رواية خلف الظلام الفصل الثامن 8 بقلم أروى اسماعيل

رواية خلف الظلام الفصل الثامن 8 بقلم أروى اسماعيل

رواية خلف الظلام البارت الثامن

رواية خلف الظلام الجزء الثامن

رواية خلف الظلام الحلقة الثامنة

ركزت في الصوت لقيته صوت منصور اخويا اول حاجة جت في دماغي وقتها أنه ادخل اي اوضه فيها بلكونة و كدة كدة البيت دور أرضي فلو نطيت مش هيحصل حاجة بس في نفس الوقت منصور هيعمل مشكلة كبيرة و مش هيصدق اي كلام ميرفت تقوله ف قررت اني هواجه و زي ما تيجي تيجي روحت ل ميرفت و عملت نفسي مميزتش الصوت و قولت:مين ي ميرفت اللي بيزعق كدة هو مش البيوت ليها حرمة برضوا.
ميرفت:أنت غبي أدخل جوا دا منصور.
منصور:و كمان بتدخليه عشان مشوفهوش ااه ي عديمة الرباية .
خالد:ايه الاسلوب المقزز دا ي منصور بقى دي التربية اللي ماما ربتهالنا ي اخويا ي كبير ي قدوة.
منصور:خالد انت بتعمل ايه هنا هوة انت اللي كانت ميرفت راكبة معاه.
خالد:ااه ي سيدي انا بقى تشك في مراتك ي راجل دا انت كنت بتصدقها و تكدبني دلوقتي بقيت تشك فيها ااه ي زمن مغير الاحوال .
منصور:أهو اللي حصل بقى بس المهم أنت فين السنين دي كلها انا و ماما و بابا مشتاقين ليك و لهزارك و نكتك البايخة بس كانت بتضحكنا من ساعت ما مشيت و الضحكة اختفت معاك و مشيت .
خالد:مقدرتش ارجع بعد ما عجزت امي بدري مقدرتش ارجع لما لقيت اختى مرعوبة و مش قادرة حتى تبص في وشي مقدرتش ارجع لما خليت ابويا يترجاني عشان مأذهوش ساعتها اتأكد أنه انا ابن عاق زي ما امي بتقول دايما عشان كدة قررت اسيب الدنيا كلها و امشي بس حتى دي كنت ضعيف فيها و مقدرتش و اديني اهو قدامك اتخرجت و اشتغلتبس لسة مش مسامح نفسي .
منصور:بس احنا مسامحينك و اولهم امي بتدعي كل يوم انها تشوفك او تسمع صوتك بس ارجع ي خالد حتى عشان أمل.
خالد:أمل ايه بس ي عم دي زمانها اتجوزت و خلفت ايه اللي هيخليها تستنى.
منصور:و اللي يقولك انا لسة مستنية و بجد مش هزار كل اسبوع لازم تسألني عنك و اقول معرفش حاجة عنك دا انا حتى في مرة قولتلها انسيه هوة زمانه نسيكي و اتجوز ردت عليا بكل تلقائية انا لو نسيته ابقى نسيت نفسي و انا واثقة في حبي ليه و حبه ليا يخليه ميبصش لاي واحدة تانية و انا واثقة من رجوعه و هفضل مستنياه.
ميرفت:يعني ي جدع حد يكون عنده واحدة بتحبه الحب دا كله و يسبها ااه اما الدنيا حظوظ بشكل.
منصور:وماله حظك يعني ي ست هانم .
ميرفت:هوة انت قولت حاجة انت غاوي عصبية و خلاص .
منصور:ايوة كدة اتعدلي و صحيح ي خالد انت اتقالبت مع ميرفت فين و كنت بتعمل ايه عند دار الادمان.
خالد:مهو انا شغال هناك و كمان انا اللي بعالج يونس.
منصور:دا بجد طب حقيقي انا كدة متطمن عليه معاك بس ليه كان في شاب اسمه احمد اللي بيكلمني كل مرة مش انت.
خالد:كنت خايف اواجه او كان بالنسبالي ده مش الوقت المناسب بس .
منصور: كلامك غير مفهوم بس تمام المهم انت هترجع معايا البيت .
خالد:لاء.
منصور:ي ابني ليه بس .
خالد:مش هقدر اواجه امي .
منصور:بس هي عايزاك ي حبيبي .
خالد:و انا كمان عايزها بس مش هقدر اواجها والله.
منصور:طب ماشي هسيبك على راحتك بس خد رقم امي اهو كلمها طمنها عليك حتى .
خالد:حاضر ي منصور هحاول.
كملت غدا وفهمت منصور انه ميرفت ملهاش زنب و اعتذر ليها و بعدد كدة استأذنت عشان عندي شغل روحت الدار و انا كنت طاير من الفرحة أحمد استغرب و سألني: أيه ي خلود اللي مفرحك كدة فرحني معاك ي عم.
خالد:قابلت منصور و اتكلمت معاه.
أحمد: طب الحمد الله ي حبيبي عقبال بقيت العيلة يا رب .
خالد: حبيبي ي ابو حميد خير كنت عايز تقولي حاجة في التلفون .
أحمد:حالة جديدة و غريبة و غالبا نوع المخدر جرعته عالية اوي و البنت مهيسة و مش وعيها دايما و بتكلم نفسها بأسم ما بس لسة مش عارف احدده.
خالد:دي عمرها قد ايه دي ي أحمد و اهلها اللي جيبينها ولا حد تاني.
أحمد:على حسب الملف هي 24 سنة و والدتها اللي جبتها هي و اخوها اللي اصغر منها بسنتين و الوالد متوفي.
خالد:اسمها ايه ي أحمد.
أحمد: اسمها أمل يحيى عبد الصمد.
سمعت الاسم و اتصدمت و مبقتش عارف انطق قطع تفكيري أحمد و قال: بس أنا شاكك انها مش حالة ادمان دا مجرد هوس و بسيط كمان و حاسس التقارير في حاجة غلط لان البنت مفيش ولا عرض جسدي باين عليها من الادمان و ده يدل انه التقارير مش مظبوطة.
خالد: طب ي أحمد ي اوضة نمرة كام اخش ابص عليها اهو نتأكد.
أحمد.126 ي خالد.
في طرقي للاوة و انا مرعوب تكون هيا انا دمرت كل اللي حوليا و تبقى الانسان اللي حبيتها الوحيدة كمان ادمرها بسبب انتظارها وصلت الاوضة و دخلت و————-

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف الظلام)