رواية موعد مع القدر (تحدي الإعاقة) الفصل الثامن 8 بقلم لبنى دراز

رواية موعد مع القدر (تحدي الإعاقة) الفصل الثامن 8 بقلم لبنى دراز

رواية موعد مع القدر (تحدي الإعاقة) البارت الثامن

رواية موعد مع القدر (تحدي الإعاقة) الجزء الثامن

رواية موعد مع القدر (تحدي الإعاقة) الحلقة الثامنة

التحدي لا يحتاج أن تكون موهوب، بل يحتاج القوة، فالشخص القوي، الذي يستطيع أن يتخطى العثرات، يمكنه أن يفعل كل شيء.
💕🌹💕🌹💕🌹💕
الإنسان القوي، لم يكن قوي منذ البداية، بل تلفح بالألم وتمرن على الصعاب، وتجرع المر وصبر، فلم تصفى الحياة لأحد، فالجميع خلق في كبد، ولكن من أراد القوة قوى.
بقلمى✍️_________________لبنى دراز
فـ المستشفى( أوضة العمليات)
أيمن بيأنب نفسه وخايف جدا من نتيجة العملية.
أيهم:: يابنى اهدى بقى شوية ماينفعش اللى انت عامله ف نفسك ده.
أيمن:: مش قادر يا أيهم احساس العجز هيمو*تنى ..احساس انى السبب هيقضى عليا بجد ..بس صدقنى انا كنت بنقذها من الموت ماكنتش عارف انى كدا موتتها فعلا .
أيهم:: اسمعنى يا أيمن كويس ..كدا احسن ولا كانت ماتت خالص؟ ..اكيد هتقول كدا احسن..وانا كمان بأكد ان كدا احسن لانها ف النهاية مازالت موجودة وعايشة وهتقدر تشوفها زى ما كنت متعود .
أيمن:: بأى وش هاشوفها ..تقدر تقولى بأى وش هقابلها ..وانا اللى زقيتها ودمرت مستقبلها
أيهم:: انت انقذتها من مصير كان محتوم و معروف نهايته ..تخيل كدا لو انت ما زقيتهاش وهى زى ما قولت كانت خايفة تنط من العربية كان مصيرها ايييه ..أيمن عايزك تفوق لنفسك وتتعالج كويس و تخف علشان تقدر تقف جنبها وتكون داعم ليها ..ما تسيبش نفسك لوجع ضميرك وعقدة الذنب يا صاحبى ..لااااازم تفوق علشانها علشان تساعدها تتخطى الصعب اللى جاى ..فاهمنى يا أيمن.
أيمن:: مش عارف من غيرك كنت هعمل ايه ..شكرا بجد انك ف حياتى .
أيهم::بهزار .. يابني انا نعمة في حياتك اصلا ..بس يارب تقدر النعمة ومايجيش وقت و تخوني و تجرح مشااعري وتبقي قااااسي..
أيمن ::ابتسم بسيط : يابني هو انت علي زمتي …ارحمني مش وقتك ..
أيهم : اه ياااني اه ياوجع قلبي منك يااا أيمن بتتبري مني بعد كل للي عملته عشااانك … انا عاارف اني حظي قليل في الدنيااا دي …طلقني يا أيمن طللللقنيييي ههههههههههه
بقلمى✍️___________
بعد 5ساعات من الانتظار
اتفتح باب أوضة العمليات وخرج الدكتور رؤوف وكان مجهد جدا من طول الوقت.
محمود:: طمنى يا دكتور أرجوك
د/رؤوف:: احنا عملنا اللى علينا والنتيجة على ربنا أولا وأخيرا
منى:: يعنى ايه يا دكتور رؤوف.
د/ رؤوف:: ده مش هيتحدد غير لما منة تفوق ..هى حاليا هتكون ف العناية المركزة لغاية ما تسترد وعيها بالكامل ونطمن عليها بعد العملية ..وبعدها هنعرف نقييم حالتها بالظبط
محمود:: يعنى ف أمل يا دكتور ولا لا قدر الله العملية فشلت؟
د/رؤوف ::استاذ محمود صدقنى انا اتمنى قبل منك ان العملية تنجح وده مش هيبان غير لما منة تسترد وعيها ..بس ماتنساش انا قولتلك نسبة نجاح العملية ضعيفة ..وصدقنى انا عملت كل ماف وسعى والنتيجة بايد ربنا.
