رواية مغامرات ابناء العاصي الفصل السادس 6 بقلم كنزي حمزة

رواية مغامرات ابناء العاصي الفصل السادس 6 بقلم كنزي حمزة

رواية مغامرات ابناء العاصي البارت السادس

رواية مغامرات ابناء العاصي الجزء السادس

رواية مغامرات ابناء العاصي الحلقة السادسة

في تمام الرابعه عصرا كان واقفا امام الوكاله بزيه العسكري يمسك هاتفه يتحدث مع عاصي الصغير
زين: ايوه يا عاصي يعني ايه مالقتهمش في الڤيلا، راحوا فين يعني؟
عاصي: يا زين بقولك انا روحت الڤيلا عندكم، طنط دارين قالتلي انهم راحوا المول وماتعرفش هما في اي مول، ادور عليهم فين انا بقي
زين: طب اقفل وانا هاحاول اتصل بيهم تاني
عاصي: ماشي انا هاقف شويه وانت اتصل بيهم ولو ردوا عليك قولي وانا هاروحلهم لانهم مش بيردوا عليا
زين: طيب اقفل يا عاصي سلام
هتف الجد من داخل الوكاله: تعالي يا زين اقعد دلوقتي هما هايجوا
زين: حاضر يا جدي ماتقلقش يا حبيبي انا هاتصل بيهم وهاروح اجيبهم
خرج عدي امامه من المنزل وهتف: مايعرفوش هما فين يا زين، غمزه قالتلي انها سايباهم بايتين عندكم في الفيلا امبارح وماقالولهاش انهم هايخرجوا والمفروض انهم عارفين ان عاصي هايخرج من الشركه ويروح ياخدهم
زين: كمان يعني خارجين من ورا الكل، ماشي اوصلهم بس وهتشوف انا هاعمل فيهم ايه
امسك هاتفه بيده واعاد الاتصال بها للمره العاشره واخيرا فتحت الهاتف واجابت عليه
تيا: الو ايوه يا زينو ازيك عامل ايه
زبن: اخيرا رديتي، ايه انا اتصلت بيكي يجي عشر مرات مش بتردي ليه
تيا: هاه اااااصل كنت نايمه احنا بايتين مع دانا عندكم في الفيلا
زين: عندنا في الڤيلا اممممم وكمان بتكدبي، انتوا فين ومع مين يا حيوانه انطقي
تيا بأندهاش: اااحنا في مول العرب انا وليا ودانا
زين: خليكي عندك انتي وهما لحد ما نيجيلكم وعلى لله يا تيا تقفلي تليفونك ولا تتحركي من مكانك، ثم اغلق الهاتف في وجهها وتحرك بسيارته وهو يهاتف عاصي
زين: ايوه يا عاصي الهوانم في مول العرب، انا رايح اجيبهم
عاصي:انا قريب من هناك وهاروحلهم
زين: تمام نتقابل هناك بس بقولك ايه، مش عايزك تتنرفز عليهم او تمد ايدك علي واحده منهم قدام الناس
عاصي: طيب يازين اقفل عشان عفاريت الدنيا بتتنطط في وشي
//////////////ه
امسكت الهاتف ونظرت اليهم وامتلئت عينها بالدموع
ليا: ايه مالك، انتي هاتعيطي ولا ايه
تيا: زين في الجماليه وعرف ان احنا خرجنا من وراهم وقالي ماتتحركوش من عندكم وجاي دلوقتي، وانهمرت الدموع من عينها دون توقف
دانا: يا نهار اسود، طب سلام انا بقي
ليا بغيظ: انتي بتستعبطي، هاتمشي وتسيبينا، استني مش اخوكي اللي جاي ده
دانا: لاء ماهو انا ممكن استحمل ان بابي يزعقلي لكن زين مش هاقدر اقف قدامه، سلام يا بنات
ليا: دانا يا دانا اه يا نادله دي جريت، هانعمل ايه يا تيا، بطلي عياط بقي وبعدين هوعرف منين
تيا بدموع: معرفش يا ليا
وقف امامهم شبان بدأوا في مضايقتهم
شاب ١: القمر زعلانه ليه، احنا في الخدمه ياقمر
ليا بغضب: شكرا، لوسمحت ابعد عننا ومش ليك دعوه بينا
شاب ٢: ايه بس يا شرس انتي قطه سيامي ياخواتي بتخربش
كادت ان تتحدث ولكنها فوجئت بمن صفعه لكمه علي وجهه
عاصي: لاء وراها رجاله يتكلموا بدلها يا……. امك
كاد الشاب ان يمسكه للأخر حتي يلكمه الا ان يد زين ابرحته ارضا وبدأوا التشابك معهم حتي تدخل الامن وجذبوهم من ايديهم الي خارج المول
