رواية مغامرات ابناء العاصي الفصل التاسع عشر 19 بقلم كنزي حمزة

رواية مغامرات ابناء العاصي الفصل التاسع عشر 19 بقلم كنزي حمزة

رواية مغامرات ابناء العاصي البارت التاسع عشر

رواية مغامرات ابناء العاصي الجزء التاسع عشر

رواية مغامرات ابناء العاصي الحلقة التاسعة عشر

في اول ساعات النهار بدأوا يستعدون جميعا للذهاب الي رحلتهم الترفيهيه، وصل زين امام البيت بسيارته ومعه دارين و ودانا التي كانت تجلس بالخلف بحجابها وتخفي وجهها بنظاره شمسيه كبيره، ترجل عدي خارج البيت وهو يجر حقائب السفر من خلفه، وجده يقف امام سيارته ينتظرهم وبدأ بينهم الحديث
عدي: يا صباح الفل يا زين باشا، ايه ماطلعتش ليه
زين بجديه: صباح الخير يا عدي، ابدا كنت لسه هاتصل علي بابا اشوفهم جاهزين ولا لسه
عدي: اه هما جاهزين، دي حتي تيا كانت في اوضتك سألتها بتعملي ايه قالتلي بحضر لزين شنطته زي ما قالي وسبتها بتقفلها
زين: ماشي انا هاطلع اجيب منهم الشنط وانت خليك بقي في عربيتك، وتركه وصعد الي الاعلي
وقف هو ينظر له مستغربا ما قاله لبرهه من الوقت لم يتفهم لماذا يحدثه بهذه الطريقه، التفت ليذهب بأتجاه سيارته ليجدهم جالسين بداخلها فتقدم اليهم ليلقي عليهم السلام لكنه وقف مثل التمثال لا يعلم لماذا ملئت وجهه تلك الابتسامه البلهاء حين لمحها تتجمل بحجاب انيق لتخرجه من شروده والدتها بلبقاتها المعهوده
دارين: صباح الخير يا عدي، عامل ايه
عدي وهو عينه علي من ملكت قلبه: يا صباح الجمال، حلو خالص خالص
نظرت له وهي تبتسم علي ما قاله وتواري وجهها للجهه الاخري حتي لا يري فرحتها
دارين: هو ايه ده اللي حلو، عدي انت بتقول ايه
عديبصدمه: هاه لاء قصدي اقول يعني اني كويس ومبسوط عشان انتوا معانا
دارين: ربنا يخليك يا حبيبي
عدي: طب عن اذنكم هاحط الشنط في العربية
دارين: طبعا اتفضل يا حبيبي
//////////////////////////////////
صعد الدرج ليقابل عاصي الصغير امامه وهو يحمل ثلاث حقائب ممتلئه كاد ان يسقط بهم ولا يستطيع ان يحملهم
زين: ههههه ايه يابني اللي مبهدلك كده
عاصي بصراخ: غزل امي عماله تحول في شنط ياعم، دي فاكره نفسها مهاجره، والنبي يا زين تقولها كفايه مرمطه فيا بقي، مانا كنت مش جاي وانتوا اللي دبستوني
زين: بس يابني بطل غلبه واتفضل يلا علي عربيتك، وتركه ودلف الي شقة جده ليراه يجلس امامه
فضالي: اهلا يا حبيبي جيبت اختك ومرات بابك معاك و لا لاء
زين وهو يقبل يده: اه يا حبيبي جبتهم، هما تحت في العربيه، ايه هي تيتا لسه ماجهزتش ولا إيه
_لاء انا جاهزه اهو : نطقت بها روقيه القادمه من الداخل وهي تحمل حقيبه بها بعض المأكولات للاطفال
زين: وايه بقي اللي في ايدك ده يا تيتا
روقيه: شوية سندوتشات وعصاير للعيال عشان مايجوعوش في السكه
زين: هههههههه ماشي، طب سيبي الشنطه وانا هانزلها مع باقي الشنط، هما لسه مانزلوش ولا ايه
فضالي وقد غمز له بعينه: مراتك جوه في اوضتك بقالها نص ساعه، كل ما تقفل شنطتك تلقي حاجه ناسياها وترجع تفتحها تاني
زين: هههههههه طب هادخل اشوفها واخد منها الشنطه بدل ما لاقيها مخرجه الدولاب كله
