رواية غصون الفصل الحادي عشر 11 بقلم يارا عبدالعزيز

رواية غصون الفصل الحادي عشر 11 بقلم يارا عبدالعزيز

رواية غصون البارت الحادي عشر

رواية غصون الجزء الحادي عشر

رواية غصون الحلقة الحادية عشر

كور ايديه بغضب مفرط و هو بيسمعها
كان بيسمع الكلام بصدمه و غضب
اتكلم بحده و صوت ارعب الخدامه
= متأكده من الكلام اللي انتي بتقوليه دا!!!
بلعت لُعابها بخوف و اتكلمت بصوت متلعثم من خوفها من تحول يونس
= ايوا يا بيه
انا شوفتها بعيني
بس ارجوك يا بيه ما تقولها ان انا اللي قولت حاجه
الست مي ممكن تأذيني…
انا و الله مكنتش هتكلم بس لولا خوفي على الست غصون و عشان انا عارفه انها طيبه و مش هتقدر عليها و
قاطعها يونس لما مشي من قدامها و دخل الجناح بتاعه بغضب
مي كانت قاعدة على السرير و باين عليها الشرود
بمجرد ما شافته جريت عليه و اتكلمت برقه
= كنت فين يحبيبي
ايه اللي خرجك من اوضتك و انت لسه تعبان كدا
تعال ارتاح
بقلمي يارا عبدالعزيز
يونس بصلها بغضب و مسكها… من شعرها بكل قوته
اتأوهت بالم… شديد و اتكلمت بدموع
= يونس انت اتجننت….
اتكلم بغضب و هو بيبصلها بفحيح
= انتي اللي اتجننتي يا مي
لما تحرقي… رجل غصون تبقى اتجننتي و رسمي!!!!!!
برقت بخوف و اتكلمت بتلعثم
= انا ……. انا ….. مش فاهمه انت بتقول ايه
حرقتها…. !!!!!!
انت هتسمع كلام امها ما انت عارف ان كل اما بنتها بيحصلها حاجه بتيجي و بدبسها فياا أنا
اتكلم بغضب مفرط و هو بيشدد على مسكه شعرها
= بس مش مرات عمي اللي قالت
و الصراحة يا مي انا متوقع جدا انك تعملي كدا و مصدق انك عملتي كدا في غصون بس مكنتش عايز اظلمك وقتها بحاجه انا مشوفتهاش
مي بالم و بكاء
= ااه يونس سابني انت نسيت اني حامل و ابنك في بطني!!!!
و كل دا عشان مين!!!
عشان غصون البنت اللي انت انجبرت على جوازك منها
اتكلم بغضب و هو بيرميها… على السرير و عيونه حمره من كتر البكاء
قرب منها و همس بحده
= انا عشان ابني لحد دلوقتي مش عايز اذيكي… يا مي
احمدي ربنا انك حامل
لانك لو مش حامل انا كنت عملت فيكي ابشع بكتير من اللي عاملتيه في غصون
بس قسما بالله العلي العظيم لو حصلها اي حاجه بسببك تاني انا وقتها هنسى انك مراتي و ان ابني في بطنك و هزعلك مني جامد يا مي
خافي على نفسك و اياكي تقربي من غصون عشانك انتي و دا اخر تحذير
قال كلامه و بعد عنها
كان لسه هيخرج من الجناح
اتكلمت بغضب و بكاء
= انت بتحبها يا يونس صح
وقف مكانه و هو بيتنفس بقوه
قامت من على السرير و وقفت قدامه و اتكلمت بدموع و غضب
= مفيش اي تفسير لخوفك و لهفتك و اهتمامك بيها غير انك بتحبها عارف حبك ليها وصل إلى لفين
كملت و هي بتمسك ايديه و بتتكلم بغضب و بكاء
= لدرجه اكبر من حبك لدا!!!!
