رواية موعد مع القدر (تحدي الإعاقة) الفصل التاسع والعشرون 29 بقلم لبنى دراز

رواية موعد مع القدر (تحدي الإعاقة) الفصل التاسع والعشرون 29 بقلم لبنى دراز

رواية موعد مع القدر (تحدي الإعاقة) البارت التاسع والعشرون

رواية موعد مع القدر (تحدي الإعاقة) الجزء التاسع والعشرون

رواية موعد مع القدر (تحدي الإعاقة) الحلقة التاسعة والعشرون

السعادة تتحقق بقربنا من الله، وإيماننا بأنّ كل ما يأتي من عنده هو الخير لنا حتى وإن كان ظاهره شرّ.
🌱💕🌱💕🌱💕🌱💕🌱💕🌱
إننا لا نحتاج إلى الكثير لنكون سعداء، فالتفاصيل الصغيرة كفيلة بأنّ تسعدنا، ككلمة صغيرة ممن نحب، أو هديَّة دون موعد، أو حتى حضن دافئ من الأم، أو ربتة على الكتف من الصديق، إننا نجد السعادة في أبسط الأشياء حقًا.
تحدى الإعاقة بقلمى✍️_____لبنى دراز
فـ المؤتمر الطبى كان دكتور رؤوف مع دكتور توماس وكان فيه دكاترة كتير من أكبر دكاترة واساتذة المخ والاعصاب وكان فى نقاشات كتير عن اهم واصعب الحالات اللى عالجها دكتور توماس وكانت حالة شبيهة بحالة منة وقدر فعلا الدكتور ع علاجها وخلص المؤتمر بأنه أعلن موافقته وقبوله بعلاج منة وبعد نهاية المؤتمر طلب من دكتور رؤوف..
د/توماس::Dr. Raouf, I want to meet Miss Mina to talk to her for a bit
دكتور رؤوف أريد مقابلة أنسة منة لـ اتحدث معها قليلا
د/ رؤوف:: As you wish.. I will inform her of this.. When do you want to meet her?
كما تريد ..سأبلغها بهذا .. متى تريد مقابلتها
د/توماس::Tomorrow at ten o’clock
غدا فـ العاشرة صباحا
وبالفعل اتصل دكتور رؤوف بـ منة و بلغها بطلب الدكتور توماس وفعلا راحت منة ومعاها محمود و منى و أيمن فـ الميعاد بالظبط وطبعا دكتور رؤوف عرفهم بالدكتور توماس اللى شاف منة وقال
د/توماس::My beautiful lady, I have heard a lot about you from Dr. Raouf. I was curious to know you closely
أنستى الجميلة لقد سمعت عنك كثيرا من د/ رؤوف فقد دفعنى الفضول لمعرفتك عن قرب
منة::Welcome Dr. Thomas .. I also heard a lot about you and I hope that you will find a cure for my condition
بترحيب ..اهلا بك د/ توماس ..وانا ايضا سمعت عنك كثيرا واتمنى ان تجد علاج لحالتى
د/توماس ::Of course, my dear, your condition is simple for me
بكل تأكيد عزيزتى ..فـ حالتك بسيطة بالنسبة لى
محمود::Oh really?
Is there a cure for my daughter’s condition?
حقاً؟ أيوجد علاج لحالة أبنتى ؟
د/توماس::Yes, there is a cure for your daughter’s condition..but not here
نعم يوجد علاج لحالة أبنتك .. ولكن ليس هنا
أيمن:: Why … لماذا
د/توماس::Because she needs to perform surgery in the spinal cord, and this surgery is very accurate and needs advanced capabilities and techniques, and what I noticed is that there are no such capabilities here.
لانها تحتاج الى إجراء عملية جراحية فـ الحبل الشوكى وهذه الجراحة دقيقة جدا وتحتاج الى امكانيات وتقنيات متطورة و مما لاحظته انه لا توجد هنا هذه الامكانيات
منى::You mean that she is traveling outside Egypt..
حضرتك تقصد انها تسافر خارج مصر..
د/ توماس :: Yes, madam, this is exactly what I mean..This surgery is very simple and dangerous at the same time. Therefore, the possibilities that help the success of this surgery must be provided.
نعم سيدتى هذا تماما ما اقصده ..هذه الجراحة بسيطة جدا وخطيرة فـ نفس الوقت لذلك يجب توفير الامكانيات التى تساعد على نجاح هذه الجراحة
د/رؤوف:: لـ منة وأهلها ..بصوا يا جماعة د/ توماس عالج حالات كتير شبه حالة منة هو طبعا من وقت ما شاف الفايل بتاعك وقال لازم تدخل جراحه وطبعا بعد ما شاف الامكانيات هنا قال ماينفعش جراحة دقيقة زى دى تتعمل هنا بالامكانيات اللى هنا ..فـ لو
أيمن ::بمقاطعة مافيش لو يا دكتور انا مستعد وجاهز من دلوقتي لو عمى يسمح
محمود:: لـ أيمن انت لسة قايل مافيش لو ..أكيد مش هتأخر ع بنتى وضحكة قلبى وع اتم استعداد وجاهزين لاى قرار و موافقين ع العملية مهما كانت البلد اللى هيعمل فيها العملية وممكن نسافر قبله كمان ..المهم منة ترجع تمشى تانى
د/ رؤوف::Dr. Thomas, they agree to perform the operation abroad and are fully prepared to travel from today
د/ توماس انهم موافقون على اجراء العملية في الخارج وعلى أتم الاستعداد للسفر من اليوم
محمود :: Dr. Thomas, what are the procedures and papers required?
د/ توماس ماهى الاجراءات و الاوراق المطلوبة
د/ توماس::Dr. Raouf, you know that I will return to Switzerland in two days, and before traveling, I will set the date for the surgery for Menna, and I will inform you of it, the procedures and the required papers.
د/ رؤوف انت تعلم اننى سأعود الى سويسرا بعد يومان وقبل السفر سأحدد ميعاد اجراء الجراحة لـ منة و سأبلغك به و بالاجراءات و الاوراق المطلوبة
_________________
فـ بيت المنياوى
رجعت منة مع أيمن ومحمود ومنى ع البيت كلها مشاعر متلخبطة خوف وقلق وتوتر و أمل و بتدعى ربها ان العملية تنجح
أيمن:: قعد قصادها وماسك ايدها بيطمنها.. حبيبتى أهدى ان شاء الله خير ..خلى عندك يقين فـ الله ..
