رواية حكاية زهرة الفصل السابع والعشرون 27 بقلم شيماء منير

رواية حكاية زهرة الفصل السابع والعشرون 27 بقلم شيماء منير

رواية حكاية زهرة البارت السابع والعشرون

رواية حكاية زهرة الجزء السابع والعشرون

رواية حكاية زهرة الحلقة السابعة والعشرون

زهره وبصتله بصدمه انت بتقول ايه؟؟
مروان:اللي سمعتيه هو باع انا اشتري
زهره بضيق تشتري شايفني ايه يعني وبعدين تتجوز مرات صاحبك؟؟
مروان:تطلقي منه ونتجوز هو انتي لسه هتكملي معه
زهره :وانا مش موافقه
مروان:ليه انا هعملك كل اللي نفسك فيه
زهره:مش عايزه حاجه
وقامت وقفت عن اذنك عشان اكمل شغلي
زهره وقامت وسابته
هاله بدهشه يجوزك؟؟ انتي لسه في عصمة راجل
زهره:تخيلي؟؟
هاله:دا بنى ادم قليل الدم
زهره:انا اصلا مكنتش برتاح لنظراته مش برتاحله اصلا
هاله:ماهو واضح انه كان عينه منك عشان كدا ماصدق عرف المشكله وجيه على طول يستغل الفرص
زهره:طيب الساعه بقت واحده ميعاد جنا انا هروح اجيبها واجي
هاله:تمام
ــــــــــــــــــــــــــ
بعد يومين
في فيلا المنشاوي
وخاصة في غرفة مازن
طرقات على الباب
مازن بصوت نايم:ادخل
جيهان وفتحت الباب ايه ياحبيبي لسه نايم
مازن وقعد على السرير اه ياماما في حاجه؟؟
جيهان:لا بس انت مخرجتش من اوضتك من امبارح بالليل
مازن:مفيش نايم انتي عارفه النهارده الجمعه ومش بروح الجيم
جيهان:طيب يلا قووم خد شاور عشان تتغدى معانا
مازن:تمام
جيهان وبصت حواليها كان موجود حاجات جنا
جيهان:ايه اللي جاب الحاجه دي هنا انا كنت قايله للشغالين ينزلوها
مازن:انا اللي جبتها هنا
جيهان:تمام زي ما تحب
جيهان وقعدت جمبه مازن عشان خاطري فاهمني ياحبيبي في ايه بدل ما انت كاتم جواك كدا
مازن:والله العظيم ياماما ماقادر اتكلم عشان خاطري قفلي
جيهان:ياحبيبي والله انا مش تفضل بس عايزه اشاركك يمكن لما تتكلم تترتاح
مازن:اقسم بالله ما قادر اتكلم صدقني لو هتكلم اول واحده هكون متكلم معها انتي
جيهان:خلاص ياحبيبي زي ماتحب..المهم عندي ليك خبر حلو
مازن:خبر ايه؟؟
جيهان:عمر بن خالتك قراية فتحته يوم الجمعه
مازن بابتسامه طيب كويس
جيهان:مش تسأل مين؟؟
مازن:مين حد نعرفه
جيهان:اممم فتون بنت عمك
مازن باستغراب بجد غريبه ايه اللي جاب دا لدا
جيهان:ماهو بيشتغلوا مع بعض في الشركه
مازن:اممم تمام ربنا يوفقهم
ــــــــــ——–
زهره كانت خارجه هي وهاله من المطعم مروحين ومعاهم جنا
مروان كان واقف بعربته قدام المطعم
زهره وبصتله بضيق وبعدين بقا
هاله:ودا اللي جابه دا
زهره:عشان غيرت رقم موبيلي
مروان وقرب منهم
جنا بطفوله انكل مروان
مروان:ازيك ياجوجو
جنا :كويسه بتشوف بابا مازن
مروان بضيق:مش على طول
جنا:انا نفسي اشوفه
زهره:خلاص ياجنا
ثم وجهت كلامها لمروان:خير
مروان:ممكن اوصلكوا
زهره بضيق لا شكرا احنا كل يوم بنروح لوحدنا
مروان:طيب تسمحيلي اوصلكوا النهارده
زهره :لا …ولو سمحت دا مكان شغل ياريت متجيش تاني هنا يلا يا هاله
ومشيوا وسابوا مروان واقف
ــــــــــــــــ
عند مازن
