رواية حارس على قلبي الفصل الرابع 4 بقلم زهرة الربيع

رواية حارس على قلبي الفصل الرابع 4 بقلم زهرة الربيع

رواية حارس على قلبي البارت الرابع

رواية حارس على قلبي الجزء الرابع

رواية حارس على قلبي الحلقة الرابعة

احنا نقدر نعمل زيهم …زي ما خانك تقدري تخليه يشوف نفس المنظر بنفس الطريقه…تقدري تخليه يحس انو ولا حاجه زي ما عمل معاكي…الموضوع في ايدك يا ضحى …واقرب منها قوي وقال …سبيلي نفسي.. وانا هاخد حقك وحقي وقرب منها وهي كانت بتبكي بصمت وقربها لي قوي
بس ضحى دفعته بغضب وقالت…. انت بتهبب ايه… هو لما حد يعمل حاجه غلط نقوم نعمل زيه بحجة اننا بننتقم… اسمع يا معتصم انا كنت حاسه انك مجروح …ودلوقتي فهمت انت بتعمل كده ليه من وقت ما جينا فاكر انك بترد كرامتك وتحس برجولتك لما تخلي خطيبته تعمل زي ما خطيبتك عملت…بس لازم تعرف ان هو معملش اي مجهود..كل الحكايه ان خطيبتك عملت كده لانها ما اتربتش بس انا متربيه …ولا 10 زيه يوجعوني لدرجه اني افرط في نفسي… فخليك بعيد عني ..ولو سمحت تقوم لاني عايزه انام
معتصم حاول يتكلم معاها بس قالت بسرعه… لو سمحت عايز انام بجد.. ممكن
معتصم اتنهد وهز راسو بالموافقه وراح نام على الكنبه
ضحى اتنهدت بدموع وحاولت تنام وهي حاسه بتعب شديد في قلبها حاسه بحزن ما يتوصفش كانت رفضاه جدا بس بقى يتحايل عليها وافقت من كتر محاولاته مش مصدقه ان بعد ده كله ممكن يخونها وهما مخطوبين وفي في فيلتهم كمان فضلت وسط افكارها لحد ما نامت
معتصم كان بيبص عليها بحزن واول ما اتاكد انها نامت راح نام جمبها وشدها ليه وهو حاسس بشعور جميل قوي وهيه بين ايديه
في صباح يوم جديد قامت من النوم لقتو جمبها ابتسمت على ملامحه الجميله وافتكرت الكلام اللي قاله امبارح اتنهدت بحزن ووقفت راحت على الحمام بحزن شديد
معتصم حس بيها لما قامت قعد واتضايق جدا لما افتكر اللي اللي حكاهولها وزعل جدا من نفسوا انو زعلها كده وفضل مستنيها لحد ما تطلع
بعد شويه خرجت من الحمام ووقفت قدام المرايه بتمشط في شعرها بتوهان
معتصم اتنهد وقرب منها وقال بهمس… انا..احم انا اسف على اللي قلته امبارح اكيد اتجرحتي معرفتش بقول ايه وكنت مش قادر اسكت اكتر متزعليش محدش اصلا يستاهل تزعلي
بقلم…زهرة الربيع
ضحى بصتلو وابتسمت بدموع وقالت…. انت اكيد زعلان اكتر مني بس ولا يهمك ..انت شاب زي القمر وهيه خسرت كتير
معتصم ابتسم وقال… عاجبك انا يعني
ضحى هزت راسها بتوتر وقالت… اه كويس
معتصم ابتسم وقرب اوي وقال …وانتي اجمل كتكوته شوفتها في حياتي
ضحى بعدت شعرها ورا ودنها وقالت بكسوف… انت كمان مفيش منك يا معتصم ..بس يعني لو تبطل تحر…ش
معتصم ضحك جامد وقال ….تحر…ش ..خلاص يا عم مش هتحر…ش تاني واقرب منها وقال بجديه..انا اسف مكانش قدامي غيرك احطه في الموقف ده … بس حقيقي كنت موجوع اللي حسيت بيه صعب و ده اللي جه في دماغي وقتها
ضحى ابتسمت بحزن وقالت…. انا مش زعلانه منك بالعكس كويس انك وقفت الجوازه دي ..اذا كان بيعمل كده قبل الجواز امال بعده هيعمل ايه
معتصم بص لعيونها وقال..هو لو بيفهم لا يعمل كده قبل الجواز ولا بعده ولا بعد مية سنه…اللي يكون معاه واحده زيك ويبص لغيرها يبقى محتاج تصحيح نظر
ضحى ابتسمت وقالت…ماشي يا سيدي اشكرك… بس بجد يا معتصم بابا تعبان واكيد زمانه بيدور عليا و مش هينفع تسيبني هنا فتره طويله
معتصم ابتسم وقال… اكيد فاهم بس حاليا البوليس حوالين البيت خليهم يمشو وهرجعك اكيد
ولسه هيبعد مسكت ايده بسرعه وقالت ….انا كمان هعمل لك خدمه قصاد انك هترجعني يعني مش هخلي كل التعب اللي انت عملته ده يروح على الفاضي
معتصم بصلها باستغراب ومش فاهم قصدها ايه وهي قالت اجهز ..هنعمل فيلم حلو اوي
عند شريف كان هيتجنن وكان بيدوروا في كل مكان هو والبوليس لحد ما وصلوا للتليفون اللي اتبعتت منه الرسائل راحوا للراجل
ظابط البوليس مسك الراجل بغضب وقال …اتكلم يلا البنت فين
الراجل قال بارتباك… والله يا باشا ما اعرف والله ما اعرف حضرتك قصدك ايه انا ما اعرفش بنات ولا خطفت حد