محمود:: بهدوء عكس اللى جواه من خوف و توتر .. قلب بابا بلاش قلق و خليها ع الله ..وأصبرى شوية لما نشوف الدكتور هيحدد الميعاد امتى
منة:: برضا..و نعم بالله انا راضية باللى كاتبهولى ربنا بس كل اللى قلقنى انه ممكن يحدد ميعاد قريب و الامتحانات خلاص مش فاضل عليها كتير
أيمن:: حبيبتى كلها شوية وقت وهنعرف كل حاجة .. و أكيد د/ رؤوف هياخد باله من حاجة زى كدا
منة:: بشرود ..عارفين نفسى يجى يوم فرحى و أكون زى أى عروسة داخلة القاعة مع بابا ماشية لغاية عريسى وبصت لـ أيمن ..نفسى وانت بتاخد إيدى من بابا نرقص سلو سوا
أيمن:: مسك وشها بين ايديه هتكونى أحلى عروسة وهنرقص لغاية ما نقع من التعب و بهزار وقتها هتقولى ياريتنى فضلت بالكرسى .. وباس جبينها صدقينى بس خلى أملك فـ الله كبير
محمود:: بغيرة ..انا بقول نتغدا بقى ولا ايييه ..ونده ع منى اللى بتجهز الغدا من اول ما دخلوا ..خلاص يا حبيبتى ولا لسه
أيمن ومنة ضحكوا وفهموا احساس محمود بضحكة قلبه وانه ممكن يكون بيهرب من توتره وقلقه عليها وكمان خلاص قربت تسيبه وتروح بيت جوزها و فعلا اتغدوا مع بعض كلهم وقضوا وقت مميز كله حب و دفى وتمنيات بالسعادة
___________________
فـ بيت أيمن
دخل بيته بعد يوم جميل قضاه مع حبيبته وسارح فيها و فـ العملية وياترى مين هيسافر معاها وبيتمنى يكون هو المرافق ليها وفجأة
فادية :: بصوت عالى ..أييييمن
أيمن:: بخضة.. بسم الله ..مالك يا أمى فيه ايه .
فادية:: انا اللى مالى يا أبنى ولا انت ..انا بكلمك من وقت ما دخلت و بقولك عملتوا ايه عند الدكتور..طمنى يا حبيبى قالكم ايه
أيمن:: بقلق.. محتاجة عملية جراحية يا أمى بس مش هنا
فادية :: يعنى ايه ؟ هتسافر برة تعملها
أيمن:: بتأكيد ..أه يا حبيبتى الدكتور السويسرى بيقول العملية بسيطة بس خطيرة ولازم إمكانيات وهنا مافيش الإمكانيات الكافية اللى هو عايزها
فادية:: وامتى هتسافر ومين هيسافر معاها
أيمن :: مش عارف لسة يا فوفة والله ..الدكتور هيسافر كمان يومين وقبل ما يسافر هيحدد مع د/ رؤوف كل حاجة و يبلغنا
فادية:: أن شاء الله يا حبيبى تسافر و ترجع ماشية بالسلامة
أيمن:: شارد فـ منة وقال يارب يا أمى ..أدعيلها ..و قبل ما ترد فادية كان جرس الباب رن و قام يفتح كان ساجد وأيهم
ساجد:: السلام عليكم و رحمة الله
أيهم:: صاحبى يا صاحبى
أيمن:: وعليكم السلام ورحمة الله وبركاته ..أدخل يا فاشل منك له
أيهم:: صدقت يا أبنى فعلا احنا ناس فاشلة
ساجد:: اتكلم عن نفسك ياض ما تجمعنيش معاك
أيهم:: ولاااا انت شغال عندى يبقى تتجمع معايا وانت ساكت و تقول حاضر
أيمن:: ألهى تتجمعوا مع بعض فـ غيط بامية انت وهو..مالكم فيه ايه
ساجد:: معرفش والله يا أيمو يا أخويا فجأة لاقيته بيكلمنى وقالى تعال يا جودا نروح لـ أيمن ونصُب شوية كأبة عليه
أيهم:: انا قولتلك كدا ياض انت . ولا قولت زهقان تعال ناخد أيمن و نتمشى
ساجد:: بهزر يا رمضان ايه مابتهزرش ههههههههههههه
أيمن::ههههههههههههه ادعى عليكوا بـ ايه و فيكوا كل العبر ..مالك يا كئيب أفندى
أيهم:: حمايا
ساجد:: يادى النيلة
أيمن :: ماله
أيهم:: مطفشنى ..مش عارف أشوف أبنى يا عالم ..الاول كفر سيئاتى سنتين وبتلقائية أيده عارفة طريقها.. وأيمن وساجد بيضحكوا لغاية ما اتلايمت ع مراتى ..و دلوقتي مش عارف اتلايم ع أبنى ماسكه فـ حضنه طول ما هو قاعد
أيمن :: بيضحك.. يا خاااايب سيبهوله ..وهات غيره ههههههههههههه
أيهم:: انت عبيط ياض انت ولا شكلك كدا..اسيبله ابنى ؟
ساجد:: مش أيمن قالك خايب ..يا أهبل خد مراتك وأجرى جدد شهر العسل وهات عيل غيره جاتك ستين نيلة هو احنا اللى هنقولك ههههههههههههه
أيهم:: بنرفزة ما تحترم نفسك انت و هو ولا عشان ساكت لكم
ساجد:: ههههههههههههه انا مش عارف حماك ده بيعمل كدا ليه ..شكلك كدا سر قت منه حاجة ولا ق ت ل ت له حد
أيمن:: لـ ساجد ..يا ابنى علشان هدير وحيدته وهى كل حياته وطبعا حفيده أغلى زى ما بيقولوا اعز من الولد
ساجد:: لـ أيمن ..يا عم اتلهى ما انا كمان مراتى وحيدة ابوها وكمان رباها لوحده بعد ما أمها اتوفت وبرضوا ابنى حفيده بس مش عامل خالص كدا زى عادل الالفى
أيهم:: لـ ساجد.. علشان يا فالح انت سايب بيتك وعايش معاه يعنى بنته ما بعدتش من حضنه ..انما انا لو وقف ع راسه كدا مش هعيش معاه فـ بيت واحد ويفضل رايح جاى يسلم ع قفايا
أيمن وساجد:: ههههههههههههه ههههههههههههه ههههههههههههه
أيمن::كدا فهمنا سبب نرفزتك ..انه بيسلم عليك كتير
ساجد:: ولا يا أيمن سيبك من المتخلف ده و قول مالك شكلك مش مظبوط من ساعة ما دخلنا فى ايه
أيمن:: حكى كل اللى حصل من وقت ما عرف بزيارة الدكتور لغاية ما قابلوه وقالهم ع العملية.. وانه خايف من والمجازفة
أيهم:: وانت لو لا قدر الله فشلت العملية هتعمل ايه ؟؟
أيمن:: هعمل ايه فـ ايه؟؟
أيهم:: هتكمل معاها يعنى ولا خلاص. كدا
ساجد:: انا مش قولت متخلف ..يعنى بيحبها من صغرها وحصلها اللى حصل وخطبها و كتب كتابه 3 سنين وهى كدا ..هيجى فـ الاخر ويسيبها لمجرد فشل عملية
أيمن:: بجدية.. عارفين حتى لو كان حصل لها اكتر من كدا ..كفاية عليا وجودها فـ حياتى..انا هحدد ميعاد جوازنا مع أبوها قبل السفر و تقريبا شقتى جهزت خلاص
وفعلا قرر أيمن انه يكلم محمود ويحدد ميعاد الفرح
___________________
فـ الجامعة
بعد يومين سافر د/ توماس وكان حدد ميعاد العملية مع د/ رؤوف وقابل منة وهدير
د/رؤوف:: صباح الخير يا دكاترة
منة و هدير:: صباح الخير يا دكتور ..