ابنك اللي انت مخوفتش عليه و انت بترميني دلوقتي و بتهددني… و كل دا عشان خوفك عليها هي
ردددددد علياااا كلامي صح مش كدا
كملت و هي بتهز راسها بالايجاب و بتتكلم بغضب و هي بتمسح دموعها
= بس انا بقى مش هسمحلها تاخدك مني
انت ليااا انا و بس يا يونس و لو انت بجد خايف عليها اوي كدا قولها تبعد عنك عشان و الله العظيم لو شوفتها تاني قريبه منك هخلص….
قاطعها و هو بيمسك فكها بقوه و بيتكلم بفحيح
= الظاهر انك مسمعتنيش كويس
ابعدي عن غصون يا مي احسنلك اللي في دماغك دا غلط انا و هي مفيش ما بينا اي حاجه و كلها ايام و هنطلق فبلاش تخربي… على نفسك و خليكي في نفسك و في حملك
قال كلامه و مشي من قدامها و خرج برا الجناح
بصيت لطيفه بغضب و بصتله بشر…
= ماشي يا يونس انت اللي جابته لنفسك
بقلمي يارا عبدالعزيز
دخل اوضه غصون و هو ماسك جرحه… بالم.. بسبب الغضب و الارهاق اللي عامله
غصون كانت خارجه من الحمام و بمجرد ما شافته كدا جريت عليه و اتكلمت بخوف و هي بتسنده
= يونس انت كويس
تعال تعال اقعد استريح
قعدته على الكنبه و فرديت رجليه على الارض و اتكلمت بدموع
= هخلي عمي يكلم الدكتور يجي يشوفك
كانت لسه هتقوم بس مسك ايديها يمنعها و اتكلم ببعض الارهاق
= انا بس اتعصبت شويه فعشان كدا شويه و هرتاح
حركت ايديها على جبهته و هي بتمسحله عرقه و اتكلمت بدموع
= انا اللي عصبتك معلش انا اسفه
كنت المفروض احط في دماغي انك لسه تعبان بس انت اللي بتعمل حاجات تعصبني
يونس انا بجد بعزك و بخاف عليك احنا ولاد عم و متربين مع بعض و انا مشفتش منك اي حاجه وحشه
بلاش تخليني اخاد عنك فكره مش كويسه بسبب تصرفاتك و خلينا محترمين بعض و …..
قاطعها و هو بيتكلم بحده
= هو انا لما اخاد منك حقوقي يبقى انا كدا مش محترم!!!!!
خديت نفس عميق و اتكلمت بهدوء عكس الغضب اللي جواها عشان متتعبهوش اكتر
= امممم
و على اي اساس
يونس انت بتحب مي و كلها كام شهر و هتخلف ابنك و هتمشيني و تنساني
انا اللي بدمر…
كان لسه هيتكلم بس قامت و قفت و ادته ضهرها و اتكلمت بدموع
= ارجوك كفايه كدا
لما تستريح ابقى اخرج من الاوضه
انا همشي و هبعتلك مرات عمي تعقد معاك
كانت لسه هتدخل غرفه الملابس تغير هدومها بس وقفها و هو بيتكلم بهدوء
= مقولتيش ليه ان مي هي اللي حرقت… رجليك!!!
بصتله و اتكلمت بصدمه و همس
= انت عرفت ازايي!
قام وقف قدامها و حضنها بقوه و اتكلم بهدوء
= مقولتيش ليه وقتها
كنت هاخد حقك و قدام عينيك
سكتي ليه!!!
بعدت عنه و اتكلمت بحده
= عشان انت السبب
هي عملت كدا لما شافتك بتقرب مني و احنا في المطبخ و مفيش اي ست هتستحمل تشوف جوزها في الوضع دا مع واحده تانيه غيرها و عشان كدا انا بقولك طلقني و امشي من هنا هو دا الحل الانسب لينا كلنا
بقلمي يارا عبدالعزيز
مسح على وشه و اتكلم بغضب
= انت ازايي هبله اوي كدا!!!
دي كانت ممكن تشوهك….
بطلي طيبتك الزايده دي و اتعلمي تاخدي حقك من مي أو غيرها
اتجاهلته و دخلت تغير هدومها
اتنفس بغضب مفرط و فضل كدا حوالي عشر دقايق بيحاول يهدا عشان ميخوفهاش منه
دخل الاوضه و لاقها واقفه بهدومها الداخليه
اتكلمت بخجل و غضب و هي بتلبس منامه خفيفه عليها
= انت ازايي تدخل كدا!!!!
