رواية مغامرات ابناء العاصي الفصل السادس عشر 16 بقلم كنزي حمزة

رواية مغامرات ابناء العاصي الفصل السادس عشر 16 بقلم كنزي حمزة

رواية مغامرات ابناء العاصي البارت السادس عشر

رواية مغامرات ابناء العاصي الجزء السادس عشر

رواية مغامرات ابناء العاصي الحلقة السادسة عشر

ظلوا الفتايات يتمايلن مع العروس بينما جذبهم زين قبل ان يصلوا اليهم وحسهم علي الرقص معه هو واصدقاءه الشباب
زين: مالك ياض انت وهو مبوزين كده ليه، انتوا مش فرحانين لينا ولا ايه
عاصي: ياعم فرحانين وربنا ماحنا بنرقص اهو
زين: ههههههههه طب ارقص يا خويا انت واهو ولا اقولك تعالي ياض ياعاصي
جذبه من يده واتجه به الي الDJ ليأمره ان يختار تلك الاغاني الشعبيه (اغاني المهرجانات) التي يعلمها الاخر جيدا
واختار منها اغنية ( فرتكه فرتكه) التي ظلوا الشباب يرقصون عليها معه الي ان انتهي الحفل اخيرا وبدأ المدعوون في الذهاب حتي خلت الڤيلا منهم وتبقي العائلتان فقط
احمد: الف مبروك يا عرايس، يلا نسيبكم إحنا كمان عشان نمشي، يلا يا دارين انتي ودانا
الحج فضالي: اقعد يا احمد لما نتعشي كلنا سوي
احمد: هههههههه ربنا يخليك يا عمي بس انا خلاص مش قادر وعندي شغل الصبح وبعدين مانا سياب لكم العريس بحاله اهو دا تلاقيه مش هاشوفه تاني وخلاص هايبلط هنا رسمي يا عاصي هههههههههه
زين: هههههههه انت بتقول فيها، من هنا لحد اجازتي ماتخلص انا قاعد ومش متحرك من هنا
عاصي الكبير: طب خليك انت هنا واحنا كلنا راجعين الجماليه بكره ههههههههه
حمزه: يا اخي ماتحبطهوش بقي ههههههههه
احمد: يلا، سلام انا بقي، يلا يا حبيبتي انتي وبنتك
دارين: حاضر انا جاهزه، يلا يا دانا
هتفت ليا سريعا: لاء خلي دانا بايته معايا والنبي انطي
دارين: بقالكم تلات ايام بايتين مع بعض، ايه مازهقتوش
ليا بمرح: لاءه احنا مش بنزهق من بعض ههههههه
احمد بحسم: لاء معلش يا ليا كفايه كده، يلا يا دانا قدامي
دانا وقد استشعرت في نبرة ابيها الغضب: حاضر يا بابي انا جاهزه
///////////////////
واخيرا ما صعد الي غرفته بعد ان اطمئن علي الجميع شلح سترته وألقاها بأهمال ليلقي بجسده علي الفراش ويغفو قليلا قبل ان يزعجه اي منهم مره ثانيه، لتدلف اليه تلك التي تعشقه بكل مافيه من عيوب قبل مميزات، وجدته قد غفي قليلا وهو مزال بملابسه لتلكزه في كتفه ببطئ شديد وريبة ايضا حتي يفيق ليغير ملابسه
غمزه: عاصي حبيبي قوم غير هدومك عشان تعرف تنام
عاصي: لاء مش عايز مش قادر اصلا، اطفي النور وسيبيني انام
غمزه وهي تتجه الي غرفة الملابس: طب علي الاقل قوم اقلع الجزمه بتاعتك دي
فتح عينه نص فتحه ونظر لها بنظرته الماكره: طب ماتيجي انتي تقلعيهالي
وقفت كمن اسقط علي رأسها دلو ماء واستدارت له بغضب: نعم انت فاكرني امينه وهاتعملي فيها سي السيد ولا ايه
ضحك ضحكتة المعهوده فها هو الان ايقظ غيظها لتبدأ خطته
