رواية مغامرات ابناء العاصي الفصل الحادي والعشرون 21 بقلم كنزي حمزة

رواية مغامرات ابناء العاصي الفصل الحادي والعشرون 21 بقلم كنزي حمزة

رواية مغامرات ابناء العاصي البارت الحادي والعشرون

رواية مغامرات ابناء العاصي الجزء  الحادي والعشرون

رواية مغامرات ابناء العاصي الحلقة الحادية والعشرون

استيقظ في تمام الواحده ظهرا وقف في شرفة حجرته ليجدها تجلس امامه بمفردها علي البحر ابتسم بسعاده وقرر النزول اليها وسريعا ماتحرك وخرج من حجرته نزولا علي الدرج ليصطدم بغزل
غزل: اه يخرب بيتك يا عدي، بتجري كده ليه انت مش كنت نايم
عدي: معلش معلش يا حبيبتي اديني صحيت، عديني بقي
غزل: طب مالك بتجري كده ليه
عدي: اصلي عايز اقعد علي البحر شويه
غمزه وهي تبتسم له: طب علي مهلك يا حبيبي البحر قاعد مش هايمشي
عدي وقد خرج من امامهم: خليكم في حالكم شويه بقي
غزل: هههههههه هو ماله المجنون ده بيجري كده ليه
غمزه: تقريبا كده شاف البنات قاعدين علي البحر ورايح يقعد معاهم
/////////////////////////////
كادت ان تنقطع انفاسه وهو يلهث للوصول إليها ويهتف بأسمها: دانا
اندهشت هي من منظره هذا وكادت ان تصرخ وهو يقذف بجسده نحو المقعد الممدود بجانبها إلا إنه استمع لصراخ تيا من تحته
تيا: عاااااااا حاسب ياعم، انت مش شايفني ولا إيه
عدي بغضب: ايه ده إنتى هنا
تفاجئ بمن ترد عليه من الجهه الاخري
ليا: اه هنا وانا كمان موجوده أي خدعه يا ديدو
عدي وهو يعيد انتظام انفاسه: لاء يا ختي إنتى وهي متشكر اوي ربنا يخدكم ويريحني منكم
لتصيح دانا: مالك ياعدي انت تعبان، اقعد خد نفسك
نظر لها بكل حب وصمت لبضع ثواني
لتيقيظه يد تيا: عمو، عمو عدي، انت يابني ماتقعد بقي
عدي وهو يزجر تلك اللعينه: امك عايزاكي جوه انتي وهي يلا روحوا كلموها
ليا: اسمها مامتك ياعدي وبعدين هي هتعوزنا في إيه
عدي وهو يجذبهم من علي المقاعد: معرفش روحوا شوفوها عايزه ايه وتعالوا تاني، يلا يلا بدل ماتلاقوها فوق دماغكم هنا
تيا: الله طب ماتزقش كده، روحي يا ليا شوفيها وانا هاروح اصحي زين
واخيرا تركوا له المكان ليلتفت إليها حتي يتحدث معها ولكن لما الهروب يا من ملكتي قلبي
عدي: استني يا دانا رايحه فين، انا عايز اتكلم معاكي
دانا وقد توقفت امامه بغضب: نعم عايز إيه، في اتهام تاني حضرتك عايز تتهمني بيه
عدي بأندهاش: اتهام، اتهام إيه ده
دانا: انت مش اتهمتني اني بنت مش محترمه، جاي تتكلم معايا ليه دلوقتي
تذكر ما قاله لها في ساعة غضبه وامسك يدها يريدها ان تجلس امامه
عدي: طب ممكن تقعدي نتكلم وبعد كده كل اللي عندك قوليه
دانا: من فضلك سيب ايدي
عدي: انا اسف والله انا قصدي بس انك تقعدي عشان عايز اتكلم معاكي
جلست امامه علي المقعد المقابل له وهتفت: نعم افندم، عايز تقول ايه
عدي وقد جلس امامها: عايز اقولك اولا اسف علي كل كلمه وحشه قولتهالك
انفرجت رصاصيتها وانفتح فاهها لأخره هل حقا يعتذر لها ذلك المتعجرف الذي دائما مايثير غضبها
واكمل هو: ثانيا عايز اقولك مبروك علي الحجاب اللي زادك جمال فوق جمالك يا دانا