التفت اليها بغضب ونظر لها نظره مرعبه وامسك يدها وبدأ التحرك للخارج وهي من خلفه تكاد ان تسقط من سرعته وهي لاتري امامها من كثرة دموعها وهو يستمع الي صراخها الي ان زجها داخل السياره، اتجه الي مقعد السائق جلس بجانبها وصاح فيها
زين: اقسم بالله لو سمعت صوتك ما هاعرف اسيطر علي نفسي، خليني هادي بدل ما اكسر دماغك
تيا: طب طب انا عايزه اختيييي احنا سيبنا ليا
زين: اخرسي بقولك ماتخلينيش امد ايدي عليكي
//////////////////////////ه
نظر اليها نظره مرعبه وصرخ فيها: اتفضلي قدامي كفايه فضايح لحد كده
ليا: ايه اللي جابك، انت مش مخاصمني، جاي ليه
عاصي بغضب وهو يمسك يدها ويحثها علي المشي امامه: جاي اتفرج علي لمة الشباب حواليكي وهما بيعاكسوكي ياروح ابوكي، قدامي وحسابنا في البيت يلا
ركبوا السياره وتحرك بها، بدأت تبكي من شدة غضبه ولكنها علمت ايضا ماينتظرهم في البيت
رن هاتفه وهم في طريق عودتهم للمنزل ليجيب بغضب
عاصي: ايوه يا زين ايوه خرجنا، احنا وراكم، ماشي سلام
ليا بدموع: عاصي يا عاصي يووووه رد عليا طيب
عاصي: تعرفي تخرسي مش عايز اسمع صوتك
ليا: والله لو ضربتني المره دي كمان مش هاكلمك طول عمري يا عاصي
عاصي بغيظ: انتي ايه غبيه، مش حاسه انك عامله مصيبه وايه القرف اللي انتي لابساه دا ولا اقولك انا لا هضربك ولا لي دعوه بيكي اصلا، انا هاروحك لامك وابوكي وهما بقي يتصرفوا معاكي وانا بقي اللي مش عايزك تتكلمي معايا نهائي، انتي فاهمه
زاد بكائها عندما تفوه هو بذلك، لم يهمها فيما قاله الا انه سوف يزيد من خصامه لها
/////////////////////////***********ه
اوقف سيارته امام البيت وترجلت هيا منها سريعا ولكن هذا الفستان الذي تلبسه لا يساعدها في الحركه من كثرة ضيقه، تصعد الدرج بحركه بطيئه
اغلق سيارته بكل هدوء، صعد من خلفها وعندما لمحته يصعد سقطت علي الدرج
صرخ فيها وهو يصعد
زين: بتوقعي طبعا وانتي عارفه تتحركي اصلا من القرف اللي انتي لابساه، وديني لأربيكي، قومي يا ختي قومي، دلفت الي داخل شقة جدتها سريعا وهي تصرخ
تيا: الحقيني يا نانا، زين هايضربني
شهقوا حين رؤوها بهذا الفستان الضيق الذي يصل الي ركبتيها يكشف نصف صدرها، لتهتف غمزه: يا نهارك اسود، ايه اللي انتي لابساه ده يا بت
تيا: الحقيني انتي ياغزل حوشيه عني
ليصرخ فيها وهو يفك حزام بنطاله
زين: تحوشك، لاء يا حيلتها محدش هايقدر يحوشك من ايدي النهارده، انا عايز اعرف انتي خرجتي من هنا بالزفت ده ازاي وازاي تخرجي انتي والهانم التانيه من غير ما تقولي
جلست غمزة بمنتهي الراحه علي الاريكه ونظرت له وهتفت: علي فكره مكانتش خارجه بالزفت اللي عليها ده اصلا
واذا به يتملك منه الغضب وجذبها من حضن غزل ممسك شعرها بين يديه وصرخ فيها: ايه الكلام اللي سمعته ده، الهانم بقي قلعت هدومها فين انشاء الله
تيا: اااااااااه يا شيخه حرام عليكي، انا اللي بنتك مش هو
غزل: حرام عليك يا زين سيبها
زين: بس مش عايز حد يتكلم، و شدد علي شعرها: انطقي يا بت قلعتي هدومك فين
تيا بدموع: ملاكش دعوه، ابعد عني سيبني بقي
زين بغضب: كده طب قدامي بقي والله لأكسر عضمك، ادخلها غرفته واغلق الباب وهي تصرخ من خلفه
وقفت غزل علي الباب تدقه وتهتف به حتي يفتحه القاها علي فراشه وهي تبكي وتبتعد للخلف برعب منه
رفع حزامه وانزله علي جسدها بقوه صرخت من قوة ضربته لها
زين: ارحمي نفسك مني وانطقي، ايه اللي خلاكي تخرجي من ورانا وجبتي القرف اللي انتي لابساه ده منين
تيا : ملاكش دعوه، لأنت ابويا ولا انت اخويا، مش ليك حكم عليا، بتضربني ليه.
