رواية عشقت مطلقة وأولادها الفصل الثلاثون 30 بقلم مارلي إيهاب

رواية عشقت مطلقة وأولادها الفصل الثلاثون 30 بقلم مارلي إيهاب

رواية عشقت مطلقة وأولادها البارت الثلاثون

رواية عشقت مطلقة وأولادها الجزء الثلاثون

رواية عشقت مطلقة وأولادها الحلقة الثلاثون

بعد مرور شهرين كانت تسنيم تقبلت موت فرحه وكانت كل فتره بتتصل على نواره وبتطمن عليها
اما سلطان خرج براءه من قضيه القتل
في شركه شمس كانت قاعده بتراجع الاوراق وفجاه الباب اتفتح ودخل ايمن
شمس بضيق
انت ايه اللي جابك هنا يا ايمن
ايمن بحزن مصطنع
وحشتيني يا شمس وكم
شمس بعصبيه
اطلع بره يا ايمن وما تجيش هنا تاني واياك تهوب ناحيه الشركه ولا اي مكان اكون فيه اطلع بره
ايمن بضيق
يا شمس اسمعيني لو سمحتي انا عايز نرجع لبعض وصدقيني انا اتغيرت وما بقتش زي الاول انا عايزك تسامحيني
شمس ضحكت بتريقه
انت مفكرني هبله ولا ايه انا عارفه كويس انك لا اتغيرت ولا حاجه بس انت دلوقتي ما فيش قدامك اي فرصه غيري علشان خاطر تبدا من جديد وانك بقيت على الحديده خلاص اطلع بره يا ايمن انا استحاله اصدقك لو عملت ايه انا عاشرتك اكتر من 10 سنين وعارفه كويس انك انسان طماع وما بيهمكش الا نفسك واختك وامك اكيد هما اللي مشجعينك على اللي انت بتفكر فيه
ايمن قرب منها
علشان خاطري يا شمس سامحيني انا عارف ان ليكي حق ما تصدقيش ان انا اتغيرت بس انا فعلا اتغيرت يا شمس ومحتاجك جنبي انا ندمت على كل اللي عملته فيك انا بحبك قوي يا شمس والله
شمس ببرود
بقى معقول عايز ترجع لوحده اتجوزت غيرك
ايمن
ايوه موافق انا هنسى كل اللي فات كل اللي عايزه منك انك ترجعيلي وخلاص
شمس ببرود
اطلع بره الشركه وما تعتبش ناحيتها تاني وانا استحاله ارجعلك لو اتطبقت الشمس على الارض اطلع بره
ايمن
وانا مش هتنازل عنك يا شمس وهفضل وراكي لغايه ما توافقي ترجعيلي لان انا فعلا بحبك
شمس
وفر مجهوداتك وروح شوف حد غيري اطلع بره
ايمن لسه هيتكلم الباب اتفتح ودخل راجح
راجح اول ما شاف ايمن قال بضيق
انت بتعمل ايه هنا وايه اللي جايبك الشركه
ايمن بضيق
وانت مالك انا جاي لشمس
شمس ببرود
وشمس مش عايزاك اتفضل مع السلامه
ايمن
لو سمحت يا شمس خلينا نتكلم الاول وبعدين ابقي قرري
راجح بعصبيه
تتكلم في ايه يا مجنون انت اطلع بره
ايمن بحده
وانت مالك انت كانت عينتك واصي عليها انت اللي تطلع بره دي شركه مراتي
راجح بص لشمس اللي قالت بعصبيه
مش هو اللي يخرج بره ده انت اللي هتخرج بره وبعدين انا مش مراتك انا طليقتك واتفضل بقى اخرج بره عشان انا جبت اخي لو ما خرجتش دلوقتي هتصل بالامن وهو يجي يتصرف
ايمن بغل
ماشي يا شمس بس انا مش هستسلم
وسابهم وخرج وراجح قرب من شمس وقال
هو في ايه يا شمس كان عايز ايه
شمس بتوتر