د/رؤوف:: لـ منة د/ توماس حدد ميعاد العملية بعد شهرين تكونى خلصتى امتحانات و فـ نفس الوقت نخلص إجراءات السفر
منة:: بأمل ..بجد يعنى أخيرا هعمل العملية وممكن أخف وأرجع أقف و أمشى تانى
هدير:: بفرحة مبروووك يا حبيبتى انا متأكدة ان شاء الله هترجعى تانى تقفى وتمشى ونرجع مع بعض تانى نجرى ونلعب و نجنن أيمن وأيهم زى زمان
د/رؤوف:: ان شاء الله ..بس فى حاجة .
منة:: خير يا دكتور حاجة ايه؟
د/رؤوف:: المستشفى محددة يكون معاكى مرافق واحد بس
أيمن:: من وراهم هكون انا ان شاء الله
د/رؤوف:: ان شاء الله .. لـ منة هستناكى بالليل فـ العيادة مع بابا و لـ أيمن و انت كمان معاهم علشان نتفق ونحدد هنعمل ايه ..أسيبكم دلوقتي علشان عندى محاضرة وسابهم ومشى وهم قاعدين بيتكلموا
هدير:: لـ أيمن و منة بصوا بقى انتوا الاتنين انا عايزة غدا معتبر كدا بمناسبة الخبر الحلو ده
منة:: بأبتسامة قلق ..أنتى ع طول كدا همك ع بطنك يا بلوتى
أيمن:: لـ هدير..وماله يا ستى أغديكى أحلى غدا عشان خاطر عيون روحى بس ..استنى هتصل بجوزك الكئيب و يجى يحصلنا بس بعد ما تخلصوا محاضرتكم
هدير:: خلصنا يا أخويا ما عندناش ..هو سيكشن تشريح بس ومش هحضره ولا منة كمان هتحضر
منة:: لـ هدير..وانتى بتتكلمى بلسانى ليه انا هحضر وانتى كمان هتحضرى و يلا قومى قدامى فزى
أيمن:: خلاص يا حبيبى هتصل بـ عمى وأبلغه بكلام د/رؤوف واستأذنه نتغدا سوا وكمان هكلم أيهم ونتقابل كلنا
هدير:: يوووه بقى انا جعانة دلوقتي أشرح ازاى ع معدة فاضية انا بقى
منة:: خدى يا أخرة صبرى شوكليت أهى و سدى جوعك
هدير:: ايييه ده من امتى وانتى بتاكلى شوكليت وتشيليها كمان فـ شنطتك ..قرى جاتلك منين
أيمن:: ههههههههههههه وانتى بقى هتحققى معاها ؟ مش يمكن انا اللى جايب لها الشوكليت مثلا
هدير:: بتهز راسها..تؤتؤتؤ مش انت عشان انت عارف انها مش بتحب الشوكليت ..اممممم أكيد البت الملزقة صاحبة أخوكى ..وبتريقة صاصا بيبى يلا المحاضرة هتفوتنا . بلا فقع مرارة
منة:: وانتى متغاظة ليه يا بلوتى بس
هدير:: معرفش انا عاجبه فيها ايه دى ..ده الواد هادى أبنى القمر ده فيه انوثة عنها
أيمن:: ههههههههههههه بلاش انت تتكلم عن الانوثة يا عم جعفر ههههههههههههه ويلا ع السيكشن كفاية رغى و انا هستناكم ..وفعلا استناهم لغاية ما خلصوا و كلم محمود و أيهم و بعدها طلعوا و اتغدوا و قضوا باقى اليوم مع بعض لغاية ما جه ميعاد د/ رؤوف و راحوا بعد ما رجع ع بيت منة وأخد معاهم باباها و مامتها و دخلوا قابلوا الدكتور و شرح لهم كل حاجة وفهمهم ان لازم يكون معاها مرافق واحد بس وبيقترح يكون أيمن لانه هيكون له تأثير أقوى لدعمها بدافع الحب اللى بينهم وطبعا د/ رؤوف معاها بأعتباره الطبيب المعالج وبعدها رجعوا ع البيت علشان يقرروا هيعملوا ايه
بقلمى✍️________________لبنى دراز
فـ بيت المنياوى..