شريف بصله بغضب وقال…. انا متاكد ان البنت مش معاك انت بس اكيد تعرف مكانها والتلفون معاك انطق يلا
الراجل قال…انا هقول لك يا باشا انا كنت رايح الشغل عادي و بعدين لقيت التليفون ده عند مقلب زباله لقيته شكله جديد واخذته هي دي كل القصه والله
الظابط بص بشريف وقال احتمال كبير يكون اتخلص من التليفون عشان ما حدش يوصل له
شريف قال بغضب…والمقلب ده فين بالظبط
راجل اخذهم وكان قاصد يوديهم مكان بعيد جدا عن موقع معتصم
عند معتصم طلع تليفون ثاني كان معاه مخبيه
وضحى اخدته منه وثبتته قصاد السرير وقالت… حبيبي يا معتصم… انا مش مصدقه من اخيرا بقينا مع بعض..بتوحشني كل ما بتبعد من قدام عيني… انت عارف ايه احلى حاجه في اني كنت هتجوز شريف ..انك هتفضل الجارد بتاعنا كل ما يغور هو في داهيه هفضل معاك وجمبك
معتصم كان عايز يضحك وقال بابتسامه…مقدرتش اشوفك بتتجوزيه يا حياتي… انتي عارفه انا بحبك قد ايه ومن زمان كمان
ضحى ضحكت وقالت بس برافو عليك… كلهم فاكرني مخطوفه ..الفيديو اللي بعته له اول يوم خلاه يصدق بجد ان انا مخطوفه مش رحت معاك بمزاجي
معتصم كان كاتم ضحكته بالعافيه وقال… مش مهم بمزاجك ولا غصب يا حبيبتي المهم انك معايا
ضحى قربت منه بجراءه وقالت..انت اللي من النهارده مش هتبعد عنيه ودفعته على السرير وقربت منو بهدوء
بعدت عنه وقالت ..ها ايه رأيك
معتصم كان مغمض عينيه ومش مصدق الحلم اللي هو فيه واول ما بعدت وقالت كده بصلها بتوهان وقال…بعدتي ليه
ضحى قالت باستغراب .. خلاص خلصنا الفيديو
معتصم غمض عينيه وافتكر وجذب شعر لورا وقال… اه صح الفيديو…نسيت…. بقول لك ايه ما تيجي نعمل فيديو تاني ده انت قمر قوي في الفيديوهات
ضحى ضحكت بخفه ودفعته …وقالت بطل الحركات دي مش خيرا تعمل شرا تلقى
معتصم قرب منها اكتر وقال…. انا عايز من الخير ده تاني وانبي
ضحى ابتسمت بكسوف وقالت..بجد كفايه لعب..يلاا روح ابعتله الفيديو ومتنساش تمنتجه
معتصم اتنهد وقال…ماشي ..وبعتله الفيديو فعلا وبصلها وقال ..بعتو
ضحى بصتلو وقالت….مرتاح كده
معتصم ابتسم بحزن وقال…لا ..مفرقتش معايا كتير..هو صحيح هضايقه …بس انا ..انا من جوايا عارف انو قدر يعمل الي انا مقدرتش عليه
ضحى اتنهدت وقالت….انا قولتلك قبل كده والله دي مش شطاره منو ..ولو هيه خطبتو هو وانت حاولت معاها كانت هتوافق صدقني لان ده طبع فيها
معتصم اتنهد وقال….يمكن …ويمكن فلوسه هيه السبب
ضحى اتنهدت وقالت..ده شيئ اكيد…ولو اني بصراحه كده شايفه ان خطيبتك دي حماره ومش بتفهم اي حاجه…و لو اي واحده مكانها مستحيل تفرط في راجل زيك
معتصم ابتسم وبص لعيونها وقال…. يعني لو انتي مكانها
ضحى نزلت عيونها في الارض بكسوف وقالت ..انا لو مكانها كنت خبيتك في قلبي من خوفي لتكون لغيري
معتصم اندهش باللي قالته و ابتسم وهو بيبص لها وقال..ليه ..ايه المميز فيه
ضحى قالت بسرعه ….كل حاجه فيك حلوه ….راجل كده ويعتمد عليه انا لما بتكون معايا في اي مشوار مش ببقى خايفه من اي حاجه انت امان قوي يا معتصم
معتصم ابتسم بحزن قال….انتي اللي بتقولي كده…بعد اللي عملتو معاكي ده انا خاطفك
ضحى قالت بابتسامه …بس ماذتنيش كنت زعلان شويه بس في كل مره كنت تقدر تأذيني بس ما بتعملهاش
معتصم قرب منها وقال… ولا عمري اذيكي انا مش هنسى فضل ابوك عليا ولا هنسى انك قدرتي وجعي رغم اللي عملته معاكي …وباذن الله بكره هرجعك لابوكي
ضحى قالت بزهول… بكره
معتصم ابتسم بالعافيه وقال…اه بكره خلاص كده اصلا زمانه هيجنن من الفيديو اللي بعتناه وغير كده ابوكي راجل تعبان ومش هينفع نجازف اكثر من كده
ضحى حست بوجع وحاولت متبينش وقالت معاك حق بالظبط لازم نرجع
معتصم ابتسم وحاول يقوى وقال….يلا بقى ده اخر يوم هنقضيه سوا لازم نخليه مميز
ضحى ابتسمت بحزن و قالت… هنعمل ايه
معتصم قال بحماس …شوفي هنطلع نصطاد في البحيره اللي جنبنا دي ونيجي نعمل سمك مشوي ونحضر فيلم جنان يلا بينا
في البيت كان شريف بيدور برضو وموصلوش لاي حاجه وشاف رسالة ممعتصم …فتح وشاف الفيديو بزهول

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حارس على قلبي)