ولا حاجه يا راجح ما تشغلش دماغك يلا خلينا نكمل شغلنا
راجح مسكها من كتفها بضيق
انا بقولك كان عايز ايه وانتي ما ردتيش عليا
شمس بتوتر
كان يعني كان عايز
راجح بعصبيه
ما تخلصي يا شمس هو انتي هتنقطيني
شمس بتوتر
كان عايز نرجع لبعض
راجح بغضب
وانت قلتيله ايه
شمس
ما انا قلتله قدامك اهو يطلع بره اهدى بس
راجح بعصبيه
اهدى ازاي يعني ما هو انتي السبب في اللي بيحصل ده انتي اللي اجلتي انا متكلم معاكي في الموضوع ده بقلي اكتر من شهر وانتي اللي متجاهلاني تماما يا شمس احنا لازم نتجوز بقى
شمس بتوتر
ما انا خايفه اتجوزك برده يا راجح
راجح قرب منها بهدوء
خايفه مني انا يا شمس ليه انا ما عملتلكيش اي حاجه واستحاله لابقى زي سلطان ولا ابقى زي ايمن
شمس بدموع
وانت ليه تتجوز واحده اتجوزت قبلك اتنين ما انت ممكن تتجوز بنت بنوت عادي وما تكونش اتجوزت قبل كده زيك
راجح بحزن
انا راضي يا شمس علشان خاطري وافقي انا بحبك والله بقالي شهر بتحايل عليك انت ليه عايزه تعذبيني
شمس بدموع
مش بعذبك ولا حاجه يا راجح بس مش عايزه اظلمك معايا وبعدين انا خايفه من ايمن ياخد مني العيال بعد ما اتجوزك
راجح بهدوء
بخصوص الموضوع ده ما تقلقيش خالص انا ممكن اخليه يتنازلك عن حضانه الاطفال خالص وما تشيليش هم الموضوع ده
شمس باستغراب
هتعمل ايه يعني مش فاهمه
راجح ابتسم وقرب منها
دي بتاعتي انا بقى ملكيش دعوه بيها انت بس قوليلي مضيه على التنازل وانا هخليه يمضي وبكامل ارادته كمان
شمس ابتسمت
خلاص خليه يمضي على تنازل بس بارادته مش غصب عنه وساعتها بقى هتجوزك
راجح بمشاكسه غمز لها
خلاص جهزي نفسك يا عروسه الليله كتب كتابي عليك
شمس ضحكت
ما تفتحش صدرك قوي كده اما تجيب التنازل ساعتها هنبقى نشوف الموضوع
راجح بهدوء
ساعه زمن وهتبقى عندك سلام
راجح مشي وشمس ضحكت وقالت
انا متاكده ان ايمن استحاله يوافق خليه يجرب حظه
راجح خرج من الشركه وكان ايمن لسه ماشي جنب الشركه
راجح بضيق
ايمن
ايمن بص له وقال له بضيق
افندم
راجح بهدوء
عايز اتكلم معاك في موضوع مهم
ايمن
موضوع ايه ده اللي هيجمع بيني وبينك
راجح
تعالى نتكلم في اي كافتيريا وانت هتفهم كل حاجه
ايمن
وماله تعال
فعلا راحوا الكافتيريا وراجح قاله
راجح بجديه
ايه رايك اديلك 3 مليون جنيه
ايمن بطمع
3 مليون جنيه مقابل ايه ان شاء الله
راجح بخبث
مقابل انك تتنازل عن حضانه الولاد لشمس حضانه كامله
ايمن اتصدم
اشمعنا هي اللي طلبت منك كده
راجح بهدوء
انت ما يخصكش اذا كانت هي اللي طلبت ولا لا انا جاي اعرض عليك عرض يتوافق يا ترفض
ايمن بخبث
انت عايز تتجوز شمس مش كده خلينا صرحا مع بعض احنا رجاله وبنفهم نظرات بعض وانا عارف كويس قوي انك عينك من شمس وعايزها
راجح بهدوء
طب كويس قوي انك عارف هتتنازل ولا لا
ايمن
هاخد 10 مليون جنيه
