رواية الجمال الداخلي الفصل الأول 1 بقلم شروق حسام

رواية الجمال الداخلي الفصل الأول 1 بقلم شروق حسام

رواية الجمال الداخلي البارت الأول

رواية الجمال الداخلي الجزء الأول

رواية الجمال الداخلي الحلقة الأولى

_” رحبوا معايا بتريلة الدفعة الجديدة يلا صقفة كبيرة”
الكل صقف بإجبار لأنهم عارفيين انها بنت العميد وممكن تبدأ تتنمر عليهم زي اللي فاتوا واللي جايين
سلمي بإستعلاء ” بصي بقي يا بقبوظة انتي انتي هنا تسمعي كلامي زيك زيهم فاهمة ولو عملتي العكس هخلي بابي يتطردك برا الكلية ”
هي سلمي بس شخصيتها عكس اسمها ولا فيه هدوء ولا فيه سلام
ميادة فضلت واقفة مكانها حاسة بإحراج ودموعها بتنزل علي خدها بغزارة هي لحد دلوقتي مش مستوعبة اللي اتقال هو معقولة التنمر لسه موجود لحد دلوقتي بعد ما وصلوا ل 2024 وكل حاجة اتطورت لسه فيه تنمر هم مش في كوريا الجنوبية عشان يحصل لها كده
شوية بصوا لها بشفقة وشوية بحزن وقلة قليلة بصوا لها بشماتة
………………
_” هههه شوفي البت يا سولي كانت هتموت من كتر الاحراج بجد موتتني من الضحك ”
سلمي بضحك ” فعلا كمان الناس اللي زي دي آخرها تتداس تحت الرجليين ”
صاحبتهم الثالثة ملك بغضب ” ماسة سلمي فيه ايه اتلموا شوية مش معني ان انا ساكتة علي الكلام اللي انتوا بتعملوه ده يبقي هتتمادوا فيها ”
_” بطلوا القرف ده عشان ممكن في يوم تبقوا مكان كل واحد اتريقتوا عليه ”
سلمي بعدم اهتمام ” اهدي يا لوكة احنا بنتسلي بس فريلاكس يا بيبي ”
ملك بحدة ” انتي بالذات مفيش فايدة في الكلام معاكي انا لولا انِ صاحبتك من الحضانة كنت سيبتك من زمان معرفش ايه اللي حصلك خلاكي تبقي كده ”
_” لو مرجعتيش سلمي صاحبتي اللي كانت قبل كده مترجعيش تكلميني تاني ونفس الكلام ليكي يا ماسة ”
خلصت كلامها وسابتهم ومشيت
تحت نظرات سلمي الغاضبة منها ومن طريقة كلامها معاها
…………….
عدي أيام كتير لحد ما عدي شهر ونص علي بداية الدراسة
وسلمي زودت التنمر علي ميادة وكانت مركزة عليها هي بالذات بتفضي غضبها من ملك بالطريقة الغلط وبسبب كده ميادة كرهت الكلية وكرهت كل حاجة حواليها لدرجة انها حاولت تنهي حياتها بس أهلها لحقتها علي آخر لحظة
وعرفوا اللي كان بيحصل لها في الكلية فحولوها لكلية تانية ومعملوش حاجة لسملي ولا اشتكوا عليها وسابوها منها لربنا هيجيب حق بنتهم
واللي حصل مع ميادة الكلية كلها عرفته وبدأ كرههم لسلمي يزيد وبقت هي اللي بتتعرض للتنمر وكل ده وباباها اصلا مش مهتم كل تركيزه علي الكلية وشغله وسايبها علي راحتها بس اللي ميعرفوش ان ده اسمه إهمال وعدم اهتمام
سلمي مقدرتش تستحمل كل ده وبقت حابسة نفسها دايما في أوضتها وجالها اكتئاب بسببه فضلت تأكل كتير بقت تأكل أي حاجة قدمها من الزعل هي معرفتش اللي كانت بتعمله ده كان مؤذي ازاي غير لما جربته
وبسبب اكتئابها بقت من بنت جميلة ومحافظة علي قوامها لبنت وزنها 100 كيلو مش مهتمة لنفسها ولا مهتمة بصحتها
وبقت تتكسف تنزل الكلية بس بقت مجبرة تنزل عشان امتحان نص السنة

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجمال الداخلي)