رواية غيبوبة القدر الفصل السابع 7 بقلم رويدا القاضي

رواية غيبوبة القدر الفصل السابع 7 بقلم رويدا القاضي

رواية غيبوبة القدر البارت السابع

رواية غيبوبة القدر الجزء السابع

رواية غيبوبة القدر الحلقة السابعة

مرّ شهر كل يوم أنس يتمكن من السواقة اكثر من اليوم للي قبله ❤.
مها: اه حبيبي اشتقلك بتجي اليوم ولا .لا.
مهيب: لالا . غير عاوديلي الكلمة الاولى خلى نسمعها مرة واثنين وعشرة مازال مش مصدق روحي .
مها:😳 زيد عقدني خيرك عليا هيا تعالى مشتاقة نبي نشوفك .
مهيب: مش مني شوفي قداش قعدت نستنى فيك باش حنيتي عليا من حقى نفرح .
مها: اليوم جتني الخاينة تعيط كيف تخلي مهيب يضحك عليك شديتها من يدها وبعدت بيها شوية ع جنب .
مهيب: اه 🥴 وعلاش ضيعي في وقتك معاها انت بروحك قلتي تأكدت من انك مظلوم.
مها: عندك الحق حتى انا قداش غبية نخلي في وحدة زيها تحرق دمي .
أمل: قصدك بجد بتفوتيها كيف بتتصرفي معاها بالزبط.
مها: وين نفوتها لكن توا نعرف كيف ناخد حقي منها .
أمل : بديتي تخوفي هكي العقل المدمر بدأ يخدم
مها: لا وفوقها الأفندي محمد اختفى من وقت عرفت خيانته .
امل: عارف عملته عاد بأي وجه يقابل بعد الكارثة هاذي.
انس: اسمعي في مشية لي مصر وبنمشي انا وصدام اهو اول مرة نطلعوا مسافة طويلة برا البلاد.
سارة: خليه يمشي بروحه وخليك انت ع خاطري .

 

 

 

انس: مستحيل حبيبي نخليه لازم معاه مساعد الطريق طويلة باش نغير عليه .
سارة:🥺 بطول ياروحي مش متعودة نقعد بلاك انا.
أنس: عاد خمسة شهور وانا مقعمز معاك من شهر عسل عشتيه انت خمسة شهور 😁.
سارة: شن تحسب فيهم مستكثرهم فيا الشهور اهما ولا كيف 😏.
“ياريته عمري كله يفوت زي الخمسة شهور اهما للي عشتهم معاك ”
أنس: إلا زعلك ياروحي توا نمشي 20 يوم مانطولش اكثر منهم ونجيبلك معاي الهدايا توا بعدها تقولي دسما امشي.
سارة:❤ انت احلى هدية في حياتي .
أنس: ياحليلي ع الكلام الحلو وين كان خلي نشوف صدام بالك يمشي هوا وحاتم.
سارة: اهو مدامه في غيرك خلي يمشي معاه حاتم.
أنس: خلي نشوفه قبل ونرتب اموري معاه ع الاساس هذا.
منى: شن شن قلت وين تبي مصر وعلاش ياحنا معاش في خدمة الا غادي تمت خلاص.
صدام:😡 جيبك ياطولت البال ماشي انا وخوك شن بنقوله اختك تبيني نقعمز جنبها وخلاص.
منى: تصرف و20 يوم هلبا نحسابك بتقول خمسة ستة مش 20.
صدام: شن تحسابيني ماشي لتونس حتى لو تونس وبالرأس نعطل نقعدوا في الحضيرة وموضوع فكيني من ام العرضة.
منى: ماعنديش علاقة بيك مافيش مشى .
صدام: يوم للي قتلك نبي بيبي قلتي لا تماري في مرت خوك لو حامل 😤 راني مانمشيش ونخليك.
منى: صح وجهك شن الاسلوب اهو متع المساومة يانحمل يالا🥴.
صدام:😏فكري في الموضوع مازال عندك فرصة راهو شن بتحملي ولا. بتسكري رأسك.
منى: لا 😒 وبتمشي برا لكن لما تشوف كان كلمتك ولا رديت عليك من الاساس .
صدام: باهي ع راحتك انا بعد غدوا طالع بإذن الله .