خلصوا غداء
وكانوا كلهم قاعدين مع بعض الكل كان بيتكلم ماعدا مازن اللي بيسمع وبس جيهان اللي كانت بتحاول تدخله في الكلام بس هو كان بيختصر في الردوود
الجرس رن
واحده من الشغالين قربت منهم
الشغاله:مازن بيه في واحده عايزه حضرتك بره
مازن:مين؟؟
الشغاله:بتقول يافندم اسمها ريم
مازن قام وقف وكانت ريم اخت مروان
مازن باستغراب تعالي ياريم اتفضلي
ريم دخلت وكانت محرجه
ريم:مساء الخير ازيك يامازن
مازن:كويس تمام اتفضلي
وقتها جيهان قربت منهم مين يامازن
مازن:دي ريم ياماما اخت مروان
جيهان بابتسامه اهلا ياحبيبتي اتفضلي
ريم دخلت وسلمت على كل الموجودين
جيهان:تشربي ايه ياحبيبتي
ريم:لا ياطنط مفيش داعي انا بس كنت عايزه مازن في موضوع كدا بس على انفراد بعد اذنكم
جيهان:ماشي ياحبيبتي
مازن:طيب تعالي نتكلم في الصالون
مازن اخدها في الصالون
مازن:ايه ياريم طنط كويسه ومروان وروضه
ريم:احنا كويسين متقلقش
مازن:طيب خير في ايه؟؟
ريم:انا جايلك عشان زهره مراتك
مازن بضيق:احنا تقريبا موضوعنا انتهى وخلاص
ريم:مش حقيقي يامازن اللي انت شوفته وسمعته مش حقيقي
مازن:مش فاهم انتي بتتكلمي عن ايه احنا متقفناش وخلاص وانفصلنا
ريم:يامازن افهم انا معايا دليل ان مراتك مظلومه
مازن:دليل ايه؟؟
ريم وفتحت موبيلها اقرأ المحادثات دي الاول
مازن وقرا المحادثات اللي كانت بين زهره والرقم اللي كان بيقولها ان جوزك بيخونك وكمان شاف صوره ليه ولريهام يوم ما كانت عنده في الجيم وصور تانيه لما كانوا قاعدين في المطعم يوم ما كان بيساعدها بالفلوس
مازن:انتي جبتي الشات دا منين؟؟
ريم:شوف كل حاجه للاخره
اسمع التسجيل اد كدا
مازن وفتح التسجيل
الريكورد اشتغل وفيه صوت رامي وزهره
(رامي:انتي متوتره كدا ليه اشربي بس حاجه الاول
زهره:لا اشرب ايه انت متعرفش انا خرجت ازاي وبعدين انت بتماطل ليه انت صممت اني اجي اقابلك وجيت قولي بقا وبعدين قولتلي معاك تسجيلات فين هي
رامي:انا مش بس معايا تسجيلات دا انا عارف كمان الشقه اللي بيتقابله فيها
زهره شقة ايه شقته؟؟؟
رامي:لا شقه تانيه ايجار ومش بعيد يكونوا متجوزين
زهره بخضه انت بتقول ايه انا عايزه العنوان دلوقت
رامي:طيب اهدي وانا هوصلك بنفسي دلوقت للمكان)
ريم:اللي بعتلك التسجيلات التانيه الكذابه اخد الصوت من هنا واخد اقرب درجه فيه وركبه على الكلام
مازن ومازال في صدمه
ريم:كل دا كذب في الاول ضحكوا على مراتك وقالولها انك بتخونها عشان يخرجوها بره البيت ويعملوا كل دا
مازن:انتي وصلتي للحاجات دي ازاي؟؟
ريم:للاسف اخويا مروان هو اللي عمل كل دا
مازن بصلها بصدمه
ريم:حاولت اكتم جوايا بعد ما عرفت بقالي اسبوع بس مقدرتش الولد اللي عمل وركب الصوت دا جيه عندنا البيت واتخانق معه عشان كان ليه فلوس انت مش متخيل انا بقولك الكلام دا وانا موجوعه قد ايه ان اخويا مستحيل يكون انسان دا شيطان ومقدرش ان عنده اخوات بنات ممكن حد يأذيهم كدا بس انا متاكده انك انت المقصود بالاذيه دي
