رواية مغامرات ابناء العاصي الفصل السابع عشر 17 بقلم كنزي حمزة

رواية مغامرات ابناء العاصي الفصل السابع عشر 17 بقلم كنزي حمزة

رواية مغامرات ابناء العاصي البارت السابع عشر

رواية مغامرات ابناء العاصي الجزء السابع عشر

رواية مغامرات ابناء العاصي الحلقة السابعة عشر

مر اليوم علي الجميع بسعاده إلا هم الثلاثه، الثنائي العنيد وتلك الشقيه التي تريد ان تروض ذلك العاصي الصغير
استيقظت في الصباح و ظلت في فراشها حزينه علي ما وصلوا إليه فهو لا يتكلم معها بأي كلمه منذ اخر يوم اهانته فيه ووصفته بأنه عيل
_صباح الخير، افزعتها بها تيا التي وقفت من علي فراشها وقذفت بجانب شقيقتها
ليا: ايه يا مجنونه ده، صباح النور ياستي بس مش لازم تفزعيني كده
تيا: هههههههههه مره من نفسي يا ستي، مانتي كل يوم بتفزعيني كده
ليا: صحيح انتي روحتي فين امبارح، داحنا فضلنا قاعدين مستنينك وفي الاخر زهقنا
تيا: هاه يعني هاروح فين وانتوا مين بقي اللي كنتوا مستنيني
ليا: انا وغزل، فضلت قاعده معايا هنا وفي الاخر زهقت ودخلت أوضتها، قولي بقي كنتي فين
تيا: هاكون فين يعني، كنت قاعده بتكلم مع زين شويه
لمعت عيناها بفرح لهم ونظرت لأختها بمكر: الله طب ومالك خدودك احمرت كده ليه
تيا: ها مفيش حاجه يا ليا، اسكتي صحيح مش انا قولت لزين علي موضوع المصيف وهو وافق وقال هايقول لبابي
ليا: بجد هيههههههه واخيرا هانخرج
تيا: ومالك فرحانه كده ليه يابنتي، بقولك لسه هايقول لبابي
ليا: لاء ماهو طالما زين اخويا حبيبي موافق يبقي بابي اكيد هايوافق
تيا: ياسلام واثقه فيه اوي ياختي، انا بقي مش هاصدق غير لما اسمعها من بابي بنفسه
ليا: هههههههههه ايه ده يابنتي خليكي واثقه في جوزك شويه
تيا: طب يلا قومي عشان ننزل لهم دول اكيد كلهم صحيوا تحت، عااااااااااااا يخرب بيتك يا طمطم انتي جيتي منين
طمطم: من الباب يعني هاكون جيت منين، انتوا قوموا بقي كلهم تحت ومستنينكمو عثان نفطل، يلا يلا، وتركتهم وذهبت للخارج
ليا: ماهو يأما البت دي بتتسحب عشان تتصنت علينا يأما جنيه وبتظهر لنا فجأه
تيا: هههههههههههه يخرب بيت دماغك، انتي الافلام لحستلك دماغك دي خلاص
ليا: طب يلا بينا يلا
توجهوا للخارج بعد ان غيروا ملابسهم ليتقابلون مع عدي وعاصي امام الدرج
لتصيح ليا بمرح: صباح الخير علي الناس الكسلانه
لم يلتفت إليها وتوجه للأسفل
بينما هتف عدي: صباح الفل علي العرايس الحلوين
تيا: صباح النور يا ديدو يا حبيبي
لينضم إليهم زين الذي اصطنع الغضب مما تفوهت به
ووضع يده علي كتفها وضمها اليه بجراءه: يعني مش كفايه بتدلعيه لاء وحبيبي كمان، اروح انا بقي ولا اجيب اتنين ليمون
عدي بخوف مصطنع ايضا: لاء وعلي ايه، انا اللي هاجيب الليمون اقولك، انا هاسبقكم احسن ههههههههه
زين: ههههههه اه يا جبان، الله مالك يا ليا، واقفه زعلانه كده ليه يا حبيبتي
ليا: هاه لاء مش زعلانه ولا حاجه، انا كمان هاسبقكم، وترجلت امامهم علي الدرج
