رواية حكاية زهرة الفصل الثاني عشر 12 بقلم شيماء منير

رواية حكاية زهرة الفصل الثاني عشر 12 بقلم شيماء منير

رواية حكاية زهرة البارت الثاني عشر

رواية حكاية زهرة الجزء الثاني عشر

رواية حكاية زهرة الحلقة الثانية عشر

واحد من اللي واقفين:على فكره سيبه شكله سكران
مازن بغضب افوقه انا بقا
واحد تاني:كفايه بقا يا استاذ بنتك ومراتك منهارين وراه
مازن ولحظه وقف وبص وراه كانت جنا بتعيط وزهره حضنها وبتعيط هي كمان
مازن وقام وساب الشاب وراح عليهم
مازن واخد جنا في حضنه اهدي ياجوجو متخافيش
جنا بصتله بخوف ودموعها نازله
مازن وشالها اهدي ياجوجو متخافيش
مازن واخد زهره في حضنه يلا هنمشي من هنا
مشيوا
وركبوا العربيه وهيروحوا على البيت
جنا فضلت على رجل زهره وراحت في النوم
مازن كان سايق في صمت وبيلوم في نفسه انه اخدهم في مكان زي دا ..دا مكان يروحه لوحده لكن مش ياخد مراته فيه!!
زهره ولحظت شردوه وضيقه وبصت ل ايده وكان عليها اثار دم
وصلوا البيت
مازن على طول نزل في صمت واخد منها جنا
دخلوا البيت حطها على سريرها
بعدها دخل على الحمام من غير ولا كلمه
زهره قعدت عل احد المقاعد كانت متوتره اول مره تشوفه كده صحيح هي عارفه ان شخصيته جاده في اكتر الاحيان بس متخيلتش انه عصبي كده
موبيله رن وكان مكتوب ماما
رن مره وفصل ورجع رن تاني
زهره عارفه انهم اكيد قلقان عليهم هو معاهم من بدري
حست انه اتاخر في الحمام
زهره وقربت من باب الحمام وسمعت صوت ميه
زهره:مازن موبيلك رن اكتر من مره
مازن :ثواني وخارج
شويه وخرج
كان لابس بوكسر فقط وشعره مبلبول وبينقط ميه على جسمه المبلبول بالميه
لاحظ زهره اللي قاعده على احد المقاعد
بص على الموبيل كان موجوده على التربيزه
مسكه بهدوء ورن على جيهان
مازن وحط الموبيل على ودنه
مازن :ايوه ياماما
جيهان:ايه مازن انت فين من بدري وبعدين انا برن عليكي من العصر
مازن:معلش مسمعتش الموبيل انا ساعه وجاي
جيهان:تمام متتأخرش احنا جاين نقضي الوقت هنا مع بعض
مازن تمام..
زهره ولاحظت على ايده انها ورامه من الضرب اللي ضربه للولد
مازن وقفل مع جيهان
وقعد على احد المقاعد
لاحظ عدم وجود زهره
بس خرجت من احد الغرف معها كريم و رباط ضاغط دخلت المطبخ وخرجت بعد شويه
وكانت جايبه تلج في كيس
زهره وقعدت جمبه بهدوء ومسكت ايده بهدوء وحطت عليها كيس التلج
مازن حاول يشيل ايده بس هي فضلت ماسكها
زهره بهدوء ايدك وارمه مش هينفع تسبها كدا
اتنهدت مازن بضيق وسكت
زهره وابتلعت ريقها محاولة تهدأ الموقف مكنش في داعي انك تتعصب كدا وتأذي نفسك
مازن بضيق:انتي شايفه ان مفيش حاجه تضايق الزبا..له دا كان عايز يمسك ايدك انا اصلا اللي يفكر يلمسك اموته
زهره: حبيبي كان شكله مش مظبوط كان شارب حاجه ومكانش عارفه هو بيقول ايه اصلا ولا كان قادر يقف كمان
مازن واتهندت بضيق وسكت
زهره وشالت التلج وبداءت تدلكهالوه بالكريم وبعدها ربطتها ليه
مازن ومسك ايدها ووضع قبله خفيفه فيها سوري لو خوفتك انتي وجنا
زهره:انا بس كنت خايفه عليك ..