لم تقوي علي إخراج اي كلمه من ثغرها الذي لازال منفرج
ليكمل هو: تعرفي من ساعة ما شوفتك الصبح وانا عايز اقولك كل الكلام ده وعايز نرجع اصحاب تاني من غير مشاكل ولاخناقات بينا
دانا وقد بدأت تفيق من تأثير كلامته: يا سلام كل ده حصل بمجرد انك شوفتني بالحجاب، انت عارف اني لابساه وانا مجبره وعارف كمان ان انت السبب ان بابي جبرني علي لبسه
عدي: انا السبب ليه، قصدي ازاي يعني انا السبب
دانا وقد وقفت امامه: لان يا استاذ يا محترم بابي شافك في الفرح وانت بتشدني وبتتخانق معايا وسألني لما روحنا، قولتله كل اللي حصل وانك قولت عليا الكلام الفارغ ده فببساطه اجبرني اني البسه، يعني عاقبني انا، بس عايزه اقولك علي حاجه، البنت بتبقي محترمه بتربيتها واحترامها لنفسها واهلها، في بنات كتير اوي لابسين الحجاب ومش بيعملوا بيه وفي بنات تانيه مش لابساه لكن بيراعوا ربنا في تصرافتهم، عن اذنك يا استاذ عدي
التفتت لتنصرف من امامه والعبرات تترقرق في عيناها ولكنها انصدمت عندما رأت اخيها يقف خلفهم ضامم يده خلف ظهره وعاقد حاجبيه بوجه متهجم
دانا: زين، انا …..
زين بهدوء شديد وهو يكفف عبراتها بأنامله: انتي احلي وأجدع بنوته في الدنيا يا حبيبة اخوكي، يلا ادخلي اغسلي وشك وحصلي مامي وتيا علي الشاليه بتاعهم
تركتهم وذهبت سريعا وجلس هو مكانها امامه، ذلك الذي احني رأسه ليس خوفا منه ولكن خجلا من كلماتها التي رجفت قلبه حزنا علي من تمني قلبه ان يفصح عن مافيه لها
زين بعنف: ممكن اعرف مالك ومال دانا ياعدي بيه
عدي بهدوء: مفيش يا زين، انا كنت جاي اتأسف لها عشان كنت قليل الزوق معاها شويه
زين: شويه، بس لاء ياعدي، انت كنت قليل الزوق جدا وانا بحذرك، ياريت تحسن من اسلوبك معاها ومن اﻻحسن انك تبطل تتكلم معاها خالص
ثم هب واقفا ليذهب من امامه
ليوقفه عدي بكلاماته: انا بجد اسف يا زين، بس صدقني انا كنت بعاملها بالطريقه دي عشان بخاف عليها زي تيا وليا بالظبط ولما شوفتها بالحجاب، مكدبش عليك حبيت شكلها بيه اوي وقررت اعتذرلها عن كل الكلام الوحش اللي كنت بضايقها بيه
زين بهدوء ماكر: وهي تهمك في ايه ياعدي عشان تحب شكلها بالحجاب او حتي تخاف عليها زي تيا او ليا
عدي: انا مش هاخبي عليك يا زين لأن انت عندي زي عاصي اخويا وحمزه بالظبط والله، انا بحبها وبخاف عليها وماكنتش ناوي اتكلم مع حد او حتي اقول اللي جوايا لأي حد غير لما ابدأ اشق طريقي وابني مستقبلي بأيدي بس لما شوفت الشاب ده يوم الفرح وهو ماسكها في ايده وبيحاول يلمس ظهرها، مقدرتش اسيطر علي نفسي، غيرت عليها يا زين وروحت شدتها من ايده
زين: انت قولت لدانا حاجه زي دي
عدي: لاء طبعا وعمري ما فكرت اني ممكن اقولها كده من غير ارتباط رسمي وده مش هايحصل دلوقتي، علي الاقل بعد سنتين اكون في تانيه كليه وهي كمان تكون خلصت ثانويه ودخلت كليه، بس واضح كده انها فعلا مش بتقبلني
زين: طبعا انا المفروض دلوقتي بعد الكلام اللي انت قولته ليا دلوقتي ده علي اختي اني اقوم اكسر عضمك، بس انا مش هاعمل كده، عارف ليه عشان انت راجل ياض وانا عمري ما اتمني لاختي واحد اقل منك ابدا