راجح ضحك
بقولك ايه يا ايمن ما تحاولش تتنصح عليا عشان ساعتها هزعلك وممكن اخليك تمضي على التنازل من غير ولا مليم يا تاخذ الثلاثه مليون وانت ساكت وما تقربش من شمس ولا من عيالها تاني يا اما بقى هخليك تمضي على التنازل غصب عنك والاذى مش هيطولك انت لوحدك لا ده هيطولك انت وامك واختك وانت جربتني قبل كده وعارف قد ايه بحب اعذب في اللي قدامي قلت ايه يا ابو عمو
ايمن فكر شويه مع نفسه وقال
خلاص وانا موافق
راجح
هجهز العقود وهكلمك هات رقمك
ايمن
طب والفلوس
راجح
بعد ما تمضي العقود ساعتها هديلك فلوسك كامله المهم لو فكرت تقرب من ناحيه الولاد او شمس هنسفك من على وش الارض وانا نصحتك اهو
ايمن
من غير تهديد انا ما يهمنيش غير مصلحتي
راجح
ما انا عارف يلا هات الرقم خليني امشي
وراجح اخذ منه الرقم وبعدين رجع وكلم المحامي وقالوا
عايزك تخلص العقد بسرعه يا محمد عايز استلمه منك كمان ساعه اتصرف العقد يبقى معايا كمان ساعه سلام
وفعلا بعد ساعه المحامي خلص العقد واتصل راجح على ايمن واتفقوا ان هم يتقابلوا
في كافيه كان قاعد راجح مع ايمن ومعاه شنطه الفلوس
راجح بهدوء
يلا امضي
ايمن مسك العقد وقراه وبعد ما خلص مضى عليه في ساعتها
ايمن
هات الفلوس بقى خليني امشي
راجح ادى له الفلوس واخذ العقد ومشي وراح على الشركه ودخل على مكتب شمس
راجح بمشاكسه
خدي يا ستي التنازل اللي انت عايزاه
شمس بصدمه
انت بتهزر يا راجح ازاي خليته يمضي
راجح
دي لعبتي انتي بقى ملكيش دعوه بيها مش ليكي ان التنازل بقى عندك يلا بقى خلينا نروح عند الماذون ونكتب الكتاب
شمس بتوتر
ايوه بس
راجح بضيق
ايوه ايه انا زهقت كل اللي بتطلبيه بعمله لك يلا بقى يا شمس خلينا نتجوز ونتلم في بيت واحد بدل ما انا وانتي كده كل يوم كل واحد يقف في البلكونه بتاعته ونكلم بعض زي المراهقين انا تعبت انا بس عايز افهم انت خايفه من ايه
شمس بدموع
غصب عني يا راجح انا عشت اسوء تجربه مع كل اللي اتجوزتهم ما فيش واحد فيهم نصفني في حاجه وشوفت اللي عمري ما شوفته وخايفه التجربه دي تتكرر تاني انا عارفه انك كويس بس غصب عني التفكير ده دايما في دماغي هتطلق للمره الثالثه لو طلعت مش كويس او ما اتفقناش سوا
راجح قرب منها وحضنها وقال بهدوء
عشان خاطري يا شمس شيلي الافكار السلبيه دي من دماغك انا بحبك من اول يوم شوفتك فيه وانت لفتي نظري عمر ما في واحده لفتت انتباهي ابدا الا انتي طيرتي النوم من عيني وبقيت طول الوقت في دماغي بفكر فيك وما صدقت انا وانتي اشتغلنا مع بعض عشان نقرب من بعض وحاولت صدقيني بكل الطرق اخليكي تحبيني زي ما بحبك انا مش عايزك تقلقي مني انا استحاله ازعلك في يوم من الايام ولا افكر اخليكي تندمي على جوازتك مني بالعكس يا شمس انا هعيشك ملكه معايا واولادك هيبقوا ولادي علشان خاطري وافقي