مازن فاضل قاعد شويه معاهم وجنا اللي صحيت وفضل يهزر معها ويحاول وينسيها االي حصل
وبعد كدا مشي وخرج على الشيله بتاعهم
مازن رجع الشيله
مكانش حد موجود وعرف من الشغالين انهم خرجوا
حمد ربنا من جواه لانه مش قادر يتكلم واكيد مش هيبطلوا سؤال على ايده على الرغم هو محضر اجابته كويس
وقال في نفسه يعني اول مره
طلع اوضته في الشيله
وقرر انه ينام ويرتاح شويه
_________________________
في احد الاماكن السياحيه
جيهان:مش عارفه بتصل على مازن موبيله قفل
حسام :اكيد رجع البيت ونام وقفله
ساره بزعل:يعني مش هنعرف نكلمه يجي
حسام:تقريبا لا
زفرت ساره بضيق
حسام وقف عن اذنكم هأخد مريم هنتمشى شويه
جيهان:ماشي ياحبيبي
مريم قامت هي كمان
مريم:عن اذنكم
واخدها حسام ومشيوا
_______________
مريم لحسام:ساره شكلها واقعه اووي في مازن اخوك
حسام:واخويا ولا هنا
مريم:معقول حد يحبه الحب دا كله ومش يحبه
حسام:اخويا مازن تفكيره لوحده وحاسس اننا مشجعين الموضوع فطالبه معه عند عارفه لو احنا رافضين كان زمانه متمسك بيها
مريم:هي صعبانه عليا …بس الحب دا الحاجه الوحيده اللي محدش يقدر يعملها غصب عنه…
_____________________
في شركة المنشاووي
عند مكتب عمر
فتون خبطت على الباب اكتر من مره لكن مفيش رد
كانت هتمشي بس لقيته جاي من بعيد ماشي مع موظف من الشركه
كان شكله مرهق هي عارفه انه ماسك شغل الشركه في عدم وجود عمها وحسام
في الاول كانت بتستغرب ثقة عمها الزايده فيه وانه ممسكه الاداره الماليه وهو مش كبير يعني للمنصب دا بس فعلا هو قد دا واكتر
ابتدوا يقربوا منها
كان لابس قميص ابيض ورافع كمه لفوق
اول مره تشوف كدا دايما ملتزم بينفورم الشركه ولابس البليزر
عمر لاحظ انها واقفه منتظراه
قرب منها وفتح الباب ودخل المكتب والموظف دخل وراه
فتون استغربت انه حتى مقالش السلام
دخلت وراهم بهدوء
عمر خلص شغل مع الموظف وخرج
فتون قربت من المكتب وحططت الملف اللي معها قدامه
فتون:الشغل دا انا خلصته
عمر وفتح الملف وفاضل باصص فيه شويه
عمر:تمام كدا
فتون:طيب المطلوب مني ايه؟
عمر:اتفضلي على مكتبك وانا هبقا ابعتلك الشغل المطلوب منك
فتون كانت حاسه ان في حاجه متغيره ااه هو جد على طول بس بالطريقه دي غريبه
فتون بتردد هو في حاجه؟؟
عمر وفتح لاب توب قدامه وبص فيه شغلك هبغلك بيه يا انسه في وقته
فتون عوجت بقها بضيق انا عملت حاجه ضايقتك
عمر ببرود:لا شغلك كويس
فتون بصتله شويه بصمت وهو باصص في الاب توب
بعدها
اتحركت وخرجت من المكتب بهدوء
عمر رجع طهره لوراء ومسح على شعره وزفر بتعب
عمر:وبعدين بقااا
&_________________
في الشاليه عند مازن
فاق
اخد شاور ونزل الكل كان متجمع
قرب منهم والقى التحيه عليهم
جيهان :اخيرا شفناك
مازن بتعب:انا هنا من بدري ونايم فوق
جيهان:مالك
وفجاءه عينها جاءت على ايده
جيهان بقلق وقربت منه مالها ايدك يامازن
مازن:مفيش ياماما عادي خناقه بسيطه كدا
الكل بصله بدهشه
حسام:حتى هنا كمان يابني ارحمنا بقا
مازن ببرود:وايه يعني