قرب منها و هو بيبتسم بعشق و وقف قدامها و مسك ايديها و ميل على وشها و همس جنب اذنها
= بداري ايه ما انا شوفت كل دا مرتين لحد دلوقتي
شهقت بخجل و هي بتحاول تبعد عنه
حاوط خصرها بايديه
اتكلمت بتلعثم و دموع
= يونس….. لو مبعدتش عني دلوقتي هنادي على جدو
مسك خصرها بقوه و اتنفس بغضب مفرط
= لتاني مره بتهددني بجدك و لتاني مره هقولك انتي مراتي و محدش يقدر يبعدني عنك
بطلي أم حركاتك دي عشان انا بجد صبري قرب ينفذ منك
اتكلمت بحده و هي بتمسك ايديه الموضوعه على خصرها و بتحاول تبعدها عنها
= و انا مش عايزاك
دا مش سبب كافي يخليك تبعد عني دلوقتي
بصلها بغضب و بعد عنها و خرج من الاوضه كلها من غير ما يتكلم
اتفزعت بخوف على صوت رزعت الباب
في غرفه نبيله
مي دخلت بعد ما سمحتلها بالدخول
اتكلمت مي بشر…
= يونس عرف بالموضوع اللي انتي بتهددني… بيه الفيديو اللي معاكي مبقاش ليه اي لازمه
نبيله كانت لسه هتتكلم بس قاطعتها مي و هي بتتكلم بحده
= بس انا مش جايه عشان كدا
انا جايه اقولك اني موافقه اعمل اللي انتي عايزاه بس عايزكي تساعدني اطلع الزفته… اللي اسمها غصون من حياة جوزي باي طريقه
نبيله ببأبتسامه و شر…
= لو عملتي اللي بقولك عليه هتخليه زي الخاتم في صباعك و ينفذ كل اللي تقوليله عليه حتى لو قولتيله ابعد عنها
بس كل اللي احنا عايزينه ندخل المخدر… دا لجسمه عشان هو اللي بعدين يبقى زي المجنون و يطلبه و انتي و شطارتك بقى
هزيت مي راسها بشر.. و نزلت المطبخ و بدأت تعمل ليونس العصير و تحطله فيه الحبايه
خديت العصير و سألت عليه قالولها في اوضه المكتب
دخلت من غير ما تخبط لاقته قاعد و دافن.. وشه بين ايديه و حاسس ببعض الالم في راسه
راحت عنده و حطيت ايديها على كتفه
بصلها و اتكلم بحده
= جايه ليه انا عايز ابقى لوحدي
قعدت على رجله و اتكلمت بدموع مصطنعة
= انا اسفه اوعدك انها مش هتتكرر تاني
انت عارف انا بحبك اد ايه و بغير عليك مقدرتش استحمل اشوفها بتاخدك مني عملت كدا من غضبي و الله
حقك علياا يحبيبى
كملت و هي بتمسك ايديه و بتحطها على بطنها
= طب عشان ابننا طيب
قالت كلامها و قبلته… بحب
اتكلمت بهمس و هي بتسند بجبينها على جبينه
= انا اسفه يحبيبي
انا عارفه ان مفيش في قلبك غيري و انا هستحمل لحد اما تطلقها و تبقى معايا انا
يونس انت مش عارف انا بحبك اد ايه انا حبي ليك عدا الهوس انت وحشتني اوي و نفسي نرجع زي زمان
كملت و هي بتدفن… وشها في رقبته و بتتكلم بهمس و هي بتغمض عينيها و بتتنفس ريحته
= انا بحبك اوي يا يونس و مش قادره استحمل تكون مع واحدة تانيه غيري انا مستعده دلوقتي اروح اعتذر من غصون بس انت متزعلش مني يحبيبي
بقلمي يارا عبدالعزيز
بعدها عنه و هو بيتنهد بعمق
بصتله بدموع و اتكلمت برقه
= حاسه انك تعبان عشان كدا عملتلك العصير دا
اتفضل
اتنهد بقله حيله و خد منها العصير و بدأ يشربه تحت نظرات الخبث.. منها
اتكلمت و هي بتبتسم بخبث
= بالهنا يحبيبى
قومها من على رجله و اتكلم بهدوء
= عايز ابقى لوحدي يا مي لو سمحتي
بصتله بغضب خفيته في ابتسامتها و اتكلمت برقه
= ماشي يحبيبي
غصون كانت قاعدة في اوضتها و بتفكر في اللي قالته هي عارفه انها وجعته و دا مضايقها بس هو دا الحل الوحيد ليهم
فاقت على صوت رنين هاتفها برقم غريب في الاول مردتش بس لما لاقته بيرن كذا مره رديت
اتكلم احمد بحب
= تعرفي انك وحشتني
غصون بغضب
= مين!!!