رجعوا من عند د/ رؤوف ومعاهم أيمن وابتدوا يتكلموا ويفكروا هيعملوا ايه
أيمن:: لـ محمود ..ايه رأيك فـ أقتراح د/ رؤوف أنى اكون المرافق لـ منة .. يعنى لو توافق هاكون سعيد جدا وما تقلقش عليها هتكون فـ قلبى قبل عينيا ..انما لو مش حابب أكيد ده حقك و هستناكم لغاية ما ترجعوا بالسلامة ومش هعمل حاجة طول الفترة دى غير انى ادعيلها ترجعلى بمليار سلامة
منى:: لـ محمود ..حبيبى بعد أذنك اسمحلى اقول حاجة
محمود:: هز راسه بموافقة و هو عارف اصلا اللى منى هتقوله
منى:: لـ أيمن .. بتتكلم بوجع و قلق وأمل كم مشاعر مختلفة و مختلطة جواها..انا متأكدة انك أكتر حد فعلا هيقدم الدعم لـ منة بعد العملية سواء نجحت وبتنهيدة ….او لا قدر الله فشلت انت الوحيد اللى هتقدر تخليها تتخطى المرحلة دى ..لانى شوفت بعينى وقت البطولة كنت بتعمل ايه و بتدعمها ازاى
محمود:: أخد نفس طويل وقطع كلام منى.. وحط ايديه الاتنين ع كتاف أيمن .. انا واثق فيك و فـ حبك لـ منة و متأكد انك هتحافظ عليها أكتر من اى وقت فات ..علشان كدا جهز ورقك وحضر نفسك
أيمن:: بأمتنان وسعادة ..انا بجد متشكر جدا يا عمى ع ثقتك دى وخليك متأكد منة فـ قلبى و روحى وانا عارف ومتاكد انها مازالت فـ بيتك وهتفضل بنتك طول ما هى فـ بيتك حتى لو كنت كاتب كتابى لغاية ما نسافر ونرجع
محمود:: عارف يا أيمن انك فاهم الكلام ده وهتحافظ عليها وتصونها بس كل اللى عايزه منك تبلغنى اول بـ أول اى تطورات حتى لو حاجة صغيرة و أذا احتاجتنى اى وقت هتلاقينى عندك
منة::بتسمعهم وع قد ما قلقانة ومتوترة ع قد ما سعيدة ان أيمن هو المرافق معاها
أيمن:: طيب بعد أذنكم انا عايز أحدد ميعاد الفرح ..انا كنت نفسى يكون قبل السفر لكن الميعاد اللى حدده د/ توماس هو أخر يوم فـ امتحاناتها ..فـ ايه رأيكم لو يكون الفرح نفس يوم روجوعنا او تانى يوم
محمود :: بص لـ منى و رجع قال ان شاء الله يكون تانى يوم رجعوكم بالسلامة
منى:: بدموع و خوف .. مش هترجع تندم يا أيمن لو فشلت العملية ؟؟وتقول ايه اللى يخلينى أكمل مع واحدة عاجـ….
أيمن:: بمقاطعة مسك ايدين منى ..ماما انتى ليه حكمتى ان العملية هتفشل وليه بتحكمى عليا انى هندم .. وبيبص لمنة..انا بحب منة و مش بس بحبها لا انا بعشق بنتك لـ أبعد مدى وعمرى ما هندم ولا هغير رائي مهما كانت نتيجة العملية
محمود:: بهدوء ظاهر عكس بركان الخوف اللى جواه .. خلاص يا كابتن يبقى عندك مهمتين تحضير ورق السفر كمرافق وكمان تجهيز بيتكم وكل التزامات الفرح علشان لما تسافروا و ترجعوا نعمل فرحكم و نخلص منها بقى ههههههه
منة:: بدموع ..لـ محمود ..بقى عايز تخلص منى يا بابتى ..لا يا حودة ع قلبك.. ده انت حبيبى الاولانى مش كدا ولا اييه
أيمن:: بحب.. لـ منة ..أكيد طبعا حبيبك و حبيبى كمان ربنا يبارك لنا فـ عمره.. لـ محمود ..ما تقلقش كل حاجة بالنسبة للبيت جاهزة واقفة بس ع الميعاد وخلاص اتحدد وهابتدى اظبط كل حاجة ..وأخيرا خلاص اتحدد ميعاد فرح ابطالنا بعد ميعاد العملية مهما كانت النتيجة
____________________
فـ النادى
أيمن مع ساجد و أيهم بعد ما خلص التمرين قاعد متوتر و قلقان و جاية هدير و روبى يقعدوا معاهم
هدير:: مسا مسا يا مزز
أيهم:: بغيظ.. هديييير وبعدين
ساجد:: بضحك مساؤؤؤ يا عم برعى ههههههههههههه
أيمن::……..
روبى:: مساء الخير يا جماعة
أيهم :: مساء الخير
أيمن:: ……
ساجد:: حبيبى يا ناس مساء الورد ياقلبى يالههههويز يا جدعان ع الرقة
أيهم:: لـ هدير عاجبك كدا خليتى المتخلف ده يتريق عليكى ..وبهمس هو انتى امتى هتبقى أنثى يا حبيبتى
هدير:: بنفس الهمس ..أقولك امتى بكون أنثى ياحبيبى؟ ولا تقعد وانت ساكت ههههههههه
أيهم:: بغمزة لأ أبوس أيدك اصبرى لما نشوف كابتن كئيب ده..وبعدين نروح البيت و قولى براحتك ..وبص لـ أيمن..وحدوووه
كلهم لا إله إلا الله سيدنا محمد رسول الله
ساجد:: مالك يا أيمن فى ايه ..وبص لـ روبى و هدير ..حصل حاجة فـ التمرين النهاردة
روبى:: لا يا حبيبى بس مش عارفين هو من وقت ما دخل صالة التمرين وهو كدا متوتر و زى ما يكون قلقان وبيزعق من غير سبب
أيهم:: بجدية ..أيمن هو ميعاد العملية اتحدد خلاص
أيمن:: بقلق.. أيوا اتحدد أخر يوم فـ الامتحانات هتسافر وهكون مرافق ليها .. وبعد السفر بيومين هتدخل العمليات
هدير:: ساكتة و مافيش اى رد فعل غير دموعها اللى نازلة فـ صمت
أيمن:: بص لـ هدير ..ان شاء الله هترجع كويسة ماتقلقيش
أيهم:: أيمن انت بتطمن هدير ولا بتطمن نفسك ؟؟..