مازن:ليه انا عمري ما اذيته دا كنت بعتبره اخويا يأذني ليه انا ومراتي
ريم:انا قولتلك كل حاجه عشان ضميري يرتاح بس عشان خاطري متجبش سيرتي ان انا اللي قولتك كدا
مازن:تمام
مازن وصل ريم لعربيتها
ودخل الفيلا تاني
على قد ما كان مبسوط من جواه ان زهره طلعت مظلومه على قد ماكان حزين على خسرتها
دخل الكل كان لسه موجودين
جيهان:ايه يابني مروان كويس ؟؟
ابتسم مازن بسخريه اه كويس ياماما
جيهان:طيب ريم كانت جايه ليه في ايه
مازن:كانت جايه تشيل الغشاوة من على عيوني وتعرفني الحقيقه
جيهان:حقيقه ايه بس فهمني بقا يابني
مازن:هفهمكوا كل حاجه
مازن وحكى ليهم كل حاجه
مصطفى بعصبيه:عشان طوال الوقت عصبي ومتسرع
جيهان:اهدا يامصطفى هما بردوه رتبوا كل حاجه ودبروها
مصطفى:بردوه هو مش انسان جاهل دا ربنا قال في القرأن فأتوا باربعة شهداء وانت حتة فيديو وشوية صور يخلكوا تعمل كدا
مازن بزعل بصراحه انا اول ماشوفت كلمة مراتك بتخونك وانا كنت هتجنن ودماغي وقفت عن التفكير
مصطفى:ازاي طيب البنت مكنتش بتخرج من غيرك
مازن:ماهو دا اللي جنني اكتر لما شوفت الصور والفيديو
حسام متدخل:خلاص يابابا هو الشيطان بيبقا وقتها مكبر المواضيع وانت يامازن اتعلم بقا درس من الحوار دا وحاول ترجع مراته
مصطفى بضيق:تبقا غلطانه لو رجعتله
جيهان:الله ماخلاص بقا يامصطفى قول كلمه كويسه
مصطفى:انا بقول الحق لو عندى بنت وجوزها عمل معها كدا والله مايشوف ضوفرها حتى
جيهان لمازن:حاول ياحبيبي تتكلم معها ورضيها زهره قلبها ابيض وبتحبك
مازن:إن شاء الله
ـــــــــــــــــــــ
في المساء
مازن كان بيجلس في احد الملاهي الليله
اقترب منه مروان
مروان:ايه ياعم قولت عايزني في حاجه مه….
مروان مكلملش الكلمه
ومازن اتهجم عليه ولكمه كذا لكمه ورا بعض بقوه وانهال عليه بالضرب ومحدش كان عارف يبعد مازن عنه
مازن بغضب وهو ماسكه من مقدمة قميصه بقا انت ياو…… يطلع منك كل دا ليه ها قولي ليه عملت فيك ايه دا دا انا لما جيت اتجوزها قولتلك انت ومقولتش ل اخويا الكبير وليه تعمل معايا كدا دا انا وانت واكلين مع بعض عيش وملح ياندل
مروان وهو بيسمع الدم اللي نازل من فمه ااه انا لانك دايما تاخد كل حاجه ليك البنات كلها حواليك مع اني مش اقل منك في حاجه طول عمرك انت واخد كل حاجه حتى يوم ماشوفتها في المطعم واعجبت بيها انت بعدها على طول اتجوزتها لا وكمان جايبني اشهد على قسيمة الجواز
مازن:لاني كنت بعتبرك صاحبي واخويا وفاكرك بتحبني وبتحب الخير ليا زي انا ماكنت بحب الخير ليك
مروان بغل:وانا بكرهك يااخي لانها بتحبك انت شوف برغم اللي انت عملته وعارف انها لسه بتحبك مش عايزني اعمل كدا طيب اقولك على حاجه انا اللي كنت باعت الناس اللي كسرولك الالات في الجيم ياخي كنت عايز ادمرك باي شكل بس انت ايه مبتتاثرش كنت عارف ان زهره هي الحاجه الواحيده اللي هتكسرك
مازن:انت مش طبيعي انت مريض مريض بالحقد اللي جواك انا ندمت في يوم اني كنت بعتبرك اخويا وصاحبي وكنت بداخلك بيتي لانك عمرك ماهتتغير