مصطفى وقام وقف :انا هطلع ارتاح بدل ما هيجلطني
واتحرك ومشي
ابتسم مازن بخفه
جيهان :خودني معاك يامصطفى ومشيت هي كمان
حسام :,بتضحك دا انت هتجلطنا كلنا
مازن وخرج سيجاره وبداء يشرب فيها ببرود
حسام بضيق:انا طالع
مريم:وانا كمان تصبحوا على خير
ساره :وانتي من اهله
ثواني من الصمت قطعته ساره
ساره:مين يامازن مين اللي واخده قلبك وعقلك
مازن للحظه بصلها وكأنه مكانش واخد باله انها موجوده لسه
ساره وقامت قعدت على كرسي قصاده
ساره:مين يامازن؟
مازن:شئ ميخصكيش
ساره:يعني في واحده في حياتك؟
مازن:ساره انتي زي اختي انتي فعلا اختي وبنت عمتي
ساره :بس انا بحبك
مازن:وبعدين بقا ساره افهمني شويه مينفعش ابقا شايفك اختي وافكر فيكي حاجه تانيه
ساره بدموع:بس انا مش اختك انا بنت عمتك وعادي يكون بينا حاجه
مازن وقام وقف وانا مش شايف كدا وشايف انك اختي انا كراجل مقدرش اتعايش مع دا عادي
ساره ودموعها نزلت بصمت
مازن وتنهد بضيق ساره متوقفش حياتك عليا انا بحب واحده تانيه وبحبه اووي كمان
ساره ودموعها نزلت وهي بتبصله
للحظه صعبت عليه بس هو خلاص لازم يوضع حد للموضوع دا
ساره:فيها ايه احسن مني؟
مازن:اطلعي نامي ياساره لان كلامي واضح
ساره بضيق وصوت عالي مش طالعه
مازن:عرفتي بقا ان انا وانتي منفعش غير اخوات وبس
تصبحي على خير
مازن واتحرك وخرج بره في الجنينه…..
جيهان كانت واقفه قريب منهم وسامعه الحوار
قربت من ساره اللي انفجرت في العياط واخدت في حضنها
ساره من بين شهقاتها ودموعها قولتك يا طنط فيه حد في حياته مصدقتنيش وقولتي مازن مالوش في كدا
جيهان ومازلت حضنها اهدى شويه وبعدين طريقة في النقاش غلط
ساره ببكاء اكتر تعبت تعبت بقا …من تجاهله ليا انا بحبه يا طنط… بحبه
جيهان ومسحت على شعرها اهدى ياساره اهدي.اكيد فيه حل
____________________________
عدى يومين كمان وكان مازن بيقضي وقت مع عيلته ووقت مع زهره وجنا وكانوا بيخرجوا بس بقا بيختار الاماكن المناسبه ليهم
كان في البيت اللي فيه زهره وجنا
وقرروا انهم هيقضوا اليوم دا في البيت مع بعض لان زهره وجنا هيرجعوا القاهره بكره ومازن هيرجع مع عيلته بعد بكره
اكلوا وقعدوا يتفرجوا على التلفزيون
وكان موجود فشار ومسليات كتير
موبيل زهره رن وكانت هاله صاحبتها
زهره وبصت للموبيل شويه
مازن:مين بيرن ؟
زهره:دي هاله اكيد عايزه تطمن علينا من يوم ما جيت مكلمتهاش ..مقولتلهاش اني جايه هنا
مازن:تمام ردي عليها
زهره وفتحت الخط
زهره:الو
هاله:ايوه زهره عامله ايه؟؟وجنا
زهره:الحمدلله احنا كويسين وانتي؟؟
هاله: الحمدلله انا كويسه ..تليفونك كان غير متاح اليومين اللي فاتو
زهره:لا انا فاتحه على طول ممكن شبكه
هاله:تمام..المهم اسمعيني بقولك عمار بقاله اسبوع كل يوم يجي الكافيه ويسأل عليكي انتي وجنا وعايز يعرف انتوا فين
زهره بارتباك وهي تنظر لمازن اللي بيلعب مع جنا ويهزر معها انا ..في الساحل مع مازن هنرجع بكره
هاله:اممم تمام فهمت مش عارفه تتكلم ..اهم حاجه اما ترجعي تكلميني عشان افهمك اللي حصل.