ساجد:: أيمن لازم يكون عندك يقين فـ الله انها هتخف وترجع تمشى .. ولازم تكون واثق فـ أختيار د/ رؤوف والاهم انك مايبانش عليك اى توتر لانها اكيد متوترة أكتر منك
أيمن:: تخيلوا ..انها مش قلقانة ولا متوترة خالص او هى عندها القدرة انها تخبى ده ..مش عارف بصراحة بس كل اللى قالته انا مش قلقانة نهائى و راضية بقضاء ربنا و راضية بحالى انا وصلت و حققت احلامى اللى كنت بتمناها واتأقلمت ع الكرسي ..اذا نجحت العملية خير ونعمة من ربنا واذا فشلت عادى انا عايشة حياتى بشكل طبيعى ومش ناقصنى حاجة
روبى:: بصراحة يا كابتن منة من زمان وهى دايما عندها قناعة و رضا و شخصيتها قوية وتقدر تعدى اى محنة وأكيد طالما انت مرافق ليها يبقى هتدعمها و زى ما قال ساجد لازم تكون واثق و عندك يقين فـ ربنا انه جعل الدكاترة دول سبب والاهم انت من جواك تطمن نفسك بنفسك عشان تقدر تطمنها
أيمن :: عندكم حق ..انا فعلا لازم أهدى أكتر من كدا
أيهم:: طيب انت كلمت أبوها فـ تحديد ميعاد جوازكم ولا لسة
أيمن:: أيوا كلمته وحددته هيبقى تانى يوم رجوعنا من السفر
ساجد:: أبو كأبتك يا شيخ وخبر زى ده ساكت عنه يا كئيب يا عدو الفرحة
هدير::بضحكة مكسورة ..شكله اتعدا مننا ههههههه بقينا كلنا خزان احزان
أيهم:: اتكلمى عن نفسك يا حبيبتى انا فرفوش و نعنوش واحب الفرفشة ههههههههههههه
ساجد:: ههههههههههههه لـ أيهم هو مين ده اللى فرفوش ده انت ع رأى مراتك فدان كأبة ههههههه ..وبص لـ أيمن.. المهم انت ناوى ع أيه دلوقتي
أيمن:: هجهز كل حاجة واسيبكم تكملوا لغاية ما اسافر وأرجع علشان ناوى كدا ع حاجة هقولكم عليها بينى و بينكم
هدير:: اممممم لاااا فيها لا أخفيها يا كابتن
أيمن:: لـ أيهم خد مراتك و أمشى ياض انت مش ناقص صداع
أيهم:: لـ هدير ..عاجبك كدا اهو طردنا من ملك الحكومة ههههههههههههه يلا ياختى نروح نكمل عند أبوكى باقى القعدة ونحاول ناخد هادى منه شوية يمكن يحن علينا ويفتكر انه ابننا احنا
ساجد::ههههههههههههه شكلك مسخرة و الله وانت بتاخد ع قفاك من حماك كل شوية
روبى:: بهدوء..ساجد حبيبى ما ينفعش كدا ..عيب مهما كان أيهم صاحبك بلاش تتكلم عليه كدا
أيمن::بضحك لـ ساجد.. ههههههههههههه يا أبنى اتلم وبلاش تتريق ع ولي نعمتك ..بدل ما تتعلق..مش كفاية عليه حماه يبقى انت كمان ههههههههههههه
أيهم:: بنرفزة ..تصدق ياض انت و هو انا غلطان انى قاعد معاكم وبص لـ هدير يلا قومى انتى كمان ..و اخدها ومشى وأيمن وساجد بيضحكوا عليه كالعادة
__________________
فـ بيت المنياوى بعد مرور شهرين..
صباح أخر يوم فـ امتحانات منة ..منى بتحضر الفطار للكل و دموعها ع خدها
محمود:: صباح الخير يا حبيبتى ..و بعدين معاكى يا منى انتى من وقت ما عرفتى بالعملية والسفر مش مبطلة عياط ..يا حبيبتى تفائلى بالخير هتلاقيه ان شاء الله
منى:: بدموع ..مش قادرة يا محمود خايفة اوى ..النهاردة بنتى هتسافر وتعمل عملية صعبة وهى بعيد عنى و هتقعد شهر لوحدها ..غصب عنى صدقنى
محمود:: ضمها بحنان لـ حضنه ..مين قالك انها لوحدها اولا ربنا معاها ثم جوزها كمان معاها ومتأكد انه هيحافظ عليها و ياستى هنبقى كل يوم نكلمها فيديو علشان تشوفيها وتطمنى عليها
محمد :: صباح الخير ..الله الله ست الكل مالها كدا ..ليه بقى الدموع دى يا منايا انا وبص لـ أبوه
محمود:: بحزن ..صباح الخير يا ميدو
محمد :: بهزار ..ايه ده ..مافيش ض ر ب و لا تعليق النهاردة ولا ايييه ههههههه
محمود:: هعديهالك بس النهاردة علشان مش فايقلك ..مش أكتر
مصطفى:: بابا هى منة هتطلع من الجامعة ع المطار ؟
محمود:: لأ يا صاصا هترجع هنا الاول.. ميعاد طيارتها الساعة 10 بالليل و هنروح كلنا نوصلها الساعة 8 ان شاء الله
منة:: بأبتسامة ..صباح الورد يا حلويين ..ماشاء الله اول مرة كلكم تصحوا بدرى كدا و بصت لـ مصطفى ..ومن غير دوشتى يا سى صاصا اهو ههههههههههه
مصطفى:: صباح الجمال يا مزة قلبى ..أعمل ايه معايا واحد غتيت فـ الاوضة من وقت ما دخل الحربية وهو بيصحى من فجر ربنا ويصحينى معاه
محمد:: الصحيان بدرى صحة يا متخلف
مصطفى:: بكوميديا ..مش مكتوبالك يا بولين قصدى يا صاصا ههههههه نفسى انااااام يا نااااس واصحى براحتى ..ده انا ما صدقت خلصت امتحانات والله
منى:: بنرفزة ..ممكن خلاص بقى بطلوا هزار و اتفضلوا الفطار جاهز ..وبلاش وجع دماغ بقى
منة:: ماما حبيبتى اهدى ..مالك بس متنرفزة ليه كدا ..ومسكت ايدها حبيبتى انا عارفة انك قلقانة بس أرجوكى بلاش قلق علشان خاطرى كل اللى عايزاه منك تدعيلى بس وخليكى واثقة ان ربنا هيقبل دعائك ..وفعلا منى هديت او تصنعت الهدوء علشان خاطر بنتها وكلهم قاعدين بيفطروا فـ حالة من الصمت و كل واحد فيهم سارح بتفكيره فـ منة و ياترى الايام اللى جاية مخبية ايه..و عدى اليوم وخلص بسرعة وجات ساعة السفر خلاص أيمن راح لـ منة عشان ياخدها و أبوها و اخوتها صمموا يوصلوها المطار وهناك د/رؤوف فـ انتظارهم و كانت هدير وأيهم وسلوى وعادل و فادية كلهم مستنين علشان يسلموا عليها و يدعولها ترجع بالسلامة
منة:: بدموع..بتودعهم و جواها أحساس انها زى ما هتسافر هترجع بس لازم تاخد بالاسباب ..قالت انا مش عايزة منكم غير دعواتكم كلكم فـ كل وقت لغاية ما ارجع ..و ع فكرة انا راضية بنصيبى أياً كان ..بس المهم تدعولى
أيمن :: خلص إجراءات الجوازات وخلاص سمع النداء ع الطيارة ..يلا يا منة بينا وسلموا ع كل الواقفين ومشيوا ركبوا الطيارة ومعاهم دكتور رؤوف .. وصلو سويسرا بعد 4 ساعات و 20 دقيقة تقريبا و خرجوا من المطار ع مستشفى بازل الجامعى و كان د/ توماس فـ انتظارهم
د/ توماس :: Welcome to Switzerland..how was your trip
اهلا بكم فى سويسرا ..كيف كانت رحلتكم
د/رؤوف::Welcome Dr. Thomas..it was fun for me..but these guys, as you can see, are very worried
اهلا بك د/ توماس ..كانت ممتعة بالنسبة لي..اما هؤلاء فـ كما ترى فـ هم قلقين للغاية
د/توماس ::Why worry Dr. Ayman..