لينظر لصغيرته بحب: ينفع تصبحي علي الكل وحبيبك لاءه
تيا: توء لاء طبعا مش ينفع، صباح الخير يا حبيبي
زين: لاء مش عاجبني الصباح ده وبعدين انا زعلان منك ولازم تصالحيني
تيا: هو انا لحقت ازعلك عشان اصالحك
زين: طب تعالي ندخل جوه وانا اقولك زعلتيني في ايه
سحبها خلفه الي داخل غرفته وأغلق الباب
تيا: لاء يا زين تعالي ننزل دول كلهم مستنينا تحت
زين: طب انجزي وصالحيني بسرعه بقي قبل مايخدوا بالهم
تيا: هو انا زعلتك في ايه بس
زين: اولا ماجتيش تصحيني وروحتي صبحتي علي عدي وعاصي، لاء وكمان بتقولي لحد غيري يا حبيبي
تيا:. يا سلام طب ما انت بتقول ل ليا يا حبيبتي، كده نبقي خالصين
زين: لاء ولاانتي تقوليها لغيري ولا انا اقولها لغيرك، متفقين كده
تيا: متفقين طبعا، يلا بقي ننزل
زين: طب صالحيني بقي واخلصي
تيا: يوه عايز ايه يعني
اقترب منها ليتذوق كرزيتها : عايز ادوق دي
ليدق الباب عليهم بنقر خفيف
زين: مين
_افتح يا زين انا بابا
تيا: يالهوي عاجبك كده ده بابي، هانعمل ايه دلوقتي استخبي فين
زين: بس يا هابله تستخبي ايه ماتخافيش كده انتي مراتي، واتجه نحو باب الغرفه وفتحه له
عاصي: الله انتي هنا يا توتو
تيا: هاه والله يا بابي زين هو اللي شدني ودخلني هنا
ليعض الاخر علي شفتيه السفلي ويغتاظ من خوفها هذا
عاصي: ههههههههه وشدتها ودخلتها هنا ليه بقي يا زين باشا
زين: طب ده سؤال يا بوب، والنبي عادي يعني مش مراتي، بصراحه كنت عايز اديها هدية جوازنا
وذهب الي خزانة ملابسه واذا به يخرج منها علبه مبطنه من القطيفه وفتحها لها لتري بها طقم من الماس اخذ عقلها من جماله
لتهتف: الله يا زين ده حلو اوي، بس شكله غالي اوي
زين: مفيش حاجه تغلي عليكي ابدا يا روح زين، وجذبها امام والدها وقبلها في وجنتها
ليربط عاصي علي كتفه: ربنا يخليك لها ياحبيبي ويحفظهالك، يلا بينا بقي عشان ننزل نفطر وتوريهم هدية جوزك ليكي يا تيا
////////////////////////////////
جلسوا جميعا في هول الڤيلا لحين يفرغوا النساء من تحضير الطعام
فتحت تيا تلك العلبه لتريها لجدتها وجدها وعمها وعدي وعاصي الصغير
تيا: بصي يا نانا، زين جابلي ايه
روقيه: الله ما شاء الله ده حلو اوي يا تيا
الجد: تعيش وتجيب لها ياحبيبي
زين: ربنا يخليك يا جدي يا رب
عدي: بجد جميل اوي بت يا توتو، اوعي تلبسيه في الجماليه، ده شكله غالي اوي
حمزه وهو يربط علي كتفه: ما هو الغالي مش بيجيب غير الغالي
تيا: هارح افرج مامي وغزل وليا عليه، وجرت الي المطبخ
ومن خلفها طمطم: استني يا تيا هاتيه البثه سويه
عاصي وهو يقصد ان يلقي كل كلمه علي مسامع الاخر: مين اللي دفع حق الطقم ده يا زين
زين: يعني ايه مين اللي دفع دي يا بابا، انت ناسي اني ظابط وبقبض مرتب وبعدين ماانت عارف اني مش مسرف وبحب اشيل فلوسي، عيب يعني ده حمزه اللي معلمني ازاي احوش عشان اول هديه
نظر الي الاخر وفي عينه نظرة تشفي وهو يقول: ماترد عليا ياض انت ولا ابوك اللي دفعته فلوسه