شمس بدموع
يعني مش هندم يا راجح مش هندم في يوم اني اتجوزتك
راجح ابتسم
استحاله تندمي انا بوعدك ها هنتجوز
شمس ابتسمت
هنتجوز
راجح مسك ايديها بسرعه وضحك وقال
يلا بينا خلينا نلحق الماذون قبل ما يمشي
شمس بابتسامه
استنى يا مجنون بلاش سربعه
راجح
خير البر عاجله يلا تعالي
وفعلا اخذها وراحوا على الماذون وراجح اتصل على اتنين صحابه وخلاهم يجوا يشهدوا على العقد وبعد ما تم كتب الكتاب
شمس بتوتر
احنا مقلناش لاونكل القناوي احسن يزعل
راجح ابتسم
وهو هيزعل من ايه بس ما تخافيش مش هيزعل ولا حاجه هو اكيد بيتمنلك السعاده وانت سعادتك معايا يلا بقى خلينا نروح على بيتنا
شمس
خليني في الشقه النهارده علشان يعني حاجتي فيها وكده وبعدين انا لسه ما عرفتش الولاد
راجح بمشاكسه
طب ما انا عندي حل العيال قاعدين مع الدادة بتاعتهم خلاص خليهم سوا واحنا نروح نقعد في السرايا براحتنا من غير ما حد يضايقنا وبالليل نبقى نروح نجيبهم ايه رايك
شمس بخجل
ايه اللي انت بتقوله ده يا راجح لا طبعا مش موافقه وابعد بقى عني كده وخليني اروح للعيال
راجح بمشاكسة حينما وصلوا الي السرايا نزل من سيارته و حملها علي ذراعيه وقال بمشاكسة
انسي يا حبيبتي انا مش مستني ده كله علشان في الاخر تقوليلي هروح للعيال انتي النهاردة بتاعتي لوحدي يا شموسة
شمس بخجل
احترم نفسك يا راجح و نزلني بلاش فضايح
راجح بابتسامة
ربنا ما يجيب فضايح بلاش كلام كتير بقي
ثم دخل بها الي السرايا وطلع علي غرفته بسرعة واغلق الباب عليهم بقدمه
في السرايا القناوي
تسنيم بدموع
حرام عليك ريحني يا قناوي وقولي بنتي فين
القناوي بهدوء
و لو قولتلك هتعملي ايه يا تسنيم
تسنيم بدموع
عايزه ارتاح نفسي اخدها في حضني
القناوي بهدوء
انا هقولك يا تسنيم بنتك عايشة
تسنيم بدموع ولهفه
فين هي
القناوي بهدوء
شمس اللي كانت سلطان هي دي تبقي بنتك هي دي اللي اديتها لصحبي لانه مكنش بيخلف و هو اللي رباها و كبرها و انا دايما كنت معاهم وبروح ليها دايما و كنت دايما قريب منها و بطمن عليها انا عايزك لو شوفتيها حتي متحوليش تقربي منها يا تسنيم لانك هتأذيها وهتكسريها و هتعرف انها بنت حرام ودي في حد ذاته مصيبه بالنسبة ليها لو بتحبيها بجد مش هتفتحي الموضوت ده معاها
تسنيم بدموع
انا مش رايدة غير انها تبقي بخير انا بس عايزها تبقي قدام عيني يا قناوي نفسي اشوفها
القناوي بهدوء
هكلمها و اخليها تجي
تسنيم بدموع ولهفه
امتي يا قناوي
القناوي بهدوء
النهاردة هتصل بيها يا تسنيم
تسنيم بدموع
هستني يا قناوي
وفعلا بليل اتصل القناوي علي تسنيم ولكنها لم ترد
راجح بنعاس
مين الغلس اللي بيتصل ده اقفلي التليفون ده يا شمس
شمس ابتعدت عن احضانه ومسكت التليفون ورات القناوي يتصل عليها
شمس بخوف