لـ أيمن ..لما القلق د/ أيمن ..
أيمن:: Excuse me, Dr. Thomas, she is my wife and I love her very much, so I am very worried about her
اعذرنى د/ توماس فهى زوجتى و انا احبها كثيرا لذلك انا قلق عليها للغاية
توماس:: Don’t worry my dear, here there are all the advanced capabilities..as I told you before, this surgery is simple for me
لا تقلق عزيزى هنا يوجد كل الامكانيات المتطورة ..وكما قلت لك من قبل هذه الجراحة بسيطة بالنسبة لى
منة:: Dr. Thomas, when are you going to have the surgery?
د/ توماس متى ستقوم بأجراء الجراحة
توماس:: The day after tomorrow..when all the tests required of you are done tomorrow..and now rest in your room and don’t worry about anything
بعد الغد ..عندما يتم عمل كافة الفحوصات المطلوبة منك غدا ..والان استريحى فى غرفتك ولا تقلقى من شيء..وفعلا أيمن وصل منة اوضتها وشالها حطها فـ سريرها وبعد ما اطمن عليها انها اكلت وهتنام باس جبينها و طفى لها نور الاوضة وسابها وخرج راح اوضته علشان يرتاح بعد ما اتكلم مع واحدة من الممرضات انها تاخد بالها من منة و احتياجاتها وبعدها كلم محمود و فادية يطمنهم انهم وصلوا وهتبتدى تتجهز للعملية
_______________
فـ مستشفى بازل الجامعى
تانى يوم الصبح راح أيمن عند منة
أيمن:: حبيبى ..صباح الخير يا قلبى
منة:: صباح الخير يا حبيبى
أيمن:: الله أحلى صباح ده ولا ايه بس ..قوليها تانى كدا
منة:: بخجل ..هى ايه دى اللى أقولها تانى
أيمن:: قوليلى قولتى صباح الخير يا ايه ..عشان سمعى تقيل ههههههههه
منة:: قولت صباح الخير يااا ياااا أيمن ههههههههههههه
أيمن:: بتزمر..لأ انتى كدا بتخمينى ..مش دى الكلمة اللى سمعتها ..
منة::ربعت ايدها .. اممممم وطالما سمعتها عايزنى أقولها تانى ليييه بقى
أيمن:: هو انا ما قولتلكيش
منة:: لأ ما قولتليش
أيمن:: اصل انا ذاكرتى ضعيفة خاااالص زى ذاكرة السمك يعنى لاااازم اسمع الكلمة دى كل ثانية عشان تثبت فـ دماغى و مانسهاش ههههههههههههه
منة:: وماله هقولهالك كل شوية
أيمن:: طيب يلا قولى و من غير ماتخمى صباح الخير يا ايه
منة:: حبي وقطع كلامها خبط ع الباب
أيمن:: Enter..أدخل
د/رؤوف:: صباح الخير .. عاملة ايه يا منة
منة:: صباح الخير يا دكتور ..الحمدلله بخير
رؤوف:: يا ترى جاهزة علشان نبتدى الفحوصات
أيمن:: ان شاء الله يا دكتور جاهزة ..وبص لـ منة مش كدا يا روحي ؟
منة:: هزت راسها بمعنى انها جاهزة و مستعدة وفعلا راحت منة وعملت الفحوصات المطلوبة قبل العملية ..و خلص اليوم مابين أشاعات و تحاليل و تحضير للعملية
بقلمى✍️______________لبنى دراز
فـ صباح يوم العملية..
دخل أيمن لـ منة وشافها بتصلى وبتدعى ربها انها تخف وبعد ما خلصت
أيمن:: تقبل الله يا قلبى
منة:: منا ومنك يارب يا حبيبى
أيمن:: جاهزة يا حبيبتى ؟
منة:: ان شاء الله يا حبيبى
أيمن:: بقولك ايه بقى.. أيه رأيك بعد ما نطمن عليكى و ان شاء الله تخفى كدا وترجعى تمشى ..ننزل نتفسح ونشترى فستان الفرح من هنا بيقولوا الفساتين هنا جنان و كمان اشترى بدلتى بالمرة يعنى لو مش عندك مانع ههههههه
منة:: حبيبى زى ما تحب
أيمن::مسك وشها بين أيديه ..مش عايزك تقلقى خالص يا منة فكرى بس انك هتخفى وترجعى تمشى تانى ان شاء الله ..وباس جبينها و شوية و دخلت الممرضة علشان تاخد منة لغرفة العمليات وكان منتظرها دكتور توماس و دكتور رؤوف
___________________
فـ مصر فـ بيت المنياوى
محمود قاعد قلقان ومتوتر ومستنى اى اتصال من أيمن و شوية و موبايله رن
محمود:: الووو أيمن طمنى ..منة دخلت العمليات
أيمن::………..
محمود:: طيب بالله عليك اول ما تخرج تعرفنى
أيمن:: ……….
منى:: أيمن ما تتأخرش علينا يابنى الله يخليك
أيمن:: …………….
وقفلوا الخط وقاعدين بيدعوا انها تخرج بالسلامة و شوية وجرس الباب رن فتح محمود الباب وكانت أم أيمن
فادية :: السلام عليكم ورحمة الله
محمود :: وعليكم السلام ورحمة الله وبركاته ..اتفضلى يا أم أيمن
فادية:: اسفة جيت بدرى بس ما حبيتش اسيب ام محمد لوحدها
منى:: تشرفينى يا ست فادية ..اتفضلى استريحى.. تشربى ايه
محمود::ايه يا حبيبتى.. نفطر الاول وبعدين نشرب كلنا سوا ان شاء الله
فادية:: الله يبارك لك يارب يا أبو محمد انا فطرت قبل ما أجى ..وبعدين هأكل و هشرب بس لما اطمن ع منة الاول
منى:: لا ما تجيش يا أم أيمن ..ثوانى والفطار يجهز
محمود:: خليكى انتى يا منى مرتاحة يا حبيبتى و انا هعمل لينا أحلى فطار ..بس هما مصطفى و محمد لسة نايمين ولا ايه؟ ومشى راح يشوف التوأم المشاكس لاقهم كل واحد منهم ع سجادة الصلاة الخاصة بيه و فـ ايده مصحفه وبيصلوا ويقرأو قرآن ويدعوا لـ منة..سابهم ومشى راح المطبخ و هو بيمسح دموعه اللى بيحاول يداريها عن مراته و ولاده
_____________________
فـ سويسرا
أيمن قاعد قصاد اوضة العمليات مستنى ومش بيعمل حاجة غير انه بيدعى لحبيبته انها تخرج بالسلامة ..فات ساعة و التانية و عدى 4 ساعات و أخيرا اتفتح باب اوضة العمليات و خرج دكتور رؤوف مجهد جدا لان العملية كانت صعبة جدا بالنسبة له
أيمن:: جرى ع رؤوف..طمنى يا دكتور أرجوك
رؤوف:: بصراحة انا مش عارف أقولك ايه ..