احمد بحب
= بشمهندس احمد
غصون بغضب مفرط
= يوااااه هو انت مبتزهقش قولتلك اني واحدة متجوزه هنفضل على نفس السيره دي على طول و الله لو فكرت تكلمني تاني لهكون معرفه يونس و جدو و هم اللي يتصرفوا معاك بقى عشان انا تعبت
قالت كلامها و قفلت معاه و هي بتتنفس بغضب
في المساء
كانت غصون قاعدة في الجنينه في مكان بعيد
قاعده على الارض و حاطه اللاب على رجليها
كانت شارده و بتفتكر كل لاحظتها الحلوه مع يونس لما كانوا صغيرين بتبص على الجنينه و بتفتكر لما كان بيزعقلها و اد ايه كان قاسي حتى و هو صغير بس برغم قسوته دي كانت ديما شايفه جواه شخص كويس و طيب
ابتمست بعشق و هي بتفتكر شكله و وسامته اللي كانت ديما بتسحرها همست بحب
= بحبك
فجأة لاقيت اللي بيعقد جانبها و بيمسك ايديها و بيتكلم بحب
= و انا كمان بعشقك يغصون
فاقت على الصوت و فتحت عينيها و هي بتبص بصدمه
= انت!!!
انت بتعمل ايه هنا و دخلت هنا ازاي اصلا امشي اطلع براا
احمد بحب
= انتي ليه بتعاملني كدا!!!
ليه مش مقدره حبي ليكي و كل دا عشان مين عشان يونس اللي قال انه هيطلقك
انا بجد بحبك و عايزاك و قولتلك هستنى لما تطلقي و نتجوز
اتكلمت بغضب و هي بتبعد عنه
= بس انا مش عايزاك و تصرفاتك دي بتقلل منك اوي على فكره و يلا اتفضل امشي من هنااا يونس لو شافك هيموتك… و انت عارف كويس هو ممكن يعمل فيك ايه اللي
احمد بغضب
= بس انا هاخدك حتى لو غصبن عنك و مش هيهمني اي حد لا انتي و لا جوزك اللي كل شويه تخوفني بيه
و خليكي فاكره اني لحد دلوقتي بتكلم معاكي بالذوق بعد كدا هاخدك بالعافيه
غصون بغضب مفرط
= اعلى ما في خيالك اركبه
انا مش عايزة انادي على حد من الغفر لاني خايفه على يونس يودي نفسه في داهيه بسببك
يلاااا امشيييي من هناا
بقلمي يارا عبدالعزيز
هز راسه بغضب و مسك ايديها
حاولت تبعد ايديها عنه بس معرفتش
كانت لسه هتصرخ… بس حط ايديه على فمها و اتكلم بغضب و هو بيطلع مسدسه…
= شايفه دا
هاااا دا اللي هموت.. بيه يونس اللي كل شويه تخوفيني بيه دا و دلوقتي و قدام عينيكي
قال كلامه و حط المسدس… في دماغها و اتكلم بصوت عالي هز كل اركان القصر
= يوووووونس
غصون بعدت ايديه عن فمها و اتكلمت بغضب و خوف
= انت مش طبيعي
انت اكيد مجنون
خرج كل اللي في القصر على صوته
اتكلمت منى بخوف
= بنتييي
اتكلم يونس بغضب ممزوج بخوفه
= انت اتجننت ابعددد عنها
احمد بغضب
= اياك تقرب لو قربت هخلص… عليها دلوقتي قدام عينيكوا محدش فيكم يقرب انتوا فاهمين
لو حد قرب هموتها….