منى:: بخوف وقلق ..طيب ليه عناية مركزة يا دكتور ..منة حصل لها حاجة ؟ حضرتك طولت أوى فـ العملية..طمنى أرجوك.
د/رؤوف:: مدام منى ..دى عملية دقيقة جدا فـ العمود الفقري اى غلطة ممكن تكلفنا كتير جدا ولازم لها عناية مركزة ع الاقل الـ 24 ساعة اللى جايين.. وأن شاء الله خير
محمود:: لله الامر من قبل ومن بعد..
د/رؤوف:: ونعم بالله ..بعد اذنكم ..ارتاح شوية وارجع تاني تكون منة فاقت
محمود :: اتفضل يا دكتور
منى:: يعنى ايه يا محمود كلام الدكتور ده ..انت كنت عارف ان العملية ممكن مش تنجح ..كنت عارف وسبتنى اتعلق بأمل ان بنتى هترجع تمشى ..وسيبتها تواجه المجهول وتدخل العملية وتخرج زى ما دخلت ..
محمود:: انا كنت عارف بس اتمسكت بالامل زيك وقولت لو نسبة نجاح العملية 1% طالما فى أمل يبقى هحارب علشان بنتى تقف تانى ع رجلها .
بقلمى✍️_________________لبنى دراز
ف غرفةأوضة هدير فـ المستشفى.
سلوى:: خلاص يا ديدى ..الدكتور كتبلك خروج ..وتكملى علاجك فـ
البيت يا قلبى وانا هاخد اجازة وافضل معاكى
هدير:: انا مش هخرج من قبل ما اطمن ع منة وتخرج ماشية ع رجلها ..انا قلبى واجعنى عليها اوى يا ماما..يارتنى كنت انا مكا….
سلوى:: بعصبية.. قطعت كلامها بس يا هدير ..ايييه الكلام ده يعنى علشان زعلانة ع صاحبتك بتدعى ع نفسك..بتوجعى قلبى عليكى لييييه بس يابنتى
هدير:: بعياط..أسفة يا ماما بس انا موجوعة علشانها اوى ..مش متخيلة ان منة فراشة الفريق ممكن ماتكونش فيه ويرتبط مصيرها بكرسى متحرك.
سلوى:: بحنان ..يابنتى ده نصيب ربنا كاتبه ليها ولعلمك ده كان هيحصل هيحصل بالحادثة او من غيرها ..احمدى ربنا انها عايشة وموجودة والدور عليكى بقى ياقلبى تفوقى وتدعميها علشان تتخطى المرحلة الصعبة دى
فاهمانى يا قلب أمك
هدير :: حاضر يا ماما هفوق.. و اكيد مش هسيبها ثانية واحدة
..ربنا يخليكى ليا يا ماما
سلوى:: ويخليكى ليا يا قلب ماما..
مر باقى اليوم بسلام ع الكل منهم اللى رجع أوضته يرتاح ومنهم اللى فاضل عند العناية منتظر اى اشارة .
بقلمى✍️_______________لبنى دراز
فـ المستشفى
تانى يوم بعد العملية الكل اتجمع تانى عند العناية
محمود ومنى ومحمد ومصطفى .. عادل وسلوى و هدير ..أيمن وأمه ..هدى و ولادها چودى وجميلة وزين ..وليلى الحربوءة الكل ف قلق و منتظرين يعرفوا نتيجة العملية
منى:: انا خايفة اوى يا سلوى قلبى هيقف من الخوف نفسى اطمن ع بنتى
سلوى :: طبيعى خوفك وقلقك ع بنتك يا منى.. بس ادعى ربنا ينجيها وتكون العملية نجحت ان شاء الله.
منى:: ان شاء الله ..بس انا خايفة تكون مانجحتش ..مش عارفة وقتها بنتى هتكون ازاى ولا هتواجه وتقابل الناس ازاى ومستقبلها وحلمها انها تكون دكتورة وتوصل بفريقها العالمية و تاخد جوايز اوليمبية
كل ده يضيع كدا .