أيمن:: قصدك ايه ..مش فاهم
رؤوف :: مش هنقدر نحدد غير لما تفوق و نعمل لها اختبارات الحركة..هى دلوقتي هتدخل العناية المركزة لغاية ما تفوق وبعدها هتتنقل لـ أوضتها
أيمن:: بتساؤل وجواه قلقان ..ليه عناية مركزة
رؤوف :: العملية كانت صعبة و دقيقة جدا و خطيرة و لازم تكون تحت الملاحظة لغاية ما تعدى الـ24 ساعة الاولى بعد الجراحة
توماس::Dr. Ayman everything will be fine..trust me and don’t worry
د/أيمن كل شيئ سيصبح على ما يرام ..ثق بى ولا تقلق
أيمن::هز دماغه بتوتر وقال ان شاء الله و اتصل بمحمود يطمنه ان منة خرجت من العمليات بس موجودة تحت الملاحظة لغاية ما تفوق وقفل الخط و فضل قاعد قصاد العناية باقى اليوم لغاية ما فاقت ودخل دكتور توماس و دكتور رؤوف يطمنوا ع منة و يعملوا لها اختبارات الحركة
و أيمن برة العناية منتظر بفارغ صبر اى خبر وأخيرا الباب اتفتح و خرجوا الدكاترة من جوة و جرى عليهم
أيمن:: طمنى يا دكتور رؤوف بالله عليك
رؤوف :: احنا عملنا كل ما فـ جهدنا والنتيجة دى بتاعة ربنا
أيمن:: قصدك أن العملية……
قبل ما يرد دكتور رؤوف قاطعه اتصال من دكتور صديق له عرف انه موجود فـ سويسرا واستأذن أيمن ومشى وكان دكتور توماس انشغل بجراحة تانية
___________________
مر الشهر بسرعة ومنة و أيمن خلاص بيستعدوا علشان يرجعوا واتصل
أيمن ::بـ أيهم يبلغه ميعاد رجوعه وينفذ اللى طلبه منه هو وساجد
أيهم:: ما تشغلش بالك انت كل حاجة تمام وبيتك اتفرش ع زوقك و زوق منة وخلاص كله مية مية و زى الفل ..المهم ترجعوا بالسلامة ان شاء الله
وقفل معاه ورجع اتصل بمحمود وبلغه باللى بيفكر فيه
أيمن:: أنا ياعمى بعد أذنك عايز يبقى الفرح نفس يوم رجوعنا
محمود:: ازاى بس يا أيمن أكيد هتبقوا تعبانين من السفر و اكيد حالة منة النفسية ..
أيمن:: بمقاطعة ما تقلقش يا عمى ع منة خالص انا هرتب كل حاجة بس حضرتك وافق
محمود:: خلاص يا ابنى موافق ..والف مبروك يا حبيبى ترجعوا بالسلامة.. وقفل أيمن الخط بعد ما اتفق مع حماه ع كل حاجة وانهم كلهم هيطلعوا ع قاعة الفرح اللى قال لـ أيهم عليها و هو ومنة هيطلعوا من المطار ع القاعة
______________________
قبل السفر بيومين خرج أيمن ومنة ويتفسحوا شوية فـ البلد وكمان يشترى ليها الفستان زى ما وعدها
أيمن:: منوشة حبيبتى ايه رايك نروح المزارات السياحية الاول ولا نشترى الفستان الاول
منة:: أيمن حبيبى أكيد نتفسح و نشوف المزارات الاول وبعدين نشترى كل حاجاتنا ونرجع
أيمن:: ماشي كلامك يا قمرى تحبى تروحى فين بقى و نبتدى منين
منة:: عايزة أروح المدينة القديمة سمعت انها فيها مناطق جميلة ممكن نقضى فيها وقت ممتع و كمان عايزة أروح جولة فـ نهر الراين و عايزة كمان أشوف نافورة تينغلى النافورة المرحة ههههههههههههه
أيمن:: من عيونى حبيبتى بس تؤمر والعبد لله ينفذ ..وفعلا راحوا كل الاماكن اللى منة قالت عليها وقضوا وقت جميل جدا وأخر اليوم رجعوا بعد ما اشتروا كل حاجة عايزينها وأخر يوم قبل السفر قال لـ منة
أيمن:: أقول خبر حلو كنت عامله مفاجأة
منة :: خبر ايه اللى عاملهولى مفاجأة
أيمن:: هنرجع من هنا ع بيتنا
منة:: مش فاهمة ازاى يعنى
أيمن::وهو ماسك أيدها.. بصى يا ستى انا كلمت بابا وقولتله انا خلاص مش قادر أعيش من غير حبيبتى وعايزها فـ حضنى
علشان كدا بعد أذنك يا عمى هكلم أيهم يحجز قاعة الفرح زى ما حبيبتى عايزة و هننزل من الطيارة و نروح القاعة ع طول وانتوا تستنونا هناك
منة:: بخجل ..بجد يا أيمن يعنى خلاص فرحنا بكرة
أيمن :: بسعادة ..اه يا روحى ان شاء الله
منة:: بأندهاش ..بس أزاى بقى هنسافر من هنا ع الفرح من غير فستان الفرح ؟؟!