 

 

 

حاتم: خير ياطير جايني يافالح وفي فمك كلام هات شن عندك.
أنس: نبيك تمشي لمصر مع صدام في مكاني شن رأيك ياحر.
حاتم: وخيرك انت شن عندك حالة وضع مثلا 🤣.
أنس: بلا مهتكة زايدة ياحاتم بتمشي في مكاني ولا خلي نتصرف .
حاتم: مقيولة للي تحصل فيه دبرله معروفه هاذي باهي ربط مع صدام وانا موجود .
محمد:😏 اسمعي فوتيها وخليها عليا هيا تخاف مني اصلا ماتقدر ادير شئ .
ملاك: مش عارفة مش مرتاحة بصراحة 😖 ومانبيش نخسر القضية لانه بياخد ولدي مني .
محمد: غدوا نمشيلها للمكتب ونديرلك حل لو نقتلها.
ملاك: لا. تقتلها لاشئ هددها وخلاص هيا خوافة اصلا.
محمد: تعالى جاي امتا نتلاقو مش رأي اهو راهو لازم نشوفك مشتاقلك موت انا.
ملاك: خوتي يراقبوا فيا ع الطالعة والنازلة خنقوني خلي تمشي الأمور وساهل .
محمد: دبري رأسك نبي نشوفك ديري أي سبلة باش تطلعي .
ملاك: قتلك عيونهم عليا يعني حتى لو طلعت صعب نتلاقو .
أمينة: شن فيك يابنت الأيام هاذي مش ع بعضك بكل فيك حاجة.
مها: تعب خدمة بس مافيه شئ.
أمينة: ليك شهر وانت فيها كلمة تعب خدمة نقولوا ان شاء الله حق احنا .
مها: ماتشغليش بالك ياغالية مافيا شئ .
صدام: شن مناسبة التجمع هذا لشن تخططو بالزبط باش نبدأ عارف .
حاتم: 😁 نسيبك يبيني نمشي معاه في مكانك .
صدام:نسيبي من يوم تزوج ولا مش متع خدمة بكل .
أنس: المراة دارتلي العار ع موضوع المشية ودموع وقلبتها درما معاش عرفت كيف نسكتها قتلها توا
نشوف حاتم.

 

 

 

حاتم: كيف لا كبش الفداء متعك كرهت الزواج ياراجل في جرتك من الأخير 😒.
صدام:وانا تعاركت انا واختك وطلعت شن حتى انا نقول معاش نمشي مايصيرش منها الخدمة هكي .
أنس: باهي نفوتها المشية هاذي وخلاص مدامه صاير فيها العار.
صدام: القصة مش في المشية هاذي بس القصة كل مرة بيصير نفس الدراما بنمشو وانا وانت وخلي يتفجروا.
أنس: باهي توا نروح نقولها حاتم عنده ظروف ومايقدرش يمشي .
حاتم: لالا. اموري طيبة ماتتبلاش عليا قولها فكينا من أم الببي الزايد اهو للي اديري فيه وانا ماشي .
صدام:🤣🤣 والله حق حالة الراجل مش قادر يرفضلها طلب .
حاتم: والله حتى كان يمشيلها ايام الخطوبة راني قتلك خدمتله خطين في البسبوسة 🤣.
صدام: عادي هما جماعة الكسكسي تعرف بيد ميت خدمة منظمة 😂.
أنس: هههه ضحكتني بيد جدك منا برامته.
صدام:لالا. ياراجل قلك لازم الجثة تكون جديدة طازة 😅جدي عظامه تحللو.
أنس: انت ربي يعوضك خير في عقلك خلي نمشي نحل قضية الشرق الأوسط .
صدام: ايه قولي استرسو عند المدام.
أنس: اكيد هاذي القيادة منا شن .
حاتم: طيح سعدك وسعد القيادة للي تعرفها اسمع يامدام أنس 😅 صاحبنا خالد شهر ومروح.
” الإنسان ديما يتعود ع الكلمة الطيبة مرات للي توجعه
بعد لحظات معاش يكون موجود وتقدر تطلب منه السماح “.
مانحسابش الدنيا نهايتها فراق قسمك ايجيك واجلك
تمشيله فعلا .
أنس: مش عارف علاش ماعنديش نية فيها المشية هاذي بكل لكن صدام عشش وعيب لو نرخي بيه .
مااقنعتها الا بطلوع عيوني باش قالت باهي وماعنديش مشكلة لكن نبي نقعد انا وسارة مع بعض .
أنس: نحسابك بتمشي تغيري جوك عند امك مابين ماجيت .
سارة: لالا.توا نكلمها هيا وعمتي كل مرة اتجينا فيهم وحدة ونكلم مها وخولة موجودة .
أنس: باهي خلي نطلع انا بنمشي لحوش العيلة نسلم ع أمي وبوي .
سارة: مش خاطرك في بيبي وتبيني نحمل .