فتح الباب بهدوء ودلف اليها ليجدها تتركز فوق الحقيبه بركبتيها تحاول ان تغلقها بجر سحابها ولم تنتبه الي دخوله، اغلق الباب بهدوء وانحني بجانبها وهمس:
بتعملي ايه يا توتو
_عاااااااااااااا : لتسقط بين يديه وهو يضحك بشده
تيا: اخس عليك يا زين، خضتني
زين: هههههههه يا روح زين انتي، ايه يا بنتي كل الهدوم دي، هو انا ماشي ومش راجع تاني ولا ايه
تيا: بعد الشر، الله مش انت اللي قولت احضرلك الشنطه
زين: انا قولتلك طقمين خروج وطقمين بيت وخلاص، دول هما يومين تلاته يعني مش قصه، وسعي كده عشان اشيل منها شوية عشان نعرف نقفلها
تيا: لاء ماهو انا حاطه ليك فعلا طقمين من كل حاجه
زين بعدم فهم: الله اومال ايه اللي مالي الشنطه كده
تيا: ااااصل بصراحه دي باقي حجاتي، انا اصل شنطتي مش كفت وليا مش رديت تخليني احط باقي حاجتي معاها، فقولت احطهم هنا بقي ممكن ولا ايه
زين بحب: طبعا يا روحي، ممكن عقبال مانحط حاجتنا سوا في مكان واحد على طول
توردت وجنتيها بخجل وهو يخطف منها قبله رقيقه لتقف بسرعه امامه
تيا : طب يلا بقه عشان مانتأخرش
زين وهو يغلق سحاب الشنطه: طب يلا اطلعي غيري هدومك بسرعه وانزلي عشان انتي هتركبي معايا في عربيتي
تيا: ما انا لابسه اهو، لتصدمه بكلماتها ونظر اليها متفحص، كانت تلبس كنزه قصيره بدون اكمام بيضاء اللون علي بنطال اسود ضيق علي ساقيها
زين بغضب: لابسه ايه، انتي بتخرجي بالبتاعه دي بره البيت يا تيا
تيا بخوف: مالها بس يا زين، علي فكره دي بلوزه حلوه لسه جديده وانا هبقي معاك
احمرت عيناه فجأه وامسكها من زراعها وهتف فيها بهدوء عكس ما بداخله: بصي ماتخلنيش اتنرفز عليكي عشان انا مش عايز ازعلك، فبهدوء كده تطلعي تغيري الزفته دي وتلبسي حاجه محترمه، يا كده يا الكل ها يروحوا وانا وانتي هانقعد هنا، قولتي ايه
تصنمت امامه وهي تراه يفرض سيطرته كامله عليها، لا تعلم لماذا حزنت من داخلها هكذا مع ان هذه هي طريقته معها من قبل زواجهم
زين بصراخ وكأنه يفيقها: يلاااااااااا يا تيا
خرجت من امامه وصعدت الي شقتها ليجر هو تلك الحقيبه ويخرجها بجانب باقي الحقائب
فضالي: بتزعق كده ليه علي الصبح يابني انت والبت دي مالها خارجه مدمعه كده ليه
زين: مفيش ياجدي، انا هنزل الشنط دي على بال ما يخلصوا وينزلوا بقي
فضالي: طب يلا خدني معاك اما نشوف هاينزلوا امتي دول
زين: يلا بينا، اومال فين تيتا
فضالي: نزلت مع عبد الرحمن وطمطم، اصلهم مصممين يركبوا معاها عشان تأكلهم
زين: ههههههههه ماشي يا حبيبي ربنا يخليكو لينا
//////////////////////////////
وقفت امام ملابسه داخل الخزانه وهي تأخذ منها وتلقي بالحقيبه بأهمال لتجده قد حاصرها بيديه بغضب
عاصي: بتعملي ايه جوه دولابي ومالگ عماله تنفخي وترزعي كده
لم تلتفت له ولم تتكلم واذا به يجذبها من معصمها ويلفها نحوه
ويصيح بغضب. انا مش بكلمك، مش بتردي عليا ليه، تعمدت ان تسقط فيروزتها داخل بنيته وتنظر له بحزن
غمزه: اوعي سيبني، انت مش مخاصمني من ساعة ما جينا من الڤيلا امبارح، اديني هاريحك مني اسبوع بحاله عشان تبقي مبسوط
صحق كرزيتها داخل شفتيه الغليظه وهو يضمها اليه بشده وبعد ان تحولت قبلته من القسوه الي رقه طاغيه