عاصي: بقولك ايه انا تعبان ومش حمل مناهده، دا بدل ماتقولي حبيبي تعبان طول النهار وتحاولي تريحيني وتاخدي بالك مني
لمعت عيناها بخبث عندما علمت ما ينتويه واقتربت منه وهي تضع يدها في جانبي خصرها بعد ان حررت شعرها
غمزه: امممممم طب وحبيبي بقي عايزني اريحه ازاي
امسك يدها وجذبها بجانبه وحاوط يده حولها
عاصي: بصراحه ليا مزاج اقطع الفستان ده
غمزه: هههههههه طب وعلي ايه ماتسيبني اغيره احسن وأجيلك تاني
عاصي : توء أبدا انتي جيتي وخلاص ومش هاتبعدي تاني، لينهي ليلته وهي بين احضانه يخبرها بأنها ستظل دائما عنيدته حبيبته الجميله
///////////////////////////
اتجه الجميع الي غرفهم وكادت ان تدلف هي الاخري مع اختها غرفتها الا انه جذبها معه داخل غرفته وأغلق الباب من خلفه
تيا: ايه في ايه يا زين، مالك شدتني كده ليه
زين: اوف يا ساتر اخيرا سابونا، من ساعة الحفله ما خلصت وانا عايز اقعد معاكي لوحدنا
تيا: هو احنا لسه هانقعد، انا تعابنه وعايزه انام
اقترب منها وحاوط خصرها بيديه: سلامتك يا قلب زين، حاسه بأيه
احمرت وجنتيها جدا واحنت رأسها وهي تحاول ان تفك قيوده: سيبني يا زين عيب كده
احل قيدها وهو يضحك واتجه الي مقعد جانبي وهو متمسك بيدها جلس عليه واجلسها علي قدمه، كادت ان تفقد الوعي من فعلته هذه، تريد ان تبتعد عنه ولكنه ابي ان يبعدها
وهمس في اذناها: اهدي يا تيا، اهدي يا حبيبتي، انتي ناسيه انك بقيتي مراتي خلاص
تيا: لاء مش ناسيه بس كده مش هينفع، بابي لو شافنا دلوقتي هينفخنا يازين
زين: ههههههههههه هاينفخنا ليه بس، انا جوزك يا حبيبتي وانتي مراتي، يعني بابي ماينفعش يدخل علينا دلوقتي الا لما يخبط علي الباب ده
تيا: طب سيبني بقي انا عايزه اروح اوضتي
زين: بطلي كسوف بقي، تعرفي انك جميله اوي في الفستان ده وشعرك حلو اوي وانتي حاطه التاج عليه كده وفرداه علي ضهرك
تيا بعد ان تاهت بين كلامته الساحره: هاه وايه تاني
قرب ثغره من وجهها وبدأ يلامس وجنتها بشفاه ويوزع قبل رقيقه بدأ من عيناها نزولا علي وجنتيها
كل هذا وهي مغمضة العينين كالمسحوره الا انها انتفضت حين لمس ثغرها بشفاه وقذفت سريعا من علي قدمه بعد ان صفعته بالقلم علي وجهه واتجهت نحو باب الغرفه وهي تجري
كادت ان تفتحه الا ان يده كانت اسرع واغلق الباب مره ثانيه ولكنه هذه المره اغلقه بأحكام ووضع المفتاح في جيبه
والتفت لها وهو منزعج من فعلتها وهتف فيها بغضب:
ايه اللي انتي عملتيه ده
احنت رأسها للأسفل وهي تضم كفيها وتفركهم في بعض وتجمعت العبرات في عينيها
رجع الي مكانه وجلس علي مقعده براحه وهتف فيها: تعالي هنا
اقتربت منه وهي تضع عيناها في الارض كمن تبحث عن شيء فقد منها
صاح بها: اقعدي زي ماكنتي قاعده
بدأت تهز رأسها يمين ويسار بالنفي بسرعه ولم ترفع وجهها له ليمد هو يده ويجذبها ليجلسها مره ثانيه علي قدمه
زين: ينفع اللي انتي عملتيه ده، في عروسه بردو تمد ايدها علي عريسها حبيبها في اول لحظه ليهم وهما لوحدهم؟