سلوى:: وحدى الله يا منى ..منة ان شاء الله هتخف وترجع تمشى ع رجلها من تانى
وبعدين حتى لو لا قدر الله العملية فشلت احنا من البداية عارفين ان نسبة نجاحها ضعيفة وجدا كمان بس تمسكنا بالامل زى ما قال أبو منة لو حتى 1% ثم ان منة قوية جدا وهتقدر تواجه اى حد وتتحدى كمان وبكرة افكرك ..هو انا يعنى اللى هعرفك بنتك .
منى:: لا إله إلا الله سيدنا محمد رسول الله.. عندك حق بنتى عنيدة و مافيش حاجة بتوقفها عن اللى هى عايزاه..بس ده عجز يا سلوى مش اى حاجة.. منة كانت شعلة نشاط من الساعة ستة الصبح تقوم تملأ البيت بهجة و دوشة لغاية اليوم المشؤم ده .
سلوى:: صدقينى أزمة و هتعدى و هتكون بخير .
منى:: بعياط ..انتى عارفة لغاية دلوقتي مارجعناش البيت كلنا ماحدش فينا قادر يرجع البيت ..محمود قاعد من شغله و محمد ومصطفى مش بيروحوا مدرستهم وأهملوا دروسهم
منة روح البيت يا سلوى ومن غيرها البيت كله ماااات وحطت وشها بين ايديها وانهارت من العياط
محمود :: لـ عادل.. منى تعبانة اوى مش عارف اعمل لها ايه ..خايف يحصلها حاجة
عادل :: معذورة يا محمود دى أم ومنة بنتها الوحيدة حاول تصبرها وتهون عليها وان شاء الله خير
محمود:: وانا مين يصبرنى ويهون عليا يا عادل ..انت عارف منة ماكانتش بس بنتى دى اول فرحة ف حياتى اول كل حاجة حلوة ف دنيتى مش سهل عليا تنطفى بالشكل ده
عادل:: هون ع نفسك يا صاحبى انا حاسس بيك وبوجعك ومش هقولك انا كمان بنتى كانت معاها .. و دوقت مرارة الوجع والخوف ..بس هقولك انت اقوى من كدا انت محمود المنياوى اللى ياما اتحدى الظروف الصعبة و وقف ع رجله قبل مايقع مش هتقدر تتحدى المحنة دى وتوصل بعيلتك لبر الأمان
محمود:: صدقنى بحاول. بس قلبى واجعنى ..فى حاجة جوايا مش عارف اوصفها..
عادل :: مافيش بحاول ..فيه هقدر اوصل.بيهم و اعديهم من المحنة دى و هصبر ع قضاء ربنا و صدقنى ربنا هيبهرك بعطائه و هتلاقى بعد المحنة منحة وبعد الصبر جبر . ده ربنا قال فـ كتابه الكريم
فـ سورة المؤمنون: “إني جزيتهم اليوم بما صبروا أنهم هم الفائزون “.
التوأم محمد ومصطفى معاهم
زين :: يابنى انت و هو بطلوا كآبة بقى ..والله منة دى أرجل منكم وهتعافر وتقوم وترجع تجرى وراكم تجيبكم من قفاكم زى ما كانت بتعمل دايما ههههههههههه
التوأم::………. مافيش رد
أيمن:: عارف يا زين ..ع طول يعصبوها خصوصا اثناء التمرين وكانت كتير تسيب التمرين من غير ما تستاذن وتطلع تجرى وراهم وقبل ما ازعق الاقيها جيباهم الاتنين من قفاهم وتقول اسفة يا كابتن بس التوأم المشاكس ده لازم يتعلقوا ع باب صالة التمرين… فاكر يا مصطفى
مصطفى ومحمد بتذكر.
“فلاش باك”
مصطفى:: ايه الزهق ده يا عم ميدو
محمد:: اش عارف يا صاصا زقهان خااالث خاااالث انا كمان
مصطفى:: اممممم🤔 بص تعال نغلس ع البت منة ضحكة القلب دشى وكابتن أيمون
محمد:: بفرحة هييييييه يلا يلا
وجريوا الاتنين ع صالة التمرين
وابتدا يسقفوا ويصفروا ويغيظوا ف منة.