عاصي: بقي مش عارفه ليه انا مش بكلمك من امبارح يا غبيه، مش فاهمه اني بحاول ابعد نفسي عنك عشان اعرف اسيبك تسافري معاهم ومش توحشيني، بس جيت للاخر وفشلت ومش هقدر علي بعدك ولا حتي ليله واحده مش اسبوع كامل
غمزه وهي تريح وجنتها علي صدره: حتي وانت بتعبرلي عن حبك قاسي، قاسي اوي يا عاصي
قبل جبينها ووضع ذقنه علي رأسها وهو مازل يحتضنها: عارف ان طول عمري قاسي عليكي، بس انتي طول عمرك حبيبتي اللي بتقدر تمتص كل غضبي، بحبها خليكي معايا هنا ماتروحيش معاهم
غمزه: تعرف لوكنت قولتلي كده امبارح كنت فضلت معاك وقولت لهم اني مش هاروح معاهم بس دلوقتي هنقول لهم ايه
عاصي: يتفلئوا كلهم، احنا مش محتاجين نبرر موقف يا حبيبتي وكده كده هنبقي نروح لهم بعد يومين تلاته
صمتت ولم تتحدث واحنت رأسها للأسفل
ليرد هو: بس شكلك انتي اللي ليكي مزاج تروحي وتسيبيني
غمزه: لاء طبعا بس عشان البنات وبوده هيبقوا لوحدهم
عاصي: علي فكره معاهم زين بس خلاص يا حبيبتي ادام ليكي مزاج تروحي، روحي مش هغصب عليكي تقعدي معايا لوحدك هنا بس قوليلي بتعملي ايه جوه دولابي بقي
حاوطت عنقه بزراعيها وهمست له: بحضرلك شنطتك عشان لما تيجي تسافر تلاقيها جاهزه
ضمها اليه بحب جم وهمس لها وهو يقبلها بكل رقه: ربنا يخليكي ليا يا قلبي ومايحرمنيش منك ابدا
************************************
وقفت تلقي عليه بعض التنبيهات وهو جالس امامها علي الفراش واضع يده اسفل ذقنه ويستمع اليها
غزل: بص ماتدخلش المطبخ نهائي، انت لما بتدخل تعمل شاي حتي بتبهدل الدنيا
حمزه: ماشي حاضر مش هشرب شاي
غزل: من فضلك يا حمزه المكان اللي تقعد فيه بس هواللي تنور النور بتاعه وماتسيبش نور الشقه كله شغال
حمزه: ماشي ياغزل هقعد في الضلمه حاضر
غزل: واياك اياك ياحمزه تسيب باب الحمام مفتوح
حمزه: مش هدخل الحمام اوكي كده ولا لسه في اوامر تاني
غزل وهي تفرك رأسها: ايوه في حاجه ناسياها، فكر معايا كده
حمزه: صبرني يا رب
غزل: ايوه، بص اوعي تنسي لما تفتح البلكونه تسيب الباب بتاعها مفتوح عشان الدبان مايملاش الشقه ياحمزه عشان خاطري
حمزه وقد فاض به الكيل: مش هافتح البلكونه يا غزل، مبسوطه كده
جلست بجانبه علي الفراش واحنت رأسها للأسفل وامسكت بيده: لاء مش مبسوطه، انا عارفه انك مش هتاخد بالك من نفسك وبتبقي عايز اللي يعملك كل حاجه
قربها منه وهو يضمها اليه بحنان ويقبلها برقه: طب ماتخليكي معايا هنا عشان تاخدي بالك مني
غزل: طب وعاصي وطمطم مين هايخد باله منهم
حمزه: عاصي مش صغير وهايخد باله من اخته، بس اقولك روحي يا حبيبتي عشان تنبسطي وانا يومين بالظبط وهاتلاقيني عندك
اومئت له برأسها وهي تحتضنه جيدا
غزل: طب اوعدني انك تاخد بالك من نفسك وتاكل كويس
حمزه : حاضر يا حبيبتي اوعدك
➖➖➖➖➖➖➖➖➖➖➖➖➖➖➖➖
خرج مع جده وهو يحمل الحقائب ليجد جدته وهي تحتضن اخته بكل حب ووالدتها تقف بجوارها وعدي يقف يضم يديه حول صدره وينظر اليهم بسعاده ويقف عاصي بجانبه ينظر له ببلاهه
روقيه: والله مفاجأه حلوه اوي يا دانا، شكلك زي القمر في الحجاب
دانا: ميرسي اوي يا نانا، مش اوي كده يعني