زين: ياعم انا، انا والله، وبعدين انت شايفني عيل ادامك عشان امد ايدي لأبويا واقوله هات اجيب لمراتي هديه
ليقفز الاخر من علي مقعده ويتجه خارج الڤيلا بأكملها
ليصيح الجد: الله رايح فين يا عاصي تعالي عشان هنفطر سوي
عاصي بغضب: مش عايز حاجه من حد، انا راجع الجماليه، جذب مفاتيح سيارته وخرج امام الجميع
زين بدهشه: الله هو الواد ده ماله
عدي: هو خد في وشه ومشي كده ليه
حمزه بغضب: الواد خلااااااص جاب اخره معايا ولو زود تصرفاته وعنده ده، انا مش عارف تصرفي معاه بعد كده هيبقي ازاي
عاصي: ششششششش اهدي يا حمزه وملاكش دعوه بيه خالص، انا قولتلك سيبه وانا هاعرف اظبطه تاني وهايرجع الشغل يعني هايرجع الشغل
زين: ما تفهمونا ياجدعان في ايه
حكي لهم عاصي ماطلبه منه ابن اخيه ورده عليه ليشركهم معه في خطته
//////////////////////
اما عند غمزه وبناتها هتفت غزل: في ايه يا طمطم بتجري كده ليه
طمطم: خلي تيا تلبثني الثلثه ثويه يا مامتي دي حلوه اوي
غمزه: سلسلة ايه دي يا تيا
تيا: بصي يا مامي زين جابلي ايه وقالي دي هدية كتب الكتاب
غزل: الله الطقم ده حلو اوي ومبروك عليكي يا توتو
ليا: ده شكله غالي اوي، ربنا يوعدني واحد زيك يا زين ياخويا يا رب
تيا: هههههههه يا رب يا ختي
غزل بزعل: طب يلا بينا بقي عشان نحط الفطار علي السفره
اخذوا الفتايات الاطباق واتجهوا الي طاولة الطعام والتفوا جميعا حولها وظلت غزل تبحث عن ابنها هي وغمزه في الغرف
ليهتف عاصي من الاسفل: انا نفسي افهم انتوا بتعملوا ايه فوق، هو مش في اكل اتحط
غزل وهي تنزل الي الاسفل: هو عاصي راح فين، احنا مش لاقينه فوق
حمزه: تعالي يا غزل افطري، عاصي سبقنا علي الجماليه
عقدت الاخري حاجبيها ووقفت امامه بغضب: ومشي ليه من غير ما يفطر، اكيد حد ضايقه
عاصي: وطي صوتك ياغمزه، ايه هو صغير هايغضب ونجري نحايله
غمزه: لاء هو مش صغير، هو عنيد زيك وبيتصرف بنفس طريقتك مش هايجيبه من بره يعني يا عاصي بيه
طرق بيده علي الطاوله وصاح بصوت جهور لتفزع هي في وقفتها ويقف امامها عدي وزين ليحجبوها نهائيا من امامه
_عدي يومك يا غمزه وماتتدخليش في اللي مالكيش فيه
زين: اهدي يا بوب عشان خاطري، خلاص بقي يا ماما اقعدي يلا عشان نفطر
غمزه: ولا عايزه افطر ولا عايزه اتنيل، دا ايه العيشه الزفت دي
والتفتت لتصعد الدرج
ولكن صوته اوقفها: زفت علي دماغك، لو اتحركتي خطوه واحده تاني يومك هايبقي اسود
غمزه: ايه مش عايزه افطر، هأتكلني كمان بالعافيه
عاصي بغضب: اه هاتفطري بالعافيه وغصب عنك هاتقعدي زي الكل ما هم قاعدين ولا تحبي اوريكي
حمزه وهو يمسكه من زراعه: لاء ماتحبش، هي هاتقعد لوحدها، اقعدي يا غمزه ربنا يهديكي خلينا ناكل اللقمه بقي
عدي: عشان خاطري ياغمزه اقعدي بقي
جلست بجانب اخيها الصغير وعيناها تلمع بالدموع
عاصي: كلي
روقيه: خلاص يا حبيبي هي هاتكل اهيه، كل انت وماتركزش معاها