محمد:: .يا قصيرة يا أوزعة ولا يا مصطفى قول ياض
الطويلة تقضي حاجتها، والقصيرة تنده جارتها.
مصطفى :: طب قول ياض انت كدا الطويلة طول عز والقصيرة حبة رز. ههههههههههه
منة اتغاظت وسابت التمرين من غير ماتستأذن وطلعت تجرى وراهم ولانهم بيحبوها قاصدين انها تجرى وتمسكهم وجابتهم من قفاهم وهما بيضحكوا عليها وهى متغاظة .
” نرجع للوقت الحالى”
محمد:: انا خايف يا كابتن
أيمن :: ان شاء الله خير ما تقلقش وشوية ودخل أيهم عليهم بمرحه المعتاد
أيهم:: السلام عليكمووو يا شوباب
كلهم وعليكم السلام
أيمن:: انت مش هتتغير أبدا يابنى
أيهم :: الف بعد الشر عليا يا خويا هههههه
أيمن :: يابنى والله ما وقتك خالص ده ولا وقت استظراف
أيهم:: يابنى لازم شوية فرفشة ف قلب الجو المكهرب ده ..شايف شكلهم عامل ازاى
أيمن:: بحاول اخفف عليهم منة كانت كل دنيتهم
أيهم:: سيبك بقى من كل ده انا بجد عايز اعرف ايه اللى حصل
أيمن::قولى الاول انت عرفت ازاى
أيهم :: وانا ف الطيارة كنت بتسلى واقلب ف الفيس شوفت الخبر ظهر بالصدفة قدامى بقيت هتجنن و اول ما وصلت قولت للسواق يوصلنى الاول عندك ويرجع بالشنط ع البيت والباقى انت عارفه بقى.. المهم احكيلى ايه اللى حصل.
أيمن :: اللى حصل انى وانا راجع من التمرين ومعايا البنات ف العربية حسيت……. وحكى كل حاجة لـ أيهم بالتفصيل لغاية ما رجع أيهم من السفر وراح له المستشفى
أيهم:: الحكاية دى مش داخلة دماغى ..انت مش شاكك ف حد خالص ..
أيمن :: رئيس المباحث سألنى نفس السؤال ده..بس فعلا مش عارف ..انا حاسس انها ممكن تكون بفعل فاعل بس مش متأكد ومش قادر احدد حاجة.
أيهم ::سيب الموضوع ده عليا وماتشغلش بالك انت.. المهم خد بالك من نفسك ..علشان تقدر تساعد منة
بقلمى✍️_______________
لبنى دراز.
ف ڤيلا عصام الشرنوبى
ماهى بنرفزة وعصبية رايحة جاية ف الليڤنج و متوترة.
يسرا:: اهدى يا ماهى مش كدا
خيالتينى يا شيخة
ماهى:: اناااا الحيو*ان ده يهددنى ويقولى كل اتفاقتنا متسجلة.
يسرا:: ازاى يعنى وبعدين حتى لو كلامه صح ..انتى خايفة من ايه ..انتى قولتيله يخط*فها وهى عملت حادثة
ماهى:: الحيييواااااان اتفق مع الراجل انه يقطع فرامل العربية ويخلص منهم الاتنين وانا بغبااائى كنت قولتله اخط*فها او اقت*لها وطبعا لو اتكشف الموضوع هيبان انها بفعل فاعل وهيلبسنى الليلة كلها
يسرا :: انتى غلطتى لما قولتى لنادر لانك عارفة هو بيكره أيمن قد ايه ..كان لازم تفكرى وكان لازم تتوقعى انه هيورطك
ماهى:: يووووه بقى يا يسرا انتى بتعصبينى زيادة انا ف ايه ولا اييييه ..بقولك نادر الحيييوااان ده بيهددنى يبلغ عنى وانتى تقوليلى كنتى فكرى ..خلاااص بقى اللى حصل حصل
ماهى صوتها عالى جدا وعصام سمعها من مكتبه وخرج
عصام:: بعصبية.. ماااااهى اييييه اللى سمعته ده هو وصل بيكى الحال انك تقت*لى اززززاى يظهر انى ماعرفتش اربيكى كويس
ماهى :: بااابى ..انا…
عصام:: بمقاطعة انتى ايييه لما حكيتيلى عن اللى حصل فهمتينى حاجة تانية خالص غير اللى سمعته دلوقتي.. لكن انك تحرضى على الق*تل وكمان ف تسجيلات بالاتفاقات بينكم ..انا عايز اعرف الحقيقة كاملة ومين البنت دى ومين نادر و ايه علاقتكم ببعض كلكم حالا .