بدأت الدموع تسيل علي وجنتيها وهي تتلعثم في كلمات غير مرتبه
تيا: ما هو مش انت يوه
كفف دموعها بأنامله وهو يتأمل خجلها الذي يعشقه
_اهدي يا حبيبتي ماتخافيش مني كده، خلاص انا اسف لوكنت ضايقتك بس ماينفعش تمدي ايدك كده عليا
تيا: يا سلام يا خويا مش انت اللي كنت دايما تزعقلي من وانا صغيره وتقولي اوعي تخلي حد يلمسك او يحاول يحط ايده عليكي
ضحك ضحكه رنانه علي سازجة طفلته بدأ يضمها اليه بحب
_هههههههههههه الا انا يا حبيبتي وخصوصا بعد ماتجوزنا، انا الوحيد اللي من حقي اخدك في حضني، وضعت رأسها علي كتفه واستكانت انفاسها علي عنقه
وهمست: انا اسفه مش هاعملها تاني، انا بحبك اوي
زين: انا كمان بحبك اوي ياروحي، انتي ماتعرفيش انتي ايه بالنسبه لي، قرب شفاه مره ثانيه من ثغرها، ثبت رصاصيته علي فيروزتها
وهمس: عاوز ادوقهم ياتيا، نفسي فيهم اوي، دول بتوعي انا بس، ينفع ؟
اومئت له برأسها ولم تتكلم ليثبت ثغره علي علي كرزيتها ويلتهمهم بكل رقه لأول مره ليشعروا بأنهم فرد واحد وأخيرا تركها وهو يضع جبينه علي جبهتها
_بحبك وهافضل اقولها لأخر يوم في عمري
احتضنته جيدا وضمها هو بيده وظل يملس علي ظهرها
تيا: انا كمان هافضل اقولك بحبك يا حبيبي وعمري ما هبطل اقولها ابدا
زين: خليكي معايا في حضني كده، مش عايز اسيبك
تيا: مش هاينفع لازم اروح اوضتي عشان اغير الفستان ده وكمان مش هاينفع انام هنا
زين: خايفه مني ولا ايه
تيا: لاء طبعا انا عارفه انك بتخاف عليا وبتحافظ عليا بس مش هاينفع انام هنا
زين: خلاص يا حبيبتي انا هاسيبك بس عايزك بقي تخلصي السنه دي بسرعه عشان نبقي مع بعض على طول
تيا: طب ممكن اطلب منك طلب
زين: أأمريني يا روحي
تيا: انت فاضل اسبوع وأجازتك تخلص وهترجع شغلك تاني واحنا ماخرجناش خالص الصيف ده، ايه رأيك لو يعني تقول لبابي ونروح شاليه العين السخنه انشالله يومين حتي
زين: بس كده عيوني يا حبيبتي، تصدقي انا كنت بفكر في كده وكنت عايز اعملهالك مفاجأه بس انتي بقي سبقتيني
تيا: حبيبي انت ربنا يخليك ليا
////////////////////////////////ه
وصلوا الي ڤيلتهم ودلفوا اليها، كادت ان تصعد الي غرفتها الا ان صوت اباها استوقفها
احمد: رايحه فين يا دانا
دانا: طالعه اوضتي يا بابي، عايز حاجه
احمد: اطلعي غيري هدومك وماتناميش عايز اتكلم معاكي شويه
ارتابت من نبرة صوته ولكنها تصنعت الا مبلاه: حاضر يا بابي
دارين: في ايه يا احمد مالك بتكلم دانا كده ليه
احمد: يعني مالاحظتيش اللي حصل بينها وبين عدي في الحفله
دارين: ايه اللي حصل، عدي طول عمره ولد مؤدب و اطمن اصلا هما الاتنين تقريبأ مش بيطيقوا بعض
احمد: ولما هما مش بيطيقوا بعض، مين اللي اداله الحق انه يشدها قدام الناس من ايد الشاب اللي كان طالبها للرقص
دارين: ماتكبرش الموضوع، يمكن كان عايز يوريها حاجه او شاف حاجه علي الشاب ده.