فضالي: خلاص بقي يا عاصي، خلينا ناكل اللقمه مره من غير خناق
جلس زين بجانب تيا الخائفه من ملامح ابيها ليربط علي يدها
وقف بوده بجانب والدته يطبطب علي زراعها وهو ينظر لوالده بعدائيه ويصرخ فيه: انت بتزعق لها ليه، هي عملت ايه عشان تزعق كده
عاصي: اقعد مكانك وكل وانت ساكت، ماتخلنيش اقوم اكسرلك دماغك دي
بوده: هو انت كل حاجه تتعصب علينا كده، طب والله لو زعقتلها تاني لخاصمك ومش هاكلمك ابدا ومش هحبك كمان
حمزه: اقعد يا بوده ساكت، يلا يا حبيبي كل وبلاش تتناقش مع بابي دلوقتي عشان متنرفز
جلس هذا العنيد الصغير علي مقعده وهو يشوح له بيده بلا مبلاه: ما هو على طول متنرفز، هو من امتي يعني كان بيهدي
فضالي: طب ناكل بقي وكفايه كلام، مش عايز اسمع صوت حد تاني
جلست غزل بين حمزه وليا التي فضلت الصمت ولكنه كان صمت ممتزج بالحزن علي عنيدها، كانت تعبث في صحنها بالملعقه، لم تشعر بتلك الدموع التي استرسلت علي وجنتيها الا لما غزل اعتطها منديل من تحت الطاوله
غزل بهدوء: امسحي عنيكي دي
ليا: هاه مالها عنيا
غزل: انتي مش حاسه انك بتعيطي
ليا: لا لا دي تقريبا كده حاجه دخلت في عيني
غزل: طب كلي يا حبيبتي وامسحي دموعك يلا
وجه زين الحديث الي والده وعمه وهو يمسكك يد تيا: انا شايف ان الكل مشحونين ومحتاجين يغيروا جو وبالذات البنات، ايه رأيكم لو ناخد باقي الاسبوع اجازه ونروح السخنه نغير جو كلنا
حمزه: لاء انا مش فاضي
لتصيح طمطم: هو كل حاكه مس فاتي مس فاتي، انا عايسه لوح البحل بقي يا بابي
عاصي: معلش يا حبيبتي بلاش دلوقتي عشان عندنا شغل في الشركه كتير
ترك زين الموضوع لطمطم وفضل الصمت فهي كفيله ان تجلب الموافقه منهم ولم يصمدوا امام رجائها لهم
صعدت اللعينه علي قدم عاصي وعانقته وقبلته في وجنته
وهي تهتف برجاء: عثان خاطلي يا عاثي والنبي، لوح البحل وقول لبابي يوافق
فضالي: اظن دي بالذات مش هتعرف ترفض لها طلب
طمطم وهي تتوجه لحمزه: انت مس فسحتني خالث وكمان قولت هالوح مدلسه، يبقي لوح بحل الاول والنبي يا بابي
ثم قبلته هو الاخر وعانقته
وبدأت تأثر عليهم بسلاحها الفتاك وتترك لدموعها الحديث
ليأخذها عاصي من علي قدم اخيه ويبدأ يهدهد فيها وهي علي قدمه: خلاص يا روحي ماتعيطيش ابدا، روحي يا ستي المصيف وانبسطي زي مانتي عايزه
طمطم: هييييه يعني هاتوديني المثيف يا عاثي
عاصي: لاء مش انا ولا بابي، انتي هاتروحي مع زين وعدي وعاصي اخوكي وجدو ونانا كمان
_لاءه انا عايساك انت وبابي كمان، عسان تلكبني banana boat وتلعب معايا
حمزه: ههههههه خلاص بقي يا طماعه انتي، ما قالك هاتروحي، اقولك روحوا انتوا واحنا هانبقي نيجيلكم بعد يومين كده لما نخلص شغل
عدي: طب كده حلو اوي، احنا نلحق بقي نلم الدنيا هنا وبعد كده نروح علي الجماليه ونشوف هنسافر امتي
تيا: خلاص قول لأنطي دارين ودانا يجوا معانا يا زين
زين: حاضر يا حبيبتي هقولهم

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)