قال كلامه و خد غصون و هو بيرجع لورا تحت نظرات الغضب و الخوف من يونس و كل الموجودين ماعدا مي اللي كانت بتبصله باستغراب و بتتمنى يموتها…
خدها و خرج بيها برا القصر و ركب عربيته و ساق بسرعه جنونيه
يونس بصله بخوف و طلع بعربيه وراهم
فضلوا يونس سايق وراه و كل اما يقرب احمد يضرب…. عليه نار.. تحت نظرات الخوف الشديد من غصون
اتكلمت بخوف شديد
= حرام عليك وقف العربيه دي و خليني امشي
احمد بغضب و دموع
= مش هسيبك انتي بتاعتي اناا و مش هسيبك ليه انا و بس اللي هسعدك انتي مش عارفه مصلحتك فين
غصون كانت قاعدة بخوف
مسكت ايد أحمد و فضلت تلف بالدريكسيون
احمد بصلها بغضب و ضربها… بالمسدس على دماغها لتفقد وعيها
طلع من شباك العربيه و ضرب.. نار… على عربيه يونس و بالتحديد في كوتش العربيه
ابتسم بسخريه لما عربيه يونس وقفت و بص لغصون بحب و طلع بعربيته
طلع يونس من عربيته و هو بيبص للعربيه بغضب مفرط
لاقى تاكسي جاي من بعيد وقفه و ركب بسرعه و اتكلم بغضب و هو بيطلع السواق و بيديله شيك بمليون جنيه
= خد دا و هات التاكسييي بسرررعه
خد السواق الشيك و طلع برا التاكسي و هو بيبتسم بفرحه اما يونس فركب التاكسي و ساق بسرعه جنونيه و هو بيحاول يلحق العربيه و شكل غصون و هي بيغمى عليها في العربيه مش قادر يروح من باله
ضرب… دريكسيون العربيه بايديه بغضب مفرط و اتكلم بصوت عالي و غضب
= يا ابن الـ******** و الله ما هرحمك
وصل احمد في مكان شبه مقطوع و وقف بالعربيه
بص لغصون بحب و ملس… على وشها بحنان
فاقت و هي بتتأوه بتعب و بتمسك دماغها اللي كانت
= اااه
كملت و هي بتتكلم بغضب و ارهاق
= حرام عليك انا عاملتلك ايه عشان تعمل فياا كدا
اتكلم بعشق
= تعالي
كان لسه هيقرب منها بس ضربته… بقوه في بطنه و خرجت برا العربيه و فضلت تجري
اتأوه بالم و طلع من العربيه و فضل يجري وراها
وقف قدامها و اتكلم بحده و هو بيمسك ايديها
= مفكره انك هتعرفي تهربي.. مني انا هاخد منك كل اللي انا عايزاه و دلوقتي
بص على كوخ كان بعيد شويه عنهم شالها بسرعه متجاهل توسلاتها و بكائها
و حاطها فيه
اتكلمت بدموع و هي بتحاول تبعد بس كان بيقرب منها
قعد جانبها و اتكلم بهمس
= انا مش عايز اذيكي.. متخلنيش اضطر… اني اذيكي… مش هتخسري حاجه انا هبسطك اوي احسن منه
غصون كانت بتبصله بخوف و تبعد لحد اما وصلت لاخر الكوخ
وقفها و وقف قدامها و مسك ايديها كانت ايديها بتترعش
لمحت سكينه…. في ارض الكوخ بصتلها بخوف و عضيت.. ايديه بعد عنها و هو بيتأوه بألم
نزلت لمستوى السكينه… و خديتها من على الارض
بصلها بغضب مفرط و راح عندها و بمجرد ما قرب منها وجهت السكينه… ناحينه و طعنته… بيها و

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غصون)