عدي: يعني هاتساعدني يا زين
زين: وعايزني اساعدك في ايه بقي ان شاء الله، ايه اروح اقولها عدي بيحبك حبيه والنبي وماتزعليهوش اصله مش عايز يخطبك الا لما يبقي دكتور
عدي بضحك: ههههههه لاء طبعا، اوعي تقولها اصلا حاجه زي دي وبعدين مانا لسه بقولك مش هستني لما اخلص كليه، هما سنتين بس وبعد كده هقول لعاصي يخطبهالي، انا بس عايزك تصالحنا علي بعض ولو عايزني اعتذر لعمو احمد كمان هاعتزر له
زين: وهتقدر تقوله كل الكلام اللي قولته ده
عدي: مش انت هتبقي معايا، لو هتبقي معايا هقدر اقوله
زين: خلاص يا عدي، لما يجي بابا عاصي هانقعد الاول ونتكلم وهاصالحك علي دانا بس من غير نحنحه ياض، فاهم هههههههههه
عدي: ياعم اتنيل مانا لو ليا في النحنحه كان ده بقي حالي ههههههههههه
واذا بهم يجدوا هذا المشاكس قد ظهر لهم والفتيات من خلفه
عاصي: بقولكم ايه حلوا عني بقي انا مش هاروح اجيب السمك
تيا: يعني ايه مش هاتروح، مش جدك هو اللي قال انت اللي تروح
عاصي: واشمعني انا اللي اروح، هو انتوا جايبني معاكم عشان ابقي عبده مشاوير بتاعكم مش كده
ليا: الله يخرب بيتك لبيت عبده اللي انت مبهدله معاك في كل الشغلانات دهد يابني حتي الاكل هتعند فيه
عاصي: اتلمي يا ليا ولمي لسانك بدل ما اقصهولك بالمقص، قولتلكم مش هاروح يعني مش هاروح
ليصيح عدي بمكر وهو يغمز لزين: خلاص ياعم هاروح انا، بطل غلبه بقي، بت يا ليا تيجي معايا نروح نجيب الاكل سوي
ليا: اشطه عليك ياديدو يلا بينا بس تجبلي ايس كريم معاك
عدي: يا سلام انتي تؤمري، يلا بينا، خليك انت بقي هنا ايها اللعين عليك اللعنه، وتركه وذهب وهو يلف ذراعه حول عنقها ويضحك
عاصي بوجه غاضب: خسئت، ثقلتك امك
زين وهو يضحك: ههههههههههه امه دي تبقي جدتك ياض، تيا هي دانا فين
تيا: عند حمام السباحه بتلاعب بوده وطمطم
زين: طب تعالي نروح لها وانت بقي اقعد خدلك تان هههههههههه
////////////////////////////////
ذهبوا الي الجهه الاخري من الشاليه وهو يلف ذراعه حول كتفها ويضمها اليه بحب، وجدهم جميعا يجلسون امامهم
فضالي: اهلا بالعرسان انشالله تكونوا مبسوطين
زين وقد جلس بجانبه: طبعا ادام انت موجود معانا يا حبيبي لازم نبقي مبسوطين
روقيه: يا واد يا بكاش انت، بقي انت مبسوط عشان جدك هو اللي معاك بردو
دارين: ههههههههه عديها بقي يا ماما روقيه، ماشيها عشان جدو
زين وهو يجذب زوجته بجانبه: الله انتوا هاتقسموا علينا ولا ايه، طبعا مبسوط ان جدي معانا وانا ليا بركه غيره، بس ده مايمنعش يعني اني فرحان وطاير من السعاده كمان عشان حبيبتي معايا، وضمها اليه بجراءه
تيا بخجل من نظارتهم وجراءة زوجها: طب طب انا هاروح لدانا نلاعب العيال بقي
وجرت سريعا من جانبه قبل ان يمسك بها
غمزه: ههههههههه البت دي هيجري لها حاجه من كتر الكسوف، يابني بطل جرأتك دي شويه بقي
فضالي: تعرف يا واد يازين، كل ما ابصلك اشوف قدامي العاصي ابني بكل تصرفاته
غزل: اومال فين الباقين
زين: عدي وليا راحوا يجيبوا السمك وعاصي قاعد علي البحر
فضالي: هو بردو عند في دي كمان وماسمعش كلامي وراح هو
زين: خلاص بقي يا جدي سيبه براحته