الحج فضالي: لاء اوي اوي كمان، انتي عارفه انك عامله زي ماتكوني حطيتي تاج علي راسك يجملك اكتر
دانا: ربنا يخليك يا جدو يا رب
دارين: ايوه اقنوعها والنبي احسن دي مش عاجبها
زين: طب يلا بقي اركبوا ولما نوصل ابقوا اقنعوا بعض،
لتخرج ليا من خلفهم وهي تجر حقيبتها بضعف تلبس سلوبيت چينز boyfriend واسفله تيشرت أبيض
ليا: يعني كلكم نزلتوا شنطكم وسيبتوا شنطتي انا
زين: هاتي يا لمضه اما اشوف هاعرف احطها في عربيتي ولا لاء
ليأخذها عاصي من يده بغضب وهو يصيح: هاتها يا زين انا عندي مكان في العربيه لسه
زين: ماشي طب يلا بقي اركبوا علي بال الباقي ما ينزل واذا به يلقي بوالدته تقف من خلفه هي ووالده ويمسك بيده زوجته التي بدلت ملابسها الي فستان قطني اسود ذو اكمام تغطي ثلثي زراعها، ضيق من الصدر وينزل واسع يغطي نصف ساقيها
غمزه: ادينا نزلنا اهو يا زين باشا
عاصي: باشا علي نفسه، عاملين دوشه ليه ياض انت
زين: هههههههه احنا نقدر بردو يا بوب بس مش عايزين نمشي في الحر
عاصي: حر ولا مش حر تسوقوا براحتكم ومش عايز سرعه والكلام ليكم انتوا التلاته
ليهتف الثلاث شباب: تمام يا فندم
خرج حمزه من خلفهم وهو يمسك بيد غزل الباكيه: خلاص بقي يا حبيبتي والله يومين بالظبط وهاجيلك، هتضحكي العيال علينا
غزل: طب خلاص بس لو اتأخرت عن يومين هاخلي عاصي يرجعنا
عاصي الصغير: دا ايه جو الحب الاعمي اللي انتوا فيه ده، يلا غزل تعالي ياحبيبتي اركبي ومرمطي في عاصي براحتك ما انا الساعي بتاع سعادتك
حمزه: ولااااااا اتلم وبراحه علي امك وعلله تشتكي منك ياعاصي وتسوق علي مهلك، ماشي
عاصي الصغير: حاضر يا حمزه، مانا عارف ان السفريه دي هتهد حيلي انا، يلا بقي اركبوا
امسك زين يد تيا الغاضبه وهمس لها وهو يدخلها الي المقعد الامامي في سيارته: اسود يا تيا لابسالي اسود
اشاحت النظر عنه ونظرت للجهه الأخري لتري امامها دارين ودانا الجالسين بالخلف وهتفت لهما
تيا: صباح الخير، ايه ده دانا شكلك حلو اوي
دارين: صباح النور يا قلبي
دانا: بس يا تيا انتي كمان، انا مخنوقه منه
تيا: بالعكس والله ده شكله تحفه عليكي
✴✴✴✴✴✴✴✴✴✴✴✴✴
ترجل الحج فضالي بجانب عدي في سيارته وجلست روقيه والاطفال بالخلف
وجلست غزل بجانب عاصي في سيارته وامسكت غمزه يد ابنتها تحثها علي الركوب معه
غمزه: يلا يا ليا هنركب مع ابن عمك
ليا: لاء يا مامي انا هركب مع زين او مع عدي
غزل: مفيش مكان عندهم يا حبيبتي، يلا اركبي معانا بقي
ليا: هاركب مع نانا واقعد طمطم علي رجلي
غزل وهي تقرص ابنها في يده: قولها حاجه يا بني ادم انت
عاصي الصغير: براحتها عايزه تركب تركب مش عايزه تتفلئ
غزل: الله يخرب بيتك، عيل عندي
امسك حمزه يد ليا واجلسها بسيارة ولده وهو يحزره بطريقه غير مباشره
حمزه: اركبي يا حبيبة عمك ولو حد ضايقك او قالك حاجه تزعلك، اتصلي بيا بس وانا لما اجي هاطلع روحه في ايدي، قولي ان شاء الله
ليضحكوا جميعا علي ما قاله عمها وتجلس غمزه بجانبها في الخلف
وبدأوا الشباب اخيرا بالتحرك بالسيارات تحت نظرات عاصي وحمزه الذين ظلوا واقفين الي ان ابتعدوا واحتجبت عنهم رؤيتهم

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)