احمد: يا سلام، شاب ابوه لواء وهو ظابط طيار، ايه اللي ممكن يعمله وهو يبقالها ايه بردو عشان يتصرف من دماغه كده
دارين: اهدي بس يا حبيبي وماتتعصبش كده
احمد: انا طالع لها هاتكلم معاها وبلاش تيجي ورايا، مفهوم يا حبيبتي
دارين: حاضر حاضر
صعد اليها ودق باب غرفتها لتصيح من الداخل: اتفضل يا بابي
احمد: غيرتي هدومك يا دانا
دانا: ايوه يابابي تعالي اتفضل
جلس علي فراشها واجلسها بجانبه ونظر في عينيها بعين غاضبه
دانا: مالك يا بابي بتبص لي كده ليه
_ايه اللي بينك وبين عدي يا دانا ؟؟ تنبهت جيدا لما قاله والجماتها صدمة كلامته
دانا: والله يا بابي مفيش حاجه خالص، ده اصلا واحد مغرور ورخم في نفسه كده
احمد: وايه بقي اللي يخلي واحد مغرور ورخم زي مابتقولي يقف قدام الشاب اللي كان عايز يرقص معاكي ويشدك وراه كده
دانا: والله يابابي انا هزقته وسيبته ومشيت
احمد: هو عمل كده ليه ؟ ايه اللي يخليه يتعامل معاكي بالطريقه دي ؟
دانا: معرفش يابابي هو بيقول انه شاف الشاب ده وهو بيحاول يحط ايده علي ظهري من عند فاتحة الفستان من فوق
احمد: بقي كده، طب اعملي حسابك انك هاتلبسي الحجاب زي مامتك، انا كنت حابب اسيبك لما تقتنعي وتلبسيه لوحدك لكن الظاهر اني كنت غلطان ولبسك خلاكي مطمع للكل،
ثم وقف من علي الفراش بغضب وأتجه للخارج تاركها تستوعب صدمتها
********************************
غير ملابسه واتجه الي فراشه وتسطح عليه واغمض عينه لينعم قليلا بقسط من الراحه قبل ان تأتي واحده منهم وتزيد من تعبه ولكن كيف له ذلك وصغيرته مازلت مستيقظه هي ومعذبته ليجد من تجلس فوقه وهو نائم بفستانها الابيض الجميل
طمطم: حمسه قوم فكلي الجسمه، مس عالفه اقلعها لوحدي
حمزه: روحي لمامي ياحبيبتي وهي تقلعك وسيبني عشان تعبان
طمطم: لاءه مامي عند ليا وقاعده معاها وانا عايسه انام جنبك، يلا بقي يا بابي قوم يا حبيبي
حمزه: امري لله، تعالي يا ستي
طمطم: بث انا جبت البيچامه تاعتي عثان تلبسني كمان
حمزه: عيوني ليكي انتي يا روح بابي، ازاح حذائها الصغير من قدمها وبدأ يبدل لها فستانها وهي
تصيح له: انا كنت احلي من تيا وليا النهالده، ثح يا بابي
حمزه: طبعا كنتي قمر، احلي من كل البنات اللي في الحفله
ازاحت الغطاء عن الفراش وتمددت بجانبه وبدوره دثرها جيدا ورقد بجانبها
طمطم: وكنت احلي من غسل كمان
ابتسم لها واخذها في حضنه وبدأ يملس علي شعرها الناعم
حمزه: غسل، اه ياني من غسل دي واللي بتعمله فيا، نامي ياحبيبتي نامي، اغمضت عيناها واستكانت بين احضانه بينما استمع هو لصوتها يأتي من خلفه
غزل: وبتعمل فيك ايه بقي غسل ان شاء الله؟ اعتدل علي ظهره ونظر اليها نظرة شوق وهي تحرر شعرها من الحجاب
حمزه: على طول مجناني ومزعلاني وسيباني لوحدي
غزل: كفايه عليك طمطم، مش مديه اي حد فرصه يقرب منك
حمزه: هههههههههه داحنا بنغير من بنتنا بقي ولا ايه
غزل بزعل : ملاكش دعوه، خليك كده واخدها في حضنك على طول ونيمها جانبك وناسيني انا
حمزه : هههههههههه طب ماتزعليش ياروحي هي نامت خلاص انا هاشيلها اوديها أوضتها وانتي اقلعي فستانك ده. علي بال ماجي
حمل صغيرته واتجه بها الي غرفتها ووقفت هي سريعا لتبدل ملابسها واتجهت الي الفراش لتغمض عينيها قبل ان يأتي لتشعر به وهو يجذبها اليه من الخلف ويدفئ عنقها بقبلاته الرقيقه: اوعي تكوني نمتي، انتي اصلا مالحقتيش تنامي
غزل: لاء لسه بس تعابنه اوي وعايزه انام
حمزه: لاءه مفيش نوم دلوقتي، انا كمان تعبان وعايز ارتاح وريحة البرفيوم بتاعك ده مدوخني
غزل: اوعي سيبني انت مش كل يوم تاخد بنتك في حضنك وتنام وحتي ماتسألش انا نمت فين
لفها بين يديه ليجعل وجهها مقابل له وهو ينظر لها بدهشه
حمزه: انتي غيرانه من بنتك بجد بقي
اومئت له برأسها وهي تواري عيناها عنه ليضع اصابعه اسفل ذقنها
غزل: اوعي سيبني بقي، روح نام جنب بنتك
حمزه: ههههههه طب ما هو انتي كمان بنوتي حبيبتي
غزل: لاء ما خلاص بقي، انا راحت عليا وشكلك كده مابقتش تحبني زي زمان
حمزه: اه مابقتش أحبك، انا عديت الليڤل ده من زمان،
تعالي بقي في حضني كده عشان انا عايز اثبتلك انا بعشقك اد ايه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)