رواية فعلتها لأجل أبي الفصل السادس والثلاثون 36 بقلم هدير عبدالعليم

رواية فعلتها لأجل أبي الفصل السادس والثلاثون 36 بقلم هدير عبدالعليم

رواية فعلتها لأجل أبي البارت السادس والثلاثون

رواية فعلتها لأجل أبي الجزء السادس والثلاثون

رواية فعلتها لأجل أبي الحلقة السادسة والثلاثون

آلاء ببرود : أنا هنزل البلد بعد المحاضرة .
فارس بعصبية: ردي عليا الأول.
آلاء ببرود و بتسأل: أرد على أيه ؟!
فارس : هتمشي من الكلية علشان أنا فيها صح ؟!
آلاء بتاخد نفس عميق و بتكدب : لا طبعاً لو عايزة أكمل هعمل كده حتى لو حضرتك موجود.
فارس بيحاول يهدأ و بيقولها : عيني في عينك أنتِ نازلة البلد لأني موجود , خائفة تتكلمي ليه ؟! عايزة تبعدي ليه ؟! قولي سبب واحد وأنا وقتها مش هكلمك تاني.
آلاء بتنهيدة : بعد إذنك.
فارس باستسلام: إللى يريحك.
^^ فى المحاضرة ^^
آلاء: محمد أفتح الباب حد بيخبط .
محمد: حاضر يا دكتور .
فارس : أزيك يا دكتور آلاء, ممكن أدخل.
آلاء بتتوتر : أكيد طبعاً أتفضل يا دكتور .
فارس : حسيت نفسي فاضي قولت أدخل أحضر لحضرتك محاضرة, دكتورة آلاء من أشطر و أحسن الدكاتره فى الكلية.
آلاء بتنهيدة : شكراً جدا يا دكتور بتعلم منك .
فارس : أنا موجود فى أخر المدرج.
آلاء بدأت أحاول اهدأ و أشرح بس حقيقي حاسه أني مش قادرة اتنفس , مشاعر غريبة المحاضرة خلصت رغم إنها كانت أغرب محاضرة حسيت إنها أول محاضرة فى حياتي من كتر التوتر .
آلاء: حد محتاج يسأل فى حاجة.
فارس : أنا فعلاً بتعلم منك إزاى فيه دكتورة شاطرة كده.
محمد : لا وكمان محبوبة كلنا بنحبها ..
آلاء وشها أحمر ومش قادرة ترد .
فارس بعصبية ودهشة: تحب أيه؟! قصدي تحب مين ؟!!
محمد: آسف يا دكتور قصدي إنها قريبة مننا أوى لدرجة أننا بنشوفها أختنا.
فارس بصوت واطي غير مسموع: اه أفتكرت حاجة تانى , اه طبعاً دكتور آلاء شخصية قبل ما تكون دكتور .
آلاء بكسوف : شكراً جدا.
^^بعد المحاضرة^^
فارس بهدوء: عالفكرة كأن باين عليكِ التوتر .
آلاء بتهدأ: بس كنت شاطرة؟!
فارس بيرفع حاجب بحب و بيقولها : هتكوني أشطر واحدة فى العالم لو رديتي عليا.
آلاء بتضحك : اه قولتلي كده, لا خلاص أنا مش شاطرة.
فارس : بتكلم جد فيه آيه ؟! تعرفى إني قولت أول ما أتقدم هتوافقي.
آلاء بابتسامة و بتكتم ضحكها: مستنية حضرتك تتقدم يعني أيه ؟ واقعة أوي كده ؟!
فارس بعصبية: أنتِ بتفهمي الكلام إزاى ؟
آلاء بهدوء: بهزر معاك , ربنا يرزقك حد شبهك متقلقش أنت كويس و ربنا هيعوضك حد كويس زيك.
فارس : بس أنا عايزكِ أنتِ شايف ان ربنا هيعوضنا إحنا الاتنين لو اتجوزنا بعض هنكون عوض لبعض أنا مش عايز حد غيرك ِ.