 

 

 

 

أنس:😍 ايه شن وافقتي .
سارة: ايه ماطولش في حوش اهلك انا نستنى فيك .
أنس: الحمدلله بنولي بابا . 🤣خيرني هكي وليت نفكر
تقول واحد شيباني وماعنداش صغار .
علي: اهلين كيف حالك ياولدي كيف حال صحتك ان شاء الله تمام.
أنس :الحمدلله كيف حالك انت وامي ومها.
أمينة: الحمدلله مدامك ياولدي مرتاح احنا في نعمة من ربي .
أنس: المهم انا توا جاي بنسلم عليكم لاني بنمشي الحق عندي كريه ع الرأس لمصر.
أمينة: لاه عليك ياولدي تمت الخدمة في البلاد خلاص .
أنس: توا هكي صار وصدام ربط مع الشركة ومانقدرش نرخي بيه .
علي: تمام توكل ع الله ياولدي وربي يسهلك طريقكم.
أمينة : تعالى انشوفك قبل ماتطلع.
أنس: بست رأسها وحضنتها أكيد هاذي حاجة تحتاج توصي عليها.
صدام: بالله يما فكيني من العرضة نبي دعواتك بس معاي ورضاك.
خيرية : راضية عليك دنيا وآخرة ياولدي .
صدام: ردي بالك من روحك ومن خولة ومنى.
خيرية: بذون ماتوصي ياولدي .
صدام: قبل مانطلع توا نجيك.
سارة:مانعرفش علاش وقفت قدام المرايا حطيت أكثر عطر يحبه لبست اللبس للي يحب يشوفه عليا للحظات
حسيت روحي عروس بيزفوها لراجالها.
أنس:😍 شن الجمال هذا كله والدلع العطر شميته أول مافتحت الباب هذا كله ع خاطري انا.
سارة: ايه أكيد مش راجلي هاذي حتكون ليلة مميزة في حياتنا لانه بإذن الله حنحمل فيها وتروح ونقولك انا حامل .
أنس: 🤤🤤 زيدني من الكلام الحلو اهو .