أيمن :: حبيبتى و دى المفاجأة التانية ..اننا هنرجع فـ طيارة خاصة هدية من أيهم و هيكون فيها كل حاجة هتحتاجيها ياقلبى علشان تكونى أحلى و أجمل عروسة فـ الكون وأكون انا عريسك الغلبان اللى الناس كلها هتحسدنى ع القمر اللى معايا ده .. و بغمزة ماشى ياقمر؟؟
_______________
وأخيرا جه اليوم الموعود ورجعت منة هى وأيمن في الطيارة الخاصة بتاعة أيهم وكان فيها بنات ميك اب أرتست ساعدو منة وخلوها فعلا أجمل عروسة وكان فـ نفس الوقت أيهم و ساجد مع أيمن بيساعدوه علشان يجهز هو كمان وأخيرا وصلوا المطار وكان فـ انتظارهم عربية أحدث موديل متزينة بطريقة خرافية أخدتهم لغاية القاعة و نزلوا من العربية داخل القاعة وسط زهول المعازيم و دموع منى و محمود اللى شافوا بنتهم نازلة ملكة بفستان الفرح ..وماشية ع رجلها
محمود:: ماشاء الله ..حمد الله ع السلامة يا قلب بابا ..الف مبروك يا حبيبتى وباس جبينها وبعدها سلم ع أيمن وبارك له
منى :: بدموع الفرح ..انا مش مصدقة ..بنتى حبيبتى بقت عروسة زى القمر
منة:: بتمسح دموع باباها و مامتها خلاص بقى من النهاردة مافيش دموع تانى
محمد ومصطفى جريوا ع منة واخدوها فـ حضنهم الاتنين وبدموع الفرح قالوا فـ نفس واحد ماحدش هيسلمك لعريسك غيرى ضحك أيمن عليهم وطبعا الكل جرى بعد التوأم علشان يسلم ع منة اللى رجعت بالسلامة و بعد السلامات والمباركات ابتدا الفرح فعلا زى ما كان مترتب له
أيمن::طلع ع الاستيدچ مستنى منة
منة:: ماشية مع محمود و محمد و مصطفى أخدوها من باباهم و بيسلموها لـ أيمن وهما بيغنوا و دموعهم سابقة غناهم
الفرحة اللي أنا حاسس بيها
لا أنا قادر أقولها ولا أحكيها
أختي حبيبتي و ضيي عيوني
لعريسها بإيدي هوديها
من يوم ما وعينا على الدنيا
ما فرقناش بعضنا لو ثانية
على عيني إنك تبعدي عني
دمعتي مش قادر أخبيها
والفرحة اللي أنا حاسس بيها
لا أنا قادر أقولها ولا أحكيها
أختي حبيبتي و ضيي عيوني
لعريسها بإيدي هوديها
من يوم ما وعينا على الدنيا
ما فرقناش بعضنا لو ثانية
على عيني إنك تبعدي عني
دمعتي مش قادر اخبيها
و أوعي تنسي إن أنا حضنك
سرك أخوكي، سندك ضهرك
و أوعي تخافي من أي حاجة
وهجيبلك حقك لو ضايقك
و أوعي تنسي إن أنا حضنك
سرك أخوكي، سندك ضهرك
و أوعي تخافي من اي حاجة
وهجيبلك حقك لو ضايقك
وأوعي تنسي إن أنا حضنك
سرك أخوكي، سندك ضهرك
وأوعي تخافي من أي حاجة
وهجيبلك حقك لو ضايقك
دا الفرحة اللي أنا حاسس بيها
لا أنا قادر أقولها ولا أحكيها
أختي حبيبتي و ضيي عيوني
لعريسها بإيدي هوديها
وبعدها أيمن أخدها من أخواتها و رقصوا سلو سوا زى ما وعدها ع أغنية غالى
معاك انا قلبي عاش من تانى ليالي تفوت علينا ثوانى لو هتكون فى مره مكانى هتعرف قصدى ايه
فى بالى قلبى وانا ودقاته بتضحك بتبقي حلوة حياته دايما يبقا فى جوايا اكتر احس بيه
غالى والله غالى لسه فاكر يوم ما جالى راح دعالى انى ابقي ملكه يوم ودعيت وراه
مالى بس مالى جه فى لحظه قلبلى حالى لو ندانى يلقي ردى نفسي اعيش واموت معاه
روحى لقتها فيك ايوه هموت عليه وحاسس ربنا اخيرا عوض صبري بيه
محتاج قلبي ليك ومصدق عنيك ويا رب الجاى يجمعنا وانا ايدى فى ايديك
تخيل حد لما تشوفه تحس بحزن فرحه وخوفه واسمك يبقي كل حروفه وتشبه اسمه ايه
بتفرح لما تسمع صوته وترسم صوره ليه فى سكوته يحلا تملى لما كثوفه بيبان عليه
غالى والله غالى لسه فاكر يوم ما جالى راح دعالى انى ابقي ملكه يوم ودعيت وراه
مالى بس مالى جه فى لحظه قلبلى حالى لو ندانى يلقي ردى نفسي اعيش واموت معاه
روحى لقتها فيك ايوه هموت عليه وحاسس ربنا اخيرا عوض صبري بيه
محتاج قلبي ليك ومصدق عنيك ويا رب الجاى يجمعنا وانا ايدى فى ايديك
والكل رقص وهيص لغاية ما تعبوا حرفيا من كتر الرقص وقبل الفرح ما يخلص طلع محمود ع الاستيدچ و مسك منة بيرقص معاها سلو و بيغنيلها
بنتي و حبيبتي و كل حاجة في الدنيا ليا
معقول كبرتي و العمر عدى بالسرعة ديا
بنتي و حبيبتي و كل حاجة في الدنيا ليا
معقول كبرتي و العمر عدى بالسرعة ديا
ده انا لسة شايفك بالضفاير بتجري جنبي و تلعبي
انده عليكي بسرعة تجري في حضني تيجي و تهربي
انا لسة شايفك بالضفاير بتجري جنبي و تلعبي
انده عليكي بسرعة تجري في حضني تيجي و تهربي
واهو النهاردة بقيتي أحلى عروسة ممكن تشوفها عيني
و اليوم ده أجمل يوم في عمري
و حلمت بيه انا طول سنيني
واهو النهاردة بقيتي أحلى عروسة ممكن تشوفها عيني
و اليوم ده أجمل يوم في عمري
و حلمت بيه انا طول سنيني
و لو لاقيتى دموع في عيني
ده عشان هتمشي و تسبيني
منة:: مسكت وشه بين إيديها بعد ما مسحت دموعه عمرى ما هبعد عنك ابدا يا أجمل أب فـ الدنيا ..وخلص الفرح والكل بارك لـ منة و أيمن و ودعوهم
و دعولهم بالسعادة دايما
محمود:: لـ أيمن ..مش هوصيك على ضحكة قلبى لانى عارف انك هتحافظ ع الامانة اللى سلمتهالك ..
أيمن :: منة الهوا اللى بتنفسه ما تقلقش دى فـ الوتين
منى:: بدموع.. انا مش عارفة أقولك أيه ..اى كلام مش هيوفى حقك من بداية الحادثة لغاية النهاردة وكل اللى عملته علشان تشوفها فرحانة و مبسوطة
أيمن:: باس راسها يا ست الكل ده انا لسة بقول منة فـ الوتين ..دى روحى من غيرها مش عايش واى حاجة كنت بعملها ..بعملها بس عشان تترد لي روحى وأعرف اتنفس و أعيش و اخيرا خلاص رجعتلى روحى و فعلا سلم عليهم وأخد عروسته و طاااار ع بيته

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية موعد مع القدر (تحدي الإعاقة))