الحق يا راجح اونكل بيتصل
راجح بهدوء
انتي خايفة كدة ليه هو احنا بنعمل حاجه غلط بما انه اتصل دلوقتي يبقي عرف هاتي اما ارد عليه
امسك راجح التليفون ورد وقال
ايوة يا عمي
القناوي بصدمة
راجح انت بتعمل ايه مع شمس
راجح بهدوء
انا و شمس اتجوزنا يا عمي
القناوي بحدة
ازاي تعمل كدة من غير ما تقولي يا راجح اتجننت ولا ايه وهي ازاي تتجوزك من غير اذني
راجح بحدة
احنا مش مستنين اذن حد يا عمي احنا كبار و فاهمين كويس احنا بنعمل ايه
القناوي بحدة
يعني ايه
راجح بهدوء
يعني احنا معملناش حاجة غلط يا عمي احنا اتجوزنا علي سنه الله و رسوله مش مستنين اذن من حد وبعدين حضرتك مش ابوها انت يدوب صاحب ابوها وملكش عندها حاجة سلام
وقفل مع القناوي
شمس بدموع
ليه اتكلمت معاه كدة يا راجح عيب كدة ده زي ابويا بالظبط
راجح بحدة
احنا معملناش حاجة يا شمس بلاش هبل هو لما يهدي و يفكر مع نفسه هيعرف انه كان غلطان و هيكلمنا تاني
واقترب منها و ضمها بقوة وقال
مش عايزك تبقي جبانة كدة انتي معملتيش حاجة غلط انتي مراتي يا حبيبتي لازم تبقي قوية
شمس بدموع
مش بحب ازعله ده معزته عندي زي بابا الله يرحمه
راجح ابتسم
بقولك ايه بلاش عكننه احنا لسه عرسان
شمس ضحكت
راجح بمشاكسة
اموت انا تعالي
في بيت ريان كانت تجلس زهرة تبكي امام ريان وهو يحتضنها بقوة
زهرة بدموع
سامحني يا ريان انا ندمت انا بحبك و مش عايزه اخسرك
ريان بهدوء
وانا كمان بحبك يا زهرة
زهرة بلهفة
بجد يا ريان
ريان بهدوء
ايوة يا زهرة بحبك و لسه بحبك وعمر ما حبك قل في قلبي
زهرة بدموع
يعني هطلق ريان
ريان بهدوء
لا طبعا
زهرة بدموع
ليه علشان حامل
ريان بهدوء
هي ملهاش ذنب في اللي عملتيه يا زهرة و اللي بسببه اتجوزتها هي هتفضل مراتي و ام ابني انتي عايزه تعيشي معايا علي كدة تمام مش عايزه كل واحد يروح لحاله و هديلك كل حقوقك. يا زهرة
زهرة بدموع
بس انا مش رايدة اسيبك يا ريان
ريان بابتسامة
خلاص نعيش كلنا سوا وانا لا هقصر معاكي و لا معاها و هعملكم انتم الاتنين بما يرضي الله قولتي ايه
زهرة بدموع
هحاول اتقبلها
ريان بجدية
مفيش هحاول هي هتبقي مراتي زيك بالظبط وانا مش عايز مشاكل عايز اعيش في هدوء
زهرة بدموع
حاضر يا ريان هتقبلها
ريان ابتسم
ده اللي انا مستنية منك يا زهرة
وبدا يقترب منها ويقبلها وهي بدات في التجاوب معه
//////
هنا تنتهي الرواية انا اسفة اني نهيتها بسرعة كدة بس انا داخلة علي االامتحانات و معدش وقت و لو اجلت الرواية هتتاخر جدا و عارفة ان ممكن البارت ده ميعجبش ناس كتير بس هو غصب عني
ملاحظات
بالنسبة لتسنيم تقبلت عيشيتها مع قناوي
اما سلطان سافر القاهرة يشتغل فيها
اما وفاء بعدت عن القناوي وتقبلت طلاقها

لقراءة باقي حلقات الرواية اضغط على : (رواية عشقت مطلقة وأولادها)