آلاء : …
فارس : هتفكري؟!
آلاء: ربنا يرزقك الزوجة الصالحه, بعد إذنك.
فارس بهدوء: إللى يريحك بس أنا مش هسيبك غير لما نتجوز او أعرف سبب الرفض دا لو فيه سبب أصلا.
آلاء: بعد إذنك.
^^ بالليل^^
بابا بيتصل: عاملة أيه؟!
آلاء: الحمد لله، أنتوا عاملين أيه ؟!
بابا: يارب ديما, الحمد لله.
بابا : يعني اتاخرتي ؟
آلاء: كنت جاية النهاردة فعلاً لكن كنت بخلص ورق فى الكلية و كان عندي شغل ان شاء الله اجي بكره العصر .
بابا بحب : ربنا معاكِ, تيجي بالسلامة.
^^ فى الطريق ^^
نور : حضرتك كويسة؟!
آلاء: اه؟!
نور : أنا معايا عصير لو تعبانة ممكن تاخديه بعد إذنك.
آلاء بتمسح دموعها: شكراً, لو عايزة كنت إشتريت…
نور : تعرفي أنا جاية من عند جوزي من المستشفى, عارفة كل يوم بروح المستشفى أطمن عليه عارفة بركب ٦ ساعات مواصلات, ٣ ساعات رايح و ٣ ساعات جاي, هتسألي مش بتقعدي معه ليه؟! هقولك المستشفى مانعة حد يقعد مع المريض .
آلاء بسرعة بتحضنها : ربنا يكون فى عونك و يرجع بالسلامة.
نور بدموع : عارفه كان بيحبني أوي, الدنيا كانت بتهون لأنه معايا كل حاجة صعبة بتعدي لأنه معايا أى مشكلة عارفة أنه موجود مش هيسيبني لوحدي, عارفة إحنا اتجوزنا إزاى ؟!
آلاء بتهز رأسه ب لا: حابه أعرف ممكن؟!
نور: كان زميلي فى الشغل وأنا عجبته زي ما بيقول فضل يحاول أنه يتجوزني بس أنا رفضت مليون مره, و سبت الشغل علشانة مكنتش عايزة أتجوز بابتسامة قولت لو أخر راجل فى الدنيا مش هتجوزه, المهم مشيتي من الشغل و نزلت أربع او خمس وظائف تاني و بعد سنتين ييجي يتقدم تاني و أحن, قولت أجرب أسمعه بقلبي و احكم عقلي يمكن يكون كويس.. أتقدم و بصراحة مكنتش مبهورة بيه أوي بس النصيب, اتخطبت ,و اتجوزت بس اقسم بربي حبيته حب عمري لا عرفت كلمة حب غير معه ولا عرفت طعم للحياة غير معه عرفت يعني آيه حد يحبك و يخاف عليكِ من كل الناس حتى من نفسك حد تطمني أنه موجود معاكِ فى كل الاوقات من تعب لحزن لفرح وهو زى ما هو بيحبك هو ده الحب إللى شوفته وعرفته فى الجوز غير كده بيكون مجرد كلام …
آلاء بحب: العمر كله مع بعض , ربنا يطمنك عليها يارب ويقوم بالسلامة..
نور :يارب يارب.
آلاء بنفس و تنهيدة :ممكن أتكلم معاكِ شوية.
نور بحب : أنا اتكلمت لانى كنت حابه أعرف مالك من الأول.
آلاء: أنا مشكلتى إنى بحبه بس هو مش مناسب .
نور : مش مناسب إزاى ؟!
آلاء: هو نفسه مناسب , بتنهيدة مش عارفة أقولك أيه حقيقي.
.
نور :اتكلمي عالطول.
آلاء: المشكلة فى….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فعلتها لأجل أبي)