رواية خلف الظلام الفصل السادس عشر 16 بقلم أروى اسماعيل
رواية خلف الظلام البارت السادس عشر
رواية خلف الظلام الجزء السادس عشر
رواية خلف الظلام الحلقة السادسة عشر
خالد:لو كنت عرفت اصبر نفسي كنت صبرتك ي أمي فراقك كان صعب عليا و حضرتك عارفة كدة كويس.
سناء:طب ايه لازمة الفراق من الأول ي خالد كانت ليلة و عدت ليه تبعد خمس سنين.
خالد:ليلة و عدت طب و حضرتك قاعدة على الكرسي بسبب الليلة أختي عندها تروما من أي حد بيحبها و بتبعد عنه بسبب الليلة دي كانت نقطة تحول سودة في حياتنا مش ليلة .
سناء:أنا مقدرش على فراقك تاني ي خالد اوعى تسيبني .
خالد:ولا انا ي أمي اقدر و مش هبعد تاني العمر في كام سنة تاني عشان ابعد مش ممكن اموت بكرة .
سناء:بعد الشر عليك ي حبيبي متقولش كدة يجعل يومي قبل يومك ولا اني اشوفك في الكفن.
خالد:كلنا لها ي أمي المهم انكو تسامحوني.
سناء:مسامحينك ي حبيبي.
خالد:و حضرتك ي بابا مسامح .
علي:مسامحك ي حبيبي من اول يوم سبتنا فيه انا معنديش اغلى منك انت و اخواتك ازعل ازاي بس منكو.
خالد:حقيقي انا قد ايه كنت مغفل بقى كان عندي عيلة بتحبني كدة و اعمل اللي عملته.
علي:يلا اللي حصل في الماضي مش هنقدر نغيره المهم دلوقتي حاضرنا و مستقبلنا .
خالد:عندك حق ي والدي انا هروح اشوف عصام عرف اسم المادة ولا لسة.
منصور:طب اجي معاك ي خالد.
خالد:ممنوع والله ي منصور عشان المعمل للتمريض و الدكاترة بس.
منصور:طب تمام بس متتأخرش.
روحت لعصام و سألته عرف نوع المادة ولا لاء و هل فعلا سم زي ما استنبط قبل النتيجة النهائية ولا جرعة زيادة من مهدأ زي ما أحمد كان بيقول استنيت لحظات لحد ما أتأكد من النتيجة و قال:ست الحسن.
خالد:ايه!
عصام:دي زهرة ست الحسن من اخطر انواع الزهور في العالم من حيث السمية.
خالد:طب و ملهاش مضاد.
عصام:ليها بس مش متوفر عندنا لازم في المستشفيات الكبيرة بس.
خالد:يعني اروح اي مستشفى هيديهولي ولا ايه اتكلم بسرعة ي عصام الواد بيروح مننا.
عصام:لاء لازم تقرير بالحالة و ده خلي دكتور علاء يعملو و خده وروح بيه على اقرب مستشفى و حاول تجيبه في أسرع وقت عشان كل ما نتأخر في المضاد كل ما مفعلوها بيزيد الضعف و تأثيرها بيقوى.
خالد:طب قدامي قد ايه اقدر اجيبها فيها.
عصام:هوة يونس في الحالة دي من 7 الصبح و احنا دلوقتي 7 بليل يعني 12 ساعة يبقى فاضل اربع ساعات عشان هي بتقضي على الشخص خلال 14 ساعة ف سرع و يستحسن قبل كدة عشان بيختلف قوة جسم عن جسم.
روحت خدت التقرير من دكتور علاء و طلعت على اقرب مستشفى كبيرة و طبعا كالعادة مفيش حاجة بتحصل بسرعة في اي مستشفى قعدت اتخانق معاهم اني عايز اقابل المدير بسرعة مفيش وقت فين و فين على ما نائب المدير طلع و اتكلم معايا و فهمته الحالة و فهمته اني زميل ليهم ف يستعجلو عشان الطفل الغلبان ده طلع متفهم الصراحة و ساعدني بس قالي:الحقنة دي مش هتقدر تتحرك بيهامن هنا قبل نص ساعة انا قدمتلك طلب و استعجلته غير كدة مقدرش افيدك.
خالد:طيب ي فندم في الانتظار.
طبعا دا كان الرد الوحيد المتوقع مني عشام مقدرش اعمل اي مشكلة تاني بس بعد ربع ساعة أحمد اتصل بيا و قال:خالد حالة يونس بتسوء اكتر و اكتر انت فين سرع .
خالد:خمس دقايق هجيب المضاد و جاي ي أحمد.
استنيت خمس دقايق و اخيرا استلمتها و شكرت النائب و طلعت جري على المستشفى و سلمت الحقنة للدكتور و اداها ليونس و اخيرا.
منصور:شكرا ي خالد شكرا جدا على وقفتك معايا من غيرك كان يونس هيضيع.
خالد:متقولش كدة ي منصور ده ابنك يعني ابني في نفس الوقت و الحمدالله اني قدرت اتصرف في الوقت المناسب.
سناء:مش كنت محروج من اللي عملته زمان اديك عملت اللي يمحيه و اكتر طمرت تربيتي فيك ي خالد.
بوست ايد امي و دخلنا نطمن على يونس و الحمد الله فاق و بقى كويس و اتعالج من المخدر و علاقة منصور و ميرفت رجعت احلى من الأول و علاقتي بعيلتي اتحسنت و رجعت عشت معاهم و طبعا السؤال اللي في دماغكو دلوقتي مصيري انا و مريم كان ايه الصراحة اكيد اتجوزتها دي حب عمري و استفدنا من الرحلة دي انا و هي و بالاخص أنا مفيش حاجة اسمها انا بقيت مدمن و خلاص مش هعرف ابعد تاني كل حاجة تيجي بالعزيمة و اهلك اهم شيء في الحياه ي صديقي مهما تعمل من مصايب و مشاكل هما بس اللي هيفضلوه معاك فخليك بار بيهم و ابعد عن اي حاجة تدايقهم او ينزلك من نظرهم انا غلطت و ندمت على غلطي خمس سنين و ضاعو هوا من غير ما اعمل ذكريات معاهم تخيل لو حد منهم حصله حاجة و انا مش موجود عشان كدة خليك بار بيهم و خليك دايما ناصح بلاش شغل اللي انا عارف كل حاجة و انت اصلا ولا حاجة اتمنى اكون متعتك ي عزيزي و احب أكد تاني اللي مالوش خير في اهله مليش خير في حد عامل اهلك بالحسنى عشان يتردلك من ولادك فيما بعد.
منتظرة رأيكو في النهاية🤍
لقراءة باقي حلقات الرواية اضغط على : (رواية خلف الظلام)