زين بغضب: لاه يا حلوه دانا الوحيد اللي ليا حكم عليكي وهاتشوفي لما ابوكي يجي
تيا بدموع: انا بكرهك يا زين، ابعد عني بقي
نظر اليها بغضب واتجه للخارج ليلتقي بالثانيه التي دلفت اليهم هي الاخري بعد ان تركها الاخر بالاسفل
ليجزبها امامهم من شعرها لتصرخ
ليا: اه اوعي يا زين سيب شعري
زين: حمدلله علي السلامه يا هانم، ايه اللي انتي لابساه ده يا ست ليا، انطقي
ليا: اه والله احنا شوفنا الفساتين دي في محل في المول وعجبونا اشترناهم ولبسناهم في المحل
زين بغضب: ومن أمتي بقي وانتوا بتخرجوا من غير ما تقولوا ومن امتي وانتوا بتلبسوا كده اصلا
ليا بصراخ: اااااااااااه سبني بقي وانت مالك، طب ماهي اختك هي كمان اشترت زينا ولبست فستان وروحت بيه قبل ما تيجي
رفع حزامه حتي ضربها هي الاخري ولكن يد عاصي امسكته
زين: مله علي جنابك انتي وهي، والله لاكسر عضمكم النهارده
ايه حكاية انت مالك دي، انا اخوكي الكبير غصب عنك وابقي قولي الكلام ده تاني لما ابوكي يجي والتانيه اللي في زايد دي اللي ماشين وراها زي الهبل، انا بقي هاعرف اربيها كويس
هتف عاصي: خلاص يا زين سيبها لما ابوهم يجي وتعالي ننزل تحت
امسكها مره ثانيه وزجها داخل الغرفه مع اختها واغلق الباب بالمفتاح
واتجه بالحديث الي والدته: ماما انا رايح زايد ساعه بالظبط وهكون هنا، الباب ده لو اتفتح وربنا ما هاتشوفي وشي تاني
غمزه بمنتهي الهدوء: حاضر يا حبيبي ما تخافش محدش هايفتحه،
لتهتف جدته روقيه: استني يا زين، انا سيبتك تعمل كل اللي انت عايزه بس عشان خاطري بلاش ابوهم يعرف، هات المفتاح واوعدك محدش هايفتحلهم غير لما انت ترجع
نظر اليها وهو يكاد يحترق من شدة غضبه ولكنه لم يتعود ان يرد لها اي طلب واذا به يخرج المفتاح من جيبه
ويهتف لها: ماشي يا تيتا، لو حصل واتأخرت ابقي افتحي للهوانم وخليهم يغيروا القرف ده قبل ابوهم ما يجي ويشوفهم
ثم تركها ونزل وسريعا ما اتجه الي سيارته
ليتوجه عدي الي عاصي بالكلام: الله هو زين رايح فين، ده لسه جاي
عاصي: رايح يربي الهانم اللي في زايد زي ما ربي الهوانم اللي فوق
عدي: ايه ضربهم ولا ايه
عاصي ضرب تيا ولحقته قبل ما يضرب ليا وحبسهم في اوضته وقال محدش يفتح لهم لحد مايرجع بس تيتا خدت المفتاح منه
عدي: احسن خليه يربيها يارب تبعد عنهم بقي
////////////////////////////
اوقف سيارته داخل حديقة الڤيلا بأهمال واندفع الي داخل الڤيلا وعينه كلها غضب
اوقفته دارين الخائفه علي ابنتها جدا
دارين: حمدلله علي السلامه يا حبيبي، اهدي يا زين عشان خاطري
زين: بنتك فين شوفتيها وهي راجعالك لابسه ايه؟؟
دارين: شوفتها وهزقتها بس عشان خاطري اهدي شويه
زين: بتقوليلي اهدي، ليه هي الهانم ما قالتلكيش هي عملت ايه ولا ايه
وتركها وصعد الي الاعلي حيث غرفتها، دفع الباب المغلق من الداخل لينفتح علي مصرعيه ليراها واقفه مرتعبه بالداخل واذا به يصفعها علي وجهها وهو يصرخ فيها