 

 

 

 

صدام: وين ماشية تعالى ارقدي في مكانك بلا عار زايد هوا ليلة وبعدها بنطلع بدل ماتعوضيني ع للي درتيه مبكري تزيدي تكملي فيه .
منى: ايه بنكمله.
صدام: رقدت وانا بنموت منها مش عارف علاش.
محمد: الو وينك انت نبي نتلاقى معاك ضروري.
مها: خير شن تبي تختفي وتطلع بحوك شن عندك تالايا.
محمد: لما نجيك للمكتب ونكلمك توا نقولك شن نبي منك بالزبط .
مها: اليوم لا مش قعدا غدوا وطول خطرت عليا الفكرة نركب اليوم كميرات صوت وصورة.
وع الاساس هذا نظمت اموري.
انس:سلمت ع اهلي الكل وسارة وطلعت وصدام نفس الشئ.
حاتم: ياكلاب بتمشوا من غير ماتسلمو عليا كيف اتجئ اهيا صحبت عجول .
صدام: هههه بالحضن ياصاحب .
حاتم: تمشي وتروح ع خير ياصاحبي.
أنس: سلملي ع خالد اه وعينك من رزقي ياصاحبي .
حاتم: راك مش غايب السنين ماشي وجاي.
سارة: حرام عليك بري سلمي عليه شوفيه عيونه معاك وماشي طريق طويلة.
منى: لكن سلام عادي .
مها: حرام عليك ميتة القلب .
منى:مشيت سلمت عليه تقول غريبة مازال خاطري واجعني منه ماقدرتش نسامحه نبيه يقعد .
صدام:هكي يكون السلام مافيش حضن راني صدام يامنى حبيبك انسيتي .
منى: لما ترجع ساهل ربي يسهلك امرك .
صدام: باهي تمام في حفظ الله ردي بالك من روحك مش نروح نلقاك زايدة وزنك نعرفك تتعبي مع الماكلة.
منى: هوا طلع وماكنتش نعرف انه بياخد كل شئ معاه بعد الطلعة هاذي .
مها: ثاني يوم فقت الصبح وكلمت الخاين باش ايجئ والكاميرات راكبات .
أمل: انا بنقعد معاك في المكتب هذا مافيش ثقة بكل نخاف عليك .
مها:تمام خليك معاي باش انزيد نطمن أكثر.
محمد: اهلين بحبيبت مهيب 😏 كيف حالك.
مها: حبيبته توا مش من قبل خير من عشيق ملاك
معقولة سنينللي فاتت كلها وانت تخون فيا وتضحك عليا.

 

 

 

 

محمد:😱 شن تقولي انتى هبلتي ولا كيف تعرفي روحك شن تقولي .
مها: تبيني نحكيلك الكلام للي صاير بينك وبينها نحكيلك يوم للي جيتها للحوش وقت تحساب مهيب
بايت في العمل ولما سمعت البوابة نفتحت فتحتلك هيا الباب الخلفي وهربت لكن للأسف ذخانك قعد هذا للي خلاه يعرف انه مرته تخون فيه خاطي منظرها في لبس النوم لمن تلبس وراجلها برا.
محمد: جن جنوني نقزت على رقبتها خنقتها منين جبتيه انت الكلام اهو .
أمل: ابعد عليها خير مانضبح ع الناس يلتموا عليك .
مها:🥵 وربي يامحمد ياأنا ياانت ياخاين يازاني .
محمد: ايه انا في علاقة معاها ونمشيلها ونبات معاها عندك تالايا حاجة في شئ يربطني بيك اصلا.
مها: الحمدلله مافيش لانه الرخيص لرخيص للي زيه وانا غالية صعب تلحق عليا.
أنس: والله كيف بنطلعوا من مصراته ماشية الأمور الحمدلله .
صدام: طلعت بذون فطور ونحس في روحي جوي اخيه .
أنس: سكري حبي شوية ونكلمك ناخد نسوق منك شوية مدامك تعبان.
صدام: خلي نزيد شويه ونعطيك .
انس: خفف السرعة ياصدام راك تجرئ هلبا وهذا رأس صعب يشد بسرعة لو الحاوية راكبة راك ماتقدرش تحري زي توا.
صدام:شن الضئ هذا للي جاي من غادي .
أنس: خفف ياصدام هذا رأس ثاني يبي يجتاز السيارة الصغيرة ربي يستر .
” في لحظات تم كل شئ صدام غارق في دمه أنس
نفس الشئ”
منى: يما انا مش مرتاحة مانعرفش علاش من وقت قال بنمشي وانا مضايقة .
خيرية: غير انتى تعودتي عليه ديما جنبك هذا علاش اول مرة يبعد ماتخافيش مافيهم الا كل خير.
سارة: توا كلمت أنس كيف طالعين من مصراته.
منى: من عوايدك انت وانس مكالمتك تكمل بسرعة هكي نظام كلمة وقص .
سارة: هوا مشغول قلي شوية ونكلمك.

