخليك تحميني منهم انا غلبانة مش قدكم !!
وقتها همس سحبتها بهدوء ورحمة: بالراحة يا رعد..اسمعها الاول…
رعد بأنفاس غاضبة وسريعة: اتكلمي!!
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية رحم للإيجار 3 (حب الفرسان))