زين: ايه اللي خلاكي تاخديهم وتخرجي من ورانا
دانا: ااااااااااه يا مامي انا ماخرجتش من ورا حد، انا كنت قايله لمامي
زين وهو يضربها بحزامه: اه قايله لمامي وياتري بقي الهانم من امتي وهي بتلبس كده وايه اللي خلاكي تمشي قبل ماجي
كاد ان يصفعها الضربه الثانيه الا ان يد والده امسكت هذا الحزام قبل ان ينزل علي جسدها
احمد: كفايه يا زين والهانم عقابها هيبقي انها ماتتصلش ببنات عاصي تاني ولا هيبقي ليها اي علاقه بيهم
تركها وذهب الي غرفة ملابسها يبحث عن فستانها التي كانت تلبسه واذا به يراه امامه، امسكه بيده وخرج به امام والده
زين: حضرتك فاكرني خايف علي بنات عاصي بس لاء يا بابا، انا خايف علي الحيوانه دي قبلهم، اتفرج بنتك اشترت ايه ولبسته في المحل وجات بيه لحد هنا يا سيادة العميد ومش كده وبس، دي خلت الهبل يقلدوها ويلبسوا زيها وفي الاخر خافت وركبت عربيتها وسابتهم ومشيت
دانا بصراخ: هو انت كل حاجه تلبسهاني، ايه هما يعني مش بيفكروا، انا مشيت عشان خوفت منك انك ممكن تضربني ادام الناس
احمد: دانا اخرسي بقي
زين: ماشي يا دانا وادي الفستان اللي انتي فرحانه بيه اهوه، واذا به يمزقه الي شطرين: وعالله اشوفك لابسه كده تاني،
ثم تركهم وذهب الي غرفته
وقفت دارين تهدأ في ابنتها بينما تحدث احمد بغضب: فين مفاتيح عربيتك والفيزا بتاعتك
دانا: يابابي انا
احمد: انطقي هما فين، ومن دلوقتي مفيش خروج من البيت نهائي، اخذهم من حقيبتها واتجه الي غرفة ابنه
وجده قد بدأ في تغير ملابسه العسكريه ولبس بنطال من الجينز الفاتح وعليه قميص قطني لونه كحلي
احمد: الله انت خارج تاني ولا ايه
زين بغضب: راجع الجماليه تاني
احمد: خليك معانا النهارده وانا هاتصل بعاصي واعتذر له عن اللي حصل
زين: لاء هو اصلا ماعرفش حاجه وانا لازم ارجع قبل مايجي عشان حابسهم في اوضتي
احمد: ايه حابسهم ؟ ليه كده بس يا زين واوعي تكون مديت ايدك عليهم
جلس علي فراشه بغضب وبدء يفرك وجهه بيده
احمد: رد عليا ضربتهم، انت اتجننت ازاي تعمل كده
زين: البركه في بنتك هي السبب، انا كنت هاتجنن لما لقيتها مش بترد عليا
احمد بمكر: هي مين فيهم يا زين اختك ولا تيا
نظر له بغضب: تيا يا بابا تيا، اللي روحت لقيت الشباب بيتحرشوا بيها هيا واختها اللي بربيها علي ايدي من صغرها، حب عمري لقيتها واقفه والكل عمال يتفرج عليها وهي بفستان قصير وصدرها عريان
احمد: خلاص مش هنتكلم دلوقتي، روح عشان تفتح لهم قبل ابوهم مايرجع من شغله ولينا كلام تاني مع بعض
زين وهو خارج: الاجازه دي هاكون كاتب كتابي عليها، انهارده هاكلم ابوها
احمد: الكلام ده يبقي بهدوء مش بغضب كده
زين: ماشي سلام يا سيادة العميد

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)