 

 

 

 

منى: باهي ربي يسهل.
الناس في لحظات تجمعت عليهم زي اي حادث ايصير والناس تساعد باش تنقد .
صدام: مات وقتي في مكانه 💔 ريتي يامنى الدنيا نهايتها فراق .
أنس: سعفوه مازال فيه النبض لكن غايب ع الوعي من واول ماصار الحادث .
منى: انا بنتصل بي صدام معاش نقدر نصبر اكثر من هكي .
مها: ومن شدك كلميه نوضي .
منى: شديت الهاتف وبعدت عليهم شوية المرة الاولى مارد حد والمرة الثانية نفس الشئ المرة الثالثة فتح الخط مزلت مضايق مني.
مجهول: اسمعي يأوختي انا مش صاحب الهاتف.
مني: زي من قلي بديت نعيط صاحب الهاتف وينه وين راجلي وخوي .
مجهول : واحد اسمه صدام توفى والثاني في العناية.
منى: صغرت بيا الدنيا عيطتت ومعاش نعرف شن صار
بعدها.
سارة: مستحيل ياعمتي اكيد كذب قبل دقايق كنت نكلم فيه .
خيرية: اه ياصدام ياوليدي تقولي ردي بالك من روحك حاس ياكبدي الموت تحوم عليك وانا غافلة 😭.
علي: خلي نتأكدو بالك الخبر كذب .
خولة: مش كذب ياعمي كيف عرفو اسمه صدام .
منى: ياريتني مازعلتك ياروحي ياريتني مادرت هكي ارفعوني ليه نبي نشوفه .
علي: اسمعي يابنتي اصبري اصبري هذا قضاء وقدر ان لله وان اليه راجعون ربي هكي كاتب ساعته بتوقف
غادي.
حاتم: لا عرفت نصدق لا نكذب نذكر كيف نبصر معاه قبل مايمشي 🥺 نذكر لما جيت نسلم عليه وقلي بالحضن ياصاحبي ع من بنبكي ع صدام للي امشى وهوا مكسور ولا ع أنس للي مش معروف يفيق من الغيبوبة ولا يقعد فيها .
أمينة: يارب صبر بنتي وماتوجعش قلبي ع ولدي وهون نار خيرية .
ثاني يوم الظهر وصلت الجثة متع صدام .
منى: تقول راقد مسكرين خشمه بالقطن اكيد مضايقه جيت بست جبينه بست خده سامحني ياصدام سامحني ياروحي .
امينة: ياسرك خلي امه واخته يشوفوه .
خيرية:بسلامة يما يارب تبثه عند السؤال ربي خفف عليه يارب راني راضية عليها دنيا وأخرة .
خولة: بعد موت بوي معاش عندي سند غيرك واليوم بديت يتمة مرة اخري 😭.
حاتم: كلامهم ينزل ع قلبي زي السم يحرق فيا قمت الثابوت انا واولاد عمه والعياط متع امه ومرته واخته
مازال في وذني لعند توا درجته للقبر .
الكل حطوه وامشو انا قعدت جنبه من العصر لعند آذان العشاء جبت مصحف وبديت نقرأ .
علي: الله غالب ياولدي ياسرك نوض روح هذا دوم مش يوم .
حاتم: نضت وانا قلبي متقطع ماقعدلي حد مازالت كلمت اخته انا اليوم وليت يتيمة ثاني في بالي .

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)