رواية فعلتها لأجل أبي الفصل الخامس والثلاثون 35 بقلم هدير عبدالعليم

رواية فعلتها لأجل أبي الفصل الخامس والثلاثون 35 بقلم هدير عبدالعليم

رواية فعلتها لأجل أبي البارت الخامس والثلاثون

رواية فعلتها لأجل أبي الجزء الخامس والثلاثون

رواية فعلتها لأجل أبي الحلقة الخامسة والثلاثون

آلاء بعصبية: أنت عبيط بتضحك علي أيه ؟؟
معاذ ببرود و بيسأل الأب: يا بابا أتكلم!!؟ ولا هترد؟!
آلاء بعصبية: فيه أيه ؟! و أيه السر إللى بينكم؟!
بابا بحب : شكلكم كبرتوا و هتتجوزوا, مش متخيل إنكم كبرتوا بالسرعة دي فاكر كل حاجة من أول ضحكة ل أول يوم مدرسة ل اول يوم جامعة وأنا مستني تتصلوا تقولوا حصل أيه،كل حاجة كنت بعملها معاكم كانت بتقربني منكم أكتر و كل يوم حبي ليكم بيزيد عن اليوم إللى قبله .
آلاء بتحاول تهدأ: يا بابا جواز أيه ؟! أنا لسه هعمل الماجستير.
بابا: العريس بيحبك , الرجل لما بيحب بيسافر لبلاد علشان يقابل إللى حبها و أرتاح لها بيحس وقتها إنهم اتخلقوا لبعض ولو الحياة مشت من غيرها هتكون باهتة وكئيبة .
آلاء بكسوف وبتسأل : ياها دا أنت متأكد إن العريس كويس و بيحبني ؟
بابا: اه متأكد.
دنيا بسرعة : ومين العريس!؟
معاذ : العريس..
دنيا بتضربه معاذ بضحك : قول بلاش جوا التشويق ده.
بابا : دكتور فارس.
آلاء بتتخض و بتقول : مش موافقة .
بابا بيستغرب جدا من رد فعل آلاء: أيه ؟!
آلاء : أنا و هو مينفعش نتجوز .
بابا بدون فهم: ليه؟!
آلاء: مش هينفع أقول أسباب بس مش هينفع نتجوز.
بابا بيحاول يعدى الموقف لان اخواتها موجودين: مش مهم , المهم هتنزلي أمتي الجامعه؟
آلاء بتحاول تأخد نفس و كأنها اطمنت ان محدش عايز يعرف السبب : من يوم الأحد ان شاء الله.
بابا : ربنا يوفقك و يكرمك .
آلاء: يارب .
^^ تاني يوم بابا بيخبط ^^
آلاء: أتفضل.
بابا: القمر بيعمل أيه ؟!
آلاء: بيذاكر لأنه مضغوط و طالع عينه.
بابا : ينفع نتكلم شوية .
آلاء بسرعة و بتبص ل الاب باهتمام : أكيد طبعاً.
بابا : أيه السبب؟!
آلاء بفهم: أكيد طبعاً إنى رفضت؟!
بابا: اه
آلاء: فيه حاجه أنا مش عارفة أفهمها.
بابا بهدوء : أيه هي؟!
آلاء : صدقني مش عارفة بس إحنا مش هينفع نتجوز.
بابا بهدوء : هحاول أصدقك لكن أنا متأكد أن فيه سبب إنك ترفضي.
آلاء: ممكن يكون مش شبهي.
بابا بهدوء: لا يا آلاء, أنتِ عارفه ان فارس شبهك و بيحبك و مش ده السبب..
آلاء :…
بابا بهدوء: عموماً مقدرش أقولك وافقي اجباري بس هو بيحبك ياريت تفكري كتير.
آلاء بسرعة: فكرت و مينفعش.
بابا بهدوء : اه خلاص أنا هكلمه و أقوله إنك لسه هتكملي دراسة ماجستير.
آلاء بكسوف : ليا طلب عندك.
بابا : أكيد طبعاً اتفضلي.
آلاء: ياريت دكتور فارس ميعرفش إن أنا سبب الرفض.
بابا : للأسف لازم يعرف .
آلاء ب استسلام: إللى تشوفه يا بابا.
^^بعد فترة طويلة فى الكلية^^
فارس : هو فيه أيه كل ما أقرب تبعدي ؟؟
آلاء:..
فارس : عايز أعرف بتبعدي ليه؟! أنا مش مناسب ليكِ ؟؟
آلاء بسرعة : والله ابدا .
فارس : فيه أيه يا آلاء ؟!
آلاء: دكتور فارس أنا وأنت مش هينفع نتجوز .
فارس : ليه؟!
آلاء : مش عارفه بس هو مينفعش ..
فارس : يمكن لأني أكبر منك و كنتِ شايفه إني دكتورك فى الجامعة ؟! بس أنا أكبر من ب أربع سنين بس .
آلاء بسرعة: مش السن والله أنت حد كويس جدا و محترم و كنت أتمني نتجوز لكن…….
فارس: كملي, لكن أيه.
آلاء بتهرب : بعد إذنك عندي محاضرة .
فارس بحب : أنا أول مره أطلب من حد يقف يكلمني بلاش تسيبيني لدماغي, أنا بحاول علشانك, أنا اخترتك أنتِ و عايز اتجوزك أنتِ من وسط كل الناس دي .
آلاء: بعد إذنك.
فارس بتنهيدة حزينة : أي رأيك أدخل معاكِ أحضر المحاضرة و بعدها نتكلم .
آلاء : مينفعش دكتور يدخل يحضر لطالبه كانت عنده و …
فارس بسرعة : أنا معنديش مشكلة, بس تردي عليا ليه مش موافقة.
آلاء: ….
فارس : هتردي عليا بعد المحاضرة ؟!
آلاء باستسلام : أنا بعد المحاضرة هروح لأني عملت أجازة محتاجة اقعد فى البيت شوية.
فارس بسرعة : ليه؟! أنا السبب؟!
عايزة تبعدي ليه؟!
آلاء :…

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فعلتها لأجل أبي)