ماهى:: انا اسفة. يا بابى وهحكى لحضرتك وابتدت تحكى كل حاجة بالتفصيل
عصام:: خلاص اسكتى خالص وماتتكلميش لغاية ما اشوف حل للمصيبة اللى انتى عملتيها دى وهاتى رقم زفت نادر ده و لا كلميه وقوليله انا عايز اقابله
وسابها ودخل المكتب تانى
عصام :: جواااه.. انا مبسسسوط اوى علشان اللى حصل للمنياوى وبنته علشان رفض القرض.
ورجع بالذاكرة
“فلاش باك”
محمود ف مكتبه ف البنك والباب خبط وأذن بالدخول
عصام :: صباح الخير يا محمود باشا
محمود :: اهلا عصام بيه منور مكتبى المتواضع
عصام:: بضحك ههههههههههه متواضع ايه يا باشا انت بتخزى العين ولا ايه
محمود:: اتفضل يا عصام بيه ..تحب تشرب ايه ..انا هطلب قهوة اطلبلك معايا
عصام:: شاكر افضالك ..يا محمود باشا
محمود:: رفع سماعة الفون وطلب 2 قهوة مظبوطة ..وبص لعصام تحت امرك يا عصام بيه
عصام :: الامر لله يا محمود بيه ..بس كل اللي محتاجه منك امضاء صغيرة ع القرض ده وحط الملف قصاد محمود واتمنى انك توافق
محمود:: ع ماتشرب قهوتك اكون درست الملف و ان شاء الله خير ..وابتدا يدرس الملف وشاف ان القرض بمبلغ كبير جدا وان الضمانات مش كافية
عصام:: ها يا باشا هنشوف امضتك الكريمة ولا ايه
محمود:: للاسف يا عصام بيه الضمانات مش مغطية القرض مقدرش اوافق ع مبلغ زى ده
عصام:: يا باشا كلك نظر ..امضى بس وعينيا ليك ف كل اللى تؤمر بيه
محمود:: انا اسف والله مقدرش قبل ما ارجع للبنك المركزى ..واتصل بالفعل بالبنك المركزى ولكن الرفض كان سيد الموقف
عصام :: يا باشا بس وافق انت من غير علم البنك المركزى و ليك 2 مليون جنيه ف حسابك بس خط قلمك الكريم بالموافقة
محمود:: بعصبية وصوت عالى ولا عشرة ملييييون تخلينى اوافق ع قرض بدون ضمانات انت فاهم واتفضل اطلع برة حالا
عصام:: خلاص يا باشا انت أمرت وانا انفذ يبقى عشرة مليون تحت امرك و ف حسابك حالا بس امضتك بالموافقة
محمود:: بزعيييق ..امشى اطلع برة حالا برررررااااا ولو شوفتك هنا تانى هبلغ عنك واعملك قضية رشوة ورفع سماعة الفون وبيطلب الامن
عصام:: خلاص خااارج بس خليك فاكر انا هاخد القرض ده يعنى هاخده ومن هنا وانت اللى هتمضى عليييه ورجلك فوق رقبتك
محمود:: قولت برة برررراااا
” عودة للوقت الحالى”
عصام بيضحك بصوته كله
ههههههههههه ههههههههههه هههههههههههههه وقال ف اللا وعى
خلى الشرف والنزاهة ينفعوك يا محمود يا منياوى ويعالجوا بنتك اللى اتشلت وقعدت ع كرسى متحرك ههههههههههه
شاطرة يا ماهى بنت ابوكى بصحيح وخدتى حقه من غير ما تعرفى براااڤوا عليكى والمنياوى يستااااهل كل اللى جراله
ههههههههههه ههههههههههههه
بقلمى✍️_________________ لبنى دراز
فـ المستشفى
منة فاقت وطلعت اوضة عادية والدكتور بيطمن العيلة والاصدقاء ولكن. رد منة غير متوقع او غير المنتظر .