مازن وسابه وخرج من الملهى ركب عربته فاضل ماشي بيها شويه ومش مصدق اللي سمعه من مروان وانه جواه كل الحقد دا متخيلش ابدا ان كل دا يطلع منه ويكون بيحقد عليه كدا
خرج موبيله ورن على زهره بس ادله انه مغلق وغير متاح
حس ان دماغه واقفه عن التفكير مش عارف يبداء منين
لكن قرر يروح الكافيه القديم اللي كانت بتشتغل فيه
تاني يوم فعلا راح
بس معرفش يوصل لحاجه ومحدش عارف عنها اي حاجه
عدى اسبوع
مازن لسه موصلش لحاجه
افتكر ان عمر كلمه عشان قراية الفتحه واللي هتكون في بيت عمه
جهز ونزل وركب عربيته لان الكل سبقه وراح
حضر قراية الفتحه واول مره يحس ان عمر وفتون لايقين لبعض
خلص ونزل على طول
ركن في العربيه في مكان
رن على زهره تاني اداله الموبيل مغلق
افتكر هاله
وقرر بكره الصبح يروح ليها الشغل هي اكيد تعرف هي فين
روح الفيلا تقريبا الكل كان نايم
دخل اوضته ودماغه جابت اللي حصل كله في اليوم دا
فكر للحظه ان زهره ممكن تسامحه والا لا
بس طمن نفسه انها بتحتبه وعارفه انه عصبي
تاني يوم صحي الصبح بدري
واخد عربيته وراح عند بيت هاله
اكيد الساعه ٨هتنزل الشغل
ركن العربيه في جمب قصاد العماره وفضل قاعد منتظر فيها
بص في ساعته اليديه كانت تمانيه الا ربع
تنهد بتعب وخرج سيجاره وبداء يشربها
فجاءه سمع صوت مش غريبه عليه
(خلاص بعد الشغل هتجبلي شنطة جديده اللي معه الانش بوكس بتاعها)
مازن وبص اتجاه الصوت وكانت جنا
ابتسم بفرح
ونزل من العربيه لما لاقى زهره وجنا ووراهم هاله خارجين من عمارة هاله
هاله:يابنتي ما قولنا هنقبض الاسبوع الجاي واللي هتختاريه هنجيبه
زهره:ايوه طنط هاله كلامها صح ياجنا
بصوا وراهم لما سمعوا
صباح الخير
زهره وابتلعت ريقها بتفأجى بصتله
قد ايه كان واحشها اومال مره تشوفه ذقنه طويله كانت طوال الوقت تطلب منه يطوله هتبقا عليه حلوه بس هو ماكانش بيرضى
فاقت من تفكيرها على صوت جنا
جنا بفرح بابا مازن واحشتني
مازن وقرب من جنا وحضنها بقوه وانتي كمان ياقلب بابا
جنا :انا مبسوطه اووي انك جيت
مازن:وانا مبسوط اكتر يا قلبي اني شوفتك
مازن ونزل جنا
ومد ايده عشان يسلم على زهره
مازن:ازيك يازهره
زهره وبصت ل ايده ودورت وشها بضيق
هاله بحرج:طيب انا هاخد جنا السنتر عشان ميعاد الكورس زمانه بداء
جنا:بس انا عايزه اقعد مع بابا مش عايزه اروح الكورس
هاله:ياحبيتي مينفعش لازم نروح
ثم وجهت كلامها لزهره خلصي وكلميتي
هاله اخدت جنا ومشيت
مازن:وحشتني
ابتسم زهره بسخريه والله!! بجد مكنتش اعرف
مازن ومسك ايدها انا اسف انا عرفت كل حاجه
زهره وشدت ايدها من ايده لو سمحت متلمس ايدي
مازن وبيقرب منها خطوات انا عارف انك زعلانه مني حقك
زهره ورجعت لوراه لو سمحت متقربش مني احنا اصلا كل اللي بينا انتهى
مازن بعدم فهم يعني ايه؟؟
زهره:يعني تطلقني وتبعتلي ورقة طلاقي….
مازن بدهشه:انتي بتقولي ايه طبعا لا بتهزري
زهره:لا بتكلم جد
مازن:تبقي بتحلمي
زهره ببرود خلاص يبقا هخعلك

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاية زهرة)