زهره:ماشي تمام ..مع السلامه
هاله:سلام
زهره قفلت مع مها وحاسه انها مش قادره تاخد نفسها فضلت تتنفس بسرعه لحد ما نفسها انتظم
مازن قرب منها بقلق:ايه زهره مالك في ايه
زهره بتوتر مفيش ..حاجه انا بس فجاءه مكنتش قادره اخد نفسي
مازن ولاحظ رعشة ايدها:لو تعبانه نروح مستشفى
زهره:لا انا كويسه ..متقلقش
مازن وضمها لحضنها وضغط عليها وحاسس جسمها بيرتعش
مازن:هي هاله قالتلك حاجه ضايقتك
زهره وحركت دماغها بالرفض
مازن ومازال حاضنها طيب اهدي تعالي ارتاحي جووه
مازن وشالها وحطها على السرير
تاني يوم زهره فاقت لاقت مازن نايم جمبها ومحاوطها بدراعه
ابتسمت بخفه وبتحاول تقوم
مازن وفاق:صباح الخير
زهره:صباح النور
مازن:عامله ايه دلوقت؟؟
زهره:الحمدلله
مازن وهو يمسح على شعرها بحنان الحمدلله ياقلبي
ابتسمت زهره بخفه
مازن وبص علىة الساعه
مازن:فاضل ٣ساعات على الطياره
زهره:ماشي هقوم اجهز حاجتي انا وجنا
مازن وماسكها من ذراعها زهره لو تعبانه نأجل السفر لبكره وترجعوا معايا على نفس الطياره
زهره:لا انا كويسه
مازن:انا خايف الحاله اللي جتلك امبارح تيجي تاني وتتعبي
زهره:متقلقش انا كويسه والله
بعد كدا زهره قامت وحضرت شنطتها هي وجنا
وصحت جنا وفطروا كلهم وجهزوا ومازن وصلهم للمطار
مازن:فاضل نص ساعه على الطياره
زهره:ماشي
مازن:خالد هيكون مستنيكم في المطار هناك وهيوصلكوا لحد العماره اللي فيها الشقه
زهره:ماشي تمام
مازن:اما توصلوا تكلمني
زهره:حاضر
مازن اتاكد ان زهره وجنا ركبوا الطياره والطياره اتحركت رجع على الشليه
______________________________________
عند زهره
قامت من مكانها بخوف ايه اللي فكره بيا
هاله:انتي عارفه عمره ما هينساكي خصوصا انه عايز جنا
زهره بسخريه جنا بس؟؟
هاله:اللي اسمه عمار دا مش ناوي على خير ومسابش حد في الكافيه غير لما سأله عليكي حتى المدير
زهره:لو سألك عليا تاني قوليله اني سافرت اي مكان ومش عايشه هنا
هاله:بس يارب يصدق دا مش ساهل خالص
زهره:ربنا يسترها
هاله :المهم جوزك هيرجع امتى؟؟
زهره:مازن راجع في طيارة بكره بالليل

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاية زهرة)