د/رؤوف حاول يختبر منة و يخبط ع رجلها بأداة كشف ف ايده ولكن منة مش حاسة بحاجة وقالها حركى رجلك كدا يا منة
منة:: مش قادرة يا دكتور.
د/ رؤوف:: حاولى يا منة .
منة:: صدقنى مش قادرة بحاول ومش قادرة
محمود متابع والصدمة ع وشه ومنى حطت ايدها ع بوقها وبتهز رسها بـ لأ من الصدمة والتوأم دموعهم نازلة بصمت
د/رؤوف:: بيكمل فحص منة واتأكد ان العملية بالفعل فشلت وخرج بكل حزن واسف
رجع مكتبه حزين ع منة وكان بيتمنى ان عمليتها تنجح بس هو كان عارف ان نسبة النجاح ضعيفة وتمسُك محمود بالامل خلاه يجازف ويعمل العملية
عند منة
الكل حزين جدا أيمن هيتجنن وبيأنب نفسه وأيهم بيحاول يخفف عنه الحالة اللى هو فيها وهدير ف حالة انهيار وغابت عن الوعى وسلوى بتحاول تفوقها ف. اوضتها بالمستشفى
محمود بيبكى ل أول مرة بصوت و وجع ع بنته اللى مستقبلها ضاع عادل بيخفف عنه وبيديه الدفعة علشان يقدر يكمل ف اللى جاى
منى واخدة منة ف حضنها ومنهااااارة وبتكلم ربنا ااااااااااه يارب الصبر والقوة من عندك ياااارب
محمود:: لله الامر من قبل ومن بعد ..اللهم لا اعتراض على قضائك وحكمك ..اللهم لا اعتراض
وفجأة
منة:: بصت لـ أبوها وأمها وابتسامتها ع وشها ..انتوا زعلانين ليه ..ده قضاء ربنا ..وانا راضية بيه.
منى::بوجع ودموع ونعم بالله اللهم لا اعتراض.
منة:: ماما انا لسة عايشة ماموتش .
محمود:: يعنى انتى مش زعلانة يا منة.
منة:: سكتت وف نفسها ..انا حزينة على نفسى جدا يا بابا بس مش عايزة اشوف دموعكم و وجعكم ده بيوجعنى اكتر وكمان مش عايزة اشوف نظرة شفقة ولا عطف من حد.. وبعدين قالت
لا يا بابا مش زعلانة ده أمر ربنا
منى:: بقلب موجوع ..الحمدلله على كل شيء ..بس أكيد أحنا مش هنسكت وهنشوف دكتور واتنين وتلاتة و اذا لزم الامر نسافر برة مصر ..مش كدا يا محمود بيقولوا دكاترة برة قادرين يعملوا كل مش بيقدروا عليه الدكاترة هنا.
محمود:: أكيد ان شاء الله.
التوأم ف حالة صدمة ودموع بصمت ومن غير اى كلمة.
وأيمن واقف رغم وجع رجله وأمه وأيهم وكمان هدى وولادها واقفين مصدومين من اللى شافوه وسمعوه
وعادل وسلوى مع هدير ف اوضتها لما انهارت واغمى عليها
عند منة.
ليلى:: أدى اللى خدناه من النادى والكورة وقال ايه رايحة فين رايحة النادى وجاية منين جاية من النادى ..بنات أخر زمن اديكى اتشليتى
محمود :: ليل..
منة:: بمقاطعة ..خالتووو اناااا لسة عاااايشة ولسة فيا روووح و مش معنى انى عِجزت واتشليت انى مش هحقق حلمى ..بالعكس انا هتحدى عَجزى و أوصل للى انا عايزااااه وانا ع الكرسى ده .

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية موعد مع القدر (تحدي الإعاقة))