غزل: ماهي ليا لو كانت قالتله انها هاتروح معاه زي عدي، كان رضي وراح
زين: بس هي ماقالتش لعدي، ده هو اللي لما لقاه مصمم مايروحش، قاله خلاص انا هاروح وقالها تعالي معايا فراحت معاه
غزل: طب انا هاروح اقعد معاه وتركتهم وذهبت اليه وجلست امامه
غزل: وبعدين معاك يا اسم علي مسمي انت
عاصي: في ايه يا ماما، مالك جايه علي اخرك كده ليه
غزل: منك ومن تصرفاتك الهابله دي، يابني هتستفاد ايه بس وانت بتعاند في الكل كده
عاصي: انا ماعاندتش حد يا ماما، كل ده عشان مارديتش اروح اجيب الغدا، ماهو عدي باشا راح واخد معاه الهانم
غزل: طب وماروحتش انت ليه واخدتها معاك
عاصي بتريقه: اه اصلها كانت هترضي
غزل: ماهو طول مانت بتعاملها بالطريقه دي، عمرها ما هترضي يا عاصي، يابني لو انت صحيح بتحبها يبقي لازم تسمع كلام ابوك وعمك وتطيعهم شويه
عاصي بغضب: وهما ليه مايعملوش معايا زي ما عملوا مع زين، وماتقوليش زين خلص كليته وبقي ظابط، انا حفظت الجمله دي خلاص.
غزل: مش هقولك كده بس هقولك عمك قالك، ادامك سنه تقدر تثبت ليه فيها انك قد المسئوليه وانك تشتغل معاهم ويعلموك كل حاجه، لكن انت بقي ناوي تضيع الفرصه دي من ايدك، خليك كده لحد مايجي واحد راجل بجد يملي عينه ويخدها منك
اشتعل وجهه بالكامل بحمرة الغضب واذا به يقف امامها ويصرخ في وجهها: قسما بالله لو حد قرب من ليا لكون قاتله وجايب لكم مصيبه، ليا دي بتاعتي انا ومحدش هايتجوزها غيري، ماشي يا ماما
ثم تركها سريعا وجري إلى غرفته
//////////////////////////////////////
كانوا الاطفال يمرحون في سعاده امامها في حوض السباحه ولكنها كانت مغيبه تماما عن رؤيتهم وعبراتها تسترسل علي وجنتها ولا تشعر بمن تجلس بجانبها الا وهى تلامس وجنتها بأناملها لتجفف لألأها.
تيا: مالك بس يا دانا، مانتي كنتي كويسه، بتعيطي ليه
دانا: هاه مش عارفه يا تيا بس انا حاسه ان نفسيا تعبانه، حاسه اني هايجيلي اكتئاب والله
تيا: اكتئاب مره واحده، كل ده عشان الحجاب
دانا: لاء بالعكس مش الحجاب، انا حتي خلاص حبيته واقتنعت بيه
تيا: طب هو عدي زعلك تاني ولا ايه
دانا: عدي بالعكس ده النهارده ولأول مره يكون لطيف معايا واعتذر علي كل الكلام الوحش اللي كان بيقوله ليا وكمان باركلي علي الحجاب وقالي اني حلو اوي فيه
تيا: طب انتي المفروض تكوني مبسوطه مش زعلانه كده
دانا: انا زعلانه عشان انا اللي كنت قليلة الزوق معاه وقولتله اني مش قابله اعتذراه وكمان …. ولكنها صمتت ولم تكمل
تيا: كمان ايه كملي
دانا: مش عارفه يا تيا، والله مش عارفه، انا كان ممكن اقبل اعتذاره عادي لكن مش عارفه ايه اللي خلاني اقوله الكلام ده
تيا بهمس: بس انا شكلي كده عرفت
دانا: عرفتي ايه، طب قوليلي
تيا: انتي معجبه بعدي يا دانا، في حاجه كده شداكي له
دانا وقد نظرت امامها بشرود وتنهدت بقلة حيله: بتقولي ايه بس، ده انا وهو مش بنتفق علي حاجه ابدا، انا وهو دايما عاملين زي القط والفار
تيا بضحك: ههههههههههه ماهو دايما بيبتدي كده يا عبيطه، اسأليني انا

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)